Micée 2:4 - MAWUXÓWÉMA

⁴ Hwenu e nǔ énɛ́ ɔ́ ná jɛ ɔ́, è na ji gbɛvíhan élɔ́ nú mi: “Mǐ ɖíe wá jɛ ya mɛ bǐ din e; è yǐ ayǐkúngban mǐtɔn lɛ́ɛ sín mǐ sí. Mɛ e ɖo mǐ nya sín gle mǐtɔn lɛ́ɛ mɛ wɛ lɛ́ɛ nɔ́ má gle lɛ́ɛ ɖo yěɖée tɛ́ntin. Étɛ́wú è ka ɖo ajo ja dó mǐ wɛ?

Micée 2:4 Iomraidhean Croise

2 Samuwɛ́li 1:17

Énɛ́ gúdo ɔ́, Davídi kpa nǔwamɛhan ɖokpó dó Sawúlu kpó vǐ tɔn Jonatáan kpó e kú é tamɛ.

2 Tan 35:25

Gbeyíɖɔ Mawu tɔn Jelemíi ji gbɛvíhan dó Joziyási sín cyɔ jí. Hanjitɔ́ súnnu kpó nyɔ̌nu kpó bǐ wɛ ɖɔ Joziyási sín xó dó gbɛvíhan yětɔn lɛ́ɛ mɛ káká wá jɛ égbé, bó ɖó hwɛndo tɔn ayǐ ɖo Izlayɛ́li. È wlǎn han énɛ́ lɛ́ɛ dó gbɛvíhan lɛ́ɛ mɛ.

Jɔ̌bu 27:1

Jɔ̌bu ɖo nukɔn yi wɛ ɖo xó tɔn mɛ; é ɖɔ:

Ezayíi 14:4

a nǎ ji han élɔ́ dó Babilɔ́nu xɔ́sú ɔ́: Nɛ̌ nǔ ká sixú cí mɔ̌ gbɔn? Gǎnhúmɛtɔ́, mɛtáfútɔ́ ɔ́ sín xó wɛ kó fó mɔ̌ a?

Ezayíi 24:3

To ɔ́ ná gba hánnyá, è nǎ fin nǔ e ɖo to ɔ́ mɛ lɛ́ɛ bǐ. Gbeta e Mawu Mavɔmavɔ ɖe tɔ́n é nɛ́.

Ezayíi 6:11

Ée Aklúnɔ ɖɔ mɔ̌ ɔ́, un kanbyɔ́ ɛ ɖɔ: “Aklúnɔ, hwetɛ́nu é ná fó dó?” Bɔ é yí gbe nú mì ɖɔ: “Nǔ ná nɔ mɔ̌ káká jɛ hwenu e toxo lɛ́ɛ bǐ ná gba bó jɛ vɔ̌, bɔ xwé lɛ́ɛ bǐ ná jɛ vɔ̌, lobɔ to ɔ́ bǐ ná húzú gbětótló é.”

Jelemíi 14:18

ɖɔ ée émí yi gle mɛ é ɔ́, ahwan ko hu gbɛtɔ́ kɔn nyi kpɔ́, émí wá toxo mɛ é ɔ́, adɔ ko hu gbɛtɔ́ tɛ́ kpaɖaɖa. Gbeyíɖɔ lɛ́ɛ kpó vɔ̌sánú-xwlémawutɔ́ lɛ́ɛ kpó ɖésú ɖo wezun jí ɖo to ɔ́ mɛ. Yě kún sɔ́ tunwun nǔ e wa wɛ yě ɖě ɔ́ ó.”

Jelemíi 4:13

Bɔ togun ɔ́ ná ɖɔ: “Mi kpɔ́n! Kɛntɔ́ ɖíe jǎwe jǐ wɔ̌ ɖɔhun e! Ahwanhún tɔn lɛ́ɛ ɖo zǐngídi jí jǎwe jɔhɔn ɖaxó ɖɔhun! Sɔ́ tɔn lɛ́ɛ kplɔ́ jǎwe gangan xwe nǔ sá gbe ɖɔhun! Heelú! Gbɛ mǐtɔn vɔ lo!”

Jelemíi 6:12

Xwé yětɔn, gle yětɔn kpó asi yětɔn kpó bǐ nǎ húzú mɛ ɖěvo tɔn. Alɔ ce ná jɛ mɛ e ɖo to élɔ́ mɛ lɛ́ɛ wú. Xó e nyɛ Mawu Mavɔmavɔ ɖɔ ɔ́ nɛ́.

Jelemíi 8:10

Mawu ɖɔ: “Yě bǐ wɛ dɔkun gbo vɛ̌, bɛ́ sín yɔkpɔ́vú jí káká yi mɛxó jí. Gbeyíɖɔ kpó vɔ̌sánú-xwlémawutɔ́ kpó bǐ wɛ nɔ xo awo. Énɛ́ ɔ́ wú wɛ un ná sɔ́ asi yětɔn lɛ́ɛ jó nú mɛ ɖěvo lɛ́ɛ, bó sɔ́ gle yětɔn lɛ́ɛ jó nú mɛ e ná wá vɔ yě lɛ́ɛ.

Jelemíi 9:10

Mawu ɖɔ: “Un ná sɔ́ Jeluzalɛ́mu dó húzú dǒglin; un ná sɔ́ dó húzú nɔtɛn nú ayǐsájɛ lɛ́ɛ. Un ná sɔ́ Judáa toxo ɖě lɛ́ɛ dó húzú gbětótló, mɛɖé ná nɔ fínɛ́ ǎ.”

Jelemíi 9:16

Xó e Mawu Mavɔmavɔ Nǔbǐwúkpétɔ́ ɔ́ ɖɔ ɔ́ ɖíe: “Mi lin tamɛ kpɔ́n ganjí! Mi yi da mɛ e nɔ ya avǐ lɛ́ɛ bónú yě ní wá; nyɔ̌nu e nyɔ́ avǐ ya ganjí lɛ́ɛ ní wá.”

Ezekiyɛ́li 16:44

Mawu lɛ́ ɖɔ: “Jeluzalɛ́mu, mɛ e yí wǎn nú lǒdídó lɛ́ɛ ja xó towe ɖɔ gbé ɔ́, yě ná nɔ́ ɖɔ: ‘Nɔ ɖo mɔ̌, vǐ nyɔ̌nu lɔ ɖo mɔ̌.’

Ezekiyɛ́li 2:10

Alɔ ɔ́ vlɔ́n wěma ɔ́ ɖo nukɔn ce bɔ è wlǎn vosisa, alěníná kpó azɔnwinwɛn kpó sín xó d'é jí gbɔn gǔdo nukɔn.

Jowɛ́li 1:13

Vɔ̌sánú-xwlémawutɔ́ lɛ́ɛ mi, mi sɔ́ nǔwamɛvɔ dó bó ya avǐ. Mi ji gbɛvíhan. Mi azɔ̌watɔ́ Mawu mǐtɔn tɔn lɛ́ɛ mi, mi wá, nǔwamɛvɔ ní ɖo kɔ mitɔn, ɖó è sɔ́ nɔ hɛn jinukún kpó vɛ̌ɛn kpó wá Mawu mitɔn sín xwé gbe ǎ.

Jowɛ́li 1:8

Mi ji gbɛvíhan ɖyɔ̌vǐ e asúxɔ́ntɔn tɔn kú bɔ é sɔ́ nǔwamɛvɔ dó bó ví i ɔ́ ɖɔhun.

Amɔ́si 5:1

Izlayɛ́linu lɛ́ɛ mi, mi ɖótó xó e ɖɔ gbé un ja é: gbɛvíhan ɖé wɛ un dó ɖó ta mitɔn mɛ.

Amɔ́si 5:17

È nǎ ya gbɛvíhan gbɔn vǐwungle lɛ́ɛ bǐ mɛ, hwenu e un ná gbɔn tɛ́ntin mitɔn é.” Xó e Mawu Mavɔmavɔ ɖɔ ɔ́ nɛ́.

Micée 1:15

Malecanu e mi, Mawu ná jó mi nú gǎn ɖěvo, bɔ é ná yí to mitɔn, bɔ gǎn nukúnɖéjí Izlayɛ́li tɔn lɛ́ɛ ná hɔn yi hwlá cí Adulámu sín sóxo lɛ́ɛ mɛ.

Micée 1:8

Micée ɖɔ: “Un ná ya gbɛvíhan, bó ná ná alě; un ná nɔ mɛ̌, bó ná zɔn afɔvɔ́. Un ná hó avǔn gbě tɔn ɖɔhun, bó ná ɖo alě ná wɛ gowungo ɖɔhun.

Micée 2:10

Mi sí te bo yi, ɖó vivo sɔ́ tíin nú mi ɖo fí ǎ. Gbejímánɔ mitɔn lɛ́ɛ zɔ́n, bɔ wǔvɛ́ ɖaxó ɖo te kpɔ́n mi.”

Xabakúku 2:6

Mɛ lɛ́ɛ bǐ wɛ ná nɔ gbɔ́ aca ta tɔn. É ná nyí slǎmɛ ɖɔ nú, bɔ è nǎ nɔ ɖɔ bɔnyijí xá ɛ.” “Nǔ e mɛ bǐ ná nɔ ɖɔ é ɖíe: yě ná ɖɔ: Heelú mi mɛ e nɔ xo nǔ e má nyí mitɔn ǎ lɛ́ɛ kplé dó jɛ dɔkun lɛ́ɛ é. Heelú mi mɛ e nɔ ɖo axɔ́gban dó dó axɔ́gban jí wɛ lɛ́ɛ é! Káká jɛ hwetɛ́nu wɛ mi nǎ nɔ wa nǔ gbɔn mɔ̌ yi jɛ?”

Sofoníi 1:2

Mawu Mavɔmavɔ ɖɔ: “Un ná sú nǔ e ɖo gbɛ ɖo ayǐkúngban jí lɛ́ɛ bǐ sín kún dó.

Kɛ́nsísɔ́ 23:18

Bɔ Baláamu ɖɔ xó e Mawu Mavɔmavɔ ɖɔ n'i é ɖɔ: “Balaki, sí te, ɖǒtó mì! Sipɔ́ɔ ví, ɖǒtó mì ganjí!

Kɛ́nsísɔ́ 23:7

Bɔ Baláamu ɖɔ xó e Mawu Mavɔmavɔ ɖɔ n'i lɛ́ɛ; é ɖɔ: “Balaki wɛ ylɔ́ mì sín Silíi wá; axɔ́sú Mɔwabu tɔn Balaki wɛ ylɔ́ mì sín só ɖaxó zǎnzǎnhwe jí tɔn lɛ́ɛ jí wá. É ɖɔ nú mì ɖɔ: ‘Wǎ dó nu Jakɔ́bu nú mì! Wǎ gblɔ́n adǎn nú Izlayɛ́li nú mì!’

Kɛ́nsísɔ́ 24:15

Énɛ́ ɔ́, Baláamu ɖɔ nú Balaki ɖɔ: “Nyɛ Baláamu, Beɔ́ɔ ví ɔ́, xó e un ɖɔ ɔ́ ɖíe. Nyɛ mɛ e nɔ́ mɔ nǔ e ná jɛ sɔ ɔ́, xó e un ɖɔ ɔ́ ɖíe.

Kɛ́nsísɔ́ 24:3

bɔ é ɖɔ: “Nyɛ Baláamu, Beɔ́ɔ ví ɔ́, xó e un ɖɔ ɔ́ ɖíe. Nyɛ mɛ e nɔ́ mɔ nǔ e ná jɛ sɔ ɔ́, xó e un ɖɔ ɔ́ ɖíe.

Maki 12:12

Jwifu lɛ́ɛ sín gǎn lɛ́ɛ ka ɖo biba ná wlí Jezu wɛ; ɖó yě mɔ gannaganna ɖɔ émí nyi mǎ wɛ é ɖe gbɔn lǒ e é dó ɔ́ mɛ; lo ɔ́, yě ɖo xɛsi ɖi nú togun ɔ́ wɛ bó gbɔ bó jó e dó bó yi.

Sɛ́nflínmɛ 28:29

Hwemɛ cíɖíɖí wɛ mi ná nɔ́ dlá avi nukúntíntɔ́nnɔ ɖɔhun. Nǔ e mi ná wa lɛ́ɛ ɖě ná yi ta ǎ. Mi ná nyí gbɛtɔ́ bɔ ayǐ hɔ́n tɛgbɛ ɔ́, è nǎ nɔ táfú, bó ná nɔ́ wló ɖu. Mɛɖé ká ná gɔ́ alɔ nú mi ǎ.