Micée 4:9 - MAWUXÓWÉMA

⁹ Jeluzalɛ́munu lɛ́ɛ mi, étɛ́ sín xó sú wɛ mi ka ɖe din? Axɔ́sú ɖé sɔ́ ɖo mi nu ǎ wɛ a? Mi sɔ́ ɖó ɖɔxátɔ́ ɖé ǎ wú wɛ mi ɖo wǔvɛ́ mɔ wɛ nyɔ̌nu ɖo ajidonu ɖɔhun a?

Micée 4:9 Iomraidhean Croise

Ezayíi 13:8

Yě ɖíe zun sofin e, lanmɛ yětɔn bǐ vɛ̌, wǔtu yětɔn bǐ ján, yě ɖo wǔvɛ́ mɔ wɛ nyɔ̌nu e ɖo ajidonu é ɖɔhun. Yě bǐ cí jɛjɛɛ, bó jɛ yěɖée kpɔ́n jí. Nukún yětɔn bǐ húzú ɖo ta wú.

Ezayíi 21:3

Énɛ́ ɔ́ wú wɛ alin ce ɖo ɖuɖu wɛ. Un ɖo wǔvɛ́ mɔ wɛ nyɔ̌nu ɖo ajidonu ɖɔhun. Nǔ e se wɛ un ɖe ɔ́ ɖo ayi gbadó nú mì wɛ. Nǔ e mɔ wɛ un ɖe ɔ́ ɖo xɛsi dó nú mì wɛ.

Ezayíi 26:17

Mawu Mavɔmavɔ, mǐ mɔ wǔvɛ́ ɖo nukɔn towe nyɔ̌nu e ɖo ajidonu é ɖɔhun; nyɔ̌nu e ɖo ajidonu bó ɖo éɖée sló ɖo wǔvɛ́ nu wɛ, bó ɖo xó sú wɛ é ɖɔhun.

Jelemíi 22:23

Égbé din ɔ́, a nɔ nɔ Libáan sókan mɛ, a xo adɔ̌ towe nyi sɛ́dlutín jí aga ɖéé; amɔ̌, hwenu e wǔvɛ́ ná wá fyán we ɔ́, a nǎ jɛ aɖǔkún ɖu jí. A nǎ mɔ wǔvɛ́ nyɔ̌nu jɛ flú mɛ ɖɔhun.”

Jelemíi 30:10

Mawu Mavɔmavɔ ɖɔ: “Togun ce Izlayɛ́li, ado ma hu we o! Mi togun ce, mi Jakɔ́bu ví lɛ́ɛ, mi ma ɖi xɛsi ó. Đó, un ná hwlɛ́n mi gán sín to ma yá to énɛ́ mɛ, un ná hwlɛ́n vǐ mitɔn lɛ́ɛ gán sín to e mɛ ahwan wlí yě yi é. Jakɔ́bu ví lɛ́ɛ ná lɛ́ kɔ wá, bó ná gbɔjɛ́, bó ná vo; mɛ ɖěbǔ ná dó tagba nú yě ǎ.

Jelemíi 4:21

Káká hwetɛ́nu un ka ná mɔ ahwansyá yi jɛ? Káká hwetɛ́nu un ná ɖo lanzo gbe se wɛ yi jɛ?

Jelemíi 4:31

Nǔgbó wɛ, un se mɛɖé ɖo xó sú wɛ nyɔ̌nu ɖo ajidonu ɖɔhun; é ɖo xó sú wɛ mɛ ja nukɔn ví jí gbé ɖɔhun. Sinyɔ́ɔ toxo, hwi wɛ ɖo xó sú wɛ. Hwi wɛ ɖo azɔn wɛn wɛ bó nɔ dlɛ́n alɔ bo nɔ ɖɔ: “Un jɛ mɛhutɔ́ lɛ́ɛ lɔ mɛ! Gbɛ ce vɔ!”

Jelemíi 48:41

Kɛntɔ́ ná yí toxo lɛ́ɛ; toxo e è mɛ ahohó lɛ́ lɛ̌ dó lɛ́ɛ bǐ ná jɛ kɛntɔ́ lɔ mɛ. Gbe nɛ́ gbe ɔ́, ahwanfuntɔ́ syɛ́nsyɛ́n lɛ́ɛ bǐ sín ayi ná fun nyɔ̌nu e jɛ flú mɛ ɔ́ ɖɔhun.

Jelemíi 50:43

Ée Babilɔ́nu xɔ́sú ɔ́ se ɖɔ ahwan ja ɔ́, awakanmɛ kú i, akpɔ ɖó e; é jɛ wǔvɛ́ mɔ jí nyɔ̌nu ɖo ajidonu ɖɔhun.

Jelemíi 8:19

Togun ce ɖo xó sú wɛ sín to línlín mɛ bó nɔ́ ɖɔ: ‘Mawu Mavɔmavɔ ka sɔ́ ɖo Sinyɔ́ɔ ǎ wɛ a? Sinyɔ́ɔ sɔ́ ɖó axɔ́sú ǎ cé?’ ” Mawu ɖɔ: “Étɛ́wú yě ká sɛn vodún dó dó xomɛsin nú mì? Yě sɛn nǔ énɛ́ lɛ́ɛ e to ɖěvo mɛ nu lɛ́ɛ nɔ́ sɔ́ alɔ yětɔn dó bló bɔ é má ká nyí nǔɖé ǎ lɛ́ɛ dó dó xomɛsin nú mì?”

Gbɛvíhan 4:20

Mɛ e sín alɔ mɛ gbɛ mǐtɔn ɖe ɔ́ nɛ́ jɛ mɔ yětɔn mɛ din nɛ́; axɔ́sú e Mawu Mavɔmavɔ sɔ́ é wɛ; éyɛ́ sín xó ɖɔ wɛ mǐ nɔ́ ɖe bó nɔ́ ɖɔ: “Nú mǐ bɛ yɛ ɖo glɔ̌ tɔn ɔ́, akɔta ɖě lɛ́ɛ ná sixú wa nǔɖé nú mǐ ǎ.”

Ozée 10:3

Bɔ din ɔ́, yě ná ɖɔ: “Mǐ sɔ́ ɖó axɔ́sú ɖě ǎ, ɖó mǐ ɖó sísí nú Mawu Mavɔmavɔ ǎ; lě e nǔ wá ɖe gbɔn nú mǐ din ɔ́, étɛ́ wɛ axɔ́sú ɖé ká sixú wa nú mǐ?”

Ozée 13:13

Yě ná mɔ wǔvɛ́ nyɔ̌nu ɖo ajidonu ɖɔhun. Vǐ xlonɔ wɛ nú yě: hwenu e é ná jɛ te dó ɔ́ su ɔ́, é nɔ gbɛ́ ɖɔ émí kún ná tɔ́n sín nɔ émítɔn xomɛ ó .

Ozée 3:4

Đó Izlayɛ́li ví lɛ́ɛ ná nɔ axɔ́sú kpó gǎn kpó má ɖó xɔ xwe gěgé; yě ná gɔn vɔ̌ sá xɔ xwe gěgé, bó ná gɔn awǐnnya e yě sɔ́ dó ɖó vodún ná ɔ́ sɛn xɔ xwe gěgé. Yě ná gɔn nǔ e è nɔ dó kan nǔ byɔ́ Mawu lɛ́ɛ ɖó xɔ xwe gěgé.

Micée 5:3

Bɔ éyɛ́ axɔ́sú e sín akpá è dǒ é ná wá, bó ná kpa acɛ dó togun ɔ́ nu kpó hlɔ̌nhlɔ́n Mawu Mavɔmavɔ tɔn kpó, kpódó susu Mawu Mavɔmavɔ tɔn kpó, bɔ togun tɔn sín ayi ná jɛ ayǐ; ɖó mɛ e ɖo gbɛ ɔ́ mɛ lɛ́ɛ bǐ ná mɔ lě e é dó agba sɔ é.

Jǎan 16:21

Nyɔ̌nu ja vǐ ji gbé ɔ́, wǔ nɔ́ kú i, ɖó wǔvɛ́ mimɔ tɔn sín gan wɛ xo; é ka ji vǐ ɔ́ gúdo ɔ́, é sɔ́ nɔ́ flín wǔvɛ́ e é mɔ lɛ́ɛ ǎ, xomɛ nɔ hun i ɖó vǐ e wá gbɛ ɔ́ wú.

Nǔɖexlɛ́mɛ 12:2

Nyɔ̌nu ɔ́ ɖo vǐ ná ji wɛ; é ɖo vǐjiji sín wǔvɛ́ lɛ́ɛ mɔ wɛ, bó ɖo xó sú wɛ.