Micée 6:2 - MAWUXÓWÉMA

² Só lɛ́ɛ e mi, mi ɖótó mì; dodó syɛ́nsyɛ́n e jí ayǐkúngban ɔ́ jínjɔ́n ɔ́ lɛ́ɛ e mi, mi ɖótó mì. Mawu Mavɔmavɔ ɖo hwɛ dó togun tɔn wɛ. É ɖo byɔ̌byɔ́ yě wɛ ɖɔ yě ní ɖɔ nǔ e émí wa nyi do nú yě ɔ́ nú émí.

Micée 6:2 Iomraidhean Croise

2 Samuwɛ́li 22:16

Adǎn e jɛ wɛ Mawu Mavɔmavɔ ɖe ɔ́, kpó funfún e ɖo awɔntín tɔn mɛ tɔ́n sín wɛ ɔ́ sín zǐngídi kpó zɔ́n, bɔ xu ɔ́ sín azan jí jɛ wěxo, bɔ è mɔ nǔ jɛ gbɛ ɔ́ sín dodó lɛ́ɛ wú.

2 Samuwɛ́li 22:8

Ayǐkúngban ɔ́ húnhún, bó dán wǔ, jǐnukúnsin sín dodó lɛ́ɛ sísɔ́, bó húnhún, ɖó Mawu sin xomɛ.

Ɖɛhan 104:5

A ɖǒ ayǐkúngban ɔ́ ɖó dodó tɔn jí, bɔ é ná dán wǔ gbeɖé ǎ.

Nǔnywɛ́xó 8:29

hwenu e é ɖó dogbó é wú xu ma na zɛ ǎ é ɔ́, un ɖo fínɛ́; hwenu e é bló ayǐkúngban sín dodó lɛ́ɛ ɔ́, un ɖo fínɛ́.

Ezayíi 1:18

Mawu Mavɔmavɔ ɖɔ: “Mi wá nú mǐ nǎ se nǔ jɛ mǐɖée gbe mɛ. Ényí hwɛ mitɔn lɛ́ɛ na bo myá cɛ́cɛ́ ɔ́, yě ná wé tété avɔkanfún ɖɔhun. Yě ná bó myá káká bó wi d'é mɛ ɔ́, yě ná wé la ɖɔhun.

Ezayíi 3:13

Mawu Mavɔmavɔ ja hwɛ ɖɔ xá togun lɛ́ɛ gbé, é ɖo te, bó ná ɖó hwɛ nú togun lɛ́ɛ.

Ezayíi 43:26

Nǔ e sín hwɛ dó mì wɛ a ɖe ɔ́, lɛ̌ vɔ́ wá jí. Mǐ ná ɖɔ hwɛ dó mǐɖée. Đɔ nǔ e ɖe xlɛ́ ɖɔ hwɛ towe jɔ e.

Ezayíi 5:3

Énɛ́ ɔ́, xɔ́ntɔn ce ɖɔ: “Din ɔ́, mi mɛ e nɔ́ nɔ Jeluzalɛ́mu lɛ́ɛ, mi mɛ Judáanu lɛ́ɛ ɔ́, mi wɛ ná gbo hwɛ nú nyi kpó vǐwungle ce kpó.

Jelemíi 2:9

Énɛ́ ɔ́ wú wɛ un ɖo hwɛ dó mi wɛ, bó ná lɛ́ dó hwɛ vǐ mitɔn lɛ́ɛ. Xó e nyɛ Mawu Mavɔmavɔ ɖɔ ɔ́ nɛ́.

Jelemíi 25:31

Zǐngídi e jí é ɖe é hun káká yi fí e gbɛ ɔ́ kponu ɖó é, ɖó Mawu Mavɔmavɔ wɛ ɖo hwɛ dó akɔta lɛ́ɛ wɛ. É ɖo hwɛ ɖɔ xá gbɛtɔ́ lɛ́ɛ bǐ wɛ; é jó mɛdídá lɛ́ɛ nú hwǐ, ɖɔ hwǐ ní wa nǔ yětɔn. Xó e Mawu Mavɔmavɔ ɖɔ ɔ́ nɛ́.’ ”

Jelemíi 31:37

Mawu Mavɔmavɔ ɖɔ: “Ényí mɛ ɖé sixú jlɛ́ jǐ yiyi jǐnukúnsin tɔn, abǐ mɛ ɖé sixú mɔ nǔ jɛ ayǐkúngban sín dodó lɛ́ɛ wú ɔ́, énɛ́ ɔ́, un ná ɖe alɔ sín Izlayɛ́li ví lɛ́ɛ bǐ sín kan mɛ, ɖó nǔ nyanya e yě dó sin lɛ́ɛ wú.” Xó e Mawu Mavɔmavɔ ɖɔ é nɛ́.

Ozée 12:2

Eflayímunu lɛ́ɛ nɔ sa ami nú Ejípunu lɛ́ɛ. Xɔ́ntɔn zun wɛ yě ɖe gbɔn mɔ̌ nɛ́. Xɔ́ntɔn énɛ́ lɛ́ɛ e zun wɛ yě ká ɖe ɔ́, nǔ wa dó jɔhɔn mɛ wɛ yě ɖe. Asilíinu lɛ́ɛ e nu alɛ xá wɛ yě nɔ́ ɖe ɔ́, jɔhɔn e nɔ xú nǔ bǐ ɔ́ wɛ yě nyǐ, bɔ yě ɖo gǔdo yětɔn ayǐhɔ́ngbe ayǐhɔ́ngbe. Yě nɔ́ fɔ́n, bó nɔ ɖo adingban ɖó wɛ, bó nɔ́ ɖo dǎka xo wɛ.”

Ozée 12:3

Mawu Mavɔmavɔ ɖo hwɛ ɖɔ xá akɔta Judáa tɔn ɔ́ wɛ. É ná dɔn tó nú togun Jakɔ́bu tɔn ɔ́, ɖó gbɛ nyanya e é zán ɔ́ wú. Nǔ nyanya e é wa ɔ́ sín ya wɛ Mawu Mavɔmavɔ ná dó n'i.

Ozée 4:1

Mawu Mavɔmavɔ ɖo hwɛ dó mɛ e ɖo to ɔ́ mɛ lɛ́ɛ wɛ. Izlayɛ́li ví lɛ́ɛ mi, mi bo ɖótó xó e Mawu Mavɔmavɔ ɖɔ é; é ɖɔ: “Gbejínɔtɔ́ ɖě sɔ́ ɖo to ɔ́ mɛ ǎ, xomɛnyɔ́tɔ́ ɖě sɔ́ ɖo to ɔ́ mɛ ǎ, mɛɖé ká sɔ́ tunwun nyɛ Mawu ɖo to ɔ́ mɛ ǎ.

Micée 6:1

Mi ɖótó nǔ e ɖɔ wɛ Mawu Mavɔmavɔ ɖe é: é ɖɔ nú mì ɖɔ má jɛ ahwan émí jí, bó sú xó, bo ɖɔ nǔ e togun ɔ́ wa nyi do n'i lɛ́ɛ, ɖo só kpɛví kpó só ɖaxó kpó nukɔn.

Sɛ́nflínmɛ 32:22

Un sin xomɛ nǔgbó: Xomɛsin ce cí zo ɖɔhun. É fyɔ́ nǔ káká yi kútomɛ, ɖo do gɔngɔn mɛ; é fyɔ́ jinukún e ɖo ayǐkúngban jí é bǐ. É fyɔ́ nǔ káká yi sózan jí.

Sɛ́nflínmɛ 4:26

un ɖo ɖiɖɔ nú mi wɛ égbé agbawungba, un xwlé jǐxwé kpó dodomɛ kpó nú mi, é ná lín cóbɔ mi bǐ ná gbadó sín to e mi ná yí ɖo Judɛ́ɛn tɔ ɔ́ gúdo é mɛ ǎ; mi ná nɔ fínɛ́ vo ɖé ǎ; è nǎ za mi sín to ɔ́ mɛ.