Micée 3:1 - MAWUXÓWÉMA

¹ Izlayɛ́li mɛxó hwɛɖɔtɔ́ lɛ́ɛ e mi, mi ɖɔ xó ná wɛ un ɖe; azɔ̌ mitɔn wɛ nyí ɖɔ mi ní tunwun nǔ e nyí nǔ jlɔ́jlɔ́ ɔ́ ǎ cé?

Micée 3:1 Iomraidhean Croise

Nɛɛmíi 13:17

Un gblé hwɛ dó ta nú tonukún Judáa tɔn lɛ́ɛ, bó ɖɔ nú yě ɖɔ: “Étɛ́ ká nyí nǔ baɖabaɖa énɛ́ ɔ́ bɔ mi ɖo wiwa wɛ, bó dó ɖo su ɖu nú gbɔjɛzán ɔ́ wɛ?

Ɖɛhan 14:4

Mawu Mavɔmavɔ ɖɔ: “Mɛ e nɔ wa nǔ nyanya lɛ́ɛ bǐ jɛ́n ɖo manywɛ́ mɛ a? Yě nɔ́ ɖo togun ce wɔ ɖu wɛ; nǔɖuɖu yětɔn nɛ́. Yě nɔ́ sɛn mì ǎ.”

Ezayíi 1:10

Mi Sodɔ́mu gán e mi, mi ɖótó xó e ɖɔ wɛ Mawu Mavɔmavɔ ɖe é. Mi Gomɔ́ɔ togun e mi, mi wlí tó Mawu Mavɔmavɔ mǐtɔn sín nǔkplɔ́nmɛ lɛ́ɛ wú.

Ezayíi 10:2

Yě nɔ́ dó sɛ́n énɛ́ lɛ́ɛ dó sú ali dó mɛmaɖómɛɖé, nú é má yi ylɔ́ hwɛ bó byɔ́ nǔ e é ɖó acɛ ná é ó; yě gba acɛ wamamɔnɔ e ɖo togun ce mɛ lɛ́ɛ wú. Yě nɔ́ táfú asúkúsi, yě nɔ́ yí nǔ e nyí tɔ́cyɔvǐ tɔn lɛ́ɛ sín así tɔn.

Ezekiyɛ́li 22:6

“Izlayɛ́li, mɛ e nyí gǎn ɖo ayǐkúngban towe jí lɛ́ɛ ɔ́, yě nɔ́ mɔ ɖɔ émí wɛ ɖó acɛ bó nɔ́ hu mɛ.

Ezekiyɛ́li 34:2

“Hwɛ gbɛtɔ́ e, gǎn e ɖo Izlayɛ́li ví lɛ́ɛ nu lɛ́ɛ ɔ́, xó e ɖɔ dó yě wú wɛ un ɖe lɛ́ɛ ɔ́, ɖɔ nú yě. Ɖɔ nú yě ɖɔ xó e Aklúnɔ Mavɔmavɔ ɖɔ ɔ́ ɖíe: heelú mi mɛ e nyí lɛ̌ngbɔ́nyitɔ́ Izlayɛ́li tɔn lɛ́ɛ. Miɖée kɛ́ɖɛ́ wú wɛ mi nɔ kpé nukún dó. É má ká nyí lɛ̌ngbɔ́ lɛ́ɛ wú wɛ lɛ̌ngbɔ́nyitɔ́ lɛ́ɛ ɖó ná kpé nukún dó ǎ cé?

Ezekiyɛ́li 34:3

Mi nɔ fyɔ́n anɔ̌sin lɛ̌ngbɔ́ lɛ́ɛ tɔn bó nɔ́ nu; mi nɔ kpa fún yětɔn, bó nɔ́ dó bló awu, bó nɔ́ dó; mi nɔ kpɔ́n lɛ̌ngbɔ́ e kló ganjí ɖ'é mɛ lɛ́ɛ, bó nɔ́ hu. Mi ka nɔ kpé nukún dó lɛ̌ngbɔ́ lɛ́ɛ wú ǎ.

Ezekiyɛ́li 9:9

Bɔ Mawu yí gbe nú mì ɖɔ: “Hwɛ e hu wɛ Izlayɛ́li ví lɛ́ɛ kpó Judáanu lɛ́ɛ kpó ɖe ɔ́ d'agba bó vɛ́ jlɛ́. Mɛhutɔ́ kɛ́ɖɛ́ wɛ gɔ́ to ɔ́; nǔ agɔ agɔ kɛ́ɖɛ́ wɛ yě nɔ́ wa ɖo toxo élɔ́ mɛ, ɖó mɛ lɛ́ɛ nɔ́ ɖɔ: ‘Mawu Mavɔmavɔ ɖo mǐ mɔ wɛ ǎ, é kó jó to ɔ́ dó.’

Ozée 5:1

“Vɔ̌sánú-xwlémawutɔ́ lɛ́ɛ mi, mi ɖótó xó élɔ́! Izlayɛ́li sín gǎn lɛ́ɛ mi, mi lɔmɔ̌ ní ɖótó. Mi mɛ e ɖo axɔ́sú ɔ́ sín hɔnmɛ lɛ́ɛ mi, mi lɔmɔ̌ ní ɖótó. Midɛɛ lɛ́ɛ wɛ ɖó ná ɖɔ hwɛ jlɔ́jlɔ́. Lo ɔ́, fɛ́ca wɛ mi nyí nú togun ce ɖo Misipa, bó nyí ɖɔ bɔ è ɖǒ n'i ɖo Tabɔ́ɔ só jí,

Amɔ́si 4:1

Nyɔ̌nu Samalíi tɔn lɛ́ɛ mi! Mi mɛ e jɔ asú nyibú asi Basáni tɔn lɛ́ɛ ɖɔhun lɛ́ɛ e mi! Mi ɖótó xó e ɖɔ gbé un ja é: mi nɔ táfú mɛ e ma ɖó gǎn ǎ lɛ́ɛ, mi nɔ dó ya nú wamamɔnɔ lɛ́ɛ, bó nɔ́ ɖɔ nú asú mitɔn lɛ́ɛ ɖɔ: “Mi zé ahan wá nú mǐ nǎ nu.”

Amɔ́si 6:1

Mi mɛ e vo fɛɛ ɖo Sinyɔ́ɔ ɖo Samalíi só ta, bó vɛdó ɖɔ nǔɖé kún ná wa émí ó lɛ́ɛ ɔ́, heelú mi. Mi wɛ nyí akɔta e jɛ nukɔn ɖo akɔta ɖě lɛ́ɛ mɛ ɔ́ bɔ è ɖɔ; è ɖɔ mi gɔ́n wɛ Izlayɛ́linu lɛ́ɛ nɔ wá.

Micée 2:13

Mɛ e nɔ hun ali nú mɛ ɔ́ wɛ ɖo nukɔn mitɔn; mi jɛ miɖée sí. Mi ná gba to e mɛ mi ɖe ɔ́ sín hɔntogbó bó tɔ́n; Mawu Mavɔmavɔ axɔ́sú mitɔn ɔ́ wɛ ɖo nukɔn nú mi.”

1 Kɔlɛ́ntinu 6:5

Winnyá ní hu mi. Dandan mɛ ɔ́, gbɛtɔ́ nǔnywɛ́tɔ́ e ná sixú dó hwɛ gbɔ nú nɔví nɔví ɔ́ ɖokpó ná ɖo mi mɛ vɔ́vɔ́!

Sɛ́nflínmɛ 16:18

Mi ná zé hwɛɖɔtɔ́ kpó hwɛgbotɔ́ kpó gbɔn akɔta ɖokpó ɖokpó mɛ ɖo toxo e Mawu Mavɔmavɔ, Mawu mitɔn ná ná mi lɛ́ɛ bǐ mɛ, bɔ yě ná nɔ́ ɖɔ hwɛ ɖó sɛ́nxwi jí ɖo togun ɔ́ mɛ.