Micée 4:3 - MAWUXÓWÉMA

³ Mawu Mavɔmavɔ ná nyí hwɛɖɔtɔ́ nú togun gěgé. É ná ɖɔ hwɛ gbo nú akɔta syɛ́nsyɛ́n lɛ́ɛ, káká yi jɛ akɔta e ɖo zɔga lɛ́ɛ jí. Akɔta ɖě sɔ́ ná tɔ́n ahwan ɖě ǎ; yě ká tlɛ sɔ́ ɖo ahwanfunfun ná kplɔ́n wɛ ǎ. Yě ná sɔ́ hwǐ yětɔn dó tun alǐn ná, bó ná sɔ́ hwǎn yětɔn dó tun gyankpa ná.

Micée 4:3 Iomraidhean Croise

Ɖɛhan 46:10

É wɛ sú ahwan kún dó gbɔn gbɛ ɔ́ bǐ mɛ. É wɛ́n gǎ lɛ́ɛ, é lɔ́ hwǎn lɛ́ɛ, é dó ahwankɛkɛ́ lɛ́ɛ zo.

Ɖɛhan 46:9

Mi wá kpɔ́n nǔ e Mawu Mavɔmavɔ jlɛ́ lɛ́ɛ, mi wá kpɔ́n nǔ e é hɛn gblé ɖo ayǐkúngban jí lɛ́ɛ.

Ɖɛhan 72:3

Só ɖaxó ɖaxó lɛ́ɛ ní nɔ́ hɛn fífá wá nú togun ɔ́, só kpɛví kpɛví lɛ́ɛ lɔmɔ̌ ní nɔ́ hɛn hwɛjijɔ wá n'i.

Ɖɛhan 72:7

Hwɛjijɔ ní gba kpé axɔ́sú ɔ́ hwenu, bɔ nú sun vɛ́ kó nɔ́ tɔ́n ɔ́, vivo ní tíin ɖo to ɔ́ mɛ.

Ɖɛhan 82:8

Mawu ce, sí te, ɖɔ hwɛ xá gbɛ ɔ́ bǐ, ɖó akɔta lɛ́ɛ bǐ wɛ nyí towe.

Ɖɛhan 96:13

ɖo Mawu Mavɔmavɔ nukɔn, ɖó é jǎwe; é ja, bó ná ɖɔ hwɛ xá gbɛ ɔ́. É ná ɖɔ hwɛ xá gbɛ ɔ́ kpó hwɛjijɔ kpó. É ná xwedó nǔgbó dó ɖɔ hwɛ xá togun lɛ́ɛ.

Ɖɛhan 98:9

ɖo Mawu Mavɔmavɔ nukɔn, ɖó é jǎwe, bó ná wá ɖɔ hwɛ xá ayǐkúngban ɔ́; é ná ɖɔ hwɛ xá gbɛ ɔ́ ɖó sɛ́nxwi jí, bó ɖɔ hwɛ xá togun lɛ́ɛ lě e é sɔgbe gbɔn é.

Ezayíi 2:4

É ná ɖɔ hwɛ xá akɔta lɛ́ɛ, é wɛ ná dó hwɛ gbo nú togun lɛ́ɛ bǐ. Énɛ́ ɔ́, yě ná zé hwǐ yětɔn lɛ́ɛ dó tun alǐn ná, bó ná zé gǎ yětɔn lɛ́ɛ dó tun aɖǎ ná. Akɔta ɖě sɔ́ ná tɔ́n ahwan ɖě ǎ. Mɛ ɖé sɔ́ ná kplɔ́n lě e è nɔ fun ahwan gbɔn é ǎ.

Ezayíi 25:3

Énɛ́ wú wɛ togun syɛ́nsyɛ́n ɖokpó ná sí te, bó kpa susu nú we. Akɔta e nɔ kpa acɛ gannaganna nú mɛ lɛ́ɛ sín toxo lɛ́ɛ ná nɔ́ ɖó sísí nú we,

Ezayíi 51:5

Zaanɖé din ɔ́, un ná hɛn hwlɛngán wá; mɛ bǐ ná mɔ hwlɛngán e un hɛn wá é; un ná kpa acɛ nú togun lɛ́ɛ bɔ é ná syɛ́n ɖésú. Togun e gbɔn zɔzɔ lɛ́ɛ ná ɖo nukún ɖó mì wɛ, yě ná ɖeji dó hlɔ̌nhlɔ́n e un nɔ dó hwlɛ́n mɛ ná é wú.

Ezayíi 60:12

“Ényí akɔta ɖé abǐ axɔ́súɖuto ɖé gbɛ́ ɖɔ émí kún ná wa azɔ̌ nú we ó ɔ́, è nǎ sú kún tɔn dó bǐ gbídígbídí.

Ezayíi 65:25

Hla kpó lɛ̌ngbɔ́ví kpó ná ɖu ama ɖó kpɔ́; kinnikínní ná ɖu ama nyibú ɖɔhun; dan ná nɔ́ ɖu kɔ́. Mɛ ɖé sɔ́ ná wa nyanya nú mɛ ɖé ǎ, mɛɖé ká sɔ́ ná hɛn nǔ gblé ɖo só mímɛ́ ce ɔ́ jí ǎ. Xó e nyɛ Mawu Mavɔmavɔ ɖɔ ɔ́ nɛ́.”

Ezayíi 9:7

Aklúnɔ ɖɔ xó dó Jakɔ́bu ví lɛ́ɛ wú; xó e é ɖɔ ɔ́ jɛ dó axɔ́súɖuto Izlayɛ́li tɔn ɔ́ jí.

Daniyɛ́li 2:44

Axɔ́sú énɛ́ lɛ́ɛ sín hwenu ɔ́, Mawu sɛ́xwé tɔn ná ɖe axɔ́súɖuto e mɛɖé má sixú gba ǎ é ɖokpó tɔ́n. Acɛkpikpa tɔn ná jɛ akɔta ɖěvo sí gbeɖé ǎ. Axɔ́súɖuto énɛ́ ɔ́ ná gba axɔ́súɖuto e ko ɖo ayǐ lɛ́ɛ bǐ, bó ná hu acɛ nú yě, bɔ yě sɔ́ ná tíin nyǐ ǎ. Lo ɔ́, éyɛ́ ná nɔ te káká sɔ́yi.

Ozée 2:18

Mawu Mavɔmavɔ ɖɔ: “Gbe énɛ́ ɔ́ gbe ɔ́, a nǎ ylɔ́ mì ɖɔ: ‘Asú ce!’ A sɔ́ ná nɔ ylɔ́ mì ɖɔ: ‘Gǎn ce’ ǎ.

Ozée 2:20

Gbe énɛ́ ɔ́ gbe ɔ́, un ná bló bɔ yě ná jɛ akɔ xá gběkanlin lɛ́ɛ, kpó xɛ lɛ́ɛ kpó, kpódó kanlin e nɔ sá gbɔn kɔ́ mɛ lɛ́ɛ kpó. Un ná bɛ́ gǎ kpó hwǐ kpó, kpódó ahwanfunnú bǐ kpó sín to ɔ́ mɛ, bó ná bló bɔ togun ce ná dɔ́ amlɔ bo vo.

Jowɛ́li 3:2

Đo azǎn énɛ́ lɛ́ɛ mɛ ɔ́, un ná gba Yɛ ce kɔn nyi mɛsɛntɔ́ súnnu kpó nyɔ̌nu kpó ɖésú jí.

Zakalíi 14:3

Mawu Mavɔmavɔ ná wá, bó ná fun ahwan xá akɔta énɛ́ lɛ́ɛ. É ná fun ahwan lě e é kó nɔ́ fun gbɔn ahwan hwenu é.

Zakalíi 8:20

Nǔ e Mawu Mavɔmavɔ Nǔbǐwúkpétɔ́ ɔ́ ɖɔ ɔ́ ɖíe: “Akɔta ɖěvo lɛ́ɛ, to wɔ̌buwɔ́bú ɖé mɛ nu lɛ́ɛ ná lɛ́ wá Jeluzalɛ́mu.

Zakalíi 9:10

É ná hɛn ahwankɛkɛ́ví e ɖo Eflayímu lɛ́ɛ gblé. É ná sú ahwansɔ́ e ɖo Jeluzalɛ́mu lɛ́ɛ sín kún dó. É ná wɛ́n da e yě nɔ́ dó fun ahwan ná lɛ́ɛ. É ná ná fífá akɔta lɛ́ɛ, bó ná kpa acɛ sín xu ɖě kɔn yi ɖěvo kɔn, é ná kpa acɛ sín Efláti tɔ ɔ́ kɔn, káká yi ayǐkúngban ɔ́ sín vivɔnu.

Mɛsɛ́dó 17:31

Đó é sɔ́ azǎn ɖokpó ɖó te, bɔ azǎn énɛ́ gbe ɔ́, é ná xwedó hwɛjijɔ, bó ɖɔ hwɛ xá gbɛtɔ́ lɛ́ɛ bǐ, gbɔn mɛ e é ɖésúnɔ ko ɖe ɖó vo ɔ́ jí. É fɔ́n ɛ sín kú, bó dó ɖe nǔ énɛ́ ɔ́ xlɛ́ mɛ bǐ.”

Nǔɖexlɛ́mɛ 19:11

Énɛ́ ɔ́ gúdo ɔ́, un mɔ jǐnukúnsin ɖo nuvo, bɔ sɔ́ wěwé ɖé tɔ́n. Mɛ e ɖo sɔ́ ɔ́ jí ɔ́, nyǐkɔ tɔn nɔ nyí Gbejínɔtɔ́, bó nɔ nyí Titewungbe; é nɔ́ ɖɔ hwɛ bó nɔ́ fun ahwan kpó hwɛjijɔ kpó.

1 Samuwɛ́li 2:10

Mawu Mavɔmavɔ nɔ jǐxwé dɔ̌n, bó bló bɔ jǐ dó gbe bó ná vívá kɛntɔ́ tɔn lɛ́ɛ, ɖó é wɛ nyí hwɛɖɔtɔ́ ɖaxó e ná ɖɔ hwɛ xá mɛ e ɖo ayǐkúngban ɔ́ jí lɛ́ɛ bǐ. É nɔ́ ná hlɔ̌nhlɔ́n axɔ́sú e é sɔ́ ɖó togun tɔn nu é. É nɔ́ dó acɛ acɛ jí nú axɔ́sú e é sɔ́ é.