Micée 3:5 - MAWUXÓWÉMA

⁵ Gbeyíɖɔ Mawu tɔn e nɔ flú togun Mawu tɔn lɛ́ɛ ɔ́, nǔ e ɖɔ nú yě wɛ Mawu Mavɔmavɔ ɖe ɔ́ ɖíe: Ényí mɛɖé ná yě akwɛ́ ganjí ɔ́, yě nɔ́ ɖɔ nú mɛ ɔ́ ɖɔ nǔ tɔn bǐ nyɔ̌; lo ɔ́, yě nɔ́ tɔ́n ahwan mɛ e ma nɔ dó nǔɖé nu nú yě ǎ lɛ́ɛ.

Micée 3:5 Iomraidhean Croise

Nǔnywɛ́xó 28:21

É nyɔ́ bónú è nǎ nɔ gbɛtɔ́ jí ǎ; nǔ ɖo mɔ̌ có mɛ ɖé lɛ́ɛ nɔ́ kpɔ́n dó nǔɖuɖu gǒbǔ ɖé wú, bó nɔ́ hu hwɛ.

Ezayíi 3:12

Mawu ɖɔ: “Áo togun ce! Yɔkpɔ́vú kpɛví kpɛví ɖé lɛ́ɛ wɛ ɖo acɛ kpa nú we wɛ; nyɔ̌nu lɛ́ɛ wɛ ɖo gǎn ɖu wɛ. Áo togun ce! Nukɔntɔ́ towe lɛ́ɛ nɔ́ ɖo dindɔn we bú wɛ. Fí e kplá we yi wɛ yě ɖe ɔ́ nyɔ́ ǎ.”

Jelemíi 23:27

Yě lɛ́n ɖɔ émí ná ɖe mì sín ayi mɛ nú togun ce, bó nɔ́ ɖo dlɔ̌ e yě kú bó ɖɔ ɔ́ wlí ɖɔ nú yěɖée wɛ, lě e togun ce sín tɔ́gbó lɛ́ɛ bló gbɔn, bó jó mì dó, bó xwedó vodún Baalu é.

Jelemíi 23:32

Yě mɛ gbeyíɖɔ énɛ́ lɛ́ɛ e nɔ ɖó adingban, bó nɔ́ ɖɔ émí kú dlɔ̌, bó nɔ́ wlí ɖɔ nú togun ce, bó ná dó dɔn ɛ bú ali lɛ́ɛ ɔ́, un ɖo yě ba wɛ vɛ́návɛ́ná. Adingban yětɔn lɛ́ɛ kpó xógbló yětɔn lɛ́ɛ kpó wɛ yě nɔ́ dó dɔn togun ce bú ali; un ka sɛ́ yě dó fí ɖé ǎ, un ka zɔ́n nǔɖé yě ǎ, yě ká ɖo nǔ ɖagbe ɖěbǔ wa nú togun élɔ́ wɛ ǎ. Xó e nyɛ Mawu Mavɔmavɔ ɖɔ ɔ́ nɛ́.”

Jelemíi 6:14

Awě e ɖo togun ce xo wɛ ɔ́, yě sɔ́ dó ylɔ́ nǔɖé ǎ, bó nɔ́ ɖɔ: ‘Nǔ bǐ ɖo yiyi wɛ; nǔ bǐ ɖo yiyi wɛ linsinlinsin;’ nǔ ɖěbǔ ká ɖo yiyi wɛ ǎ;

Jelemíi 6:4

Yě nɔ́ sú xó ɖɔ: ‘Mi sɔ́ ahwan nú, mi wa mǐ tɔ́n ahwan ɛ hwemɛ cíɖíɖí! Yéége! Mi kpɔ́n! Zǎn ɖo kúkú dó mǐ wɛ, hwe ko ɖo xɔ yi wɛ! Ɔɔɔ!

Gbɛvíhan 2:14

Gbeyíɖɔ towe lɛ́ɛ ɔ́, xó e yě nɔ́ wá ɖɔ nú we, bó nɔ́ ɖɔ nyi wɛ ɖɔ lɛ́ɛ ɔ́, nǔ yǎyá wɛ, adingban wɛ. Yě nɔ́ ɖe hwɛ e a hu lɛ́ɛ gba ǎ; ényí hwɛ towe lɛ́ɛ wɛ yě kó ɖe gba ɔ́, adǎn élɔ́ ná ɖo gbigbo we wɛ ǎ. Xó e yě nɔ́ wá ɖɔ nú we bó nɔ́ ɖɔ nyi wɛ ɖɔ lɛ́ɛ ɔ́, nǔ yǎyá wɛ, adingban wɛ.

Ezekiyɛ́li 13:9

“Un ná wa nǔ xá gbeyíɖɔ e nɔ́ ɖo nǔ kpa ɖɔ wɛ, bó nɔ́ ɖɔ nǔ wɛ émí mɔ lɛ́ɛ. Yě ná nɔ togun ce mɛ ǎ. È nǎ wlán nyǐkɔ yětɔn dó Izlayɛ́li ví lɛ́ɛ mɛ ǎ; yě ná lɛ́ kɔ wá Izlayɛ́li yíkúngban ɔ́ jí ǎ. Énɛ́ ɔ́, yě ná tunwun ɖɔ nyɛ wɛ nyí Aklúnɔ Mavɔmavɔ.

Ozée 4:5

A nǎ klɛ́n afɔ bo jɛ ayǐ kéze ɖéɖé, bɔ hǎgbɛ́ towe gbeyíɖɔ ɔ́ lɔmɔ̌ ná klɛ́n afɔ bo jɛ ayǐ zǎn mɛ. Un ná sú nɔ towe sín kún dó.

Micée 2:11

Ényí mɛɖé wá xwetɔ́n, bó ɖo xó ɖɔ dó jɔhɔn mɛ wɛ, bó ɖó adingban nú mi ɖɔ vɛ̌ɛn kpó ahan syɛ́nsyɛ́n kpó ná sa ɖo to élɔ́ mɛ ɔ́, xówlíɖɔtɔ́ mɔ̌hunkɔtɔn wɛ jɛ xá togun élɔ́.

Micée 3:11

Hwɛɖɔtɔ́ lɛ́ɛ ɔ́, mɛ e dó nǔ nu nú yě ɔ́ sín hwɛ wɛ nɔ jɔ. Vɔ̌sánú-xwlémawutɔ́ lɛ́ɛ nɔ yí akwɛ́ ɖo mɛ sí, cóbó nɔ kplɔ́n Mawusɛ́n lɛ́ɛ mɛ. Gbeyíɖɔ Mawu tɔn lɛ́ɛ nɔ yí akwɛ́ ɖo mɛ sí cóbó nɔ dó Mawu sín wɛn mɛ. Nǔ ɖo mɔ̌ bɔ yě bǐ ká nɔ glá bó nɔ ɖɔ Mawu Mavɔmavɔ tɔn wɛ émí nyí, ɖɔ Mawu Mavɔmavɔ ɖo kpɔ́ xá émí, ɖɔ nǔ nyanya ɖěbǔ kún ná wa émí ó.

Malacíi 2:8

Lo ɔ́, mi vɔ̌sánú-xwlémawutɔ́ lɛ́ɛ ɔ́, mi wa azɔ̌ mitɔn énɛ́ ɔ́ ǎ; nǔ e mi nɔ kplɔ́n mɛ lɛ́ɛ zɔ́n bɔ mɛ gěgé bú ali. Mi hɛn akɔ e un jɛ xá mi ɔ́ gblé.” Mawu Mavɔmavɔ Nǔbǐwúkpétɔ́ ɔ́ wɛ ɖɔ mɔ̌.

Matíe 15:14

Mi jó yě dó; nukúntíntɔ́nnɔ lɛ́ɛ wɛ ɖo yěɖée kplá wɛ; ényí nukúntíntɔ́nnɔ ɖě ɖo ali xlɛ́ ɖě wɛ ɔ́, yě mɛ we lɛ́ɛ bǐ wɛ nɔ yi jɛ do mɛ.”

Matíe 7:15

“Mi cɔ́ miɖée dó mɛ e nɔ sɔ́ yěɖée dó ɖó gbeyíɖɔ Mawu tɔn lɛ́ɛ wú. Ninɔmɛ lɛ̌ngbɔ́ tɔn wɛ yě nɔ zé, bó nɔ́ wá mi gɔ́n; lo ɔ́, ɖo ayi yětɔn mɛ ɔ́, adǎnkanlin ɖi hla ɖɔhun wɛ nú yě.

Hlɔ̌manu 16:18

Đó gbɛtɔ́ mɔ̌hunkɔtɔn lɛ́ɛ ɖo azɔ̌ wa nú Klísu Aklúnɔ mǐtɔn ɔ́ wɛ ǎ; lo ɔ́, adɔgo yě ɖésúnɔ tɔn wa azɔ̌ ná wɛ yě ɖe. Yě nɔ ɖɔ xó víví, bó nɔ ɖɔ mɛblɛ́ɖuxó dó flú xomɛvɔ́nɔ lɛ́ɛ sín ayixa.