Micée 2:1 - MAWUXÓWÉMA

¹ Heelú mɛ e nɔ mlɔ́ ayǐ zǎn mɛ bó nɔ gɔn amlɔ dɔ́, bó nɔ ɖo nǔ nyanya e yě ná wa dó nɔzo yětɔn wú wɛ lɛ́ɛ lin wɛ lɛ́ɛ! Yě mɛ e ayǐ hɔ́n lě tlóló ɔ́, yě nɔ́ wa nǔ e yě lin ɔ́, ɖó yě ɖǒ acɛ tɔn.

Micée 2:1 Iomraidhean Croise

Bǐbɛ́mɛ 31:29

Un ɖó hlɔ̌nhlɔ́n bó ná wa nǔ nyanya xá mi, lo ɔ́, Mawu tɔ́ towe tɔn ɖɔ nú mì ɖɔ nyɛ ní cɔ́ nyɛɖée, bó má kɛ nu dó wǔ towe vɔ́vɔ́ ó.

1 Axɔ́sú 21:7

Ée é ɖɔ mɔ̌ ɔ́, asi tɔn ɖɔ n'i ɖɔ: “Hwi jɛ́n ká ɖo acɛ kpa wɛ ɖo Izlayɛ́li a? Sí te bó ɖu nǔ, bó j'awǎ. Vǐwungle Nabɔti Izleyɛ́linu ɔ́ tɔn ɔ́, nyɛ ná yí nú we.”

Ɛsitɛ́ɛ 3:8

Hamáa ɖɔ nú axɔ́sú Zɛ̌ɛzɛsi ɖɔ: “Sɛ́mɛɖó e, togun ɖé tíin bó ɖo axɔ́súɖuto mɛtɔn mɛ, bó gba kpé tokpɔn lɛ́ɛ bǐ mɛ. Togun énɛ́ ɔ́ gbɔn vo ɖo togun ɖě lɛ́ɛ bǐ mɛ, bɔ walɔ tɔn gbɔn vo nú togun ɖě lɛ́ɛ bǐ tɔn; mɛ e ɖo togun énɛ́ ɔ́ mɛ lɛ́ɛ nɔ nyi sɛ́n mɛtɔn lɛ́ɛ ǎ; è nǎ agbɔ̌n mɛ énɛ́ lɛ́ɛ ɔ́, é ná nyɔ́ nú mɛ ǎ.

Ɛsitɛ́ɛ 5:14

Énɛ́ ɔ́, asi tɔn Zelɛ́ci kpó xɔ́ntɔn tɔn lɛ́ɛ bǐ kpó ɖɔ n'i ɖɔ: “A nǎ kpa kpo ɖokpó bɔ ga tɔn ná yi mɛ̌tlu koatɔ́n (25), bɔ sɔ zǎnzǎn ɔ́, a nǎ byɔ̌ axɔ́sú ɔ́ ɖɔ è nǐ dó kan kɔ nú Maadocée, bó sɔ́ sin dó kpo ɔ́ wú. Énɛ́ ɔ́ gúdo ɔ́, a nǎ yi agɔ̌ ɔ́ tɛnmɛ kpó xomɛhunhun kpó, hwi kpó axɔ́sú ɔ́ kpó.” Xó énɛ́ ɔ́ nyɔ́ Hamáa nukún mɛ bɔ é zɔ́n kpo ɔ́ kpa.

Ɛsitɛ́ɛ 9:25

Lo ɔ́, Ɛsitɛ́ɛ yi mɔ axɔ́sú ɔ́, bɔ axɔ́sú ɔ́ ná gbe lobo wlán dó wěma mɛ ɖɔ: “Nǔ baɖabaɖa e Hamáa ɖɔ émí ná dó sin xá Jwifu lɛ́ɛ ɔ́, è nǐ dó sin xá éyɛ́.” Mɔ̌ wɛ è dó kan kɔ nú Hamáa kpó vǐ tɔn lɛ́ɛ kpó gbɔn ɔ́ nɛ́.

Jɔ̌bu 15:35

Mɛ e mɔ nǔ nyanya sín xo ɔ́ ná ji awě; nǔ e ná flú i ɔ́ kpó e kpó wɛ ɖo yiyi wɛ.

Jɔ̌bu 24:14

Wun ɖo kinkɛn wɛ ɔ́, mɛhutɔ́ nɔ́ fɔ́n, bó nɔ́ hu wamamɔnɔ, mɛ e ma ɖó mɛɖé ǎ é. Zǎn ká bɔ ɔ́, é nɔ́ húzú ajotɔ́.

Ɖɛhan 36:4

É kɛ nu ɔ́, adingban jɛ́n é nɔ́ ɖó; mɛ jɛ́n é nɔ́ blɛ́; é nɔ ba ná wa nǔ kpó nǔnywɛ́ kpó ǎ, é nɔ́ ba ná wa nǔ ɖagbe ɖě ǎ.

Ɖɛhan 36:5

É mlɔ́ ayǐ ɔ́, nǔ ma sɔgbe kɛ́ɖɛ́ wɛ é nɔ́ lin, ali e ma nyí ali ɖagbe ǎ é wɛ é nɔ́ wlí, é nɔ́ hɔn nú nǔ nyanya wiwa ǎ.

Ɖɛhan 58:3

Hwɛjlɔ́jlɔ́ nɛ́ ǎ; mi ɖésúnɔ wɛ nɔ́ xo ahizi. Mi ɖésúnɔ nɔ́ zé alɔ mitɔn dó xo dǎka gbɔn to ɔ́ bǐ mɛ.

Nǔnywɛ́xó 12:2

Mawu Mavɔmavɔ nɔ nyɔ́ xomɛ dó mɛ ɖagbe wú; lo ɔ́, é nɔ́ ɖó hwɛ nú mɛ e ɖó linlin nyanya é.

Nǔnywɛ́xó 14:22

Gbɛtɔ́ e ɖó ayi nyanya ɔ́, ali wɛ é nɔ́ bú; mɛ e ka ɖó linlin ɖagbe ɔ́, è nɔ nyɔ́ xomɛ dó wǔ tɔn, è nɔ nɔ gbejí n'i.

Nǔnywɛ́xó 3:27

Ényí nǔɖé hu dó mɛ ɖé, bɔ a ɖǒ hlɔ̌nhlɔ́n tɔn bó ná bló n'i hǔn, ma gbɛ́ ó.

Nǔnywɛ́xó 4:16

Mɛ énɛ́ lɛ́ɛ má dó nǔ nyanya sin ǎ ɔ́, yě nɔ́ dɔ́ amlɔ ǎ. Gbɛtɔ́ má jɛ ayǐ dó alɔ yětɔn kɔ ǎ ɔ́, adɔ̌ wɛ nɔ vɛ́ yě.

Ezayíi 29:20

Đó acɛgannaganna-kpanúmɛtɔ́ lɛ́ɛ sín xó ná fó; è nǎ sú mɛ e ma nɔ sí mɛ ǎ lɛ́ɛ sín kún dó; è nǎ sú mɛ e nɔ wa nǔ nyanya dó mɛ wú lɛ́ɛ sín kún dó.

Ezayíi 3:14

É dó hwɛ tomɛxó e ɖo togun tɔn mɛ lɛ́ɛ kpó gǎn e ɖo togun tɔn nu lɛ́ɛ kpó ɖɔ: “Mi wɛ hɛn vǐwuntín lɛ́ɛ gblé. Wamamɔnɔ lɛ́ɛ sín nǔ e mi fin lɛ́ɛ ɖo xwé mitɔn lɛ́ɛ gbe.

Ezayíi 32:7

Awlinmɛdan lɛ́ɛ ɔ́, alǐnnyánú e nɔ́ dó nǔ baɖabaɖa sin é ɖo yě sí; yě nɔ́ ɖe wě bó nɔ́ ɖó adingban dó wa nǔ xá wamamɔnɔ lɛ́ɛ; amɔ̌, lelenɔ lɛ́ɛ ɔ́, nǔ e yě ɖó acɛ ná ɔ́ kɛ́ɖɛ́ jɛ́n yě nɔ́ byɔ́.

Ezayíi 5:8

Heelú yě mɛ e nɔ ɖo xwé sá dó xwé jí wɛ, bó nɔ́ ɖo gle kán dó gle jí wɛ, káká bó nɔ́ yí tɛn lɛ́ɛ bǐ, bɔ yě ɖokpónɔ nɔ́ nɔ to ɔ́ mɛ lɛ́ɛ.

Ezayíi 59:3

Đó gbɛtɔ́ kanjɔ ɖo alɔ mitɔn, nǔ nyanya e mi dó sin lɛ́ɛ hɛn alɔví mitɔn lɛ́ɛ kwíji. Mi kɛ nu ɔ́, adingban jɛ́n mi nɔ ɖó, ɖɛ̌ mitɔn dan wǔ ɖo gbla mɛ ɔ́, xó nyanya jɛ́n é nɔ ɖɔ.

Jelemíi 18:18

Énɛ́ ɔ́ gúdo ɔ́, mɛ ɖé lɛ́ɛ nɔ ɖɔ ɖo yěɖée tɛ́ntin ɖɔ: “Mi wá mǐ blá Jelemíi gbé. Vɔ̌sánú-xwlémawutɔ́ e ná kplɔ́n sɛ́n ɔ́ mǐ ɔ́ hán ǎ. Nǔnywɛ́tɔ́ e ná kplɔ́n nǔ mǐ ɔ́ hán ǎ. Gbeyíɖɔ e ná ɖɔ Mawuxó nú mǐ ɔ́ hán ǎ. Mi wá mǐ ní kpa xó ɖɔ dó nu tɔn, dó ba xó e. Mǐ nǎ ké ya nú xó e wlí ɖɔ wɛ é nɔ́ ɖe lɛ́ɛ ǎ.”

Ezekiyɛ́li 11:2

Mawu ɖɔ nú mì ɖɔ: “Hwɛ gbɛtɔ́ ɔ́, yě mɛ e nɔ ɖo nǔ nyanya sín wě ɖe wɛ, bó nɔ́ ɖo kplɔ́n nyanya ná mɛ wɛ ɖo Jeluzalɛ́mu toxo ɔ́ mɛ lɛ́ɛ ɔ́, yě nɛ́.

Ezekiyɛ́li 33:26

Ahwanlyánnú mitɔn lɛ́ɛ wú wɛ mi nɔ gán jɛ, mi nɔ dó nǔ baɖabaɖa lɛ́ɛ sin; mi bǐ wɛ nɔ ba nɔzo mitɔn lɛ́ɛ sín asi. Nɛ̌ to ɔ́ ná nyí mitɔn gbɔn?

Ezekiyɛ́li 38:10

“Hwe énɛ́ ɔ́ nu su ɔ́, ayixa gěgé ná wá xomɛ nú we, bɔ a nǎ lɛ̌n nǔ nyanya gěgé bó ná wa. Xó e nyɛ Aklúnɔ Mavɔmavɔ ɖɔ ɔ́ nɛ́.

Ezekiyɛ́li 46:18

Amɔ̌, gǎn ɔ́ ná yí toví ɖé sín nǔ sín así tɔn ǎ. Nǔ e ná nyí vǐ tɔn lɛ́ɛ tɔn ɔ́, nǔ é ɖésú tɔn lɛ́ɛ mɛ wɛ é ná kpɔ́n bó ná ná yě. Énɛ́ ɔ́, è nǎ nya mɛ ɖé sín nǔ e nyí étɔn é kɔn ɖo togun ce mɛ ǎ.”

Micée 6:12

Akwɛ́nɔ e ɖo to ɔ́ mɛ lɛ́ɛ bǐ wɛ nɔ táfú mɛ, bɔ mɛ e ɖo to ɔ́ mɛ lɛ́ɛ bǐ nɔ́ ɖó nǔvú, bó nɔ́ flú mɛ.

Naxúmu 1:11

Ninívu to, hwi gɔ́n wɛ mɛ e nɔ lin nyanya Mawu Mavɔmavɔ tɔn, bó nɔ blá gbě tɔn ɔ́ gosín .

Zakalíi 7:10

Mi ma táfú asúkúsi lɛ́ɛ ó, mi ma táfú tɔ́cyɔvǐ lɛ́ɛ ó, mi ma táfú jǒnɔ lɛ́ɛ ó, mi ma táfú wamamɔnɔ lɛ́ɛ ó, mi ma ka lin nǔ nyanya ɖěbǔ dó miɖée wú ó.”

Maki 15:1

É wá su zǎnzǎn tɛɛn, bɔ vɔ̌sánú-xwlémawutɔ́gán lɛ́ɛ, mɛxó lɛ́ɛ, kpódó sɛ́nkplɔ́nmɛtɔ́ lɛ́ɛ kpó, kpódó toxóɖɔgbɛ́ ɔ́ kpó kplé, bó yi kpá dó Jezu wú. Yě blǎ ɛ, bo kplá ɛ yi jó nú tokpɔngán Pilátu.

Luki 20:19

Gan énɛ́ mɛ ɖokpó ɔ́, vɔ̌sánú-xwlémawutɔ́gán lɛ́ɛ kpódó sɛ́nkplɔ́nmɛtɔ́ lɛ́ɛ kpán ɖo lě e yě ná wa gbɔn, bɔ alɔ ná jɛ Jezu wú ɔ́ ba wɛ, ɖó yě tunwun ɖɔ émí nyi mǎ wɛ é ɖe; lo ɔ́, yě ɖo xɛsi ɖi nú togun ɔ́ wɛ.

Jǎan 19:11

Jezu ka yí gbe n'i ɖɔ: “Ényí Mawu ma ná gbe tɔn we ǎ ɔ́, a sixú ɖó acɛ ɖěbǔ ɖo jǐ ce ǎ; énɛ́ ɔ́ wú wɛ mɛ e jó mì ɔ́ hu hwɛ hú we.”

Mɛsɛ́dó 23:12

Ée ayǐ ka wá hɔ́n ɔ́, Jwifu lɛ́ɛ blá gbě; yě ɖɔ, bó xwlé nǔ d'é jí ɖɔ, émí ma hu Pɔ́lu ǎ ɔ́, émí kún ná ɖu nǔ ɖěbǔ ó, émí kún ka ná nu sin ó.

Mɛsɛ́dó 23:15

Hǔn din ɔ́, midɛɛ lɛ́ɛ kpódó toxóɖɔgbɛ́ lɛ́ɛ kpó ní byɔ́ ahwangán ɖaxó ɔ́ ɖɔ ní kplá Pɔ́lu wá nú émí; mi ná ɖɔ n'i ɖɔ émí jló ná gbéjé xó tɔn kpɔ́n céɖécéɖé. Cóbónú é ná wá mi gɔ́n ɔ́, mǐdɛɛ lɛ́ɛ ɔ́, mǐ nǎ ko ɖo gbesisɔ mɛ bó ná hu i ɖo alixo.”

Hlɔ̌manu 1:30

bó nɔ́ ɖo xó nyanya ɖɔ dó yěɖée wú wɛ; Mawu sín kɛntɔ́ wɛ yě nyǐ. Yě nɔ sí mɛ ǎ; yě nɔ ɖo go yí wɛ, bó nɔ́ ɖo ajɔ̌ jlá nú yěɖée wɛ. Yě nɔ ɖo nǔ nyanya wiwa sín wlɛnwín yɔ̌yɔ́ lɛ́ɛ ɖe wɛ; yě nɔ́ vɛ́ tóli nú mɛjitɔ́ yětɔn lɛ́ɛ.

Sɛ́nflínmɛ 28:32

È nǎ bɛ́ vǐ mitɔn súnnu kpó nyɔ̌nu kpó jó nú togun ɖěvo lɛ́ɛ, bɔ mi ná ɖó nukún yě káká bɔ é ná cikɔ. Mi ka sixú wa nǔ ɖěbǔ ǎ.