Micée 3:11 - MAWUXÓWÉMA

¹¹ Hwɛɖɔtɔ́ lɛ́ɛ ɔ́, mɛ e dó nǔ nu nú yě ɔ́ sín hwɛ wɛ nɔ jɔ. Vɔ̌sánú-xwlémawutɔ́ lɛ́ɛ nɔ yí akwɛ́ ɖo mɛ sí, cóbó nɔ kplɔ́n Mawusɛ́n lɛ́ɛ mɛ. Gbeyíɖɔ Mawu tɔn lɛ́ɛ nɔ yí akwɛ́ ɖo mɛ sí cóbó nɔ dó Mawu sín wɛn mɛ. Nǔ ɖo mɔ̌ bɔ yě bǐ ká nɔ glá bó nɔ ɖɔ Mawu Mavɔmavɔ tɔn wɛ émí nyí, ɖɔ Mawu Mavɔmavɔ ɖo kpɔ́ xá émí, ɖɔ nǔ nyanya ɖěbǔ kún ná wa émí ó.

Micée 3:11 Iomraidhean Croise

Nǔnywɛ́xó 17:23

Mɛdídá nɔ ɖu kpa ɖo nǔglɔ́, lobo nɔ húzú hwɛjijɔ xwe.

Ezayíi 1:23

Gǎn towe lɛ́ɛ ɔ́, gǔfɔ́ntɔ́ wɛ nú yě, yě nɔ́ nɔ awo mɛ nú ajotɔ́ lɛ́ɛ. Nǔwlóɖutɔ́ wɛ nú yě, nǔ ɖu ɖo nǔ mɛ ba wɛ jɛ́n yě nɔ́ ɖe. Yě nɔ́ táfú tɔ́cyɔvǐ lɛ́ɛ, yě nɔ́ ɖótó hwɛ e jɛ nú yě wɛ asúkúsi ɖe é ǎ.

Ezayíi 48:2

Mi nɔ ylɔ́ miɖée ɖɔ toxo mímɛ́ ɔ́ mɛ nu, mi nɔ gán jɛ Mawu Izlayɛ́li tɔn e nyǐkɔ tɔn nɔ nyí “Mawu Mavɔmavɔ Nǔbǐwúkpétɔ́” ɔ́ wú; din ɔ́, mi bo ɖótó xó élɔ́:

Ezayíi 5:23

Yě nɔ́ yí nǔ ɖu ɖo mɛ e kú hwɛ ɔ́ sí, bó nɔ́ ɖɔ hwɛ tɔn nyɔ́; xomɛvɔ́nɔ ná bo nyɔ́ hwɛ ɔ́, yě nɔ́ kpɔ́n énɛ́ ǎ.

Ezayíi 56:11

Cukú wɛ nú yě; nǔ e yě mɔ ɔ́ bǐ wɛ yě nɔ́ vún ɖu; nǔɖuɖu nɔ́ kpé yě gbeɖé ǎ. Nǔ ɖo mɔ̌ bɔ yě ká ɖo togun ce nu; yě tunwun ɖagbe ɖo nyanya mɛ ǎ; nǔ e jló yě lɛ́ɛ kɛ́ɖɛ́ wɛ yě nɔ́ bló; mɛ ɖokpó ɖokpó nɔ́ ɖo ɖagbe é ɖésúnɔ tɔn ba wɛ; yě ɖě hwe ɖ'é mɛ ǎ.

Jelemíi 23:17

Yě nɔ́ ɖɔ nú mɛ e nɔ wa nǔ e yě xwe lɛ́ɛ ɖɔ: ‘Mawu Mavɔmavɔ ɖɔ: Mi bǐ ná vo.’ Yě nɔ́ ɖɔ nú mɛ e nɔ wa nǔ e jló yě lɛ́ɛ ɖɔ: ‘Nǔ ɖěbǔ ná wa mi ǎ.’

Jelemíi 26:7

Nǔgbó ɔ́, Jelemíi yi Mawu Mavɔmavɔ xwé ɔ́ sín kɔ́xo ɔ́ ta bó dó wɛn ɔ́, bɔ vɔ̌sánú-xwlémawutɔ́ lɛ́ɛ, gbeyíɖɔ lɛ́ɛ, kpó mɛ e ɖo fínɛ́ lɛ́ɛ bǐ kpó se.

Jelemíi 5:12

Mawu ɖɔ: “Izlayɛ́li togun ɔ́ kpó Judáa togun ɔ́ kpó nɔ hu tɛ́ nú nyɛ Mawu Mavɔmavɔ; yě nɔ́ ɖɔ nyɛ Mawu Mavɔmavɔ ɔ́ kún ɖó acɛ ɖé ó. Awě ɖě kún ɖo émí ná xo wɛ ó. Ahwan ɖě kún ká ɖo émí ná tɔ́n wɛ ó, adɔ ɖě kún ká ɖo nǎ tɔ́n émí wɛ ó.

Jelemíi 6:13

Đó yě bǐ wɛ dɔkun gbo vɛ̌, bɛ́ sín yɔkpɔ́vú lɛ́ɛ jí, káká yi mɛxó lɛ́ɛ jí. Gbeyíɖɔ kpó vɔ̌sánú-xwlémawutɔ́ kpó bǐ wɛ nɔ xo awo.

Jelemíi 7:4

Mɛblɛ́blɛ́ sín xó e sú wɛ è nɔ ɖe, bo nɔ ɖɔ: ‘Xwé e gbe Mawu Mavɔmavɔ nɔ nɔ ɔ́ ɖíe ɖo fí e, Mawu Mavɔmavɔ xwé ɔ́ ɖíe, fí e Mawu Mavɔmavɔ xwé ɔ́ ɖe ɔ́ jɛ́n ɖíe’ é ɔ́, mi ma gán jɛ wú ó.

Jelemíi 8:10

Mawu ɖɔ: “Yě bǐ wɛ dɔkun gbo vɛ̌, bɛ́ sín yɔkpɔ́vú jí káká yi mɛxó jí. Gbeyíɖɔ kpó vɔ̌sánú-xwlémawutɔ́ kpó bǐ wɛ nɔ xo awo. Énɛ́ ɔ́ wú wɛ un ná sɔ́ asi yětɔn lɛ́ɛ jó nú mɛ ɖěvo lɛ́ɛ, bó sɔ́ gle yětɔn lɛ́ɛ jó nú mɛ e ná wá vɔ yě lɛ́ɛ.

Ezekiyɛ́li 22:12

Yě nɔ́ ɖu nǔ ɖo nǔ mɛ, bó nɔ́ kɔn kanjɔ kɔn nyi ayǐ; yě nɔ́ sa akwɛ́ nú mɛ; yě nɔ́ táfú to yětɔn mɛ nu lɛ́ɛ, bó nɔ́ jɛ dɔkun. Yě nɔ́ wɔn mì. Xó e nyɛ Aklúnɔ Mavɔmavɔ ɖɔ ɔ́ nɛ́.

Ezekiyɛ́li 22:27

Togun ɔ́ sín gǎn lɛ́ɛ cí hla e wlí lan bó ɖo vǔnvún ɖu wɛ é ɖɔhun. Yě nɔ́ kɔn kanjɔ kɔn nyi ayǐ; yě nɔ́ hu mɛ lɛ́ɛ bó nɔ́ bɛ́ nǔ yětɔn.

Ezekiyɛ́li 34:2

“Hwɛ gbɛtɔ́ e, gǎn e ɖo Izlayɛ́li ví lɛ́ɛ nu lɛ́ɛ ɔ́, xó e ɖɔ dó yě wú wɛ un ɖe lɛ́ɛ ɔ́, ɖɔ nú yě. Ɖɔ nú yě ɖɔ xó e Aklúnɔ Mavɔmavɔ ɖɔ ɔ́ ɖíe: heelú mi mɛ e nyí lɛ̌ngbɔ́nyitɔ́ Izlayɛ́li tɔn lɛ́ɛ. Miɖée kɛ́ɖɛ́ wú wɛ mi nɔ kpé nukún dó. É má ká nyí lɛ̌ngbɔ́ lɛ́ɛ wú wɛ lɛ̌ngbɔ́nyitɔ́ lɛ́ɛ ɖó ná kpé nukún dó ǎ cé?

Ozée 4:18

Yě nu ahan gɔ́ xo lě tlóló ɔ́, aga lɛ jí jɛ́n yě nɔ́ jɛ. Winnyánúwiwa jɛ́n nɔ́ myá nukún nú gǎn yětɔn lɛ́ɛ.

Ozée 4:8

Vɔ̌ e togun ce nɔ wá sá nú mì ɖó hwɛ e yě hu ɔ́ tamɛ ɔ́ wɛ nyí nǔɖuɖu yětɔn. Hǔn, nǔ ɖokpó e nɔ́ myá nukún nú yě ɔ́ wɛ nyí ɖɔ togun ce ní fɔ́n bó ɖo hwɛ hu wɛ .

Amɔ́si 5:14

Hǔn, mi bó nɔ́ wa nǔ ɖagbe, bó jó nǔ nyanya wiwa dó; énɛ́ ɔ́, mi ná gán bɔ Mawu Mavɔmavɔ, Mawu Nǔbǐwúkpétɔ́ ɔ́ ná nɔ kpɔ́ xá mi lě e mi ba gbɔn é.

Amɔ́si 9:10

Yě mɛ e wa nǔ nyi do ɖo togun ce mɛ lɛ́ɛ bǐ ná cí ahwan; yě mɛ e nɔ ɖɔ nú gbeyíɖɔ lɛ́ɛ ɖɔ yě kún ná dɔn nyladó e sín adǎn gblɔ́n nú émí wɛ yě ɖe lɛ́ɛ dó émí jí ó lɛ́ɛ bǐ ná cí ahwan.”

Micée 3:5

Gbeyíɖɔ Mawu tɔn e nɔ flú togun Mawu tɔn lɛ́ɛ ɔ́, nǔ e ɖɔ nú yě wɛ Mawu Mavɔmavɔ ɖe ɔ́ ɖíe: Ényí mɛɖé ná yě akwɛ́ ganjí ɔ́, yě nɔ́ ɖɔ nú mɛ ɔ́ ɖɔ nǔ tɔn bǐ nyɔ̌; lo ɔ́, yě nɔ́ tɔ́n ahwan mɛ e ma nɔ dó nǔɖé nu nú yě ǎ lɛ́ɛ.

Micée 7:3

Nǔ nyanya wiwa sín gǎn wɛ yě nyǐ. Gǎn lɛ́ɛ kpó hwɛɖɔtɔ́ lɛ́ɛ kpó nɔ byɔ́ ɖɔ émí ná ɖu nǔ ɖo nǔ mɛ dandan. Gbɛtɔ́ nukúnɖéjí lɛ́ɛ ɖo nǔɖé ba wɛ ɔ́, yě nɔ́ ɖɔ gannaganna, bó nɔ́ ba wlɛnwín tɔn ɖó kpɔ́, bó nɔ́ bló.

Sofoníi 3:3

Gǎn e ɖo toxo ɔ́ mɛ lɛ́ɛ cí kinnikínní e ɖo adǎn jí é ɖɔhun. Hwɛɖɔtɔ́ e ɖo toxo ɔ́ mɛ lɛ́ɛ cí hla e xovɛ́ sin, bɔ é yi zǎngbé, bɔ adɔ ma lɔn nǔ n'i nú é ɖu nǔɖé kpo nú zǎnzǎn ǎ é ɖɔhun.

Sofoníi 3:4

Gbeyíɖɔ Mawu tɔn e ɖo toxo ɔ́ mɛ lɛ́ɛ nɔ tɛ afɔ ayǐ. Adingbannɔ wɛ yě nyí. Vɔ̌sánú-xwlémawutɔ́ tɔn lɛ́ɛ nɔ ɖó sísí nú nǔ e è zě xwlé Mawu é ǎ; yě nɔ́ gba Mawu sɛ́n.

Malacíi 1:10

Ényí mi ɖokpó gbɔ bó yi sú sinsɛnxɔ ɔ́ sín hɔn lɛ́ɛ ɔ́, é ná nyɔ́ hú. Énɛ́ ɔ́, mi sɔ́ ná nɔ́ yi flɔ́ myɔ dó wǔvɔ́, ɖo vɔ̌sákpe ce jí ǎ. Nú un ná ɖɔ xó nǔgbó nú mi ɔ́, mi nɔ nyɔ́ mɔ nú mì ǎ, vɔ̌sánú e mi nɔ xwlé mì lɛ́ɛ nɔ́ nyɔ́ nukún ce mɛ ǎ. Mawu Mavɔmavɔ Nǔbǐwúkpétɔ́ ɔ́ wɛ ɖɔ mɔ̌.

Malacíi 2:9

É lɛ́ ɖɔ: “Nyɛ ɔ́, un ná fɔ́n Izlayɛ́li togun ɔ́ bǐ dó mi jí, bɔ é ná gbɛ́ wǎn nú mi, bó dó winnyá mi, ɖó jlǒ ce e mi ma nɔ́ wa ǎ, kpó gbɛtɔ́ jí e mi nɔ́ nɔ bó má nɔ́ nɔ xó jí ǎ é kpó wú.”

Kɛ́nsísɔ́ 16:15

Ée Mɔyízi se mɔ̌ ɔ́, xomɛ sin i ɖésú. É ɖɔ nú Mawu Mavɔmavɔ ɖɔ: “Ma yí nǔníná yětɔn ó; un yí nǔ ɖěbǔ ɖo yě sí kpɔ́n gbeɖé ǎ; un tlɛ yí tócí vɔ́vɔ́ ɖo yě sí ǎ, un ka wa nǔ nyi do nú mɛɖé ɖo yě mɛ gbeɖé kpɔ́n ǎ.”

Kɛ́nsísɔ́ 22:7

Tomɛxó Mɔwabu tɔn lɛ́ɛ kpó Madiáani tɔn lɛ́ɛ kpó hɛn nǔ e yě ná yi ná nǔkantɔ́ Baláamu é. Yě yi Baláamu gɔ́n bó ɖɔ xó e Balaki ɖɔ lɛ́ɛ n'i.

Matíe 3:9

Mi ma vɛdó ɖɔ ée émí ko nyí Ablaxámu ví kpowun ɔ́, é ko kpé wɛ sín ó. Ɖó, ma ɖɔ nú mi, awǐnnya e mɔ wɛ mi ɖe nɛ́ lɛ́ɛ ɔ́, Mawu hɛn ɔ́, é ná sɔ́ yě dó húzú vǐ nú Ablaxámu.

1 Timɔtée 3:3

É ɖó ná nyí ahannumúnɔ ǎ; é ka ná nyí tagbanɔ ǎ, é nyɔ́ wa ɔ́, é ná nyɔ́ xomɛ, bó ná nyí mɛfífá, bɔ akwɛ́ ná nɔ gbo vɛ̌ ɛ ǎ.

Titu 1:11

È ɖǒ ná xwe nu yětɔn dó xɔ, ɖó yě ɖo hunnyahunnya dó hɛ̌nnu lɛ́ɛ bǐ sésé mɛ wɛ, bɔ nǔ e è ma ɖó ná kplɔ́n mɛ ǎ ɔ́, yě nɔ kplɔ́n mɛ lɛ́ɛ, bó ná dó mɔ akwɛ́.

1 Piyɛ́ɛ 5:2

mi kpé nukún dó mɛ e Mawu sɔ́ dó así nú mi lɛ́ɛ wú, lě e lɛ̌ngbɔ́nyitɔ́ lɛ́ɛ nɔ kpé nukún dó lɛ̌ngbɔ́ e è sɔ́ dó así nú yě lɛ́ɛ wú gbɔn é; mi sɔ́ jlǒ ɖagbe dó kpé nukún dó yě wú lě e Mawu jló gbɔn é; ní ma nyí gǎn wɛ é hú mi bɔ mi bló ó. Mi wa azɔ̌ mitɔn kpódó bǐbí ɖó dó nǔ wǔ kpán; ní ma nyí akwɛ́ wɛ mi xwedó ó.

Judi 1:11

Heelú yě, ɖó ali e Kanyɛ́ɛ gbɔn ɔ́ wɛ yě mlɛ́. Yě jó yěɖée dó nú nǔ wa nyi do, bó ná dó mɔ akwɛ́ Baláamu ɖɔhun. Yě dɔn, ɖó yě fɔ́n gǔ Kolée ɖɔhun.

1 Samuwɛ́li 8:3

Samuwɛ́li ví lɛ́ɛ ɔ́, yě nɔ́ wa nǔ é ɖɔhun ǎ. Yě nɔ́ dó nukúnkɛn, bó nɔ ɖu nǔ ɖo nǔ mɛ, bó nɔ dó hwɛ agɔ.