Micée 5:1 - MAWUXÓWÉMA

¹ Mawu Mavɔmavɔ ɖɔ: “Hwɛ Bɛteleyɛ́mu e ɖo Efláta tokpɔnla mɛ ɔ́, toxo kpɛví ɖokpó wɛ a nyǐ ɖo Judáa yíkúngban jí. Amɔ̌, hwi mɛ wɛ mɛ e ná ɖu axɔ́sú ɖo Izlayɛ́li nu nú mì ɔ́ ná tɔ́n sín. Kún e mɛ é jɔ ɖe ɔ́ ko ɖo te sín xóxó hwenu, bó ɖo te káká sɔ́yi.”

Micée 5:1 Iomraidhean Croise

Bǐbɛ́mɛ 35:19

Hlacɛ́li kú bɔ è ɖi i dó Efláta lixo. To énɛ́ ɔ́ wɛ nyí Bɛteleyɛ́mu.

Bǐbɛ́mɛ 49:10

Axɔ́sú kpogɛ ɔ́ ná nɔ Judáa hɛ́nnu mɛ, gǎn kpogɛ ɔ́ ná nɔ vǐ tɔn lɛ́ɛ sín alɔmɛ, káká jɛ hwenu e mɛ e tɔn é nyí ɔ́ ná wá, bɔ togun lɛ́ɛ ná se tónú n'i é.

1 Axɔ́sú 22:24

Ée Micée ɖɔ mɔ̌ tlóló ɔ́, Sidikíyahu Kenáana ví ɔ́ sɛkpɔ́ ɛ, bó gba tómɛ n'i, bó ɖɔ: “Fítɛ́ wɛ yɛ Mawu Mavɔmavɔ tɔn ɔ́ gbɔn bó tɔ́n sín nyɛ mɛ, bó wá ɖɔ xó nú we?”

2 Axɔ́sú 24:2

Énɛ́ ɔ́, Mawu Mavɔmavɔ sɛ́ gbɛ̌ta tɛnmɛ tɛnmɛ dó Yoyakímu. É sɛ́ gbɛ̌ta Babilɔ́nunu lɛ́ɛ tɔn, Sikíinu lɛ́ɛ tɔn, Mɔwabunu lɛ́ɛ tɔn, kpó Amumɔ́ɔ ví lɛ́ɛ tɔn kpó dó, bɔ yě wǎ gba Judáa to ɔ́ bǐ hánnyá lě e Mawu Mavɔmavɔ ko ɖɔ gbɔn, gbɔn mɛsɛntɔ́ tɔn gbeyíɖɔ lɛ́ɛ jí é.

Jɔ̌bu 16:10

Mɛ lɛ́ɛ nɔ́ ɖo adǎn gblɔ́n nú mì wɛ; yě nɔ́ zun mì, yě nɔ́ xo tómɛ nú mì. Yě bǐ nɔ́ nyi ahwan wá kplé dó mì.

Nǔnywɛ́xó 8:23

É ɖó mì sín do, é ɖó mì sín bǐbɛ́mɛ, é ɖó mì có ayǐkúngban ɔ́ wá tíin.

Ezayíi 10:6

Un sɛ́ ɛ dó akɔta gbejímánɔtɔ́ ɖokpó, un zɔ́n ɛ ɖɔ é ní fun ahwan xá togun e ɖo xomɛsin dó nú mì wɛ é, bó bɛ́ nǔ tɔn lɛ́ɛ bǐ wá yi xwé bó má, lobo gbídí togun ɔ́ ɖó afɔ wú babá e ɖo ali jí é ɖɔhun.

Ezayíi 33:22

Mawu Mavɔmavɔ wɛ nyí gǎn mǐtɔn; Mawu Mavɔmavɔ wɛ nyí alixlɛ́mɛtɔ́ mǐtɔn; Mawu Mavɔmavɔ wɛ nyí axɔ́sú mǐtɔn. É wɛ nyí mɛhwlɛ́ngántɔ́ mǐtɔn.

Ezayíi 8:9

Togun lɛ́ɛ mi, mi na bo sɛ miɖée kplé gbɔn ɖěbǔ ɔ́ , nǔ baɖabaɖa wɛ ɖo te kpɔ́n mi. Ayi mitɔn ní ɖo te, mi mɛ e ɖo to línlín mɛ lɛ́ɛ. Mi sixú sɔ́ ahwannú gbɔn ɖěbǔ, nǔ baɖabaɖa ɖo te kpɔ́n mi; nǔgbó wɛ, mi sixú sɔ́ ahwannú gbɔn ɖěbǔ; nǔ baɖabaɖa ɖo te kpɔ́n mi.

Ezayíi 9:5

Đó è ji vǐ ɖokpó nú mǐ, è nǎ vǐ ɖokpó mǐ. Mawu ná ɛ acɛ bɔ é ná ɖu axɔ́sú. È nɔ ylɔ́ ɛ ɖɔ Wěɖexámɛtɔ́ kpíkpé, Mawu hlɔ̌nhlɔ́nnɔ, Tɔ́ tɛgbɛ tɔn, Gǎn fífánɔ.

Jelemíi 25:9

un ná sɛ́ mɛ dó togun e gbɔn totaligbé dɔ̌n lɛ́ɛ bǐ; un ná sɛ́ mɛ dó Nabukodonɔzɔ́ɔ Babilɔ́nu xɔ́sú e nɔ wa azɔ̌ nú mì é, un ná kplá yě wá to mɛ fí, bɔ yě ná wá gba to élɔ́, bó dó ya nú togun élɔ́ kpó togun e lɛ́ lɛ̌ dó e lɛ́ɛ bǐ kpó, bó sú kún yětɔn dó, bó ná gba nǔ e ɖo to ɔ́ mɛ lɛ́ɛ bǐ hánnyá káká yi mavɔ mavɔ. Mɛ ɖé wá mɔ ɔ́, mɛ ɔ́ ná sú alɔ nu; yě ná nyí nǔkiko. Xó e nyɛ Mawu Mavɔmavɔ ɖɔ é nɛ́.

Jelemíi 4:7

Kinnikínní tɔ́n sín zun tɔn mɛ, mɛ e nɔ gblé gbɛ dó nú akɔta lɛ́ɛ e ko gosín fí e é nɔ́ nɔ é, é jǎwe, é ná wá vɔ to mitɔn. É ná gba toxo mitɔn lɛ́ɛ bǐ, mɛɖé sɔ́ ná kpo ɖo toxo lɛ́ɛ mɛ ǎ.

Gbɛvíhan 3:30

Ní sɔ́ tókpá ɖó te nú mɛ e ɖo tómɛ xo n'i wɛ é; ní jó éɖée dó nú è nǐ lɛ zun n'i.

Ezekiyɛ́li 21:32

Aglingbigba, aglingbigba! Un ná zé Jeluzalɛ́mu toxo ɔ́ dó húzú aglingbigba. È nǎ gba toxo ɔ́ bǐ hánnyá, bɔ é ná nɔ mɔ̌ káká jɛ hwenu e mɛ e lɔ mɛ un sɔ́ hwɛɖiɖɔ dó así ná ɔ́ ná wá é.”

Ezekiyɛ́li 24:2

“Hwɛ gbɛtɔ́ e, wlǎn azǎn e gbe mǐ ɖe égbé é, sun e mɛ mǐ ɖe é, xwe e mɛ mǐ ɖe ɔ́, ɖó égbé wɛ axɔ́sú Babilɔ́nu tɔn ná xá Jeluzalɛ́mu toxo ɔ́.

Daniyɛ́li 9:25

Nǔ e a ka ɖó ná tunwun bó ná mɔ nǔ jɛ wú ɔ́ ɖíe: Sín hwenu e è ɖǒ wɛn e ɖɔ xó dó kɔ lɛ́ sín gbějí wá ɔ́ wú, bó ɖɔ dó Jeluzalɛ́mu toxo ɔ́ ná vɔ́ gbá ɔ́ wú káká wá jɛ gǎn e jí è ylɔ̌ Mawu nyíkɔ dó ɔ́ sín wǐwá hwenu ɔ́ wú ɔ́, é kó bló xwe tɛ́nwe tɛ́nwe donu tɛ́nwe. Énɛ́ ɔ́ gúdo ɔ́, ɖo xwe tɛ́nwe tɛ́nwe donu kanɖé ko-nukún-we (62) mɛ ɔ́, è nǎ lɛ́ vɔ́ toxo ɔ́ kpódó ahohó tɔn lɛ́ɛ bǐ kpó bló ɖó. Amɔ̌, hwe énɛ́ lɛ́ɛ nu ná nyí hwenu vɛ́ wǔ ɖésú.

Amɔ́si 2:3

Un ná hu axɔ́sú e ɖo toxo ɔ́ nu é, bó ná vívá kún nú azaglɔ́gán tɔn lɛ́ɛ kpó éyɛ́ kpó.” Xó e Mawu Mavɔmavɔ ɖɔ ɔ́ nɛ́.

Xabakúku 1:6

Éɖíe: un ná sɛ́ Babilɔ́nunu lɛ́ɛ dó; togun dídá énɛ́ e ɖo adǎn jí ɔ́, un ná sɛ́ ɛ dó bɔ é ná gbɔn gbɛ ɔ́ bǐ mɛ, bó ná klá jɛ ayǐkúngban e ma nyí étɔn ǎ lɛ́ɛ nu.

Xabakúku 3:16

Un se zǐngídi ɔ́, bɔ wǔ kú mì; ée un se zǐngídi énɛ́ ɔ́, nu ce nɔ sísɔ́, kanmɛ ce gbɔ́jɔ́, bɔ afɔ ce lɛ́ɛ xo dɔjɔ. Un nɔ xwíí, bó ɖo nǔwamɛ sín azǎn ɔ́ nɔ te kpɔ́n wɛ, bó ná yi tɔ́n ahwan togun e wá tɔ́n ahwan mǐ é.

Matíe 26:67

Ée yě ɖɔ mɔ̌ ɔ́, yě jɛ atán tún dó nukún mɛ n'i jí, bó jɛ nǔ dó e jí. Mɛ ɖě nɔ xo tomɛ n'i,

Matíe 27:30

Yě nɔ tún atán kɔn nyi wǔtu tɔn, lobo nɔ yí fántín ɔ́ sín así tɔn, bo nɔ dó ta n'i.

Matíe 5:39

Lo ɔ́, nyɛ ɖo ɖiɖɔ nú mi wɛ ɖɔ: mɛɖé wa nǔ nyanya nú we hǔn, ma ba hlɔn tɔn ó; ényí mɛɖé xo tomɛ nú we dó ɖisíxwé hǔn, lǐlɛ́ amyɔxwé ɔ́ n'i.

Jǎan 18:22

Ée Jezu ɖɔ mɔ̌ ɔ́, sinsɛnxɔcɔ́tɔ́ ɖokpó ɖo fínɛ́, bó xo tó mɛ n'i, bó ɖɔ: “Mɔ̌ wɛ a nǎ yí gbe nú vɔ̌sánú-xwlémawutɔ́ ɖaxó ɔ́ gbɔn a?”

Jǎan 19:3

Yě nɔ sɛ yi nukɔn tɔn, bó nɔ ɖɔ: “Mǐ kan xwé byɔ́, Jwifu lɛ́ɛ xɔ́sú.” Bó nɔ́ xo tó mɛ n'i.

Mɛsɛ́dó 23:2

Vɔ̌sánú-xwlémawutɔ́ ɖaxó Ananíyasi ka ɖɔ nú mɛ e ɖo Pɔ́lu kpá lɛ́ɛ ɖɔ yě ní gba nu n'i,

2 Kɔlɛ́ntinu 11:20

Mi nɔ yí gbe, bɔ è nɔ kpa acɛ nú mi kannumɔ ɖɔhun, abǐ è nɔ wló mi ɖu; mi nɔ yí gbe bɔ è nɔ blɛ́ mi ɖu; mi nɔ yí gbe bɔ è nɔ kpɔ́n ahɔnxlomɛ nú mi; mi nɔ yí gbe bɔ è nɔ gba nukún mɛ nú mi.

Sɛ́nflínmɛ 28:49

Mawu Mavɔmavɔ ná sɛ́ akɔta ɖokpó dó mi sín zɔ vóéé, sín fí e gbɛ ɔ́ kponu ɖó é, bɔ mi ná se gbe e é nɔ́ dó ɔ́ ǎ; akɔta ɔ́ ná kplɔ́ bó wá zɔn mi jí lě e gangan nɔ sá nǔ gbɔn ɔ́.

Sɛ́nflínmɛ 33:27

É wɛ nyí bibɛtɛn mitɔn sín do. Acɛkpikpa tɔn ko nyí nǔɖaxó ɖo hwe glɔ́ fí sín do. É wɛ nya kɛntɔ́ mitɔn lɛ́ɛ ɖo nukɔn mitɔn, bó ná gbe mi ɖɔ mi ní hu yě.

Hwɛɖɔtɔ́ 17:7

Levíi ví dɔ̌nkpɛvú ɖé nɔ́ nɔ Bɛteleyɛ́mu ɖo akɔta Judáa tɔn yíkúngban jí.