Micée 4:4 - MAWUXÓWÉMA

⁴ Mɛ ɖokpó ɖokpó ná vo ɖo vǐwuntín tɔn kpó fígitín tɔn kpó sá, bɔ mɛ ɖěbǔ sɔ́ ná ɖe bó ná gba ayi dó nú yě ǎ. Xó e Mawu Mavɔmavɔ Nǔbǐwúkpétɔ́ ɔ́ ɖɔ ɔ́ nɛ́.

Micée 4:4 Iomraidhean Croise

1 Axɔ́sú 5:5

Bɛ́ sín Dan ɖo totaligbé káká yi Bɛ̌-Ceva ɖo tofɔligbé ɔ́, Judáa ví lɛ́ɛ kpó Izlayɛ́li ví lɛ́ɛ kpó bǐ sín ayi jɛ ayǐ. Mɛ ɖokpó ɖokpó nɔ́ vo bó nɔ́ kpé nukún dó vǐwungle tɔn kpó fígigle tɔn kpó wú ganjí, ɖo Salomɔ́ɔ sín hwenu.

Jɔ̌bu 11:19

Ényí a ɖo gbigbɔjɛ́ wɛ ɔ́, mɛ ɖěbǔ ná wa dó tagba nú we ǎ; é nyɔ́ wa ɔ́, yě ná nɔ́ nyi ahwan wá gɔ̌n towe, bó ná ɖíɖɔ́ wǔ nú we.

Ɖɛhan 72:3

Só ɖaxó ɖaxó lɛ́ɛ ní nɔ́ hɛn fífá wá nú togun ɔ́, só kpɛví kpɛví lɛ́ɛ lɔmɔ̌ ní nɔ́ hɛn hwɛjijɔ wá n'i.

Nǔnywɛ́xó 3:25

Ma ɖi xɛsi nú adǎn e nɔ́ wá gbo mɛ ajijimɛ ɔ́ ó; ma ɖi xɛsi ɖɔ mɛdídá ná wá tɔ́n ahwan émí ó.

Ezayíi 1:20

Lo ɔ́, ényí mi gbɛ́, bó ɖo gǔ fɔ́n dó nyɛ Mawu Mavɔmavɔ jí wɛ ɔ́, ahwan wɛ ná gba mi.” Nyɛ Mawu Mavɔmavɔ wɛ kɛ nu bó ɖɔ mɔ̌.

Ezayíi 17:2

Toxo Alowɛ́ɛ tɔn lɛ́ɛ ɔ́, è nǎ ɖe alɔ sín yě wǔ káká sɔ́yi. Toxo énɛ́ lɛ́ɛ ná húzú kanlin lɛ́ɛ tɔn; kanlin lɛ́ɛ ná nɔ́ wá dɔ́ toxo énɛ́ lɛ́ɛ mɛ, bɔ mɛ ɖěbǔ ná dó tagba nú yě ǎ.

Ezayíi 22:25

Mawu Mavɔmavɔ Nǔbǐwúkpétɔ́ ɔ́ ɖɔ: “Ayǐ ɖokpó ná wá hɔ́n, bɔ só ɔ́ ná sún j'ayǐ. È xwe e dó fí e syɛ́n ganjí é có é ná sún. É ná sún j'ayǐ, bɔ agban e ɖo kɔ tɔn lɛ́ɛ ná jɛ ayǐ bó gba hánnyá.” Xó e Mawu Mavɔmavɔ ɖɔ é nɛ́.

Ezayíi 26:16

Mawu Mavɔmavɔ, adǎn ɖo gbigbo mǐ wɛ ɔ́, hwi wɛ mǐ nɔ́ hɔn wá su; a ɖo tó dɔn nú mǐ wɛ ɔ́, mǐ nɔ́ sa vo nú we dó ayi mɛ.

Ezayíi 32:17

Hwɛjijɔ ná hɛn fífá wá; é ná ná mɛ ayi jɛ ayǐ kpó jiɖiɖe kpó káká sɔ́yi.

Ezayíi 36:16

Mi ma ɖótó Ezekiyási ó; xó e nyɛ axɔ́sú Asilíi tɔn ɖɔ é wɛ mi ná ɖótó; un ɖɔ: Mi gɔn nǔ xwe, bó wá jó ta nú mì; énɛ́ ɔ́, mɛ ɖokpó ɖokpó ná ɖu vǐwun tɔn, bó ná ɖu fígi tɔn, bó ná nu sin e ɖo tɔ tɔn mɛ é.

Ezayíi 40:5

Énɛ́ ɔ́, susu Mawu Mavɔmavɔ tɔn ná jɛ wěxo, bɔ mɛ bǐ ná mɔ. Nu e Mawu Mavɔmavɔ kɛ ɔ́ nɛ́.”

Ezayíi 54:14

A nǎ nɔ́ xwedó hwɛjijɔ dó wa nǔ; mɛ ɖěbǔ sɔ́ ná dó tagba nú we ǎ; a sɔ́ ná ɖi xɛsi nú nǔɖé ǎ; mɛ ɖěbǔ sɔ́ ná nɔ́ dó adohuhu nú we ǎ; ado sɔ́ ná hu we ǎ.

Ezayíi 58:14

nyɔ̌ná towe ná gosín gɔ̌n ce; un ná kplá we gbɔn só e ɖo to ɔ́ mɛ lɛ́ɛ jí; un ná sɔ́ gǔ e nyí tɔ́gbó towe Jakɔ́bu tɔn ɔ́ nú we bɔ a nǎ ɖu. Xó e nyɛ Mawu Mavɔmavɔ ɖɔ ɔ́ nɛ́.”

Jelemíi 23:4

Un na fɔ lɛ̌ngbɔ́nyitɔ́ ɖagbe ɖó lɛ̌ngbɔ́ ce lɛ́ɛ nu, bɔ yě ná nɔ kplá yě yi amagbo mɛ, yě sɔ́ ná ɖi xɛsi nú nǔɖé ǎ; awě ɖě sɔ́ ná xo yě ǎ, yě ɖěbǔ ná hwe ǎ. Xó e nyɛ Mawu Mavɔmavɔ ɖɔ ɔ́ nɛ́.”

Jelemíi 30:10

Mawu Mavɔmavɔ ɖɔ: “Togun ce Izlayɛ́li, ado ma hu we o! Mi togun ce, mi Jakɔ́bu ví lɛ́ɛ, mi ma ɖi xɛsi ó. Đó, un ná hwlɛ́n mi gán sín to ma yá to énɛ́ mɛ, un ná hwlɛ́n vǐ mitɔn lɛ́ɛ gán sín to e mɛ ahwan wlí yě yi é. Jakɔ́bu ví lɛ́ɛ ná lɛ́ kɔ wá, bó ná gbɔjɛ́, bó ná vo; mɛ ɖěbǔ ná dó tagba nú yě ǎ.

Ezekiyɛ́li 34:25

“Un ná jɛ akɔ e ná ná fífá lɛ̌ngbɔ́ ce lɛ́ɛ ɔ́ xá lɛ̌ngbɔ́ ce lɛ́ɛ: un ná nya gběkanlin lɛ́ɛ bǐ sín to ɔ́ mɛ; énɛ́ ɔ́, kanlin ce lɛ́ɛ ná nɔ vivo mɛ, ɖo amagbo mɛ, bó ná dɔ́ amlɔ ɖo zunkan mɛ.

Ezekiyɛ́li 34:28

Ajotɔ́ e nɔ gosín to ɖěvo mɛ, bó nɔ́ wá fɔ yě lɛ́ɛ ɖě sɔ́ ná wá fɔ yě ǎ. Gběkanlin lɛ́ɛ ɖě sɔ́ ná vún yě ɖu ǎ. Yě ná nɔ vivo mɛ, mɛɖé sɔ́ ná dó tagba nú yě ǎ.

Ezekiyɛ́li 38:11

A nǎ sɔ́ nǔ bó ná ɖɔ émí ná yi tɔ́n ahwan to e ɖo vivo mɛ é, to e è ma mɛ ahohó lɛ́ lɛ̌ dó toxo tɔn lɛ́ɛ bó dó hɔn nu, bó nɔ́ dó gan mɛ ǎ lɛ́ɛ.

Ezekiyɛ́li 39:26

Énɛ́ ɔ́, yě ná wɔn winnyá e mɛ hwɛ e yě hu dó mì ɔ́ dɔn yě dó é; yě ná lɛ́ wá nɔ to yětɔn mɛ, bó ná vo, yě sɔ́ ná ɖi xɛsi nú mɛɖé ǎ.

Levíi ví 26:6

Un ná bló bɔ ayi ná j'ayǐ nú mi ɖo to ɔ́ mɛ. Nú mi dɔ́ amlɔ zǎn mɛ ɔ́, mɛ ɖěbǔ ná wá dó tagba nú mi ǎ. Un ná bló bɔ adǎnkanlin lɛ́ɛ bǐ ná gosín to ɔ́ mɛ. È nǎ wá fun ahwan xá mi ɖo to mitɔn mɛ ǎ.

Micée 5:3

Bɔ éyɛ́ axɔ́sú e sín akpá è dǒ é ná wá, bó ná kpa acɛ dó togun ɔ́ nu kpó hlɔ̌nhlɔ́n Mawu Mavɔmavɔ tɔn kpó, kpódó susu Mawu Mavɔmavɔ tɔn kpó, bɔ togun tɔn sín ayi ná jɛ ayǐ; ɖó mɛ e ɖo gbɛ ɔ́ mɛ lɛ́ɛ bǐ ná mɔ lě e é dó agba sɔ é.

Sofoníi 3:13

Mɛ e ná kpo ɖo gbɛ ɖo Izlayɛ́li lɛ́ɛ sɔ́ ná wa nǔ agɔ ɖě ǎ; yě sɔ́ ná ɖó adingban ɖě ǎ; yě sɔ́ ná zé ɖɛ̌ yětɔn dó blɛ́ mɛ ná ǎ. Yě ná ɖu nǔ, bó ná dɔ́ amlɔ, bɔ mɛ ɖěbǔ ná dó xɛsi nú yě ǎ.”

Zakalíi 3:10

Gbe énɛ́ ɔ́ gbe ɔ́, mi ná ylɔ́ miɖée kplé dó vǐwungbo mitɔn lɛ́ɛ, kpódó fígigbo mitɔn lɛ́ɛ kpó mɛ, bó ná vo bó j'awǎ.”