Micée 4:5 - MAWUXÓWÉMA

⁵ Togun ɖě lɛ́ɛ ɖokpó ɖokpó nɔ wa nǔ, bó ná nyɔ́ ɖo vodún yětɔn lɛ́ɛ gɔ́n. Amɔ̌, mǐdɛɛ lɛ́ɛ ɔ́, mǐ jló ná wa nǔ bó ná nyɔ́ ɖo Mawu Mavɔmavɔ, Mawu mǐtɔn gɔ́n káká sɔ́yi.

Micée 4:5 Iomraidhean Croise

Bǐbɛ́mɛ 17:1

Hwenu e Ablámu ɖo xwe kanwe afɔtɔn-nukún-ɛnɛ (99) ɖó wɛ ɔ́, Mawu Mavɔmavɔ tɔ́n dó jǐ tɔn, bó ɖɔ n'i ɖɔ: “Nyɛ wɛ nyí Mawu Nǔbǐwúkpétɔ́ ɔ́. Nɔ nɔ ali ce jí; è nǐ má nɔ́ mɔ nǔjɛdo ɖé ɖɔ dó wǔ towe ó.

2 Axɔ́sú 17:29

Lo ɔ́, mɛ e wá jɛ to ɔ́ mɛ lɛ́ɛ lí vodún yětɔn yětɔn ɖó toxo e mɛ yě mɛ ɖokpó ɖokpó ɖe lɛ́ɛ mɛ. Yě lǐ vodún lɛ́ɛ ɖó vodún xwé e Samalíinu xóxó lɛ́ɛ lí gbɔn só jí só jí lɛ́ɛ gbe.

2 Axɔ́sú 17:34

Vǐ yětɔn lɛ́ɛ kpo ɖo walɔ xóxó énɛ́ lɛ́ɛ zán wɛ káká jɛ égbé din: yě nɔ́ ɖó sísí nú Mawu Mavɔmavɔ ǎ, yě nɔ́ nyi sɛ́n e yě ɖésú dó lɛ́ɛ ǎ, yě sɔ́ ɖo tɔ́gbó yětɔn lɛ́ɛ sín kan fɔ wɛ ganjí ǎ. Yě nɔ́ nyi sɛ́n e Mawu Mavɔmavɔ dó nú tɔ́gbó yětɔn Jakɔ́bu ví lɛ́ɛ ɔ́ ǎ, yě ká nɔ xwedó nǔ e é zɔ́n yě lɛ́ɛ ǎ. Jakɔ́bu ɔ́ wɛ Mawu Mavɔmavɔ sun nyǐ ɖɔ Izlayɛ́li.

Ɖɛhan 20:6

Mǐ nǎ kpa awǒbóbó ɖó alɔ e é dó we é wú; mǐ nǎ zé asyá dó jǐ dó kpa susu nú Mawu mǐtɔn. A byɔ̌ nǔɖé ɔ́, Mawu Mavɔmavɔ ná bló bǐ nú we.

Ɖɛhan 48:14

Mi kpɔ́n dǒ tɔn lɛ́ɛ, mi kpɔ́n ahohó e è mɛ lɛ́ dó é ganjí; énɛ́ ɔ́, mi ná wá kpi tan tɔn nú vǐ e ná wá jɔ sɔ lɛ́ɛ.

Ɖɛhan 71:16

Aklúnɔ Mawu Mavɔmavɔ, un ɖo azɔ̌ ɖaxó ɖaxó e a wa lɛ́ɛ ɖɔ wɛ dó han mɛ, bó ja gɔ̌n towe; un ná flín hwɛjijɔ towe, hwɛjijɔ towe ɖokpónɔ wɛ un ná flín.

Ezayíi 2:5

Jakɔ́bu ví lɛ́ɛ mi! Mi wá mǐ ní ɖi zɔnlin ɖo Mawu Mavɔmavɔ sín wěziza nu.

Ezayíi 26:13

Mawu Mavɔmavɔ, Mawu mǐtɔn, gǎn ɖěvo ɖěvo lɛ́ɛ kó kpa acɛ dó mǐ nu kpɔ́n, lo ɔ́, hwi ɖokpó géé wɛ mǐ nɔ́ kpa susu ná.

Ezayíi 26:8

Mawu Mavɔmavɔ, mǐ ɖo nukún ɖó we wɛ ɖo ali e a ɖɔ mǐ ní gbɔn é jí. Mǐ nɔ́ flín we, bó nɔ́ ylɔ́ nyǐkɔ towe, nǔ e nɔ́ myá nukún nú mǐ é nɛ́.

Jelemíi 32:40

Un zin alɔ dó akɔ́n ɖɔ un kún sɔ́ ná ɖe alɔ sín kan yětɔn mɛ ɖě ó; lo ɔ́, un ná wa ɖagbe nú yě. Énɛ́ ɔ́, wú ɔ́, un ná jɛ akɔ mavɔ mavɔ ɖokpó xá yě; un ná kplɔ́n yě bɔ yě ná ɖó sísí nú mì káká bó sɔ́ ná jó mì dó ɖě ǎ.

Zakalíi 10:12

Un ná dó wǔsyɛ́n lanmɛ nú togun ce, bɔ yě ná nɔ wa nǔ e nɔ nyɔ́ nukún ce mɛ lɛ́ɛ tɛgbɛ.” Mawu Mavɔmavɔ wɛ ɖɔ mɔ̌.

Mɛsɛ́dó 14:16

Xóxó hwenu ɔ́, Mawu jó akɔta lɛ́ɛ bǐ dó, bɔ mɛ ɖokpó ɖokpó nɔ sɔ́ ali e jló e é.

Sɛ́nflínmɛ 27:10

Hǔn mi bo ɖótó Mawu Mavɔmavɔ, Mawu mitɔn, bó nyi sɛ́n tɔn e un xa nú mi égbé lɛ́ɛ bǐ.”

Kolósinu 2:6

Énɛ́ ɔ́, ée mi yí Klísu Jezu dó yí Aklúnɔ mitɔn ná ɔ́, mi bo nɔ bǔ xá ɛ ɖo gbɛzán mitɔn mɛ.

Kolósinu 3:17

Mi nɔ wa nǔ e wa wɛ mi ɖe lɛ́ɛ bǐ ɖo Aklúnɔ Jezu sín nyǐkɔ mɛ; mi nɔ ɖɔ xó e ɖɔ wɛ mi lɛ́ɛ bǐ ɖo Aklúnɔ Jezu sín nyǐkɔ mɛ, bó nɔ dó kú nú Mawu Tɔ́ ɔ́ gbɔn jǐ tɔn.

Jozuwée 24:15

Nú mi ma ka jló ná sɛn Mawu Mavɔmavɔ ǎ hǔn, mi bo ɖɔ nǔ e mi ná sɛn ɔ́ bɛ́ sín égbé. É sixú nyí vodún e tɔ́gbó mitɔn lɛ́ɛ sɛn ɖ'ayǐ ɖo Efláti tɔ ɔ́ gúdo lɛ́ɛ; é ká sixú nyí vodún e Amɔliti e mɛ mi ɖe lɛ́ɛ nɔ sɛn lɛ́ɛ é. Amɔ̌, nyɛ kpó xwédo ce kpó ɔ́, Mawu Mavɔmavɔ wɛ mǐ ná sɛn.”