Micée 3:6 - MAWUXÓWÉMA

⁶ Din ɔ́, gbeyíɖɔ Mawu tɔn lɛ́ɛ e mi: “Zǎn ná kú dó mi; mi sɔ́ ná nɔ mɔ nǔɖé ǎ; mi ká sɔ́ ná nɔ mɔ nǔ e ɖo na jɛ wɛ ɔ́ ɖě bo ɖɔ ǎ. Zǐnflú ná vun blá mi lě e hwe nɔ yi xɔ, bɔ zǎn nɔ kú é ɖɔhun; mi sɔ́ ná nɔ mɔ nukúnnú ɖěbǔ ǎ.”

Micée 3:6 Iomraidhean Croise

Ɖɛhan 74:9

Mǐ sɔ́ nɔ́ mɔ asyá mǐtɔn ɔ́ ɖě ǎ. Gbeyíɖɔ Mawu tɔn ɖě sɔ́ ɖe ǎ. Mɛ ɖěbǔ ka ɖo mǐ mɛ bó tunwun hwenu e é ná fó dó ɔ́ ǎ.

Ezayíi 29:10

ɖó Mawu Mavɔmavɔ xwé nǔ dó ayi mitɔn nu; é blá nukún mɛ nú mi. Nukún mitɔn lɛ́ɛ wɛ nyí gbeyíɖɔ Mawu tɔn lɛ́ɛ. Mawu Mavɔmavɔ cyɔ́n nǔ dó ta nú mi; ta mitɔn lɛ́ɛ wɛ nyí nǔmɔtɔ́ lɛ́ɛ.

Ezayíi 59:10

Mǐ nɔ ɖo avi dlá wɛ gbɔn dǒ wú dǒ wú nukúntíntɔ́nnɔ ɖɔhun; mǐ nɔ ɖo ali ba wɛ mɛ e ma ɖó nukún ǎ é ɖɔhun. Hwe mɛ cíɖíɖí wɛ mǐ nɔ́ klɛ́n afɔ zǎn mɛ wɛ mǐ ɖe ɖɔhun; lanmɛ mǐtɔn ɖo ganjí, mǐ ká cí mɛkúkú ɖɔhun.

Jelemíi 13:16

Mi kpa susu nú Mawu Mavɔmavɔ, Mawu mitɔn cóbónú é ná dɔn mi dó ablu mɛ; mi kpa susu n'i cóbó ná jɛ afɔ gba dó só wú jí, ɖo ablu mɛ. Mi ná ɖo te kpɔ́n wěziza, Mawu Mavɔmavɔ ka ná sɔ́ dó húzú zǐnflú gɔngɔn, é ná sɔ́ dó húzú ablu ɖaxó.

Jelemíi 15:9

Nyɔ̌nu e ji vǐ tɛ́nwe ɔ́ ba éɖée kpo; gbɛ tɔn sɔ́ nyí nǔɖé wa nǔ ǎ; kéze kpo ɖo te bɔ hwe tɔn cí. É ɖu winnyá, bó flú. Jeluzalɛ́mu, vǐ towe e kpó ɖo gbɛ lɛ́ɛ ɔ́, un ná jó yě, bɔ yě ná kú ɖo ahwangbénu ɖo kɛntɔ́ yětɔn lɛ́ɛ nukɔn; Xó e nyɛ Mawu Mavɔmavɔ ɖɔ ɔ́ nɛ́.”

Jelemíi 18:18

Énɛ́ ɔ́ gúdo ɔ́, mɛ ɖé lɛ́ɛ nɔ ɖɔ ɖo yěɖée tɛ́ntin ɖɔ: “Mi wá mǐ blá Jelemíi gbé. Vɔ̌sánú-xwlémawutɔ́ e ná kplɔ́n sɛ́n ɔ́ mǐ ɔ́ hán ǎ. Nǔnywɛ́tɔ́ e ná kplɔ́n nǔ mǐ ɔ́ hán ǎ. Gbeyíɖɔ e ná ɖɔ Mawuxó nú mǐ ɔ́ hán ǎ. Mi wá mǐ ní kpa xó ɖɔ dó nu tɔn, dó ba xó e. Mǐ nǎ ké ya nú xó e wlí ɖɔ wɛ é nɔ́ ɖe lɛ́ɛ ǎ.”

Ezekiyɛ́li 13:9

“Un ná wa nǔ xá gbeyíɖɔ e nɔ́ ɖo nǔ kpa ɖɔ wɛ, bó nɔ́ ɖɔ nǔ wɛ émí mɔ lɛ́ɛ. Yě ná nɔ togun ce mɛ ǎ. È nǎ wlán nyǐkɔ yětɔn dó Izlayɛ́li ví lɛ́ɛ mɛ ǎ; yě ná lɛ́ kɔ wá Izlayɛ́li yíkúngban ɔ́ jí ǎ. Énɛ́ ɔ́, yě ná tunwun ɖɔ nyɛ wɛ nyí Aklúnɔ Mavɔmavɔ.

Ezekiyɛ́li 7:26

Nǔ nyanya ná jɛ ɖě jɛ ɖě gúdo; è nǎ se wɛn nyanya ɖě jɛ ɖě gúdo. Yě ná nɔ́ yi kanbyɔ́ gbeyíɖɔ Mawu tɔn lɛ́ɛ ɖɔ Mawu ka ɖe nǔɖé xlɛ́ yě dó nǔ e ɖo jijɛ wɛ ɔ́ wú nú émí ají. Vɔ̌sánú-xwlémawutɔ́ sɔ́ ná kplɔ́n nǔɖé mɛ ǎ. Tomɛxó lɛ́ɛ lɔ sɔ́ ná tunwun nǔnywɛ́ ɖé bó ná ná mɛ ǎ.

Amɔ́si 8:11

Azǎn ɖé ná wá bɔ un ná sɛ́ adɔ dó to ɔ́ mɛ. Xovɛ́ ná nɔ sin mɛ lɛ́ɛ, é ká ná nyí nǔɖuɖu sín xovɛ́ ǎ. Kɔ ná xú yě, é ká ná nyí sin sín kɔ wɛ na xú yě ǎ; lo ɔ́, xó e ɖɔ wɛ un ɖe ɔ́ sín xovɛ́ wɛ ná sin yě, bɔ kɔ tɔn ná xú yě.

Micée 2:6

Mɛ ɖé lɛ́ɛ nɔ ɖɔ nú mì ɖɔ: “Gbɔ xógbló énɛ́ ɔ́ ɖɔ!