Yě nɔ́ ɖɔ nú nǔmɔtɔ́ lɛ́ɛ ɖɔ: “Nǔ yǎyá wɛ nyí nǔ e mɔ wɛ mi ɖe lɛ́ɛ.” Yě nɔ́ ɖɔ nú gbeyíɖɔ lɛ́ɛ ɖɔ: “Mǐ ba ɖɔ mi ní ɖɔ xó nǔgbó nú mǐ ǎ. Mi ɖɔ xó víví nú mǐ, abǐ mi ba adlǔ ɖé bó dó nú mǐ, énɛ́ nyɔ́ hú.
“Hwɛ gbɛtɔ́ e, kpan nukɔn tofɔligbé, bó ɖɔ adǎn e un gblɔ́n sɛ́ dó mɛ e ɖo zungbó tofɔligbé tɔn mɛ lɛ́ɛ ɔ́ nú yě; ɖɔ nǔ e un ɖɔ nú we ɖɔ é ná jɛ dó yě jí lɛ́ɛ nú yě.
Ɖɛ̌ towe ná tɛ́ dó ɖɛxwɛ towe wú; nyi wɛ ná bló mɔ̌ nú we, bɔ nu kikɛ ná gló we, bɔ a nǎ sixú kɛ nu dó nǔ e wa wɛ tónúmasetɔ́ énɛ́ lɛ́ɛ ɖe ɔ́ wú nú yě ǎ.
Lo ɔ́, yě mɛ énɛ́ lɛ́ɛ e dó akpá, dó sɔ́ yěɖée kɛ mì, bó má ɖó ná nu vɛ̌ɛn ǎ lɛ́ɛ ɔ́, mi ná vɛ̌ɛn yě bɔ yě nu; mi gbɛ́ nú gbeyíɖɔ lɛ́ɛ ɖɔ yě nǐ ma sɔ́ yí wɛn ce ɖě bó yi dó ó.
Bɔ hwɛ ka wá ɖo sɛ́n dó nú mì wɛ ɖɔ nyɛ ní ma yi dó wɛn e Mawu ɖɔ nyɛ ní dó Izlayɛ́li ɔ́ ó; nyɛ ní ma ka sɔ́ ɖɔ xó ɖě dó Izáki ví lɛ́ɛ wú ó. É nyɔ́! Bo ɖótó xó e Mawu Mavɔmavɔ ɖɔ dó wǔtu towe é.
Din ɔ́, gbeyíɖɔ Mawu tɔn lɛ́ɛ e mi: “Zǎn ná kú dó mi; mi sɔ́ ná nɔ mɔ nǔɖé ǎ; mi ká sɔ́ ná nɔ mɔ nǔ e ɖo na jɛ wɛ ɔ́ ɖě bo ɖɔ ǎ. Zǐnflú ná vun blá mi lě e hwe nɔ yi xɔ, bɔ zǎn nɔ kú é ɖɔhun; mi sɔ́ ná nɔ mɔ nukúnnú ɖěbǔ ǎ.”
Jujɔ nyanya e axɔ́sú Ɔmúli zán bɔ vǐ tɔn Akábu kpó hɛ̌nnu tɔn kpó zán ɔ́ xwedó wɛ a ɖe. A nɔ se gbe nú yě. Énɛ́ ɔ́ wú wɛ un ná ɖɔ bɔ è nǎ gba to towe, un ná ɖɔ bɔ gbɛtɔ́ lɛ́ɛ ná nɔ ko mi mɛ e ɖ'é mɛ lɛ́ɛ. Mi na ɖu winnyá e togun ce ɖó ná ɖu é.
Lo ɔ́, mǐ ná tɛ́nkpɔ́n nú xó ɔ́ má sɔ́ gba kpé d'é jí ɖo togun ɔ́ mɛ ó; mǐ ná ván nukún dó yě, bó dó sɛ́n nú yě ɖɔ yě ma sɔ́ ɖɔ xó nú mɛ ɖěbǔ ɖo Jezu nyǐkɔ mɛ ó.”
“Mǐ má kó dó sɛ́n nú mi syɛ́nsyɛ́n ɖɔ mi ma sɔ́ kplɔ́n nǔ mɛ dó nya énɛ́ sín nyǐkɔ mɛ ó a? Énɛ́ nǔ e kplɔ́n mɛ wɛ mi ɖe ɔ́ ka gba kpé Jeluzalɛ́mu to ɔ́ bǐ mɛ nɛ́; bɔ mi jló ná zé nya énɛ́ sín kú kplá kɔ nú mǐ.”
Ée é ɖɔ mɔ̌ ɔ́, yě bǐ yí gbe nú xó tɔn, bó ka ylɔ́ mɛsɛ́dó lɛ́ɛ, lobo zɔ́n bɔ è xo yě, bó dó sɛ́n nú yě ɖɔ yě má sɔ́ ɖɔ xó dó Jezu nyǐkɔ tamɛ ɖě ó, lobo jó yě dó.