Micée 2:3 - MAWUXÓWÉMA

³ Énɛ́ ɔ́ wú wɛ Mawu Mavɔmavɔ ɖɔ: “Un ɖo nǔ nyanya ɖé sín nǔ sɔ́ ɖ'ayǐ nú gbɛtɔ́ mi ɖɔhun lɛ́ɛ wɛ; mi ná gló ǎ. Mi ɖo zɔnlin zun wɛ ɔ́, mi sɔ́ ná nɔ glá awa ǎ, ɖó wǔvɛ́ hwenu wɛ jǎwe.”

Micée 2:3 Iomraidhean Croise

Ezayíi 29:20

Đó acɛgannaganna-kpanúmɛtɔ́ lɛ́ɛ sín xó ná fó; è nǎ sú mɛ e ma nɔ sí mɛ ǎ lɛ́ɛ sín kún dó; è nǎ sú mɛ e nɔ wa nǔ nyanya dó mɛ wú lɛ́ɛ sín kún dó.

Ezayíi 3:16

Mawu Mavɔmavɔ ɖɔ: “Nyɔ̌nu Jeluzalɛ́mu tɔn lɛ́ɛ nɔ mɔ yěɖée dódó; yě ɖo yiyi wɛ ɔ́, yě nɔ́ ɖo kɔ xo wɛ, bó nɔ́ ɖo nukún bló nú mɛ wɛ; bó nɔ́ ɖo afɔ kpɔ́n ɖe wɛ dɛ̌dɛ̌ dɛ̌dɛ̌, bó nɔ́ ɖo gan e yě dó afɔ lɛ́ɛ xúxú wɛ.”

Ezayíi 5:19

Yě nɔ́ ɖɔ: “Nǔ e Mawu Mavɔmavɔ ɖo nǎ wa wɛ ɔ́, é ní yá wǔ bló nú mǐ ná kpɔ́n. Nǔ ɔ́ ní yá wǔ jɛ nú mǐ ná kpɔ́n. Nǔ e bló gbé Mɛ mímɛ́ Izlayɛ́li tɔn ja ɔ́, ní bló. Mǐ jló ná tunwun nǔ e bló gbé é ja é.”

Jelemíi 18:11

“Din ɔ́, Jelemíi, ɖɔ nú Judáanu lɛ́ɛ kpó Jeluzalɛ́munu lɛ́ɛ kpó ɖɔ: ‘Nyɛ Mawu Mavɔmavɔ ɖɔ: Un ɖo nǔ nyanya ɖé lin dó mi wú wɛ. Mɛ ɖokpó ɖokpó ní lɛ́ kɔ sín ali nyanya e jí é ɖe é jí, bó mlɛ́ ali ɖagbe, bó húzú walɔ.’ ”

Jelemíi 27:12

Xó ɖokpó ɔ́ wɛ un ɖɔ nú Judáa xɔ́sú Sedesíyasi; un ɖɔ n'i ɖɔ: “Hwi kpó togun towe kpó ɖó ná yí gbe nú agbanhɛnkpo e Babilɔ́nu xɔ́sú ɔ́ sɔ́ ɖó abɔ̌ta nú mi é, bó se tónú nú é kpódó togun tɔn kpó, énɛ́ ɔ́ mi ná nɔ gbɛ.

Jelemíi 34:17

“Énɛ́ wú ɔ́, xó e Mawu Mavɔmavɔ ɖɔ ɔ́ ɖíe: Mɛ ɖokpó ɖokpó ɖó ná jó kannumɔ tɔn dó, kannumɔ tɔn e nyí nɔví tɔn, bó nyí nɔzo tɔn é dó, bɔ é ná jɛ jlokoko, lo ɔ́, mi se xó ce ǎ. Énɛ́ ɔ́ wú wɛ nyɛ Mawu Mavɔmavɔ ná sɛ́ ahwan dó mi, bó sɛ́ adɔ dó mi, bó sɛ́ jɛmɛjí dó mi. Un ná wa mɔ̌ xá mi, bɔ axɔ́súɖuto e ɖo gbɛ ɔ́ mɛ lɛ́ɛ ɖěbǔ mɔ mi ɔ́, hǔn tɔn ná zɛ.

Jelemíi 36:23

Énɛ́ ɔ́, nú Yexudi xa wěma ɔ́ sín akpáxwé atɔn abǐ ɛnɛ ɔ́, axɔ́sú ɔ́ nɔ́ sɔ́ jǐví bó nɔ́ sɛ́n, bó nɔ́ sɔ́ dó myɔ ɔ́ mɛ; mɔ̌ bló wɛ é ɖe káká bó dó wěma ɔ́ bǐ zo.

Jelemíi 43:2

Azalya Hocaya ví ɔ́, kpó Yoxanáni Kaleyaxi ví ɔ́ kpó mɛ ɖě lɛ́ɛ bǐ kpó syɛ́n ta, bó ɖɔ nú Jelemíi ɖɔ: “Adingban ɖó wɛ a ɖe. Mawu Mavɔmavɔ, Mawu mǐtɔn wɛ ɖɔ nú we ɖɔ hwi ní ɖɔ nú mǐ ɖɔ mǐ ní ma yi Ejípu bó nɔ dɔ̌n ó ǎ, adingban wɛ.

Jelemíi 8:3

Mɛ e ka ná kpo ɖo gbɛ ɖo togun dídá élɔ́ mɛ lɛ́ɛ ɔ́, fí e un ná gba yě dó kpé lɛ́ɛ ɔ́, kú ná nyɔ́ hú gbɛ nú yě ɖo fínɛ́; Nyɛ Mawu Mavɔmavɔ Nǔbǐwúkpétɔ́ ɔ́ wɛ ɖɔ mɔ̌.”

Gbɛvíhan 1:14

Nukún tɔn ɖo nǔ e un wa nyi do lɛ́ɛ jí; Mawu blá nǔ e un wa nyi do lɛ́ɛ ɖó kpɔ́ bó sɔ́ nyi abɔ̌ ce ta; é ɖe hlɔ̌nhlɔ́n ce kpo, é jó mì nú mɛɖé lɛ́ɛ bɔ un sixú xo nǔ ɖo wǔ ɖo nukɔn yětɔn ǎ.

Gbɛvíhan 2:17

Mawu Mavɔmavɔ bló nǔ e é lin ɖɔ émí ná bló é; é bló nǔ e é kó ɖɔ ɖ'ayǐ xóxó ɖɔ émí ná bló é: é gba toxo ɔ́ ma kú nǔbláwǔ n'i. É wa nǔ xá we dó dó xomɛhunhun nú kɛntɔ́ towe lɛ́ɛ, é dó goyíyí goyíyí jí nú mɛ e ma mɔ we gbɔ ǎ lɛ́ɛ.

Gbɛvíhan 5:5

Mɛ e ɖo ya dó nú mǐ wɛ lɛ́ɛ kpo ɖo gǔdo mǐtɔn; agbɔ̌n kpé mǐ, mǐ sɔ́ ɖó gbɔjɛ́ ǎ.

Amɔ́si 2:14

Mɛ ɖé ná bó bí ɔ́, é ná sixú hɔn ǎ; mɛɖé ná bó dó hlɔ̌nhlɔ́n ɔ́, é ná sixú sɔ́ hlɔ̌nhlɔ́n tɔn dó wa nǔɖé ná ǎ, mɛɖé ná bó nyí súnnu akowunká ɔ́, é sixú hwlɛ́n gbɛ éɖée tɔn ǎ.

Amɔ́si 3:1

Izlayɛ́li ví lɛ́ɛ mi, mi mɛ e nyí hɛ̌nnu e Mawu Mavɔmavɔ ɖe tɔ́n sín Ejípu lɛ́ɛ bǐ, mi ɖótó xó élɔ́ e Mawu Mavɔmavɔ ɖɔ dó mi wú é!

Amɔ́si 3:2

É ɖɔ: Midɛɛ lɛ́ɛ kɛ́ɖɛ́ wɛ un sɔ́ ɖo hɛ̌nnu e ɖo ayǐkúngban jí lɛ́ɛ bǐ mɛ; énɛ́ ɔ́ wú ɔ́, nǔ nyanya e mi wa lɛ́ɛ bǐ sín tó wɛ un ná dɔn nú mi.

Amɔ́si 5:13

Nyladó hwenu ɖé wɛ nyí hwenu élɔ́; nǔ e wútu mɛ e nyɔ́ nǔ i ɔ́ nɔ́ nɔ abwɛ̌ ɔ́ nɛ́.

Micée 2:1

Heelú mɛ e nɔ mlɔ́ ayǐ zǎn mɛ bó nɔ gɔn amlɔ dɔ́, bó nɔ ɖo nǔ nyanya e yě ná wa dó nɔzo yětɔn wú wɛ lɛ́ɛ lin wɛ lɛ́ɛ! Yě mɛ e ayǐ hɔ́n lě tlóló ɔ́, yě nɔ́ wa nǔ e yě lin ɔ́, ɖó yě ɖǒ acɛ tɔn.

Hlɔ̌manu 16:4

Yě ko ɖibla sɔ́ gbɛ yě ɖésúnɔ tɔn nyi gbě dó ta ce mɛ; nyɛ ɖokpónɔ wɛ tunwun ɖagbe énɛ́ nú yě ǎ; agun klísusɛntɔ́ e ma nyí Jwifu ǎ lɛ́ɛ tɔn lɛ́ɛ lɔmɔ̌ ɔ́ bǐ tunwun ɖagbe énɛ́ nú yě.

Efɛ́zinu 5:16

Mi hwlɛndó hwenu lɛ́ɛ, bó wa nǔ; ɖó hwenu e mǐ ɖe ɔ́ nyɔ́ ǎ.

Sɛ́nflínmɛ 28:48

mi ná nɔ xovɛ́, bó nɔ nugblá, bó nɔ mɛ̌, bó nɔ nǔɖé má ɖó, bó sɛn kɛntɔ́ e Mawu Mavɔmavɔ ná sɛ́ dó mi lɛ́ɛ. Azɔ̌ syɛ́nsyɛ́n wɛ Mawu Mavɔmavɔ ná ɖó kɔ jí nú mi káká bó ná sú kún mitɔn dó.

Jaki 2:13

Đó mɛ e ma kú nǔbláwǔ nú mɛ ɖě lɛ́ɛ ǎ ɔ́, Mawu ná kú nǔbláwǔ n'i hwenu e è nǎ ɖɔ hwɛ xá ɛ ɔ́ ǎ; lo ɔ́, nǔbláwǔkúnúmɛ ná ɖu ɖo hwɛɖiɖɔ jí.