Micée 3:12 - MAWUXÓWÉMA

¹² Đó midɛɛ lɛ́ɛ wú ɔ́, Sinyɔ́ɔ ná húzú gle e jí è na nɔ dó nǔ ɖe é, Jeluzalɛ́mu ná húzú zunkɔ́ta; lo ɔ́, fí e Sinsɛnxɔ Mawu tɔn e ɖo só jí ɔ́ ɖe ɔ́ bǐ ná húzú zungbó ɖó mi wú.

Micée 3:12 Iomraidhean Croise

Ɖɛhan 107:34

é wɛ nɔ́ sɔ́ to e sín ayǐkúngban nɔ hwán nǔ ɔ́ dó húzú ayǐkúngban jɛvɛ́jɛvɛ́, ɖó adǎka e to ɔ́ mɛ nu lɛ́ɛ nɔ́ xo é wú.

Ɖɛhan 79:1

Asáfu sín han. Mawu ce, akɔta ɖěvo ɖěvo lɛ́ɛ vun gba ayǐkúngban towe; yě ɖu su nú sinsɛnxɔ mímɛ́ towe; yě zé Jeluzalɛ́mu dó húzú dǒglin.

Ezayíi 32:14

Mɛ bǐ hɔn jó axɔ́sú ɔ́ sín xwé dó. Toxo e mɛ axi nɔ jɛ ɖe é jɛ vɔ̌. Mɛ bǐ jó Ofɛ́lu slǎ ɔ́ dó, bó jó tocɔ́kpe e ta sɔ́ja lɛ́ɛ nɔ́ nɔ é dó, bɔ tócí gbě tɔn lɛ́ɛ nɔ́ wá vo ɖo fínɛ́, bɔ kanlin lɛ́ɛ nɔ́ yi ɖu ama ɖo fínɛ́.

Jelemíi 17:3

Judáa togun e, hwi mɛ e nɔ sɛn vodún gbɔn só jí só jí, bó nɔ́ sɛn gbɔn nǔkan mɛ nǔkan mɛ ɔ́, nǔ e nyí towe lɛ́ɛ, dɔkun towe lɛ́ɛ kpó fí e a nɔ yi sɛn vodún gbɔn lɛ́ɛ kpó ɔ́, un jó bǐ nǔ kɛntɔ́, bɔ kɛntɔ́ ná vɔ bǐ, ɖó hwɛ e a hu gbɔn ayǐ towe lɛ́ɛ jí lɛ́ɛ wú.

Jelemíi 22:5

Amɔ̌, é ɖɔ nú mi ma ka ɖótó xó émítɔn ǎ ɔ́, xwé élɔ́ bǐ ná gba hánnyá; xó e Mawu Mavɔmavɔ xwlé é ɖésúnɔ bó ɖɔ ɔ́ nɛ́.

Jelemíi 22:6

“Xó e Mawu Mavɔmavɔ ɖɔ dó Judáa xɔ́sú ɔ́ sín hɔnmɛ wú ɔ́ ɖíe: Galadi zungbó ɖɔhun wɛ a cí ɖo nukún ce mɛ nǔgbó; a cí Libáan só ɖɔhun ɖo nukún ce mɛ nǔgbó. Amɔ̌, din ɔ́, un ná sɔ́ we dó húzú gbětótló, toxo e mɛ mɛɖé má ɖe ǎ é.

Jelemíi 26:18

“Axɔ́sú Judáa tɔn Ezekiyási hwenu ɖo fí ɔ́, nya gbeyíɖɔ Mawu tɔn ɖé tíin, bɔ è nɔ ylɔ́ ɛ ɖɔ Micée; nya énɛ́ ɔ́ Mɔlɛcɛ́tinu wɛ. É ɖɔ nú Judáa togun ɔ́ bǐ ɖɔ: Mi ɖótó xó e Mawu Mavɔmavɔ Nǔbǐwúkpétɔ́ ɔ́ ɖɔ é, é ɖɔ: ‘Sinyɔ́ɔ ná húzú gle lilɛ, Jeluzalɛ́mu ná húzú dǒglin, bɔ gběhan ná cyɔ́n só é jí Mawu Mavɔmavɔ sín xwé ɔ́ ɖe é.’

Jelemíi 35:17

“Énɛ́ ɔ́ wú wɛ Mawu Mavɔmavɔ togun e mi! Jeluzalɛ́munu lɛ́ɛ e mi! Nyladó e sín xó un ɖɔ ɖ'ayǐ lɛ́ɛ ɔ́, un na sɛ́ dó mi. Đó un ɖɔ xó nú mi, bɔ mi dó tókúse mɛ; un ylɔ́ mi, bɔ mi kɛ nu d'é mɛ nú mì ǎ.”

Jelemíi 44:2

“Mawu Mavɔmavɔ Nǔbǐwúkpétɔ́, Mawu Izlayɛ́li tɔn ɖɔ: ‘Mi mɔ awě e un sɛ́ dó Jeluzalɛ́mu kpó Judáa toxo ɖě lɛ́ɛ kpó é. Toxo énɛ́ lɛ́ɛ bǐ wɛ ko gba égbé din; bǐ kó jɛ vɔ̌.

Jelemíi 52:13

É dó Mawu Mavɔmavɔ xwé ɔ́ zo, bó dó hɔnmɛ ɔ́ kpó xwé e ɖo Jeluzalɛ́mu lɛ́ɛ bǐ kpó zo. Đo tají ɔ́, é dó gbɛtɔ́ nukúnɖéjí lɛ́ɛ sín xwé zo.

Jelemíi 9:10

Mawu ɖɔ: “Un ná sɔ́ Jeluzalɛ́mu dó húzú dǒglin; un ná sɔ́ dó húzú nɔtɛn nú ayǐsájɛ lɛ́ɛ. Un ná sɔ́ Judáa toxo ɖě lɛ́ɛ dó húzú gbětótló, mɛɖé ná nɔ fínɛ́ ǎ.”

Jelemíi 9:11

Gbɛtɔ́ e ɖó nǔnywɛ́ bó mɔ nukúnnú jɛ nǔ énɛ́ lɛ́ɛ mɛ é ɖě ká ɖe a? Ényí Mawu Mavɔmavɔ ɖɔ xó nú mɛ mɔ̌hunkɔtɔn hǔn, é ní bó ɖɔ nǔ e wú to ɔ́ gba ɔ́, nǔ e wú é ji zo bó cí gbětótló e mɛ mɛɖé má nɔ́ gbɔn ǎ é ɖɔhun é.

Gbɛvíhan 5:18

ɖó Sinyɔ́ɔ só ɔ́ húzú gbětótló, é húzú ayǐsájɛ lɛ́ɛ sín avatɛn.

Micée 1:6

Mawu ɖɔ: “Énɛ́ ɔ́ wú ɔ́, un ná gba Samalíi toxo ɔ́ bǐ hánnyá, bó ná zé dó húzú ayǐkúngban e jí è na nɔ dó vǐwun ɖe é. Un ná zɔ́n bɔ è ná flí awǐnnyaglo tɔn lɛ́ɛ kɔn nyi dodomɛ, bɔ to ɔ́ sín dodó lɛ́ɛ bǐ ná jɛ wěxo.

Matíe 24:2

Jezu ka ɖɔ nú yě ɖɔ: “Mi ma mɔ nǔ énɛ́ lɛ́ɛ bǐ a? Má ɖɔ nǔgbó nú mi: awǐnnya e è dǒ mɛ yě ná lɛ́ɛ ɔ́, ɖě sɔ́ ná wá nɔ ɖě jí ǎ; bǐ wɛ è nǎ mu.”