Micée 4:12 - MAWUXÓWÉMA

¹² Mɛ énɛ́ lɛ́ɛ tunwun linlin Mawu Mavɔmavɔ tɔn ǎ. Yě mɔ nukúnnú jɛ tito tɔn lɛ́ɛ wú ǎ; yě tunwun ɖɔ kplé wɛ é kplé yě ɖó fí ɖokpó ɔ́, bó ná só yě lě e è nɔ kplé jinukún dó kɔ́xota, bó nɔ só ɔ́ ɖɔhun ǎ.

Micée 4:12 Iomraidhean Croise

Ɖɛhan 147:19

É ɖɔ xó tɔn nú togun tɔn Jakɔ́bu ví lɛ́ɛ. É ná sɛ́n tɔn lɛ́ɛ kpó gbeta tɔn lɛ́ɛ kpó Izlayɛ́li.

Ɖɛhan 147:20

É bló mɔ̌ nú akɔta ɖěvo, akɔta ɖěvo sɔ́ tunwun nǔ e é zɔ́n lɛ́ɛ ǎ. Mi kpa Mawu Mavɔmavɔ!

Ezayíi 10:7

Nǔ e myá nukún nú éyɛ́ é ká nɛ́ ǎ, lě e é ná wa gbɔn bó sú akɔta gěgé sín kún dó, bó gba to yětɔn é wɛ ɖo ayi mɛ n'i.

Ezayíi 21:10

Togun ce, hwi mɛ e è só lě e è nɔ só jinukún ɖo kɔ́xota gbɔn ɔ́, nǔ e Mawu Mavɔmavɔ Nǔbǐwúkpétɔ́, Mawu Izlayɛ́li tɔn ɔ́ ɖɔ bɔ un se ɔ́ nɛ́. Xó e un hɛn wá nú we ɔ́ nɛ́.

Ezayíi 29:7

Aliɛ́li, akɔta wɔ̌buwɔ́bú e ɖo ahwan fun xá we wɛ lɛ́ɛ, yě mɛ e ɖo ahwan tɔ́n we wɛ lɛ́ɛ: yě mɛ énɛ́ lɛ́ɛ e sín sɔ́ja sú ali dó we, bó ɖo ya dó nú we wɛ lɛ́ɛ ɔ́, yě bǐ nǎ bú nǔ e è mɔ ɖo dlɔ̌ mɛ ɔ́ ɖɔhun, yě bǐ nǎ bú nǔ e è mɔ ɖo amlɔ mɛ zǎn mɛ ɔ́ ɖɔhun.

Ezayíi 55:8

Mawu Mavɔmavɔ ɖɔ: “Linlin mitɔn lɛ́ɛ nyí linlin ce lɛ́ɛ ǎ. Walɔ mitɔn lɛ́ɛ nyí walɔ ce lɛ́ɛ ǎ.

Jelemíi 29:11

Đó nyɛ Mawu Mavɔmavɔ ɔ́, un tunwun tito e un sɔ́ ɖó te nú mi é; fífá wɛ un sɔ́ ɖó te nú mì, ényí nǔ nyanya wɛ un sɔ́ ɖó te nú mi ǎ, bónú sɔ ná nyɔ́ nú mi

Jelemíi 51:20

Mawu ɖɔ: “Babilɔ́nu, zǔnkpé wɛ a nyǐ ɖo alɔ ce mɛ ɖ'ayǐ, a nyǐ ahwanlyánnú ɖo alɔ mɛ nú mì, bɔ un sɔ́ we dó gba akɔta lɛ́ɛ ná, un sɔ́ we dó gba axɔ́súɖuto lɛ́ɛ ná.

Jelemíi 51:33

Xó e Mawu Mavɔmavɔ Nǔbǐwúkpétɔ́, Mawu Izlayɛ́li tɔn ɖɔ ɔ́ ɖíe, é ɖɔ: “Babilɔ́nu cí ayǐkúngban e è zǐn ganjí, bó ná só jinukún ɖ'é jí ɔ́ ɖɔhun. Zaanɖé din ɔ́, yiya hwenu tɔn ná su.”

Jowɛ́li 3:2

Đo azǎn énɛ́ lɛ́ɛ mɛ ɔ́, un ná gba Yɛ ce kɔn nyi mɛsɛntɔ́ súnnu kpó nyɔ̌nu kpó ɖésú jí.

Luki 3:17

É hɛn atɛ tɔn alɔ mɛ, bó ná fún jinukún tɔn. É ná bɛ́ jinukún ɔ́ dó kɔ́zún mɛ; wɔn lɛ́ɛ ɔ́, é ná bɛ́ yě kɔn nyi zo e ma nɔ cí gbeɖé ǎ é mɛ.”