Micée 4:7 - MAWUXÓWÉMA

⁷ Un ná kplé afɔkponɔ lɛ́ɛ, bónú togun ɔ́ ná lɛ́ fɔ́n. Un ná zé yě mɛ e ɖo gbejí lɛ́ɛ dó bló togun syɛ́nsyɛ́n ɖé, bɔ nyɛ Mawu Mavɔmavɔ ɔ́ ná ɖu axɔ́sú ɖo yě nu, ɖo Sinyɔ́ɔ só ɔ́ jí, sín hwenɛ́nu káká sɔ́yi.

Micée 4:7 Iomraidhean Croise

Ɖɛhan 2:6

É ɖɔ nú yě ɖɔ: “Nyɛ wɛ sɔ́ axɔ́sú ce ɖó zinkpo jí ɖo Sinyɔ́ɔ, só mímɛ́ ce jí.”

Ezayíi 16:5

hwenɛ́nu wɛ axɔ́sú towe sín acɛkpikpa ná jínjɔ́n ayǐ ganjí; acɛkpikpa tɔn ná jínjɔ́n xomɛnyínyɔ́ tɔn jí; axɔ́sú ɔ́ ná nyí Davídi ví, bó ná nɔ gbejí. É ná nyí hwɛɖɔtɔ́, é ná nɔ́ nyi sɛ́n, bɔ nǔjlɔ́jlɔ́wiwa ná nɔ́ myá nukún n'i.”

Ezayíi 24:23

Wun ná kpɛn sun, winnyá ná hu hwe. Mawu Mavɔmavɔ Nǔbǐwúkpétɔ́ ɔ́ wɛ ná ɖu axɔ́sú ɖo Sinyɔ́ɔ só ɔ́ jí, é wɛ ná ɖu axɔ́sú ɖo Jeluzalɛ́mu. Susu tɔn ná hɔ́n dó mɛ e ɖo togun tɔn nu lɛ́ɛ jí.

Ezayíi 6:13

Ényí mɛ e ɖo to ɔ́ mɛ lɛ́ɛ vlɔ̌ɖówǒ kpo ɖo to ɔ́ mɛ ɔ́, mɛ énɛ́ lɛ́ɛ ná ji zo. Amɔ̌, lě e è nɔ gbo telebɛ́ntitín abǐ cɛ́nitín, bɔ ta tɔn nɔ kpo ɖo do mɛ ɔ́, mɛ ywɛywɛ e ná kpo ɖo togun ɔ́ mɛ ɔ́ ná dó kún mímɛ́.

Ezayíi 60:22

Xwéta e hwe hú xwéta lɛ́ɛ bǐ ɔ́ ná ɖó gbɛtɔ́ afatɔ́n (1.000); xwéta e ma ka ɖó gǎn ɖěbǔ ǎ ɖo xwéta lɛ́ɛ mɛ ɔ́ ná húzú togun syɛ́nsyɛ́n. Nyɛ Mawu Mavɔmavɔ ɔ́, é jɛ hwe tɔn nu ɔ́, un ná bló nǔ énɛ́ bléwún.”

Ezayíi 66:8

Mɛ̌ ká se xó mɔ̌hun kpɔ́n gbeɖé? Mɛ̌ ká mɔ nǔ mɔ̌hun kpɔ́n gbeɖé? To nɔ sɔ́ azǎn ɖokpó ɖó te, bó nɔ jɔ wɛ a? Akɔta ɖokpó ɔ́, gbe ɖokpó wɛ é nɔ́ jɔ a? Lě e Jeluzalɛ́mu ka wa nǔ gbɔn ɔ́ nɛ́: káká e Jeluzalɛ́mu ná jɛ flú mɛ ɔ́, é kó ji vǐ tɔn lɛ́ɛ.

Ezekiyɛ́li 43:7

Mɛ e ɖo xó ɖɔ nú mì wɛ ɔ́ ɖɔ: “Hwɛ gbɛtɔ́ e, kpɔ́n fí élɔ́. Fí wɛ axɔ́súzinkpo ce ɖe, fí wɛ un nɔ sɔ́ afɔ ɖó. Un ná nɔ Izlayɛ́li ví lɛ́ɛ mɛ káká sɔ́yi. Izlayɛ́li to ɔ́ kpó axɔ́sú tɔn lɛ́ɛ kpó ɖě sɔ́ ná dó afɔ gbě ǎ, yě ká sɔ́ ná ɖi axɔ́sú yětɔn lɛ́ɛ sín cyɔ ɖě ɖó fí, dó sɔ́ nyǐkɔ ce xo kɔ́ ǎ.

Daniyɛ́li 2:44

Axɔ́sú énɛ́ lɛ́ɛ sín hwenu ɔ́, Mawu sɛ́xwé tɔn ná ɖe axɔ́súɖuto e mɛɖé má sixú gba ǎ é ɖokpó tɔ́n. Acɛkpikpa tɔn ná jɛ akɔta ɖěvo sí gbeɖé ǎ. Axɔ́súɖuto énɛ́ ɔ́ ná gba axɔ́súɖuto e ko ɖo ayǐ lɛ́ɛ bǐ, bó ná hu acɛ nú yě, bɔ yě sɔ́ ná tíin nyǐ ǎ. Lo ɔ́, éyɛ́ ná nɔ te káká sɔ́yi.

Daniyɛ́li 4:34

Énɛ́ wú wɛ nyɛ axɔ́sú Nabukodonɔzɔ́ɔ ɖo Mawu jǐxwé tɔn ɔ́ mlá wɛ din, bó ɖo sísɔ́ ɛ su wɛ, bó ɖo susu kpa n'i wɛ. Nǔ e é bló é bǐ wɛ sɔgbe, nǔ e é wa lɛ́ɛ bǐ wɛ nyɔ́. É lɛ́ ɖó acɛ e ná sɔ́ mɛ e ɖo afɔ tɛ ayǐ wɛ lɛ́ɛ hwe é lɔ.”

Daniyɛ́li 7:14

È ná ɛ acɛkpikpa kpó susu kpó, kpódó axɔ́súɖuɖu kpó, bónú togun lɛ́ɛ, akɔta lɛ́ɛ kpódó gbɛtɔ́ e nɔ dó gbe alɔkpa alɔkpa lɛ́ɛ kpó bǐ ná sɛn ɛ. Acɛkpikpa tɔn nyí acɛkpikpa ɖé, bó ná nɔ ayǐ káká sɔ́yi; é ná ɖó vivɔnu ǎ, mɛɖé ká ná sixú gba axɔ́súɖuto tɔn gbeɖé ǎ.

Daniyɛ́li 7:27

Axɔ́súɖuto e ɖo ayǐkúngban ɔ́ jí lɛ́ɛ bǐ sín axɔ́súɖuɖu kpó acɛkpikpa kpó, kpódó susu yětɔn kpó ná húzú togun mímɛ́ Mawu Ajalɔ̌nlɔn tɔn ɔ́ tɔn. Togun mímɛ́ ɔ́ ná ɖu axɔ́sú káká yi mavɔ mavɔ, bɔ hlɔ̌nhlɔ́n e ɖo gbɛ ɔ́ mɛ lɛ́ɛ bǐ ná nɔ acɛ tɔn mɛ, bó ná nɔ́ se tónú n'i, bó ná nɔ́ sɛn ɛ.’

Abudiyási 1:21

Yě ná ɖu ɖ'é jí, bó ná byɔ́ Jeluzalɛ́mu toxo ɔ́ mɛ, bó ná kpa acɛ nú Edɔ́munu lɛ́ɛ. Axɔ́súɖuɖu ɔ́ ná nyí Mawu Mavɔmavɔ tɔn.

Micée 2:12

Lo ɔ́, Mawu ɖɔ: “Un ná kplé mi Izlayɛ́li ví e kpo ɖo gbɛ lɛ́ɛ bǐ; un ná kplé mi ɖó kpɔ́, lě e è nɔ kplé gbɔ̌ dó wutó mɛ é ɖɔhun; lě e gbɔ̌hwan nɔ ɖo amagbo mɛ ɔ́ ɖɔhun. Gbɛtɔ́ ná lɛ́ gɔ́ to mitɔn mɛ, bɔ è na nɔ se hlǔnhlún mitɔn.

Micée 2:13

Mɛ e nɔ hun ali nú mɛ ɔ́ wɛ ɖo nukɔn mitɔn; mi jɛ miɖée sí. Mi ná gba to e mɛ mi ɖe ɔ́ sín hɔntogbó bó tɔ́n; Mawu Mavɔmavɔ axɔ́sú mitɔn ɔ́ wɛ ɖo nukɔn nú mi.”

Micée 5:3

Bɔ éyɛ́ axɔ́sú e sín akpá è dǒ é ná wá, bó ná kpa acɛ dó togun ɔ́ nu kpó hlɔ̌nhlɔ́n Mawu Mavɔmavɔ tɔn kpó, kpódó susu Mawu Mavɔmavɔ tɔn kpó, bɔ togun tɔn sín ayi ná jɛ ayǐ; ɖó mɛ e ɖo gbɛ ɔ́ mɛ lɛ́ɛ bǐ ná mɔ lě e é dó agba sɔ é.

Micée 7:18

Mawu Mavɔmavɔ, è sixú jlɛ́ vodún ɖěbǔ dó wǔ towe ǎ. A sɔ́ hwɛ kɛ mɛ e kpo ɖo gbɛ ɖo togun towe mɛ lɛ́ɛ, bó wɔn hwɛ yětɔn lɛ́ɛ. A nɔ sin xomɛ dó mɛ káká sɔ́yi ǎ, ɖó nǔ e nyɔ́ nukún towe mɛ ɔ́ wɛ nyí ɖɔ a nǎ ɖe xomɛnyínyɔ́ towe xlɛ́ mǐ mɛ e nyí togun towe é.

Sofoníi 3:13

Mɛ e ná kpo ɖo gbɛ ɖo Izlayɛ́li lɛ́ɛ sɔ́ ná wa nǔ agɔ ɖě ǎ; yě sɔ́ ná ɖó adingban ɖě ǎ; yě sɔ́ ná zé ɖɛ̌ yětɔn dó blɛ́ mɛ ná ǎ. Yě ná ɖu nǔ, bó ná dɔ́ amlɔ, bɔ mɛ ɖěbǔ ná dó xɛsi nú yě ǎ.”

Sofoníi 3:20

Hwenɛ́nu ɔ́, un ná kplá mi wá xwé, bó ná kplé mi ɖó kpɔ́. Mi ná mɔ lě e un ná húzú gbɛ mitɔn gbɔn é. Un ná ná susu mi, bɔ è nǎ nɔ mlá mi ɖo togun e ɖo ayǐkúngban jí fí lɛ́ɛ bǐ mɛ.” Mawu Mavɔmavɔ wɛ ɖɔ mɔ̌.

Luki 1:33

É ná ɖu axɔ́sú ɖo Izlayɛ́li ví lɛ́ɛ nu káká sɔ́yi, bɔ axɔ́súɖuɖu tɔn ná vɔ gbeɖé ǎ.”

Nǔɖexlɛ́mɛ 11:15

Énɛ́ ɔ́ gúdo ɔ́, wɛnsagun Mawu tɔn tɛ́nwegɔ́ ɔ́ kún kpɛn, bɔ gbe ɖaxó ɖé lɛ́ɛ ɖi ɖo jǐxwé bó ɖɔ: “Axɔ́súɖuɖu gbɛ ɔ́ tɔn nyí Aklúnɔ mǐtɔn kpó Klísu tɔn kpán tɔn lo! Bɔ é ná ɖu axɔ́sú káká sɔ́yi.”