Micée 3:9 - MAWUXÓWÉMA

⁹ Izlayɛ́li mɛxó hwɛɖɔtɔ́ lɛ́ɛ e mi, mi ɖɔ xó ná wɛ un ɖe. Mi gbɛ́ wǎn nú nǔ ɖagbe wiwa, bó nɔ gba sɛ́n.

Micée 3:9 Iomraidhean Croise

Nɛɛmíi 13:17

Un gblé hwɛ dó ta nú tonukún Judáa tɔn lɛ́ɛ, bó ɖɔ nú yě ɖɔ: “Étɛ́ ká nyí nǔ baɖabaɖa énɛ́ ɔ́ bɔ mi ɖo wiwa wɛ, bó dó ɖo su ɖu nú gbɔjɛzán ɔ́ wɛ?

Tíntɔ́n 3:16

Yi kplé tomɛxó Izlayɛ́li tɔn lɛ́ɛ bó ɖɔ nú yě ɖɔ: “Mawu Mavɔmavɔ, Mawu e tɔ́gbó mitɔn lɛ́ɛ nɔ sɛn ɔ́, Mawu Ablaxámu, Izáki, kpó Jakɔ́bu kpó nɔ sɛn ɔ́ tɔ́n dó jǐ ce, bó ɖɔ nú mì ɖɔ: ‘Un mɔ nǔ e wa xá mi wɛ è ɖe ɖo Ejípu ɔ́, bó wá bó ná hwlɛ́n mi gán,

Nǔnywɛ́xó 17:15

Mɛ e yí hwɛ dó mɛdídá jí é, kpó mɛ e ɖó hwɛ nú hwɛjijɔnɔ é kpó bǐ wɛ Mawu Mavɔmavɔ gbɛ́ wǎn ná.

Nǔnywɛ́xó 17:23

Mɛdídá nɔ ɖu kpa ɖo nǔglɔ́, lobo nɔ húzú hwɛjijɔ xwe.

Nǔnywɛ́xó 18:5

É nyɔ́ nú è na nɔ mɛ e wa nǔ nyi do ɔ́ jí, lobo gblé hwɛ dó ta nú mɛ e hwɛ tɔn jɔ é ǎ.

Nǔnywɛ́xó 21:7

Dǎka e mɛdídá lɛ́ɛ nɔ́ xo ɔ́ wɛ nɔ kplá yě yi kú, ɖó yě nɔ́ gbɛ́ ɖɔ émí kún ná xwedó hwɛjijɔ ó.

Ezayíi 1:23

Gǎn towe lɛ́ɛ ɔ́, gǔfɔ́ntɔ́ wɛ nú yě, yě nɔ́ nɔ awo mɛ nú ajotɔ́ lɛ́ɛ. Nǔwlóɖutɔ́ wɛ nú yě, nǔ ɖu ɖo nǔ mɛ ba wɛ jɛ́n yě nɔ́ ɖe. Yě nɔ́ táfú tɔ́cyɔvǐ lɛ́ɛ, yě nɔ́ ɖótó hwɛ e jɛ nú yě wɛ asúkúsi ɖe é ǎ.

Jelemíi 5:28

Adǎkaxotɔ́ lɛ́ɛ ɖu nǔ ɖagbe ɖagbe lɛ́ɛ bó kló, wǔtu yětɔn bǐ ɖǐɖí. Yě nɔ́ ɖo adǎka xo wɛ magbokɔ. Yě nɔ́ jɛ ahwan tɔ́cyɔvǐ jí ǎ. É má nyí mɔ̌ ǎ ɔ́, hwɛ ná ko kpa mɛ énɛ́ lɛ́ɛ. Wamamɔnɔ sín hwɛ jɔ ɔ́, yě nɔ́ yí hwɛ n'i ǎ.

Ezekiyɛ́li 44:23

“Vɔ̌sánú-xwlémawutɔ́ lɛ́ɛ ná kplɔ́n vogbingbɔn e ɖo nǔ e è ɖe ɖó vo nú mì é kpó nǔ e nyí nǔ kpaa é kpó togun ce, bó ná lɛ́ xlɛ́ yě vogbingbɔn e ɖo nǔ e nyí nǔ mímɛ́ e kpó nǔ e nyí nǔ blíblí é kpó mɛ é.

Ozée 5:1

“Vɔ̌sánú-xwlémawutɔ́ lɛ́ɛ mi, mi ɖótó xó élɔ́! Izlayɛ́li sín gǎn lɛ́ɛ mi, mi lɔmɔ̌ ní ɖótó. Mi mɛ e ɖo axɔ́sú ɔ́ sín hɔnmɛ lɛ́ɛ mi, mi lɔmɔ̌ ní ɖótó. Midɛɛ lɛ́ɛ wɛ ɖó ná ɖɔ hwɛ jlɔ́jlɔ́. Lo ɔ́, fɛ́ca wɛ mi nyí nú togun ce ɖo Misipa, bó nyí ɖɔ bɔ è ɖǒ n'i ɖo Tabɔ́ɔ só jí,

Levíi ví 26:15

ényí mi hɔn sɛ́n ce lɛ́ɛ nyi gbě ɔ́, ényí mi gbɛ́ wǎn nú tito ce lɛ́ɛ káká bó má nɔ́ bló nǔ e un zɔ́n lɛ́ɛ ǎ, lobo gbɛ́ akɔ e un jɛ xá mi ɔ́,

Amɔ́si 5:7

Heelú mi mɛ e nɔ zé nǔjlɔ́jlɔ́wiwa dó mɔ nǔ nyanya wiwa ná, bó nɔ́ zé hwɛjijɔ dó xo kɔ́ ná lɛ́ɛ.

Micée 1:1

Hwenu e Jotámu kpó Akázi kpó, kpódó Ezekiyási kpó ɖo axɔ́sú ɖu wɛ ɖo Judáa ɖě jɛ ɖě gúdo ɔ́, Mawu Mavɔmavɔ sɔ́ xó élɔ́ dó ayi mɛ nú Micée Mɔlɛcɛ́tinu ɔ́. É ɖe nǔ e ná wá jɛ dó Samalíi toxo ɔ́ kpó Jeluzalɛ́mu toxo ɔ́ kpó jí ɔ́ xlɛ́ ɛ.

Micée 3:1

Izlayɛ́li mɛxó hwɛɖɔtɔ́ lɛ́ɛ e mi, mi ɖɔ xó ná wɛ un ɖe; azɔ̌ mitɔn wɛ nyí ɖɔ mi ní tunwun nǔ e nyí nǔ jlɔ́jlɔ́ ɔ́ ǎ cé?

Sɛ́nflínmɛ 27:19

“Heelú mɛ e nɔ dó hwɛ agɔ nú jǒnɔ abǐ tɔ́cyɔvǐ, abǐ asúkúsi é!” Bɔ togun ɔ́ bǐ ná ɖɔ: “Amǐ.”