Micée 5:2 - MAWUXÓWÉMA

² Énɛ́ ɔ́ wú wɛ Mawu Mavɔmavɔ ná jó togun tɔn dó nú kɛntɔ́ lɛ́ɛ káká jɛ hwenu e nyɔ̌nu e ɖo ajidonu ɔ́ ná ji vǐ dó é. Yě mɛ e ná kpo ɖo gbɛ ɖo kannumɔgbénu lɛ́ɛ ná lɛ́ kɔ wá gɔ́ nú Izlayɛ́li ví e kpo ɖo xwé lɛ́ɛ.

Micée 5:2 Iomraidhean Croise

Bǐbɛ́mɛ 35:16

Énɛ́ ɔ́ gúdo ɔ́, Jakɔ́bu kpó hɛ̌nnu tɔn kpó gosín Betɛ́li ɖidó. Fí e yě kpo ɖe dó Efláta ɔ́ hwe ǎ, bɔ Hlacɛ́li ji vǐ. Vǐjiji ɔ́ syɛ́n dó e.

Bǐbɛ́mɛ 35:19

Hlacɛ́li kú bɔ è ɖi i dó Efláta lixo. To énɛ́ ɔ́ wɛ nyí Bɛteleyɛ́mu.

Bǐbɛ́mɛ 48:7

Hwenu e un gosín Padani ɔ́, nɔ towe Hlacɛ́li kú ɖo nukún ce mɛ ɖo alixo, ɖo malín málín mɛ dó Efláta, ɖo Kanáa tomɛ, bɔ un ɖi i ɖó fínɛ́, ɖo Efláta e è nɔ lɛ́ ylɔ́ ɖɔ Bɛteleyɛ́mu ɔ́ sín alitó.”

Bǐbɛ́mɛ 49:10

Axɔ́sú kpogɛ ɔ́ ná nɔ Judáa hɛ́nnu mɛ, gǎn kpogɛ ɔ́ ná nɔ vǐ tɔn lɛ́ɛ sín alɔmɛ, káká jɛ hwenu e mɛ e tɔn é nyí ɔ́ ná wá, bɔ togun lɛ́ɛ ná se tónú n'i é.

1 Tan 2:54

Saluma wɛ dó Bɛteleyɛ́munu lɛ́ɛ kpó Nɛtofanu lɛ́ɛ kpó sín kún, bó dó Atlɔ́ti-Bɛti-Yoavunu, Manaxáti ví lɛ́ɛ vlɔ̌ kpó Soléanu lɛ́ɛ vlɔ̌ kpó sín kún,

1 Tan 4:4

Pɛnuwɛ́li; é wɛ ɖó Gedɔ́ɔ toxo ɔ́ ayǐ. Ezɛ́ɛ; é wɛ ɖó Huca toxo ɔ́ ayǐ. Húu ví lɛ́ɛ nɛ́. Húu ɔ́, nukɔngbéví Efláti tɔn wɛ é nyí. É wɛ ɖó Bɛteleyɛ́mu toxo ɔ́ ayǐ.

1 Tan 5:2

Judáa ɔ́ wɛ nyí mɛ syɛ́nsyɛ́n e ɖo nɔví tɔn lɛ́ɛ mɛ é. Kún tɔn mɛ wɛ Izlayɛ́li xɔ́sú ɖokpó jɔ ɖe. Amɔ̌, Jozɛ́fu wɛ ɖó vǐɖaxó sín acɛ ɔ́.

Ɖɛhan 132:6

Mǐ se bɔ é ɖɔ: Akɔjijɛgbá mímɛ́ ɔ́ ɖo Efláta, bɔ mǐ yi mɔ ɖo Yaa nǔkan mɛ.

Ɖɛhan 90:2

Cóbónú só lɛ́ɛ ná jɔ ɔ́, cóbónú a nǎ ɖó ayǐkúngban ɔ́, bó ná ɖó gbɛ ɔ́, a ko nyí Mawu, bó ná nyí Mawu káká sɔ́yi.

Tíntɔ́n 18:21

Kpɔ́n togun ɔ́ bǐ mɛ, bó cyán súnnu nukúnɖéjí e nɔ ɖó sísí nú Mawu, bó yí wǎn nú nǔgbó ɖiɖɔ lobo ma nɔ yí wǎn nú nǔ ɖu ɖo nǔ mɛ ǎ lɛ́ɛ; sɔ́ yě dó ɖó gǎn ɖo togun ɔ́ nu: a nǎ sɔ́ mɛɖě ɖó gbɛtɔ́ afatɔ́n (1.000) nu, bó ná sɔ́ mɛɖě ɖó gbɛtɔ́ kanwe ko (100) nu, bó ná sɔ́ mɛɖě ɖó gbɛtɔ́ kanɖé wǒ (50) nu, bó ná sɔ́ mɛɖě ɖó gbɛtɔ́ wǒ nu.

Tíntɔ́n 18:25

É cyán gbɛtɔ́ nukúnɖéjí lɛ́ɛ ɖo togun ɔ́ mɛ, bó zé yě ɖó togun ɔ́ nu: é zé mɛɖě ɖó gbɛtɔ́ afatɔ́n (1.000) nu, bó zé mɛɖě ɖó gbɛtɔ́ kanwe ko (100) nu, bó zé mɛɖě ɖó gbɛtɔ́ kanɖé wǒ (50) nu, lobo zé mɛɖě ɖó gbɛtɔ́ wǒ nu.

Ezayíi 11:1

Atínta Jɛsée tɔn ná tɔ́n ama; ɖɔ tɔn ná tɔ́n kun.

Ezayíi 53:2

Đó mɛsɛntɔ́ Mawu Mavɔmavɔ tɔn su ɖo nukɔn tɔn, lě e nǔɖé nɔ́ wú kpowun é ɖɔhun, lě e atín ɖé nɔ́ tɔ́n kun sín ayǐkúngban xúxú mɛ é ɖɔhun. Đɛkpɛ ɖé wɛ é nyɔ́, abǐ nyɔ̌ wɛ é nyɔ́ kpɔ́n, bónú è nǎ bɔ nukún nyi wǔ tɔn ǎ. É ká ɖó nǔɖé bɔ é ná dɔn mɛ, nú è nǎ kpɔ́n ɛ ǎ.

Ezayíi 55:4

Đó Davídi wɛ un sɔ́, bɔ é nyí acɛkpikpa ce sín kpɔ́ndéwú nú togun lɛ́ɛ; é wɛ un sɔ́ bɔ é nyí gǎn, bó kpa acɛ nú togun lɛ́ɛ.

Ezayíi 7:14

Din ɔ́, Aklúnɔ ɖésú ɖo xlɛ̌ ɖokpó ná mi wɛ: Éɖíe, ɖyɔ̌vǐ ɔ́ ná mɔ xo, bó ná ji vǐ súnnu ɖokpó. É ná sun nyǐ vǐ ɔ́ ɖɔ Emanuwɛ́li, ‘Mawu ɖo kpɔ́ xá mǐ.’

Jelemíi 30:21

Mɛ e ná nyí gǎn ɖo yě nu ɔ́, un ná sɔ́ ɖo tɛ́ntin yětɔn; mɛ e ná kpa acɛ dó yě nu ɔ́, un ná sɔ́ ɖo yě mɛ. Un ná dɔn ɛ bɔ é ná sɛkpɔ́ mì, ɖó nú un ma ylɔ́ mɛɖé ǎ ɔ́, mɛ ɔ́ sixú syɛ́n ta bó sɛkpɔ́ mì ǎ. Nyɛ Mawu Mavɔmavɔ wɛ ɖɔ mɔ̌.

Ozée 6:3

Mǐ ní tunwun Mawu Mavɔmavɔ, mǐ ní dó gǎn bó ná tunwun i. Wǐwá tɔn ɖó gblǎ ǎ, lě e ayǐtéhɔ̌nnu má nɔ gɔn susu ǎ é ɖɔhun. É ná wá gɔ̌n mǐtɔn jǐ ɖɔhun, é ná wá lě e xwejí nɔ ja, bó nɔ́ hú sin nú ayǐkúngban é ɖɔhun.”

Amɔ́si 9:11

Mawu Mavɔmavɔ ɖɔ: “É wá yá ɔ́, un ná fɔ́n Davídi sín xwé e mu ɔ́ ɖó te. Un ná bló dǒ e zɛ lɛ́ɛ ɖó. Un ná bló nǔ e gba hánnyá lɛ́ɛ ɖó. Un ná vɔ́ xwé ɔ́ bló ɖó lě e é kó ɖe gbɔn ɖ'ayǐ é.

Micée 4:10

Mi mɔ wǔvɛ́, bó wɛn azɔn nyɔ̌nu ɖo ajidonu ɖɔhun; ɖó din ɔ́, mi ná gosín toxo ɔ́ mɛ, bó yi cí gle lɛ́ɛ mɛ, bó ná lɛ́ yi káká Babilɔ́nu. Mawu Mavɔmavɔ ná hwlɛ́n mi gán, bó ná ɖe mi sín kɛntɔ́ mitɔn lɛ́ɛ sín acɛ mɛ ɖo Babilɔ́nu fínɛ́.

Zakalíi 13:7

Mawu Mavɔmavɔ Nǔbǐwúkpétɔ́ ɔ́ ɖɔ: “Hwǐ, sí te, tɔ́n ahwan lɛ̌ngbɔ́nyitɔ́ ɔ́, lɛ̌ngbɔ́nyitɔ́ e un sɔ́ bɔ é ná wa azɔ̌ xá mì é. Hu i, énɛ́ ɔ́ lɛ̌ngbɔ́ lɛ́ɛ ná gba dó, bɔ un ná tɔ́n ahwan lɛ̌ngbɔ́ e má ɖó hlɔ̌nhlɔ́n ǎ lɛ́ɛ.”

Zakalíi 9:9

Sinyɔ́ɔnu lɛ́ɛ mi, mi j'awǎ! Jeluzalɛ́munu lɛ́ɛ mi, mi j'awǎ kpó awǒbóbó kpó. Axɔ́sú mitɔn ɖíe ja gɔ̌n mitɔn e. Nǔjlɔ́jlɔ́watɔ́ ɖé wɛ, é ɖu ɖ'é jí. É sɔ́ éɖée hwe, é jínjɔ́n tócí ɖé jí, tócí ví ɖé jí.

Matíe 2:1

È ji Jezu ɖo Bɛteleyɛ́mu ɖo Juda yíkúngban jí, axɔ́sú Elódu hwenu; nǔnywɛ́tɔ́ e nɔ́ mɔ nǔ jɛ sun sín wuntun wú lɛ́ɛ ɖěe gosín zǎnzǎnhwe jí wá Jeluzalɛ́mu.

Matíe 2:6

‘Hwɛ, Bɛteleyɛ́mu, toxo e ɖo Juda yíkúngban jí é! A ɖo tó ɖěbǔ ɖo Juda toxo ɖaxó lɛ́ɛ mɛ ǎ, ɖó agblo towe mɛ wɛ axɔ́sú ɖé ná tɔ́n ɖe, bó ná kpé nukún dó togun ce Izlayɛ́li wú.’ ”

Matíe 28:18

Jezu ka sɛ yá yě, bó ɖɔ nú yě ɖɔ: “Mawu ná acɛ e ɖo jǐnukúnsin, kpódó ée ɖo ayǐkúngban jí ɔ́ kpó bǐ mì.

Luki 23:2

Đo fínɛ́ ɔ́, yě jɛ hwɛ xa dó kɔ n'i jí, bó nɔ́ ɖɔ: “Mǐ mɔ nya élɔ́ bɔ é nɔ́ ɖo to ɔ́ dɔn bú wɛ. É nɔ́ gbɛ́ ɖɔ è nǐ má sú takwɛ́ Dadá Hlɔ̌ma tɔn tɔn ó, lobo nɔ ɖɔ émí wɛ nyí Klísu axɔ́sú.”

Luki 23:38

È ka wlán xógbe élɔ́ dó ta tɔn nu ɖɔ: “Nya élɔ́ ɔ́, axɔ́sú Jwifu lɛ́ɛ tɔn wɛ.”

Jǎan 7:42

Mawuxówéma ɔ́ ko ɖɔ Davídi ví lɛ́ɛ mɛ wɛ Klísu ɔ́ ɖó ná tɔ́n sín, ɖo Bɛteleyɛ́mu, Davídi tomɛ.”

Sɛ́nflínmɛ 1:15

Énɛ́ ɔ́, un cyán gbɛtɔ́ nǔnywɛ́tɔ́, gbɛtɔ́ e è sixú ɖe kúnnu ɖagbe ná, bɔ yě kó ɖó azɔ̌, bó nɔ́ wa ɖo akɔta mitɔn lɛ́ɛ mɛ lɛ́ɛ. Un zé mɛ ɖě ɖó gbɛtɔ́ afatɔ́n (1.000) nu, bó zé mɛ ɖě ɖó gbɛtɔ́ kanwe ko (100) nu; mɛ ɖě kpa acɛ dó gbɛtɔ́ kanɖé wǒ (50) abǐ wǒ nu? Un zɔ́n mɛ ɖě lɛ́ɛ ɖɔ yě ní cɔ́ mɛ lɛ́ɛ ɖo akɔta ɖokpó ɖokpó mɛ.

Kolósinu 1:17

É ko tíin cóbɔ nǔ lɛ́ɛ bǐ wá tíin; é wɛ hɛn nǔ lɛ́ɛ bǐ ɖó tɛn yětɔn yětɔn mɛ, ɖo bǔ e yě ɖe xá ɛ ɔ́ mɛ.

Eblée 13:8

Jezu Klísu ɔ́, nǔ e é nyí sɔ ɔ́ jɛ́n é lɛ́ nyí égbé, bó ná lɛ́ nyí káká sɔ́yi.

Eblée 7:14

È tunwun ganjí ɖɔ Judáa kún mɛ wɛ é jɔ ɖe, bɔ Mɔyízi ka ɖɔ xó ɖěbǔ dó kún énɛ́ wú hwenu e é ɖɔ vɔ̌sánú-xwlémawutɔ́ lɛ́ɛ sín xó é ǎ.

1 Jǎan 1:1

Nǔ e kan xó e nɔ na gbɛ mɛ ɔ́ ɖɔ sɛ́ dó mi wɛ mǐ ɖe. Xó énɛ́ ko ɖe sín bǐbɛ́mɛ nǔ lɛ́ɛ bǐ tɔn; é ɖɔ xó bɔ mǐ se, bó mɔ ɖó nukún mǐtɔn lɛ́ɛ wú; mǐ kpɔ́n bó ɖ'alɔ wú.

Nǔɖexlɛ́mɛ 19:16

È wlǎn nyǐkɔ ɖé dó awu tɔn kpó asá tɔn kpó wú; è wlǎn ɖɔ: “Axɔ́sú axɔ́sú lɛ́ɛ tɔn; Aklúnɔ aklúnɔ lɛ́ɛ tɔn.”

Nǔɖexlɛ́mɛ 2:8

Wlǎn wěma sɛ́ dó agun Klísu tɔn e ɖo Simíini ɔ́ sín wɛnsagun, bó ɖɔ n'i ɖɔ: “Mɛ e nyí mɛ e jɛ nukɔn, bó nyí mɛ e gbɔn gǔdo ɔ́, mɛ e ko kú, bó lɛ́ fɔ́n ɔ́, xó e é ɖɔ ɔ́ ɖíe:

Nǔɖexlɛ́mɛ 21:6

É lɛ́ ɖɔ: “É sɔgbe lo! Un nyí Alufa, bó nyí Omɛga; un nyí bǐbɛ́, bó nyí vivɔ. Un ná ná sin mɛ e sinnugblá sin é, bɔ é ná nu vɔ̌nu ɖo fí e sin e nɔ ná gbɛ mɛ ɔ́ nɔ tɔ́n sín é.

Hwɛɖɔtɔ́ 17:7

Levíi ví dɔ̌nkpɛvú ɖé nɔ́ nɔ Bɛteleyɛ́mu ɖo akɔta Judáa tɔn yíkúngban jí.

Hwliti 1:1

Hwenu e hwɛɖɔtɔ́ lɛ́ɛ ɖo acɛ kpa wɛ ɖo Izlayɛ́li ɔ́, adɔ ɖé tɔ́n ɖo to ɔ́ mɛ. Nya ɖé ka tíin bó nɔ́ nɔ Bɛteleyɛ́mu ɖo Judáa yíkúngban jí; nya énɛ́ ɔ́ kplá asi tɔn kpó vǐ tɔn súnnu we lɛ́ɛ kpó, bɔ yě ná yi nɔ Mɔwabu, ɖó adɔ e tɔ́n é wú.

Hwliti 4:11

Tomɛxó lɛ́ɛ kpódó mɛ e ɖo fínɛ́ lɛ́ɛ bǐ kpán yí gbe ɖɔ: “Ɛɛn nukún mǐtɔn mɛ wɛ nǔ énɛ́ lɛ́ɛ bǐ jɛ ɖe. Mawu Mavɔmavɔ ní xo ɖɛ dó nyɔ̌nu e byɔ́ xɔ towe sá ɔ́ jí, bónú é ní gba kún Jakɔ́bu sín asi Hlacɛ́li kpó Lěya kpó e dó Izlayɛ́li ví lɛ́ɛ sín kún é ɖɔhun. Dɔkun towe ní d'agba ɖo Efláta sín ayǐkúngban jí. Nyǐkɔ towe ní yi jǐ ɖo Bɛteleyɛ́mu to ɔ́ bǐ mɛ.

1 Samuwɛ́li 10:19

Égbé din ɔ́, mi ka gbɛ́ nyɛ Mawu mitɔn. Nyɛ mɛ e hwlɛ́n mi gán ɖo ya e mi ji é kpó nǔ e gbo mi lɛ́ɛ kpó bǐ mɛ é. Bɔ mi nɔ ɖɔ nú mì ɖɔ: ‘Sɔ́ axɔ́sú ɖokpó ɖó mǐ nu.’ Din ɔ́, mi zɔn akɔta mitɔn mitɔn mɛ, hɛ̌nnu mitɔn mitɔn mɛ, bó wá Mawu Mavɔmavɔ nukɔn.”

1 Samuwɛ́li 17:12

Davídi ɔ́, Jɛsée ví wɛ. Jɛsée ɔ́ ka jɔ ɖo Efláta sín hɛ̌nnu mɛ, bó nɔ́ nɔ Bɛteleyɛ́mu Judáa tɔn. Jɛsée ɔ́, vǐ súnnu tántɔn wɛ é ɖó. Hwenu e Sawúlu ɖo gǎn jí ɔ́, Jɛsée sín xwe ko sɛ yi tawun.

1 Samuwɛ́li 17:18

Lɛ̌ fɔ amɔ̌ wǒ élɔ́ lɛ́ɛ, bó bɛ́ yi jó nú sɔ́ja afatɔ́ngán ɔ́. A nǎ kpɔ́n ɖɔ fofó towe lɛ́ɛ ɖo ganjí a jí, bó ná yí nǔɖé ɖo yě sí wá nú mì, bónú má tunwun ɖɔ yě ɖo ganjí.

1 Samuwɛ́li 23:23

Mi ba do ná, bó tunwun fí e é nɔ hɔn hwlá cí lɛ́ɛ bǐ, bó lɛ́ kɔ wá mɔ mì, bó ná ɖɔ fí e é ɖe tawun ɔ́ nú mì. Énɛ́ ɔ́, un ná xwedó mi yi. Ényí to ɔ́ mɛ jɛ́n é ɖe ɔ́, un ná ba ɛ gbɔn Judáa yíkúngban ɔ́ jí káká bó ná mɔ ɛ.”

1 Samuwɛ́li 8:12

É ná sɔ́ yě gǎn: mɛ ɖě ná nyí sɔ́ja afatɔ́ngán, mɛ ɖě ná nyí sɔ́ja kanwekogán, bɔ é ná zán yě dó lɛ gle tɔn lɛ́ɛ ná, bó ná zán yě dó ya jinukún tɔn lɛ́ɛ ná. Yě ná nɔ́ tun ahwanlyánnú tɔn lɛ́ɛ n'i, bó ná nɔ bló nǔ e è nǎ nɔ́ dó dɔn kɛkɛ́ví tɔn lɛ́ɛ n'i.