Micée 4:2 - MAWUXÓWÉMA

² Akɔta lɛ́ɛ ná nyi ahwan yi dɔ̌n, bó ná nɔ ɖɔ: “Mi wá nú mǐ ní yi xá Mawu Mavɔmavɔ só ɔ́ jí. Mi wá mǐ yi Mawu Jakɔ́bu tɔn sín xwé gbe, bónú é ná kplɔ́n nǔ e é jló ɖɔ mǐ ní wa lɛ́ɛ mǐ, bɔ mǐ na gbɔn ali tɔn lɛ́ɛ jí.” Đó Sinyɔ́ɔ wɛ Mawu Mavɔmavɔ sín nǔkplɔ́nmɛ nɔ gosín; Jeluzalɛ́mu wɛ xó tɔn nɔ gosín wá nú mǐ.

Micée 4:2 Iomraidhean Croise

Ɖɛhan 110:2

Mawu Mavɔmavɔ ná vlɔ́n kan nú axɔ́súɖuto towe, Sinyɔ́ɔ wɛ é ná bɛ́ sín; hwɛ ɔ́, a nǎ kpa acɛ nú kɛntɔ́ towe lɛ́ɛ.

Ɖɛhan 119:1

Nǔ nyɔ́ nú mɛ e nǔɖé má jɛ do ɖo walɔ yětɔn wú ǎ lɛ́ɛ, mɛ e nɔ xwedó Mawu Mavɔmavɔ sɛ́n ɔ́ dó wa nǔ lɛ́ɛ.

Ɖɛhan 119:171

Un ná sɔ́ nu ce dó mlá we, ɖó a nɔ kplɔ́n tito towe lɛ́ɛ mì.

Ɖɛhan 122:1

È ɖo kpó fán wɛ xwe Mawu xwé ɖo Jeluzalɛ́mu ɔ́ wɛ è nɔ ji han élɔ́. Davídi sín han wɛ. Hwenu e è ɖɔ nú mì ɖɔ nyi ní wá mǐ ní yi Mawu Mavɔmavɔ xwé é ɔ́, é víví nú mì kpɔ́n.

Ɖɛhan 25:12

Ényí mɛɖé ɖó sísí nú Mawu Mavɔmavɔ ɔ́, Mawu Mavɔmavɔ nɔ xlɛ́ ɛ ali e é ɖó ná sɔ́ é.

Ezayíi 2:3

Akɔta gěgé ná jɛ ali ɖidó dɔ̌n bó ná ɖɔ: “Mi wá mǐ yi Mawu Mavɔmavɔ só ɔ́ ta, mi wá mǐ yi Mawu Jakɔ́bu tɔn xwé. É ná kplɔ́n nǔ e é jló ɖɔ mǐ nǎ wa é mǐ, bɔ mǐ nǎ xwedó ali e é ɖe nú mǐ é.” Nǔgbó ɔ́, Sinyɔ́ɔ wɛ Mawu Mavɔmavɔ sɛ́n ɔ́ ná gosín, Jeluzalɛ́mu wɛ Mawu Mavɔmavɔ xó ɔ́ ná gosín wá nú mǐ.

Ezayíi 54:13

Un ná kplɔ́n nǔ vǐ towe lɛ́ɛ bǐ; yě bǐ ná vo bɔ nǔ ná nyɔ́ nú yě tawun.

Ezayíi 56:7

un ná kplá yě bǐ wá só mímɛ́ ce jí; un ná ná awǎjijɛ ɖaxó ɖé yě ɖo xwé ce gbe, fí e è nɔ xo ɖɛ ɖe é. Un ná yí vɔ̌ e yě ná sá nú mì ɖo vɔ̌sákpe ce jí lɛ́ɛ, kpódó nǔ e yě ná ná mì lɛ́ɛ kpó. Đó xwé ce ɔ́, è nǎ ylɔ́ ɖɔ: ‘Đɛxwé togun lɛ́ɛ bǐ tɔn.’ ”

Jelemíi 31:6

Đó ayǐ ɖokpó ná wá hɔ́n, bɔ glecɔ́tɔ́ lɛ́ɛ ná sú xó ɖo Samalíi só lɛ́ɛ jí, bó ná ɖɔ: ‘Mi sí te, bó wá mǐ yi Mawu Mavɔmavɔ, Mawu mǐtɔn gɔ́n ɖo Sinyɔ́ɔ só jí.’ ”

Jelemíi 42:3

Mawu Mavɔmavɔ, Mawu towe ní xlɛ́ ali e mǐ ná gbɔn é mǐ; é ní ɖɔ nǔ e mǐ ná wa é nú mǐ.”

Ozée 6:3

Mǐ ní tunwun Mawu Mavɔmavɔ, mǐ ní dó gǎn bó ná tunwun i. Wǐwá tɔn ɖó gblǎ ǎ, lě e ayǐtéhɔ̌nnu má nɔ gɔn susu ǎ é ɖɔhun. É ná wá gɔ̌n mǐtɔn jǐ ɖɔhun, é ná wá lě e xwejí nɔ ja, bó nɔ́ hú sin nú ayǐkúngban é ɖɔhun.”

Zakalíi 14:16

Hwenɛ́nu ɔ́, mɛ e ná gán ɖo akɔta e wá tɔ́n ahwan Jeluzalɛ́mu lɛ́ɛ mɛ lɛ́ɛ bǐ ná nɔ́ yi Jeluzalɛ́mu xwewú xwewú, bó ná nɔ́ yi sɛn Mawu Mavɔmavɔ axɔ́sú Nǔbǐwúkpétɔ́ ɔ́, bó ná nɔ́ ɖu azavaxwe ɔ́.

Zakalíi 2:11

Jeluzalɛ́munu e ɖo kannumɔgbénu ɖo Babilɔ́nu lɛ́ɛ é mi, mi yá wǔ hɔn.”

Zakalíi 9:10

É ná hɛn ahwankɛkɛ́ví e ɖo Eflayímu lɛ́ɛ gblé. É ná sú ahwansɔ́ e ɖo Jeluzalɛ́mu lɛ́ɛ sín kún dó. É ná wɛ́n da e yě nɔ́ dó fun ahwan ná lɛ́ɛ. É ná ná fífá akɔta lɛ́ɛ, bó ná kpa acɛ sín xu ɖě kɔn yi ɖěvo kɔn, é ná kpa acɛ sín Efláti tɔ ɔ́ kɔn, káká yi ayǐkúngban ɔ́ sín vivɔnu.

Maki 16:20

Ahwanvú tɔn lɛ́ɛ ka sɔ́nǔ, bó jɛ Mawuxó jlá jí gbɔn fí bǐ. Aklúnɔ nɔ́ dó alɔ yě ɖo azɔ̌ énɛ́ kɔn, bó nɔ́ ɖe xlɛ́ ɖɔ xó e ɖɔ wɛ yě ɖe ɔ́ nyí nǔgbó, gbɔn nǔdábaɖa e yě nɔ́ jlɛ́ lɛ́ɛ gbla mɛ.]

Luki 24:47

bɔ, ɖo nyǐkɔ tɔn mɛ ɔ́, è nǎ jlá Wɛn Ɖagbe ɔ́ akɔta lɛ́ɛ bǐ, bɛ́ sín Jeluzalɛ́mu, bó ná ɖɔ nú gbɛtɔ́ lɛ́ɛ bǐ ɖɔ yě ní lɛ́ kɔ sín hwɛ yětɔn lɛ́ɛ gúdo, bónú Mawu ná sɔ́ hwɛ yětɔn lɛ́ɛ kɛ yě.

Jǎan 6:45

Gbeyíɖɔ Mawu tɔn lɛ́ɛ ko wlán ɖ'ayǐ ɖɔ: ‘Mawu ɖésú wɛ ná kplɔ́n nǔ yě bǐ.’ Mɛ e ɖótó Tɔ́ ɔ́, bó se nǔkplɔ́nmɛ tɔn ɔ́, mɛ énɛ́ ná wá gɔ̌n ce.

Jǎan 7:17

Mɛ e ɖó jlǒ, bó ná wa jlǒ Mawu tɔn ɔ́, ényí nǔkplɔ́nmɛ ce ɔ́, Mawu gɔ́n wɛ é gosín abǐ acɛ nyɛ ɖésúnɔ tɔn wɛ ɔ́, é ná mɔ do ná.

Mɛsɛ́dó 1:8

Lo ɔ́, mi ná mɔ acɛ yí hwenu e Yɛsinsɛn ná jɛ te wá mi jí é, bɔ mi na nyí kúnnuɖetɔ́ ce, ɖo Jeluzalɛ́mu, gbɔn Judée gbé ɔ́ bǐ jí, kpódó Samalíi kpán, káká yi jɛ fí e gbɛ ɔ́ kponu ɖó é.”

Mɛsɛ́dó 13:42

Ée Pɔ́lu kpódó Baanabási kpán tɔ́n sín kplɔ́ngbasá ɔ́, mɛ lɛ́ɛ sa vo nú yě ɖɔ gbɔjɛzán gbe ée ná bɔ d'é wú ɔ́, yě ní wá ɖɔ xó dó nǔ ɖokpó ɔ́ wú.

Hlɔ̌manu 15:19

gbɔn nǔjíjlɛ́ lɛ́ɛ kpódó nǔdábaɖa lɛ́ɛ kpó sín hlɔ̌nhlɔ́n mɛ; gbɔn Yɛsinsɛn sín hlɔ̌nhlɔ́n mɛ. Lě e un gbɔn fí bǐ bɛ́ sín Jeluzalɛ́mu káká yi Ililíi gbé jí, bó jlá Wɛn Ɖagbe e ɖɔ xó dó Klísu wú ɔ́ kpíkpé tɔn gbɔn é nɛ́.

Sɛ́nflínmɛ 6:1

Mɔyízi ɖɔ: “Mawu Mavɔmavɔ, Mawu mitɔn ɖɔ nyɛ ní kplɔ́n gbetakɛ́n tɔn lɛ́ɛ, sɛ́n tɔn lɛ́ɛ kpó nǔ e é zɔ́n lɛ́ɛ kpó mi. Yě wɛ mi ná zé dó wa azɔ̌ ná ɖo to e ná yí wɛ mi ɖe ɔ́ mɛ.