Micée 2:8 - MAWUXÓWÉMA

⁸ Mawu yí gbe bó ɖɔ: “Mi húzú kɛntɔ́ togun ce tɔn. Mɛ ce lɛ́ɛ yi fun ahwan bó lɛ́ kɔ wá kpó jiɖiɖe kpó ɔ́, mi nɔ yí awu ɖaxó yětɔn dó axɔ́ e yě ɖu dó mi ɔ́ nu.

Micée 2:8 Iomraidhean Croise

2 Samuwɛ́li 20:19

Toxo mǐtɔn ɖo toxo e vo bo ɖo gbejí ɖo Izlayɛ́li lɛ́ɛ é mɛ. Lo ɔ́, hwɛ jló ná gba toxo élɔ́ e ɖo toxo nukúnɖéjí lɛ́ɛ mɛ ɖo Izlayɛ́li é. Étɛ́wú a ka jló ná hɛn nǔ e nyí Mawu Mavɔmavɔ tɔn é gblé?”

Ɖɛhan 55:20

Mawu ná se xó e sú ylɔ́ ɛ wɛ un ɖe é bó ná dó winnyá yě, Mawu e ɖu axɔ́sú sín dodó donu é ná dó winnyá yě, ɖó yě húzú ǎ, yě ká nɔ́ sí Mawu ǎ. Agbɔ̌n

Jelemíi 12:8

Togun e nyí ce ɔ́ wá cí kinnikínní ɖɔhun nú mì ɖo zungbó mɛ, bó nɔ́ dó gbe dó jǐ ce. Énɛ́ wɛ zɔ́n bɔ un gbɛ́ wǎn n'i.

Micée 3:2

Mi ka gbɛ́ wǎn nú ɖagbewiwa, bó yí wǎn nú nǔ nyanya wiwa. Mi nɔ kɔ́n anyǔ sín mɛ ce lɛ́ɛ wú, bó nɔ ɖe lan e ɖo xú yětɔn wú lɛ́ɛ síin.

Micée 3:3

Yě nɔ́ ɖu togun ce sín lan; yě nɔ́ kɔ́n anyǔ yětɔn bó nɔ gba xú yětɔn lɛ́ɛ. Yě nɔ́ já lan yětɔn ɖi nǎ ɖa wɛ è ɖe ɖɔhun.

Micée 7:2

Gbɛtɔ́ e ɖo gbejí nú Mawu ɔ́ ɖě sɔ́ ɖo to ɔ́ mɛ ǎ; ayijlɔ́jlɔ́nɔ ɖě sɔ́ ɖo to ɔ́ mɛ ǎ. Lě e yě ná wa gbɔn bó ná hu mɛ ɔ́ jɛ́n nɔ ɖo ayi mɛ nú yě bǐ, bɔ yě nɔ́ ɖo yěɖée cɔ́ wɛ.

Micée 7:3

Nǔ nyanya wiwa sín gǎn wɛ yě nyǐ. Gǎn lɛ́ɛ kpó hwɛɖɔtɔ́ lɛ́ɛ kpó nɔ byɔ́ ɖɔ émí ná ɖu nǔ ɖo nǔ mɛ dandan. Gbɛtɔ́ nukúnɖéjí lɛ́ɛ ɖo nǔɖé ba wɛ ɔ́, yě nɔ́ ɖɔ gannaganna, bó nɔ́ ba wlɛnwín tɔn ɖó kpɔ́, bó nɔ́ bló.