Micée 4:11 - MAWUXÓWÉMA

¹¹ Din ɔ́, akɔta gěgé ko sɛ ta kplé dó mi wú, bó nɔ ɖɔ è nǐ kɔ́n wi nú to mitɔn, bónú émí ná mɔ lě e Jeluzalɛ́mu toxo ɔ́ ná gba gbɔn é.

Micée 4:11 Iomraidhean Croise

Ɖɛhan 129:5

Mɛ e gbɛ́ wǎn nú Sinyɔ́ɔ lɛ́ɛ bǐ ní ɖu winnyá, bó jó agɔ.

Ɖɛhan 83:5

Yě ɖɔ: “Mi wá mǐ ní ɖe yě sín ayǐkúngban ɔ́ jí, bónú mɛɖé ma sɔ́ flín nyǐkɔ Izlayɛ́li tɔn gbeɖé ó.”

Ezayíi 10:7

Nǔ e myá nukún nú éyɛ́ é ká nɛ́ ǎ, lě e é ná wa gbɔn bó sú akɔta gěgé sín kún dó, bó gba to yětɔn é wɛ ɖo ayi mɛ n'i.

Ezayíi 17:12

Heelú! Étɛ́ ká ɖíe! Mi se zǐngídi e jí togun wɔ̌buwɔ́bú élɔ́ lɛ́ɛ ɖe é! Yě ɖo adǎn jí bɔ a nǎ ɖɔ xu wɛ ɖo zǐn xo wɛ. Akɔta lɛ́ɛ ɖo zǐngídi jí bɔ a nǎ ɖɔ xu ɖaxó ɖaxó lɛ́ɛ wɛ ɖo xixo wɛ kpó hlɔ̌nhlɔ́n kpó.

Ezayíi 29:7

Aliɛ́li, akɔta wɔ̌buwɔ́bú e ɖo ahwan fun xá we wɛ lɛ́ɛ, yě mɛ e ɖo ahwan tɔ́n we wɛ lɛ́ɛ: yě mɛ énɛ́ lɛ́ɛ e sín sɔ́ja sú ali dó we, bó ɖo ya dó nú we wɛ lɛ́ɛ ɔ́, yě bǐ nǎ bú nǔ e è mɔ ɖo dlɔ̌ mɛ ɔ́ ɖɔhun, yě bǐ nǎ bú nǔ e è mɔ ɖo amlɔ mɛ zǎn mɛ ɔ́ ɖɔhun.

Jelemíi 52:4

Hwenu e Sedesíyasi ɖo xwe tɛ́nnɛ bló wɛ ɖo zinkpo jí ɔ́, sun tɔn wǒgɔ́ ɔ́ mɛ, ɖo azǎn tɔn wǒgɔ́ ɔ́ gbe ɔ́, Nabukodonɔzɔ́ɔ, Babilɔ́nu xɔ́sú ɔ́ wá tɔ́n ahwan Jeluzalɛ́mu, é kpódó ahwangɔnu tɔn bǐ kpó. Yě wǎ ɖó gɔnu ɖó Jeluzalɛ́mu nukɔn bó xá toxo ɔ́, bó kun agbǒdo lɛ́ lɛ̌ dó.

Ezekiyɛ́li 26:3

Énɛ́ wú wɛ nyɛ Aklúnɔ Mavɔmavɔ ɖɔ: Tíi toxo, un ná wa nǔ xá we, un ná sɛ́ togun wɔ̌buwɔ́bú ɖé lɛ́ɛ dó, bɔ yě ná ɖo adǎn jí xu ɖɔhun bó wá gba we.

Ezekiyɛ́li 38:17

“Xó e nyɛ Aklúnɔ Mavɔmavɔ ɖɔ ɔ́ ɖíe: Hwi xó wɛ un ɖɔ ɖ'ayǐ xóxó gbɔn mɛsɛntɔ́ ce gbeyíɖɔ Izlayɛ́li tɔn lɛ́ɛ jí. Hwe énɛ́ nu ɔ́, mɛsɛntɔ́ gbeyíɖɔ lɛ́ɛ ɖɔ xó e un ɖɔ nú yě ɔ́ nú xwe mɔ̌kpán ɖɔ un ná kplá mɛɖé bɔ é ná tɔ́n ahwan togun ce.

Abudiyási 1:12

Hwenu e awě ɖo nɔví towe Judáanu lɛ́ɛ xo wɛ ɔ́, é ná kó gɔn nukún towe mɛ nyɔ́. Hwenu e è ɖo nǔ yětɔn hɛn gblé wɛ ɔ́, xomɛ ná ko gɔn hunhun we, hwenu e yě ɖo wǔvɛ́ mɔ wɛ ɔ́, a nǎ kó gɔn yě zun.

Micée 7:10

Kɛntɔ́ ce lɛ́ɛ ná mɔ nǔ e jɛ nɛ́ ɔ́, bɔ winnyá ná hu yě. Yě mɛ e nɔ kanbyɔ́ mì ɖ'ayǐ ɖɔ: “Fítɛ́ Mawu Mavɔmavɔ, Mawu towe ká ɖe” a jí lɛ́ɛ ɔ́, è nǎ gbídí yě ɖó afɔ wú lě e è nɔ ɖo zɔnlin ɖi wɛ bó nɔ́ gbídí babá ɖó afɔ wú é ɖɔhun, bɔ un ná mɔ kpó nukún ce lɛ́ɛ kpó, bó ná j'awǎ.

Zakalíi 12:3

Hwenɛ́nu ɔ́, un ná sɔ́ Jeluzalɛ́mu dó ɖó awǐnnya kpinkpɛn ɖé nú togun lɛ́ɛ bǐ. Mɛ e ná zé dó jǐ lɛ́ɛ bǐ ná gblé wǔ. Énɛ́ ɔ́, akɔta e ɖo ayǐkúngban jí lɛ́ɛ bǐ ná kplé bó húzú kpan nukɔn ɛ.”