Micée 4:1 - MAWUXÓWÉMA

¹ Ayǐ ɖé ná wá hɔ́n, bɔ só e jí sinsɛnxɔ ɔ́ ɖe ɔ́ ná yi jǐ hú só lɛ́ɛ bǐ, é ná hú ga só kpɛví kpɛví lɛ́ɛ bǐ, bɔ togun lɛ́ɛ ná nyi ahwan wá asá tɔn mɛ.

Micée 4:1 Iomraidhean Croise

Bǐbɛ́mɛ 49:1

Jakɔ́bu ylɔ́ vǐ tɔn lɛ́ɛ; ée yě wǎ ɔ́, é ɖɔ nú yě ɖɔ: “Mi sɛkpɔ́ mì, bónú má ɖɔ lě e sɔ ná cí gbɔn ɔ́ nú mi.

Bǐbɛ́mɛ 49:10

Axɔ́sú kpogɛ ɔ́ ná nɔ Judáa hɛ́nnu mɛ, gǎn kpogɛ ɔ́ ná nɔ vǐ tɔn lɛ́ɛ sín alɔmɛ, káká jɛ hwenu e mɛ e tɔn é nyí ɔ́ ná wá, bɔ togun lɛ́ɛ ná se tónú n'i é.

Ɖɛhan 110:3

Gbe e gbe a nǎ sɔ́ ahwannú bó xwe ahwan ɔ́, ahwanfuntɔ́ akowunká kɛ́ɖɛ́ wɛ ná kplá we yi. Dɔ̌nkpɛvú towe lɛ́ɛ ná sɛ kplé dó wǔ we, ɖo só mímɛ́ ɔ́ jí, ahǔn e nɔ́ ja ayǐtéhɔ̌nnu é ɖɔhun.

Ɖɛhan 22:27

Mɛ e nɔ zé yěɖée hwe lɛ́ɛ, ná ɖu nǔ gɔ́ xo. Mɛ e jó yěɖée nú Mawu Mavɔmavɔ lɛ́ɛ ná kpa susu n'i. Yě ná dɔ́ ji!

Ɖɛhan 48:1

Kolée ví súnnu lɛ́ɛ sín han.

Ɖɛhan 86:9

Aklúnɔ, akɔta e a blǒ lɛ́ɛ bǐ nǎ wá ɖe kɔ́ nú we, bǐ nǎ kpa susu nú nyǐkɔ towe.

Ezayíi 27:13

Gbe énɛ́ gbe ɔ́, lanzo ɖaxó ɔ́ ná jɛ gbe, bɔ mi mɛ e ahwan kplá yi Asilíi lɛ́ɛ, abǐ mi mɛ e è gba dó bɔ mi yi ɖo Ejípu lɛ́ɛ bǐ ná lɛ́ kɔ wá, bó ná jɛ kpo ɖo Mawu Mavɔmavɔ nukɔn, ɖo Jeluzalɛ́mu, ɖo só mímɛ́ ɔ́ jí.

Ezayíi 43:6

Un ɖɔ nú Totaligbé ɖɔ: ‘Jǒ yě dó!’ Bó ɖɔ nú Tofɔligbé ɖɔ: ‘Ma hɛn yě ɖó te ó.’ Mi kplá vǐ ce súnnu lɛ́ɛ wá nú mì sín dɔ̌n, bó kplá vǐ ce nyɔ̌nu lɛ́ɛ wá nú mì sín fí e gbɛ ɔ́ kponu ɖó é.

Ezayíi 49:6

É ɖɔ nú mì ɖɔ: “Azɔ̌ e wa nú mì wɛ a ɖe, bó ɖo akɔta Jakɔ́bu tɔn lɛ́ɛ sɔ́ sí te wɛ, bó ɖo mɛ e kpo ɖo Izlayɛ́li lɛ́ɛ kplá wá wɛ ɔ́, azɔ̌ énɛ́ ɔ́ kɛ́ɖɛ́ kpé ǎ. Un lɛ́ sɔ́ we dó ɖó wěziza nú akɔta ɖě lɛ́ɛ, bónú hwlɛngán ce ná yi káká fí e gbɛ ɔ́ kponu ɖó é.”

Ezayíi 54:2

Énɛ́ ɔ́ wú ɔ́, gblǒ ada nú goxɔ towe; vlɔ̌n goxɔ towe sín avɔ lɛ́ɛ ganjí, ma ɖɔ avɔ lɛ́ɛ vɛ́ axi ó. Nyi xɔkan towe ní ɖi ga, xwe só towe lɛ́ɛ ganjí.

Ezayíi 56:7

un ná kplá yě bǐ wá só mímɛ́ ce jí; un ná ná awǎjijɛ ɖaxó ɖé yě ɖo xwé ce gbe, fí e è nɔ xo ɖɛ ɖe é. Un ná yí vɔ̌ e yě ná sá nú mì ɖo vɔ̌sákpe ce jí lɛ́ɛ, kpódó nǔ e yě ná ná mì lɛ́ɛ kpó. Đó xwé ce ɔ́, è nǎ ylɔ́ ɖɔ: ‘Đɛxwé togun lɛ́ɛ bǐ tɔn.’ ”

Jelemíi 16:19

Mawu Mavɔmavɔ wɛ nyí gǎnjɛwú ce, é wɛ nyí sósyɛ́n ce. Adǎngbomɛ hwenu ɔ́, é wɛ nɔ́ nyí bibɛtɛn ce. Akɔta akɔta lɛ́ɛ ná gosín wɛ̌kɛ́zo ɛnɛ lɛ́ɛ bǐ jí wá mɔ we, bó ná ɖɔ nú we ɖɔ: “Nǔ e tɔ́gbó mǐtɔn lɛ́ɛ nɔ́ sɛn lɛ́ɛ bǐ wɛ nyí awo, nǔ yǎyá wɛ, yě kpé nǔɖé wú ǎ.

Jelemíi 26:18

“Axɔ́sú Judáa tɔn Ezekiyási hwenu ɖo fí ɔ́, nya gbeyíɖɔ Mawu tɔn ɖé tíin, bɔ è nɔ ylɔ́ ɛ ɖɔ Micée; nya énɛ́ ɔ́ Mɔlɛcɛ́tinu wɛ. É ɖɔ nú Judáa togun ɔ́ bǐ ɖɔ: Mi ɖótó xó e Mawu Mavɔmavɔ Nǔbǐwúkpétɔ́ ɔ́ ɖɔ é, é ɖɔ: ‘Sinyɔ́ɔ ná húzú gle lilɛ, Jeluzalɛ́mu ná húzú dǒglin, bɔ gběhan ná cyɔ́n só é jí Mawu Mavɔmavɔ sín xwé ɔ́ ɖe é.’

Jelemíi 3:17

Hwe nɛ́ nu ɔ́, è nǎ ylɔ́ Jeluzalɛ́mu ɖɔ axɔ́súzinkpo Mawu Mavɔmavɔ tɔn. Akɔta lɛ́ɛ bǐ ná kplé ɖo fínɛ́ ɖo gɔ̌n ce. Yě sɔ́ ná xwedó ayixa baɖabaɖa e ɖo xo yětɔn mɛ lɛ́ɛ ɖě dó wa nǔ ǎ.

Jelemíi 31:12

Yě ná wá Sinyɔ́ɔ só ɔ́ ta kpó awǎjijɛ kpó xósúsú kpó. Yě ná dó ahwan gbě, bó yi nǔ ɖagbe ɖagbe e Mawu Mavɔmavɔ ná ná yě lɛ́ɛ kɔn; é ná ná blěe yě, bó ná vɛ̌ɛn yɔ̌yɔ́ yě, bó ná ami yě, bó ná gbɔ̌ kpódó nyibú kpó yě. Yě ná cí jikpá e è hǔ sin ná ganjí é ɖɔhun, yě sɔ́ ná nɔ adohu adohu jí ɖě ǎ.

Jelemíi 48:47

Amɔ̌, ayǐ ɖo hǐnhɔ́n wɛ ɔ́, un ná zé yě ɖó ninɔmɛ e mɛ yě nɔ ɖ'ayǐ xóxó é. Xó e nyɛ Mawu Mavɔmavɔ ɖɔ ɔ́ nɛ́.” Lě e Mawu gbo Mɔwabu sín hwɛ gbɔn ɔ́ nɛ́.

Ezekiyɛ́li 38:16

A nǎ tɔ́n ahwan togun ce Izlayɛ́li ɔ́, bó ná cyɔ́n to ɔ́ ahǔn ɖɔhun. É ká ná lín káká có nǔ énɛ́ lɛ́ɛ ná jɛ. Un ná sɛ́ we dó bɔ a nǎ wǎ tɔ́n ahwan to ce, énɛ́ ɔ́, to ɖě lɛ́ɛ ná tunwun ɖɔ nyɛ wɛ nyí Mawu mímɛ́ ɔ́. Hwi Gɔgu ɔ́ wɛ un ka ná zán dó bló nǔ énɛ́ ɔ́.

Ezekiyɛ́li 40:2

Mawu zé mì yi Izlayɛ́li ɖo nǔmimɔ mɛ; é sɔ́ mì yi ɖó só ɖé jí; só ɔ́ yi jǐ ɖésú; nǔ xɔ ɖɔhun ɖé lɛ́ɛ ɖo só ɔ́ sín ajaja e ɖo afɔligbé ɔ́ mɛ, toxo ɖé wɛ ɖo fínɛ́ ɖɔhun.

Ezekiyɛ́li 43:12

Sɛ́n dodó e kan xwé ɔ́ é ɖíe: Tɛnmɛ e lɛ́ lɛ̌ dó xwé ɔ́ ɖo só ɔ́ ta ɔ́, è nǎ tunwun ɖɔ tɛn ɖé wɛ bɔ è sɔ́ ɖó vo nú Mawu.”

Daniyɛ́li 10:14

Din ɔ́, un wá bó ná ɖɔ nǔ e ná wá jɛ dó togun towe jí sɔ gúdo ɔ́ nú we. Nǔ ɔ́ wɛ Mawu ɖe xlɛ́ we bɔ a mɔ.’

Daniyɛ́li 2:28

Amɔ̌, Mawu ɖokpó ɖo sɛ́xwé, bó nɔ́ ɖe nǔbúdo lɛ́ɛ xlɛ́ mɛ. Axɔ́sú Nabukodonɔzɔ́ɔ, Mawu énɛ́ ɔ́ wɛ ná ɖɔ nǔ e ná jɛ sɔ ɔ́ nú mɛ. Din ɔ́, nǔ e è mɔ ɖo dlɔ̌ mɛtɔn mɛ ɔ́ ɖíe:

Daniyɛ́li 2:35

Đo nukúnxwixwe ɖokpó mɛ ɔ́, gan e ɖ'é mɛ é, ko e ɖ'é mɛ é, ganvɔ e ɖ'é mɛ é, kpatágan e ɖ'é mɛ é, kpó siká e ɖ'é mɛ é kpó bǐ gúdú, bó húzú afúntúntún, bɔ jɔhɔn d'alɔ mɛ bó dɔn yi lě e è ɖo jinukún fún wɛ ɔ́, jɔhɔn nɔ d'alɔ wɔn tɔn mɛ é ɖɔhun. Bǒcyɔ ɔ́, è sɔ́ mɔ wǔjɔnú tɔn ɖěbǔ ǎ. Awǐnnya e ká wá xo bǒcyɔ ɔ́ húzú só ɖaxó bó cyɔ́n ayǐkúngban ɔ́ bǐ.

Daniyɛ́li 2:44

Axɔ́sú énɛ́ lɛ́ɛ sín hwenu ɔ́, Mawu sɛ́xwé tɔn ná ɖe axɔ́súɖuto e mɛɖé má sixú gba ǎ é ɖokpó tɔ́n. Acɛkpikpa tɔn ná jɛ akɔta ɖěvo sí gbeɖé ǎ. Axɔ́súɖuto énɛ́ ɔ́ ná gba axɔ́súɖuto e ko ɖo ayǐ lɛ́ɛ bǐ, bó ná hu acɛ nú yě, bɔ yě sɔ́ ná tíin nyǐ ǎ. Lo ɔ́, éyɛ́ ná nɔ te káká sɔ́yi.

Daniyɛ́li 7:14

È ná ɛ acɛkpikpa kpó susu kpó, kpódó axɔ́súɖuɖu kpó, bónú togun lɛ́ɛ, akɔta lɛ́ɛ kpódó gbɛtɔ́ e nɔ dó gbe alɔkpa alɔkpa lɛ́ɛ kpó bǐ ná sɛn ɛ. Acɛkpikpa tɔn nyí acɛkpikpa ɖé, bó ná nɔ ayǐ káká sɔ́yi; é ná ɖó vivɔnu ǎ, mɛɖé ká ná sixú gba axɔ́súɖuto tɔn gbeɖé ǎ.

Daniyɛ́li 7:18

Axɔ́sú ɛnɛ énɛ́ lɛ́ɛ wá yi ɔ́, togun mímɛ́ Mawu Ajalɔ̌nlɔn ɔ́ tɔn ná wá ɖu axɔ́sú, bó ná nɔ axɔ́súɖuto ɔ́ nu káká yi mavɔ mavɔ.’

Daniyɛ́li 7:22

Lo ɔ́, degénɔ kpikpoe ɔ́ wá, bó mɔ hwɛjijɔ nú togun mímɛ́ Mawu Ajalɔ̌nlɔn ɔ́ tɔn. Ée hwe ɔ́ nu wá su ɔ́, togun mímɛ́ ɔ́ wá yí axɔ́súɖuto ɔ́.

Daniyɛ́li 7:27

Axɔ́súɖuto e ɖo ayǐkúngban ɔ́ jí lɛ́ɛ bǐ sín axɔ́súɖuɖu kpó acɛkpikpa kpó, kpódó susu yětɔn kpó ná húzú togun mímɛ́ Mawu Ajalɔ̌nlɔn tɔn ɔ́ tɔn. Togun mímɛ́ ɔ́ ná ɖu axɔ́sú káká yi mavɔ mavɔ, bɔ hlɔ̌nhlɔ́n e ɖo gbɛ ɔ́ mɛ lɛ́ɛ bǐ ná nɔ acɛ tɔn mɛ, bó ná nɔ́ se tónú n'i, bó ná nɔ́ sɛn ɛ.’

Ozée 3:5

Énɛ́ ɔ́ gúdo ɔ́, Izlayɛ́li ví lɛ́ɛ ná lɛ́ kɔ wá. Yě ná ba Mawu Mavɔmavɔ, Mawu yětɔn kpódó Davídi axɔ́sú yětɔn ɔ́ kpó mɔ. Nú é wá yá ɔ́, kpó sísí kpó wɛ yě ná ba Mawu Mavɔmavɔ ɔ́ kpó ɖagbe e é nɔ́ wa nú mɛ lɛ́ɛ kpó.

Micée 3:12

Đó midɛɛ lɛ́ɛ wú ɔ́, Sinyɔ́ɔ ná húzú gle e jí è na nɔ dó nǔ ɖe é, Jeluzalɛ́mu ná húzú zunkɔ́ta; lo ɔ́, fí e Sinsɛnxɔ Mawu tɔn e ɖo só jí ɔ́ ɖe ɔ́ bǐ ná húzú zungbó ɖó mi wú.

Zakalíi 14:10

To ɔ́ bǐ ná húzú, bó ná cí ayǐkúngban wɛnjɛ ɖɔhun sín Gɛva, ɖo totaligbé yi Hlimumɔ́ni, ɖo tofɔligbé. Jeluzalɛ́mu ná yi jǐ hú to e lɛ́ lɛ̌ dó e lɛ́ɛ, bó ná gbló sín Bɛnjamɛ́ɛ hɔn ɔ́ kɔn, káká yi fí e hɔn nukɔntɔn ɔ́ ɖe ɔ́, káká yi hɔn e ɖo zwe lɛ́ɛ mɛ ɔ́ kɔn, bó ná gosín Hananɛ́li sín síngbó ɔ́ kɔn, káká yi vɛ̌ɛnto axɔ́sú ɔ́ tɔn lɛ́ɛ kɔn.

Zakalíi 2:11

Jeluzalɛ́munu e ɖo kannumɔgbénu ɖo Babilɔ́nu lɛ́ɛ é mi, mi yá wǔ hɔn.”

Zakalíi 8:3

Énɛ́ ɔ́ wú wɛ un ɖo ɖiɖɔ wɛ ɖɔ un lɛ́ kɔ wá Jeluzalɛ́mu. Un lɛ́ wá jɛ Sinyɔ́ɔ. È nǎ nɔ ylɔ́ Jeluzalɛ́mu ɖɔ ‘Toxo e ɖo gbejí ɔ́’, bó ná nɔ́ ylɔ́ Sinyɔ́ɔ, só ce ɖɔ ‘Só mímɛ́’.

Malacíi 1:11

Sín zǎnzǎnhwe jí káká wá yi gbadahwe jí ɔ́, gbɛtɔ́ e ɖo ayǐkúngban ɔ́ jí lɛ́ɛ bǐ wɛ tunwun susu ce. Fí bǐ wɛ è nɔ dó zǎlínkpɔ́n zo ɖe dó ta ce mɛ, bó nɔ́ hɛn vɔ̌sánú e jɛ xá mì lɛ́ɛ wá nú mì ɖe. Nǔgbó wɛ, akɔta lɛ́ɛ tunwun susu ce.

Mɛsɛ́dó 2:17

‘Mawu ɖɔ: ɖo azǎn gǔdo gúdo tɔn lɛ́ɛ mɛ ɔ́, un ná gba Yɛ ce kɔn nyi mɛ bǐ jǐ; vǐ mitɔn lɛ́ɛ, súnnu kpó nyɔ̌nu kpán ná nɔ́ ɖɔ Mawuxó; dɔ̌nkpɛvú mitɔn lɛ́ɛ ná nɔ́ mɔ nǔ, bɔ Mawu ná nɔ́ xo dlɔ̌ nyɔ̌xónɔ mitɔn lɛ́ɛ.

Eblée 1:2

Amɔ̌, ɖo azǎn élɔ́ lɛ́ɛ, éé ɖo azǎn gǔdo gúdo tɔn nyí wɛ lɛ́ɛ mɛ ɔ́, é ɖɔ xó nú mǐ gbɔn vǐ tɔn jí; é jí wɛ Mawu ɖó gbɛ ɔ́ gbɔn; é wɛ Mawu sɔ́, bó zé nǔ lɛ́ɛ bǐ dó así ná.

2 Piyɛ́ɛ 3:3

Nǔ e mi ná tunwun jɛ nukɔn ɔ́ wɛ nyí ɖɔ: ɖo azǎn gǔdo gúdo tɔn lɛ́ɛ mɛ ɔ́, mɛ e nɔ zán gbɛ yětɔn lě e jlǒ yě ɖésúnɔ tɔn ba gbɔn lɛ́ɛ ná ɖe yěɖée xlɛ́. Yě ná ɖɔ slǎmɛ mi wú,

Nǔɖexlɛ́mɛ 11:15

Énɛ́ ɔ́ gúdo ɔ́, wɛnsagun Mawu tɔn tɛ́nwegɔ́ ɔ́ kún kpɛn, bɔ gbe ɖaxó ɖé lɛ́ɛ ɖi ɖo jǐxwé bó ɖɔ: “Axɔ́súɖuɖu gbɛ ɔ́ tɔn nyí Aklúnɔ mǐtɔn kpó Klísu tɔn kpán tɔn lo! Bɔ é ná ɖu axɔ́sú káká sɔ́yi.”

Nǔɖexlɛ́mɛ 15:4

Aklúnɔ, mɛ̌ ma ká ná ɖó sísí nú we ǎ? Mɛ̌ ka ná gbɛ́ ɖɔ émí kún ná kpa susu nú we ó? Đó hwi ɖokpónɔ géé wɛ nyí mǐmɛ́; to lɛ́ɛ bǐ ná wá sɛn we. Đó nǔ jlɔ́jlɔ́ e a nɔ wa lɛ́ɛ ɖe yěɖée xlɛ́ céɖécéɖé.”

Nǔɖexlɛ́mɛ 20:4

Un mɔ axɔ́súzinkpo lɛ́ɛ: è nǎ acɛ mɛ e jínjɔ́n jí lɛ́ɛ, bɔ yě ná ɖɔ hwɛ. Mɛ e è gbo ta, ɖó yě jlá Mawuxó ɔ́, bó ɖe kúnnu nú Jezu wútu lɛ́ɛ ɔ́, un lɛ́ mɔ lǐndɔ̌n yětɔn. Yě sɛn kanlin ɔ́ ǎ; yě sɛn akpajlɛ́ tɔn ǎ, kanlin ɔ́ sín wuntun ka ɖo nukɔn nú yě ǎ; é ka lɛ́ ɖo alɔ nú yě ǎ. Mɛ énɛ́ lɛ́ɛ lɛ́ wá gbɛ, bó ɖu axɔ́sú xá Klísu nú xwe afatɔ́n (1.000).