Micée 2:12 - MAWUXÓWÉMA

¹² Lo ɔ́, Mawu ɖɔ: “Un ná kplé mi Izlayɛ́li ví e kpo ɖo gbɛ lɛ́ɛ bǐ; un ná kplé mi ɖó kpɔ́, lě e è nɔ kplé gbɔ̌ dó wutó mɛ é ɖɔhun; lě e gbɔ̌hwan nɔ ɖo amagbo mɛ ɔ́ ɖɔhun. Gbɛtɔ́ ná lɛ́ gɔ́ to mitɔn mɛ, bɔ è na nɔ se hlǔnhlún mitɔn.

Micée 2:12 Iomraidhean Croise

Bǐbɛ́mɛ 36:33

Bɛ́la wá kú, bɔ Yovavu Zeláxi ví Boslanu ɔ́ ɖu axɔ́sú ɖo tɛn tɔn mɛ.

1 Tan 1:44

Bɛ́la wá kú bɔ Boslanu Yovavu Zeláxi ví ɔ́ wá ɖu axɔ́sú ɖó tɛn tɔn mɛ.

Ezayíi 11:11

Gbe énɛ́ gbe ɔ́, Aklúnɔ ná lɛ́ vɔ́ zán hlɔ̌nhlɔ́n tɔn, bó ná xɔ gbɛ nú mɛ e kpo ɖo gbɛ ɖo togun tɔn mɛ lɛ́ɛ: é ná xɔ gbɛ nú mɛ e kpo ɖo gbɛ ɖo Asilíi lɛ́ɛ, mɛ e kpo ɖo gbɛ ɖo Ejípu lɛ́ɛ, mɛ e kpo ɖo gbɛ ɖo Patlɔ́si lɛ́ɛ, mɛ e kpo ɖo gbɛ ɖo Nubíi lɛ́ɛ, mɛ e kpo ɖo gbɛ ɖo Elámu lɛ́ɛ, mɛ e kpo ɖo gbɛ ɖo Babilɔ́nu lɛ́ɛ, mɛ e kpo ɖo gbɛ ɖo Hamáti lɛ́ɛ, kpó mɛ e kpo ɖo gbɛ ɖo tɔtɛ́ntinto mɛ lɛ́ɛ kpó.

Ezayíi 27:12

Azǎn énɛ́ gbe ɔ́, Mawu Mavɔmavɔ ná ya mi jinukún ɖɔhun sín Efláti tɔ ɔ́ kɔn káká wá Ejípu tɔ ɔ́ kɔn bó só. É ná cyán mi mɛ Izlayɛ́li ví lɛ́ɛ ɖokpó ɖokpó nǔkún ɖɔhun.

Ezayíi 34:6

Kanjɔ kpé hwǐ Mawu Mavɔmavɔ tɔn wú vɛɛn, a nǎ ɖɔ lɛ̌ngbɔ́ví abǐ gbǎgbá sín kanjɔ wɛ; jǒ kpé hwǐ Mawu Mavɔmavɔ tɔn wú bǐ, a nǎ ɖɔ agbo sín ayi wɛ; ɖó Mawu Mavɔmavɔ sá vɔ̌ ɖaxó ɖokpó ɖo toxo Bosla tɔn mɛ. É hu mɛ vantankánnyá ɖo Edɔ́mu tomɛ.

Ezayíi 5:17

Gbɔ̌ lɛ́ɛ ná wá ɖu ama ɖo nǔ e gúdú ɖo toxo ɔ́ mɛ lɛ́ɛ mɛ, amagbo mɛ wɛ yě ɖe ɖɔhun, gbɔ̌ví e è ɖo nǔɖuɖu ná wɛ ganjí lɛ́ɛ lɔ ná wá ba nǔɖuɖu yětɔn ɖo fínɛ́.

Jelemíi 23:3

“Lɛ̌ngbɔ́ ce e kpo lɛ́ɛ ɔ́, nyɛ ɖésú ná yi xo yě kplé gbɔn to e mɛ un fúnfún yě gbɔn lɛ́ɛ mɛ. Un na kplá yě wá kpó yětɔn mɛ, bɔ yě ná ji, bó ná gba kún.

Jelemíi 3:18

Énɛ́ ɔ́, mi Judáa togun ɔ́ ná wá gɔ́ nú Izlayɛ́li togun ɔ́, bɔ mi bǐ nǎ zɔn kpɔ́ sín to e ɖo taligbé ɔ́ mɛ, fí e è kplá mi yi é, bó ná lɛ́ kɔ wá to élɔ́ e un ná tɔ́gbó mitɔn lɛ́ɛ ɔ́ mɛ.”

Ezekiyɛ́li 34:11

“Xó e nyɛ Aklúnɔ Mavɔmavɔ ɖɔ ɔ́ ɖíe: Bɛ́ sín din ɔ́, nyɛ Aklúnɔ Mavɔmavɔ ɔ́, nyi ɖésú wɛ ná yi ba lɛ̌ngbɔ́ ce lɛ́ɛ mɔ, bó kpé nukún dó yě wú.

Ezekiyɛ́li 34:13

Un ná yi kplá yě sín togun e mɛ yě ɖe lɛ́ɛ, un ná kplé yě sín to tɛnmɛ tɛnmɛ e mɛ yě ɖe lɛ́ɛ mɛ, bó kplá yě wá to yětɔn mɛ. Un ná kplá yě wá, bɔ yě ná nɔ ɖu ama gbɔn Izlayɛ́li só lɛ́ɛ jí, yě ná nɔ́ ɖu ama gbɔn tɔkpá tɔkpá, yě ná nɔ́ ɖu gbɔn fí e gbɛtɔ́ nɔ́ nɔ ɖo to ɔ́ mɛ lɛ́ɛ bǐ.

Ezekiyɛ́li 34:22

Din ɔ́, un ná wá gɔ́ alɔ nú lɛ̌ngbɔ́ ce lɛ́ɛ, bɔ yě ná gosín ajotɔ́ lɛ́ɛ lɔ mɛ; énɛ́ ɔ́, un ná nɔ́ gbo hwɛ nú gbɔ̌ ce lɛ́ɛ.

Ezekiyɛ́li 34:31

“Nǔgbó wɛ, mi lɛ̌ngbɔ́ ce lɛ́ɛ ɔ́, mi gbɔ̌hwan e ɖo amagbo ce mɛ lɛ́ɛ ɔ́, gbɛtɔ́ wɛ mi nyí bɔ nyɛ ka nyí Mawu mitɔn. Xó e nyɛ Aklúnɔ Mavɔmavɔ ɖɔ ɔ́ nɛ́.”

Ezekiyɛ́li 36:37

“Xó e nyɛ Aklúnɔ Mavɔmavɔ ɖɔ ɔ́ ɖíe: un ná lɛ́ yí gbe bɔ Izlayɛ́li ví lɛ́ɛ ná nɔ́ ylɔ́ mì bónú má wa ɖagbe nú yě; un ná ná vǐ yě bɔ yě ná ji wɔɖɔɖɔ kanlin ɖɔhun.

Ezekiyɛ́li 37:21

bɔ a nǎ ɖɔ nú yě ɖɔ: xó e Aklúnɔ Mavɔmavɔ ɖɔ ɔ́ ɖíe: Izlayɛ́li ví lɛ́ɛ mi, un ná kplá mi sín to e mɛ mi gba kpé gbɔn lɛ́ɛ mɛ; un ná kplé mi, bó ná kplá mi wá to mitɔn mɛ.

Amɔ́si 1:12

Un na dó Temani toxo ɔ́ zo, bɔ zo ná ji hɔnmɛ e ɖo Bosla lɛ́ɛ é.”

Micée 2:13

Mɛ e nɔ hun ali nú mɛ ɔ́ wɛ ɖo nukɔn mitɔn; mi jɛ miɖée sí. Mi ná gba to e mɛ mi ɖe ɔ́ sín hɔntogbó bó tɔ́n; Mawu Mavɔmavɔ axɔ́sú mitɔn ɔ́ wɛ ɖo nukɔn nú mi.”

Micée 4:8

Bɔ hwi Jeluzalɛ́mu ɔ́, hwi só e ɖo toxo ɔ́ cɔ́ wɛ mɛ ɖo tocɔ́kpe jí ɖɔhun ɔ́, a nǎ lɛ́ wá mɔ acɛkpikpa towe xóxó ɔ́ yí zaanɖé din; a nǎ lɛ́ húzú axɔ́súɖuto Mawu tɔn sín tota.”

Micée 5:7

Izlayɛ́li ví e kpo ɖo gbɛ ɖo akɔta gěgé tɛ́ntin lɛ́ɛ ná dó hlɔ̌nhlɔ́n kinnikínní ɖɔhun, ɖo kanlin e ɖo zungbó mɛ lɛ́ɛ tɛ́ntin, abǐ ée ɖo lɛ̌ngbɔ́hwan tɛ́ntin é ɖɔhun. É gbɔn fí ɖěbǔ ɔ́, é nɔ́ wlí nǔ, bó nɔ ɖo vǔnvún ɖu wɛ; mɛ ɖěbǔ ká sixú yí nǔ e é wlí ɔ́ sín así tɔn ǎ.

Micée 5:8

Izlayɛ́li, tɔ́n ahwan kɛntɔ́ towe lɛ́ɛ, bó vúnvún yě bǐ.

Micée 7:14

Mawu Mavɔmavɔ, zě lɛ̌ngbɔ́nyitɔ́ kpogɛ towe dó kplá togun towe ná, ɖó é ɖo zɔ ɖo ayǐkúngban e jí nǔɖé má nɔ nyɔ́ ɖe ǎ é, có ayǐkúngban ɖagbe kɛ́ɖɛ́ wɛ ka lɛ́ lɛ̌ dó e, kplá ɛ yi ayǐkúngban ɖagbe ɖagbe Basáni tɔn kpó Galadi tɔn kpó jí, lě e a ko nɔ wa gbɔn ɖ'ayǐ é.

Micée 7:18

Mawu Mavɔmavɔ, è sixú jlɛ́ vodún ɖěbǔ dó wǔ towe ǎ. A sɔ́ hwɛ kɛ mɛ e kpo ɖo gbɛ ɖo togun towe mɛ lɛ́ɛ, bó wɔn hwɛ yětɔn lɛ́ɛ. A nɔ sin xomɛ dó mɛ káká sɔ́yi ǎ, ɖó nǔ e nyɔ́ nukún towe mɛ ɔ́ wɛ nyí ɖɔ a nǎ ɖe xomɛnyínyɔ́ towe xlɛ́ mǐ mɛ e nyí togun towe é.

Sofoníi 3:20

Hwenɛ́nu ɔ́, un ná kplá mi wá xwé, bó ná kplé mi ɖó kpɔ́. Mi ná mɔ lě e un ná húzú gbɛ mitɔn gbɔn é. Un ná ná susu mi, bɔ è nǎ nɔ mlá mi ɖo togun e ɖo ayǐkúngban jí fí lɛ́ɛ bǐ mɛ.” Mawu Mavɔmavɔ wɛ ɖɔ mɔ̌.