Micée 5:3 - MAWUXÓWÉMA

³ Bɔ éyɛ́ axɔ́sú e sín akpá è dǒ é ná wá, bó ná kpa acɛ dó togun ɔ́ nu kpó hlɔ̌nhlɔ́n Mawu Mavɔmavɔ tɔn kpó, kpódó susu Mawu Mavɔmavɔ tɔn kpó, bɔ togun tɔn sín ayi ná jɛ ayǐ; ɖó mɛ e ɖo gbɛ ɔ́ mɛ lɛ́ɛ bǐ ná mɔ lě e é dó agba sɔ é.

Micée 5:3 Iomraidhean Croise

1 Axɔ́sú 14:16

Mawu Mavɔmavɔ ná ɖe alɔ sín Izlayɛ́linu lɛ́ɛ sín kanmɛ ɖó hwɛ e Jelobowámu hu, bó dɔn yě d'é mɛ bɔ yě lɔ hu ɔ́ wú.”

2 Tan 30:7

Mi ma wa nǔ tɔ́ mitɔn lɛ́ɛ kpó nɔví mitɔn lɛ́ɛ kpó ɖɔhun ó. Yědɛɛ lɛ́ɛ ɔ́, yě nɔ gbejí nú Mawu Mavɔmavɔ, Mawu tɔ́gbó yětɔn lɛ́ɛ tɔn ɔ́ ǎ, bɔ é dɔn yě dó lele mɛ lě e mɔ gbɔn wɛ mi ɖe é.

Ɖɛhan 67:3

énɛ́ ɔ́, è nǎ tunwun lě e a nɔ wa nǔ gbɔn ɔ́ ɖo ayǐkúngban jí, akɔta lɛ́ɛ bǐ ná tunwun ɖɔ hwi wɛ nɔ́ hwlɛ́n mɛ gán.

Ezayíi 11:11

Gbe énɛ́ gbe ɔ́, Aklúnɔ ná lɛ́ vɔ́ zán hlɔ̌nhlɔ́n tɔn, bó ná xɔ gbɛ nú mɛ e kpo ɖo gbɛ ɖo togun tɔn mɛ lɛ́ɛ: é ná xɔ gbɛ nú mɛ e kpo ɖo gbɛ ɖo Asilíi lɛ́ɛ, mɛ e kpo ɖo gbɛ ɖo Ejípu lɛ́ɛ, mɛ e kpo ɖo gbɛ ɖo Patlɔ́si lɛ́ɛ, mɛ e kpo ɖo gbɛ ɖo Nubíi lɛ́ɛ, mɛ e kpo ɖo gbɛ ɖo Elámu lɛ́ɛ, mɛ e kpo ɖo gbɛ ɖo Babilɔ́nu lɛ́ɛ, mɛ e kpo ɖo gbɛ ɖo Hamáti lɛ́ɛ, kpó mɛ e kpo ɖo gbɛ ɖo tɔtɛ́ntinto mɛ lɛ́ɛ kpó.

Ezayíi 49:6

É ɖɔ nú mì ɖɔ: “Azɔ̌ e wa nú mì wɛ a ɖe, bó ɖo akɔta Jakɔ́bu tɔn lɛ́ɛ sɔ́ sí te wɛ, bó ɖo mɛ e kpo ɖo Izlayɛ́li lɛ́ɛ kplá wá wɛ ɔ́, azɔ̌ énɛ́ ɔ́ kɛ́ɖɛ́ kpé ǎ. Un lɛ́ sɔ́ we dó ɖó wěziza nú akɔta ɖě lɛ́ɛ, bónú hwlɛngán ce ná yi káká fí e gbɛ ɔ́ kponu ɖó é.”

Jelemíi 23:5

Mawu Mavɔmavɔ ɖɔ: “Ayǐ ɖé ná wá hɔ́n, bɔ un na bló bɔ vǐ ayijlɔ́jlɔ́nɔ ɖokpó ná jɔ ɖo Davídi kún mɛ. É ná ɖu axɔ́sú ɖo to mɛ fí; é ná ɖó nǔnywɛ́. É ná nɔ xwedó hwɛjijɔ; é ná nɔ́ wa nǔ ɖó sɛ́nxwi jí.

Jelemíi 31:1

Mawu Mavɔmavɔ ɖɔ: “Hwenɛ́nu su ɔ́, un ná nyí Mawu nú Izlayɛ́li hɛ̌nnu lɛ́ɛ bǐ, bɔ yě ná nyí togun ce.”

Ezekiyɛ́li 34:16

Lɛ̌ngbɔ́ ɖé bú ɔ́, un ná yi ba; un ná kplá éé zɛ ali é wá; un ná blá akpa nú lɛ̌ngbɔ́ e gblé wǔ é, bó ná ná hlɔ̌nhlɔ́n éé ɖo azɔn jɛ wɛ é. Amɔ̌, lɛ̌ngbɔ́ e kló dín, abǐ éé dó jǒ dín lɛ́ɛ ɔ́, un ná hu yě. Un ná kpé nukún dó lɛ̌ngbɔ́ ce lɛ́ɛ wú lě e sɛ́n zɔ́n gbɔn é.”

Ozée 11:8

“Eflayímu e, nɛ̌ un ná wa nǔ towe gbɔn? Izlayɛ́li e, un ná jó we dó wɛ a? Nǔ e un wa xá Adima toxo ɔ́ wɛ un ná wa xá we a? Lě e un ɖó Sevoyímu toxo ɔ́ nyi ɔ́ wɛ un ná ɖó we nyi a? Ayi ce ɖo hun xo xá mì wɛ. Nǔ towe ɖo wǔ blá nú mì wɛ.

Ozée 2:14

Un ná sú vǐwungbo tɔn lɛ́ɛ kpó fígitín tɔn lɛ́ɛ kpó kún dó; énɛ́ lɛ́ɛ wɛ nyí nǔ e xɔnnɔ tɔn lɛ́ɛ ná ɛ é, bɔ é nɔ́ ɖɔ: “Nǔ e xɔnnɔ ce lɛ́ɛ ná mì lɛ́ɛ nɛ́. Un ná sɔ́ nǔ énɛ́ lɛ́ɛ dó húzú zunkan, bɔ gběkanlin lɛ́ɛ ná nɔ́ wá ɖu nǔ ɖo fínɛ́.

Ozée 2:9

É ná kán wezun jɛ xɔnnɔ tɔn lɛ́ɛ gúdo, é ká ná xwedó yě wú ǎ. É ná ba yě, é ká ná mɔ yě ǎ. Énɛ́ ɔ́ gúdo ɔ́, é ná ɖɔ: “Un ná lɛ́ kɔ yi asú ce xóxó ɔ́ gɔ́n, ɖó hwenu e un ɖo gɔ̌n tɔn ɔ́, nǔ nyɔ́ nú mì hú lě e un ɖe gbɔn égbé din é.”

Amɔ́si 5:15

Mi gbɛ́ wǎn nú nǔ nyanya wiwa, mi yí wǎn nú nǔ ɖagbe wiwa. Mi jɛ hwɛɖɔxɔsá hǔn, mi nɔ ɖɔ xó e sɔgbe é. Énɛ́ ɔ́, afɔ nyɔ́ ɔ́, Mawu Mavɔmavɔ, Mawu Nǔbǐwúkpétɔ́ ɔ́ sixú kú nǔbláwǔ nú Jozɛ́fu sín vǐ e kpo lɛ́ɛ.

Micée 4:4

Mɛ ɖokpó ɖokpó ná vo ɖo vǐwuntín tɔn kpó fígitín tɔn kpó sá, bɔ mɛ ɖěbǔ sɔ́ ná ɖe bó ná gba ayi dó nú yě ǎ. Xó e Mawu Mavɔmavɔ Nǔbǐwúkpétɔ́ ɔ́ ɖɔ ɔ́ nɛ́.

Micée 4:7

Un ná kplé afɔkponɔ lɛ́ɛ, bónú togun ɔ́ ná lɛ́ fɔ́n. Un ná zé yě mɛ e ɖo gbejí lɛ́ɛ dó bló togun syɛ́nsyɛ́n ɖé, bɔ nyɛ Mawu Mavɔmavɔ ɔ́ ná ɖu axɔ́sú ɖo yě nu, ɖo Sinyɔ́ɔ só ɔ́ jí, sín hwenɛ́nu káká sɔ́yi.

Micée 5:7

Izlayɛ́li ví e kpo ɖo gbɛ ɖo akɔta gěgé tɛ́ntin lɛ́ɛ ná dó hlɔ̌nhlɔ́n kinnikínní ɖɔhun, ɖo kanlin e ɖo zungbó mɛ lɛ́ɛ tɛ́ntin, abǐ ée ɖo lɛ̌ngbɔ́hwan tɛ́ntin é ɖɔhun. É gbɔn fí ɖěbǔ ɔ́, é nɔ́ wlí nǔ, bó nɔ ɖo vǔnvún ɖu wɛ; mɛ ɖěbǔ ká sixú yí nǔ e é wlí ɔ́ sín así tɔn ǎ.

Micée 5:8

Izlayɛ́li, tɔ́n ahwan kɛntɔ́ towe lɛ́ɛ, bó vúnvún yě bǐ.

Micée 6:14

A nǎ ɖu nǔ, a ka ná gɔ́ xo ǎ, adɔ ná wa nǔ xá we káká ɖó lě do. Nǔ e a sɔ́ ɖó vo ɔ́ ná sixú nɔ ayǐ ǎ. A ká sɔ́ nǔɖé ɖó ayǐ jɛ́n wɛ ɔ́, un ná sɛ́ kɛntɔ́ towe lɛ́ɛ dó, bɔ yě ná tɔ́n ahwan mi, bó hɛn bǐ gblé.

Micée 7:13

Fí e kpo ɖo ayǐkúngban jí lɛ́ɛ ná húzú gbětótló, ɖó dǎka e mɛ e ɖo to ɔ́ mɛ lɛ́ɛ nɔ xo ɔ́ wú.

Zakalíi 10:6

Un ná dó wǔsyɛ́n lanmɛ nú togun Judáa tɔn ɔ́; un ná hwlɛ́n togun Izlayɛ́li tɔn ɔ́ gán. Un ná lɛ́ kɔ nú yě wá to yětɔn mɛ, bó ná ɖe wǎn yíyí e un ɖó nú yě ɔ́ xlɛ́ yě, un gbɛ́ yě kpɔ́n gbeɖé ǎ ɖɔhun. Mawu Mavɔmavɔ, Mawu yětɔn wɛ un nyí bó ná yí ɖɛ yětɔn.

Matíe 1:21

É ná ji vǐ súnnu ɖokpó, bɔ a nǎ sun nyǐ vǐ ɔ́ ɖɔ Jezu , ɖó é ná hwlɛ́n togun tɔn gán sín hwɛ tɔn lɛ́ɛ mɛ.”

Matíe 12:50

ɖó mɛ ɖěbǔ bló Tɔ́ ce e ɖo sɛ́xwé ɔ́ sín jlǒ ɔ́, mɛ énɛ́ wɛ nyí nɔví ce súnnu, bó nyí nɔví ce nyɔ̌nu, bó nyí nɔ ce.”

Matíe 25:40

Nyɛ axɔ́sú ɔ́ ná yí gbe nú yě ɖɔ: ‘Má ɖɔ nǔgbó nú mi: hweɖěbǔnu e mi bló nǔ énɛ́ lɛ́ɛ nú nɔví ce élɔ́ lɛ́ɛ ɔ́, é ná bo nyí mɛ e ma nyí mɛ ɖé ɖo gbɛtɔ́ lɛ́ɛ nukún mɛ ǎ wɛ ɔ́, nyɛ wɛ mi bló ná.’

Hlɔ̌manu 8:29

Đó mɛ e Mawu ko tunwun sín do lɛ́ɛ ɔ́, é lɛ́ ɖɔ ɖ'ayǐ ɖɔ émí na bló bɔ yě ná cí Vǐ émítɔn ɖɔhun, bónú vǐ tɔn ná nyí nukɔn ví ɖo nɔví gěgé tɛ́ntin.