Micée 3:3 - MAWUXÓWÉMA

³ Yě nɔ́ ɖu togun ce sín lan; yě nɔ́ kɔ́n anyǔ yětɔn bó nɔ gba xú yětɔn lɛ́ɛ. Yě nɔ́ já lan yětɔn ɖi nǎ ɖa wɛ è ɖe ɖɔhun.

Micée 3:3 Iomraidhean Croise

Ɖɛhan 14:4

Mawu Mavɔmavɔ ɖɔ: “Mɛ e nɔ wa nǔ nyanya lɛ́ɛ bǐ jɛ́n ɖo manywɛ́ mɛ a? Yě nɔ́ ɖo togun ce wɔ ɖu wɛ; nǔɖuɖu yětɔn nɛ́. Yě nɔ́ sɛn mì ǎ.”

Ɖɛhan 27:2

Ényí nǔnyanyawatɔ́ lɛ́ɛ kplɔ́ dó mì, adǎnkanlin ɖɔhun ɔ́, yě mɛ kɛntɔ́ ce énɛ́ lɛ́ɛ wɛ nɔ́ j'ayǐ.

Nǔnywɛ́xó 30:14

“Mɛ ɖé lɛ́ɛ tíin, bɔ aɖǔ yětɔn nyí hwǐ, aglanká yětɔn nyí jǐví; yě ná tlɛ́n lelenɔ lɛ́ɛ ɖu, yě ná ɖe yě sín ayǐkúngban ɔ́ jí, yě ná sú wamamɔnɔ lɛ́ɛ sín kún dó sín gbɛtɔ́ lɛ́ɛ mɛ.”

Ezayíi 3:14

É dó hwɛ tomɛxó e ɖo togun tɔn mɛ lɛ́ɛ kpó gǎn e ɖo togun tɔn nu lɛ́ɛ kpó ɖɔ: “Mi wɛ hɛn vǐwuntín lɛ́ɛ gblé. Wamamɔnɔ lɛ́ɛ sín nǔ e mi fin lɛ́ɛ ɖo xwé mitɔn lɛ́ɛ gbe.

Ezayíi 3:15

Acɛ tɛ́ mi ka ɖó bó ɖo togun ce gbídí ɖó afɔ wú wɛ, bó ɖo asú fán wamamɔnɔ lɛ́ɛ wɛ?” Xó e Aklúnɔ, Mawu Mavɔmavɔ Nǔbǐwúkpétɔ́ ɔ́ kanbyɔ́ yě ɔ́ nɛ́.

Ezekiyɛ́li 11:3

Yě nɔ́ ɖɔ: ‘Káká jɛ hwe ɖé nu ɔ́, mɛ ɖé sɔ́ ná gbá xɔ ɖo fí ǎ. Jeluzalɛ́mu toxo ɔ́ cí nǔsúnnúzɛ́n ɖɔhun bɔ mǐdɛɛ lɛ́ɛ nyí lan bó ɖ'é mɛ.’

Ezekiyɛ́li 24:4

a nǎ fɔ langó, lan kloklo e nɔ nyɔ́ ɖu lɛ́ɛ d'é mɛ, a nǎ fɔ asá kpódó abɔ̌ kpó, kpódó lanxú e nɔ́ nyɔ́ ɖu ganjí lɛ́ɛ kpó d'é mɛ káká bɔ é ná gɔ́.

Amɔ́si 8:4

Mi mɛ e nɔ gbídí gbɛ̌dónánɔ lɛ́ɛ dó do lɛ́ɛ ɔ́, mi mɛ e nɔ sú kún dó nú wamamɔnɔ e ɖo to ɔ́ mɛ lɛ́ɛ ɔ́, mi ɖótó xó élɔ́:

Micée 2:8

Mawu yí gbe bó ɖɔ: “Mi húzú kɛntɔ́ togun ce tɔn. Mɛ ce lɛ́ɛ yi fun ahwan bó lɛ́ kɔ wá kpó jiɖiɖe kpó ɔ́, mi nɔ yí awu ɖaxó yětɔn dó axɔ́ e yě ɖu dó mi ɔ́ nu.

Sofoníi 3:3

Gǎn e ɖo toxo ɔ́ mɛ lɛ́ɛ cí kinnikínní e ɖo adǎn jí é ɖɔhun. Hwɛɖɔtɔ́ e ɖo toxo ɔ́ mɛ lɛ́ɛ cí hla e xovɛ́ sin, bɔ é yi zǎngbé, bɔ adɔ ma lɔn nǔ n'i nú é ɖu nǔɖé kpo nú zǎnzǎn ǎ é ɖɔhun.