Micée 2:11 - MAWUXÓWÉMA

¹¹ Ényí mɛɖé wá xwetɔ́n, bó ɖo xó ɖɔ dó jɔhɔn mɛ wɛ, bó ɖó adingban nú mi ɖɔ vɛ̌ɛn kpó ahan syɛ́nsyɛ́n kpó ná sa ɖo to élɔ́ mɛ ɔ́, xówlíɖɔtɔ́ mɔ̌hunkɔtɔn wɛ jɛ xá togun élɔ́.

Micée 2:11 Iomraidhean Croise

1 Axɔ́sú 13:18

Bɔ gbeyíɖɔ Mawu tɔn degénɔ ɔ́ ɖɔ n'i ɖɔ: “Nyɛ lɔ ɔ́, gbeyíɖɔ Mawu tɔn wɛ un nyí hwi ɖɔhun, bɔ Mawu Mavɔmavɔ wá ɖɔ xó nú mì gbɔn wɛnsagun ɖokpó jí ɖɔ: ‘Kplá ɛ wá xwé towe gbe, bónú é ní ɖu nǔ bó nu sin.’ ” Adingban ɖó wɛ é ká ɖe.

1 Axɔ́sú 22:6

Énɛ́ ɔ́, Izlayɛ́li xɔ́sú ɔ́ kplé gbeyíɖɔ lɛ́ɛ. Yě yi afɔwe (400) mɔ̌. É kanbyɔ́ yě ɖɔ: “Má yi tɔ́n ahwan Hlamɔti toxo ɖo Galadi a, abǐ má gbɔ?” Bɔ yě yí gbe n'i ɖɔ: “Yi, Aklúnɔ ná jó toxo ɔ́ nú we.”

Jɔ̌bu 31:5

Un nɔ ɖó adingban wɛ a? Ayi ɖó nukɔn nú mɛ wɛ nɔ myá nukún nú mì a?

Nǔnywɛ́xó 25:14

Mɛ e nɔ ɖo nu flé wɛ ɖɔ émí ná ná nǔ mɛ ɔ́, cí jǐ e nɔ́ wu, bɔ jɔhɔn nɔ nyi, bɔ é má sɔ́ nɔ́ ja ǎ é ɖɔhun.

Ezayíi 28:7

Gbeyíɖɔ Mawu tɔn lɛ́ɛ kpó vɔ̌sánú-xwlémawutɔ́ lɛ́ɛ kpó lɔ nu vɛ̌ɛn mú, bó nɔ́ ɖo gblǒ ɖɔ wɛ. Yě nɔ́ nu ahan mú bó nɔ́ ɖo sa fún wɛ. Vɔ̌sánú-xwlémawutɔ́ lɛ́ɛ kpó gbeyíɖɔ Mawu tɔn lɛ́ɛ kpó nɔ́ nu ahan mú, bó nɔ́ ɖo gblǒ ɖɔ wɛ. Yě nɔ́ nu vɛ̌ɛn mú, bɔ ayi yětɔn sɔ́ ɖo te ǎ. Yě nɔ́ nu ahan mú bó nɔ́ ɖo sa fún wɛ. Mawu ɖe nǔ xlɛ́ yě bónú yě ja ɖiɖɔ gbé ɔ́, gblǒ wɛ yě nɔ́ ɖɔ. Yě ɖo hwɛ ɖɔ wɛ ɔ́, xó yětɔn nɔ xwe ali ǎ.

Ezayíi 9:15

Togán togun élɔ́ tɔn lɛ́ɛ dɔn togun ɔ́ bú, bɔ mɛ e xlɛ́ ali wɛ yě ɖe lɛ́ɛ wlí ali nyanya ɔ́.

Jelemíi 14:14

Énɛ́ ɔ́ gúdo ɔ́, Mawu Mavɔmavɔ ɖɔ nú mì ɖɔ: “Gbeyíɖɔ énɛ́ lɛ́ɛ ɔ́, yě nɔ́ zé nyǐkɔ ce ɖó nu bo nɔ ɖó adingban nú mi. Nyi wɛ ka sɛ́ yě dó fí ɖé ǎ; un zɔ́n nǔɖé yě ǎ; un ka ɖɔ xó ɖě nǔ yě ǎ. Nǔ e yě nɔ́ mɔ bó nɔ́ ɖɔ lɛ́ɛ ɔ́, adingban kɛ́ɖɛ́ wɛ. Nǔ e ná wá jɛ, bɔ yě ɖɔ lɛ́ɛ bǐ wɛ nyí nǔ yǎyá; xó e jló yě ɔ́ wɛ yě nɔ́ kpa bó nɔ́ ɖɔ nú mi.

Jelemíi 23:14

Gbeyíɖɔ Jeluzalɛ́mu tɔn lɛ́ɛ ɔ́, nǔ e un ka nɔ mɔ ɖo yě sí ɔ́, nǔ baɖabaɖa wɛ, é vɛ́ jlɛ́. Afɔ wɛ yě nɔ́ dó gbě; yě nɔ́ nɔ adingban gbɛ mɛ. Adǎkaxotɔ́ lɛ́ɛ wɛ yě nɔ́ sɔ́ alɔ ná, bónú yě má jó adǎkaxixo dó ó. Nukún ce mɛ ɔ́, mɛ bǐ wɛ cí Sodɔ́mu nu lɛ́ɛ ɖɔhun; Jeluzalɛ́mu nu lɛ́ɛ lɔ cí Gomɔ́ɔ nu lɛ́ɛ ɖɔhun.

Jelemíi 23:17

Yě nɔ́ ɖɔ nú mɛ e nɔ wa nǔ e yě xwe lɛ́ɛ ɖɔ: ‘Mawu Mavɔmavɔ ɖɔ: Mi bǐ ná vo.’ Yě nɔ́ ɖɔ nú mɛ e nɔ wa nǔ e jló yě lɛ́ɛ ɖɔ: ‘Nǔ ɖěbǔ ná wa mi ǎ.’

Jelemíi 23:25

Mawu ɖɔ: “Un se xó e ɖɔ wɛ gbeyíɖɔ lɛ́ɛ ɖé é. Gbeyíɖɔ e nɔ́ ɖo adingban ɖó dó nu ce wɛ ɖɔ: ‘Un kú dlɔ̌ ɖokpó! Un kú dlɔ̌ ɖokpó’ lɛ́ɛ ɔ́,

Jelemíi 23:32

Yě mɛ gbeyíɖɔ énɛ́ lɛ́ɛ e nɔ ɖó adingban, bó nɔ́ ɖɔ émí kú dlɔ̌, bó nɔ́ wlí ɖɔ nú togun ce, bó ná dó dɔn ɛ bú ali lɛ́ɛ ɔ́, un ɖo yě ba wɛ vɛ́návɛ́ná. Adingban yětɔn lɛ́ɛ kpó xógbló yětɔn lɛ́ɛ kpó wɛ yě nɔ́ dó dɔn togun ce bú ali; un ka sɛ́ yě dó fí ɖé ǎ, un ka zɔ́n nǔɖé yě ǎ, yě ká ɖo nǔ ɖagbe ɖěbǔ wa nú togun élɔ́ wɛ ǎ. Xó e nyɛ Mawu Mavɔmavɔ ɖɔ ɔ́ nɛ́.”

Jelemíi 28:15

Énɛ́ ɔ́ gúdo ɔ́, Jelemíi lɛ́ ɖɔ nú gbeyíɖɔ Hananiya ɖɔ: “Hananiya, ɖǒtó mì ganjí, Mawu Mavɔmavɔ sɛ́ we dó ǎ, bɔ a ka ɖo adingban ɖó dó ná gǎnjɛwú togun élɔ́ wɛ kpowun.

Jelemíi 5:31

Gbeyíɖɔ lɛ́ɛ nɔ ɖó adingban, vɔ̌sánú-xwlémawutɔ́ lɛ́ɛ ɔ́, ɖuɖu jɛ́n yě nɔ́ ba ɖo nǔ bǐ mɛ. Bɔ nǔ énɛ́ lɛ́ɛ ká nyɔ́ togun ce nukún mɛ. Mi ka zán gbɛ mɔ̌ káká yi fó ɔ́, nɛ̌ mi ná wa nǔ gbɔn?”

Gbɛvíhan 2:14

Gbeyíɖɔ towe lɛ́ɛ ɔ́, xó e yě nɔ́ wá ɖɔ nú we, bó nɔ́ ɖɔ nyi wɛ ɖɔ lɛ́ɛ ɔ́, nǔ yǎyá wɛ, adingban wɛ. Yě nɔ́ ɖe hwɛ e a hu lɛ́ɛ gba ǎ; ényí hwɛ towe lɛ́ɛ wɛ yě kó ɖe gba ɔ́, adǎn élɔ́ ná ɖo gbigbo we wɛ ǎ. Xó e yě nɔ́ wá ɖɔ nú we bó nɔ́ ɖɔ nyi wɛ ɖɔ lɛ́ɛ ɔ́, nǔ yǎyá wɛ, adingban wɛ.

Ezekiyɛ́li 13:22

Mi nɔ ɖó adingban dó dó awakanmɛ kú nú mɛ e nɔ wa nǔ jlɔ́jlɔ́ lɛ́ɛ; nyɛ ka lin nǔ nyanya ɖěbǔ dó yě wú ǎ. Mi nɔ dó wǔsyɛ́n lanmɛ nú mɛ nyanya lɛ́ɛ, bɔ yě nɔ́ lɛ́ ɖó kan dó gbɛ nyanya zínzán wú; gbɛ yětɔn wɛ mi ɖó axɔ́ nu.

Ozée 7:14

Yě nɔ́ sú xó ylɔ́ mì kpó ayi yětɔn kpó ǎ, bó ká nɔ́ ɖo vo sa wɛ ɖo adɔ̌zan yětɔn lɛ́ɛ jí. Yě nɔ́ já wǔtu bó ná dó mɔ jinukún kpó vɛ̌ɛn yɔ̌yɔ́ kpó. Gǔ fɔ́n dó jǐ ce wɛ yě ká ɖe mɔ̌.

Micée 3:11

Hwɛɖɔtɔ́ lɛ́ɛ ɔ́, mɛ e dó nǔ nu nú yě ɔ́ sín hwɛ wɛ nɔ jɔ. Vɔ̌sánú-xwlémawutɔ́ lɛ́ɛ nɔ yí akwɛ́ ɖo mɛ sí, cóbó nɔ kplɔ́n Mawusɛ́n lɛ́ɛ mɛ. Gbeyíɖɔ Mawu tɔn lɛ́ɛ nɔ yí akwɛ́ ɖo mɛ sí cóbó nɔ dó Mawu sín wɛn mɛ. Nǔ ɖo mɔ̌ bɔ yě bǐ ká nɔ glá bó nɔ ɖɔ Mawu Mavɔmavɔ tɔn wɛ émí nyí, ɖɔ Mawu Mavɔmavɔ ɖo kpɔ́ xá émí, ɖɔ nǔ nyanya ɖěbǔ kún ná wa émí ó.

Micée 3:5

Gbeyíɖɔ Mawu tɔn e nɔ flú togun Mawu tɔn lɛ́ɛ ɔ́, nǔ e ɖɔ nú yě wɛ Mawu Mavɔmavɔ ɖe ɔ́ ɖíe: Ényí mɛɖé ná yě akwɛ́ ganjí ɔ́, yě nɔ́ ɖɔ nú mɛ ɔ́ ɖɔ nǔ tɔn bǐ nyɔ̌; lo ɔ́, yě nɔ́ tɔ́n ahwan mɛ e ma nɔ dó nǔɖé nu nú yě ǎ lɛ́ɛ.

Hlɔ̌manu 16:18

Đó gbɛtɔ́ mɔ̌hunkɔtɔn lɛ́ɛ ɖo azɔ̌ wa nú Klísu Aklúnɔ mǐtɔn ɔ́ wɛ ǎ; lo ɔ́, adɔgo yě ɖésúnɔ tɔn wa azɔ̌ ná wɛ yě ɖe. Yě nɔ ɖɔ xó víví, bó nɔ ɖɔ mɛblɛ́ɖuxó dó flú xomɛvɔ́nɔ lɛ́ɛ sín ayixa.

Filípunu 3:19

Fí e yě ná yi dɔn ɖe ɔ́ wɛ yě kán wezun xwe; ɖó nǔ ɖokpó e yě nɔ sɛn ɔ́ wɛ nyí adɔgo yětɔn ; yě nɔ xɔ susu ɖo nǔ e ɖó ná hu winnyá nú yě ɔ́ mɛ, bɔ gbɛ mɛ fí sín nǔ lɛ́ɛ kɛ́ɖɛ́ jí jɛ́n ayixa yětɔn nɔ ɖe.

1 Jǎan 4:1

Mɛvívɛ́ná ce lɛ́ɛ mi, mi ma nɔ ɖi nǔ nú mɛ e ɖɔ émí ɖó Yɛ Mawu tɔn lɛ́ɛ é bǐ ó, mi nɔ to dó yě kpɔ́n hwɛ̌, bó ná kpɔ́n ɖɔ Yɛ Mawu tɔn ɔ́ jɛ́n ɖo yě mɛ nǔgbó ají; ɖó gbeyíɖɔmawutɔn-nyíjɛtɔ́ gěgé ko gba kpé gbɛ ɔ́ mɛ din.