Micée 4:6 - MAWUXÓWÉMA

⁶ Mawu Mavɔmavɔ ɖɔ: “Azǎn ɖé ná wá, bɔ un ná yí afɔkponɔ lɛ́ɛ. Un ná kplé mɛ e è nya ɖ'ayǐ lɛ́ɛ; mɛ e un dó ya ná ɖ'ayǐ lɛ́ɛ.

Micée 4:6 Iomraidhean Croise

Ɖɛhan 147:2

Mawu Mavɔmavɔ vɔ́ Jeluzalɛ́mu toxo ɔ́ bló ɖó. É kplá Izlayɛ́li ví e ɖo gbějí lɛ́ɛ bǐ wá xwé.

Ɖɛhan 38:17

Un ɖɔ: Ma lɔn nú nǔɖé wa mì, bónú yě ɖú ahwannɔwe ó; ma lɔn nú afɔ ce xo dɔjɔ, bónú yě mɔ ali dó wǔ ce ó;

Ezayíi 56:8

Aklúnɔ Mavɔmavɔ e kplé Izlayɛ́li ví e gbadó gbɔn to ɖěvo mɛ to ɖěvo mɛ lɛ́ɛ ɔ́ ɖɔ: “Un ko kplé mɛ ɖé lɛ́ɛ gɔ́ nú yě, un ka ná lɛ́ kplé mɛ ɖěvo lɛ́ɛ gɔ́ nú yě.”

Jelemíi 3:18

Énɛ́ ɔ́, mi Judáa togun ɔ́ ná wá gɔ́ nú Izlayɛ́li togun ɔ́, bɔ mi bǐ nǎ zɔn kpɔ́ sín to e ɖo taligbé ɔ́ mɛ, fí e è kplá mi yi é, bó ná lɛ́ kɔ wá to élɔ́ e un ná tɔ́gbó mitɔn lɛ́ɛ ɔ́ mɛ.”

Jelemíi 31:8

É ɖíe un ná kplá yě sín to ɖé mɛ ɖo Taligbé wá. Un ná cyán yě gbɔn ayǐkúngban ɔ́ bǐ jí, bó kplé yě. Nukúntíntɔ́nnɔ kpó afɔkponɔ kpó ɖo yě mɛ; nyɔ̌nu xoxónɔ kpó nyɔ̌nu e vǐ tɔ́n é kpó ɖo yě mɛ. Togun ce ɔ́ bǐ wɛ ná lɛ́ kɔ wá fí.

Ezekiyɛ́li 36:24

“Un ná ɖe mi sín akɔta ɖě lɛ́ɛ mɛ, un ná ɖe mi sín to ɖěvo ɖěvo e mɛ mi gba kpé gbɔn lɛ́ɛ mɛ, bó ná kplá mi wá to mitɔn mɛ.

Micée 2:12

Lo ɔ́, Mawu ɖɔ: “Un ná kplé mi Izlayɛ́li ví e kpo ɖo gbɛ lɛ́ɛ bǐ; un ná kplé mi ɖó kpɔ́, lě e è nɔ kplé gbɔ̌ dó wutó mɛ é ɖɔhun; lě e gbɔ̌hwan nɔ ɖo amagbo mɛ ɔ́ ɖɔhun. Gbɛtɔ́ ná lɛ́ gɔ́ to mitɔn mɛ, bɔ è na nɔ se hlǔnhlún mitɔn.

Sofoníi 3:19

Hwenu e un ná dɔn tó nú mɛ e táfú mi lɛ́ɛ dó ɔ́ ɖíe su e. Un ná klɔ́ akpa nú mɛ mitɔn e gblé wǔ lɛ́ɛ. Un ná kplá mɛ e ɖo kannumɔgbénu lɛ́ɛ wá xwé. Un ná bló bɔ mi ná xɔ susu, bɔ nyǐkɔ mitɔn ná yi jǐ gbɔn fí e mi ɖu winnyá gbɔn ɖo ayǐkúngban jí lɛ́ɛ bǐ.

Luki 19:10

Đó Mawu sɛ́ nyɛ Gbɛtɔ́ví ɔ́ dó, bónú má wá ba mɛ e bú lɛ́ɛ, bó hwlɛ́n yě gán.

Jǎan 10:16

Un lɛ́ ɖó lɛ̌ngbɔ́ ɖěvo lɛ́ɛ bɔ yě ɖo wutó élɔ́ mɛ ǎ; un ɖó ná kplá yě lɔmɔ̌ wá fí, bɔ yě ná se gbe ce, bɔ lɛ̌ngbɔ́hwan ɔ́ ná nyí ɖokpó, bɔ lɛ̌ngbɔ́nyitɔ́ lɔmɔ̌ ná nyí ɖokpó.