Micée 5:9 - MAWUXÓWÉMA

⁹ Mawu Mavɔmavɔ ɖɔ: “Ayǐ ɖé ná wá hɔ́n bɔ un ná vívá sɔ́ mitɔn lɛ́ɛ bǐ sín kún, bó ná sú ahwankɛkɛ́ mitɔn lɛ́ɛ bǐ sín kún dó.

Micée 5:9 Iomraidhean Croise

Ɖɛhan 10:12

Mawu Mavɔmavɔ, sí te! Mawu, blǒ gbɔn ɖě! Ma wɔn gbɛbláwǔnánɔ lɛ́ɛ ó.

Ɖɛhan 106:26

Énɛ́ ɔ́ wú ɔ́, é wá sɔ́ alɔ dó jǐ, bó xwlé ɖɔ émí ná jó yě dó, bɔ yě bǐ ná kú ɖo gbětótló mɛ.

Ɖɛhan 21:8

Axɔ́sú ɔ́ ɖeji dó Mawu Mavɔmavɔ wú, bɔ gbɔn xomɛnyínyɔ́ Mawu Ajalɔ̌nlɔn ɔ́ tɔn mɛ ɔ́, nǔɖé nɔ́ sɛ tɛn n'i ǎ.

Ezayíi 1:25

Jeluzalɛ́mu, alɔ ce ná lɛ́ jɛ wǔ we; un ná zé zo dó slá wǔ nú we, lě e è nɔ xo zo dó gan bó nɔ́ ɖe nǔ kwíji kwíji sín mɛ ɔ́ ɖɔhun; un ná ɖe ɖɛ zunkɔ́ towe lɛ́ɛ bǐ.

Ezayíi 11:14

Yě bǐ ná zɔn kpɔ́, bó zun dó Filisitɛ́ɛn lɛ́ɛ jí ɖo gbadahwe jí, bó ná lɛ́ zɔn kpɔ́ bó yi fɔ akɔta e ɖo gbětótló mɛ lɛ́ɛ sín nǔ ɖo zǎnzǎnhwe jí. Yě ná gbló ada nú acɛkpikpa yětɔn yi Edɔ́mu kpó Mɔwabu kpó, bɔ Amumɔ́ɔ ví lɛ́ɛ ná nɔ acɛ yětɔn mɛ.

Ezayíi 26:11

Mawu Mavɔmavɔ, alɔ towe ɖo adǎn jí, yě ká mɔ ǎ. Yě ná mɔ lě e a nɔ jɛ hun dó togun towe jí kpó wǎn yíyí kpó gbɔn é, bɔ winnyá ná hu yě; zo e a zě ɖó te nú kɛntɔ́ towe lɛ́ɛ ní fyɔ́ yě.

Ezayíi 33:10

Mawu Mavɔmavɔ ɖɔ: “Din ɔ́, un ná sí te; din ɔ́, un ná ɖe hlɔ̌nhlɔ́n ce xlɛ́.

Ezayíi 37:36

Wɛnsagun Mawu Mavɔmavɔ tɔn ɖokpó tɔ́n, bó hu gbɛtɔ́ adɔ̌kpo tɛ́nnɛ děgba ɖě afatɔ́n (185.000), ɖo Asilíinu lɛ́ɛ sín ahwankpá mɛ. Ée ayǐ hɔ́n zǎnzǎn ɔ́, mɛ e kpo lɛ́ɛ ná mɔ nǔɖé kpowun ɔ́, cyɔ yětɔn jɛ́n yě mɔ.

Ajée 2:22

Un ná flí zinkpo sín axɔ́sú lɛ́ɛ glɔ́, bó ná hu acɛ nú axɔ́súɖuto e ɖo ayǐkúngban jí lɛ́ɛ bǐ. Un ná flí ahwanhún lɛ́ɛ kpó mɛ e ɖo kunkun wɛ lɛ́ɛ kpó nyi kɔ́ mɛ. Sɔ́ lɛ́ɛ ná kú bɔ sɔ́xátɔ́ lɛ́ɛ ná hu yěɖée.

Zakalíi 9:10

É ná hɛn ahwankɛkɛ́ví e ɖo Eflayímu lɛ́ɛ gblé. É ná sú ahwansɔ́ e ɖo Jeluzalɛ́mu lɛ́ɛ sín kún dó. É ná wɛ́n da e yě nɔ́ dó fun ahwan ná lɛ́ɛ. É ná ná fífá akɔta lɛ́ɛ, bó ná kpa acɛ sín xu ɖě kɔn yi ɖěvo kɔn, é ná kpa acɛ sín Efláti tɔ ɔ́ kɔn, káká yi ayǐkúngban ɔ́ sín vivɔnu.

Luki 19:27

Kɛntɔ́ ce e ka ɖɔ nyɛ kún ná ɖu axɔ́sú ɖo émí nu ó lɛ́ɛ ɔ́, mi dɔn yě bǐ wá fí, bó hu yě ɖo nukún ce mɛ.’ ”

1 Kɔlɛ́ntinu 15:25

Đó Klísu ɖó ná ɖo axɔ́sú ɖu wɛ káká bɔ Mawu ná ɖu ɖo kɛntɔ́ lɛ́ɛ bǐ jǐ, bó ná bɛ́ yě dó afɔ tɔn lɛ́ɛ glɔ́.