Micée 1:7 - MAWUXÓWÉMA

⁷ Un ná gba Samalíi sín vodún lɛ́ɛ bǐ, bó ná dó nǔ e è ná ɛ lɛ́ɛ zo. Un ná gba bǒcyɔ lɛ́ɛ, ɖó hun sinsɛn sín aga e é lɛ ɔ́ sín akwɛ́ wɛ é zé dó xɔ nǔ énɛ́ lɛ́ɛ ná. Énɛ́ ɔ́ wú wɛ è nǎ bɛ́ nǔ énɛ́ lɛ́ɛ dó ba acɔ́ nú vodúnxɔ ɖěvo lɛ́ɛ.”

Micée 1:7 Iomraidhean Croise

2 Tan 31:1

Ée yě ɖu xwe ɔ́ fó ɔ́, Izlayɛ́li ví e ɖo fínɛ́ lɛ́ɛ bǐ yi Judáa sín toxo lɛ́ɛ mɛ, bó gba awǐnnya e yě tun te bo nɔ sɛn lɛ́ɛ hánnyá, bó gba vodún Acela tɔn lɛ́ɛ, lobo gba vodún xwé e ɖo só jí lɛ́ɛ, bó gba vɔ̌sákpe e gbɔn Judáa lɛ́ɛ bǐ. Mɔ̌ ɖokpó ɔ́ wɛ yě wa nǔ gbɔn ɖo Bɛnjamɛ́ɛ tomɛ, bó wa ɖo Eflayímu tomɛ, bó wa ɖo Manasée tomɛ. Énɛ́ ɔ́ gúdo ɔ́, Izlayɛ́li ví lɛ́ɛ bǐ lɛ́ kɔ wá yi toxo yětɔn yětɔn mɛ, bɔ mɛ ɖokpó ɖokpó yi ayǐkúngban tɔn jí.

Ezayíi 2:18

Vodún lɛ́ɛ bǐ ná sú kún dó.

Ezayíi 23:17

Xwe kanɖé gban (70) lɛ́ɛ wá yi ɔ́, Mawu Mavɔmavɔ ná húzú kpan nukɔn Tíi. Mawu Mavɔmavɔ ná jó Tíi dó bɔ é ná lɛ́ jɛ azɔ̌ tɔn kwíji kwíji ɔ́ wa jí xá axɔ́súɖuto e ɖo gbɛ ɔ́ mɛ lɛ́ɛ bǐ, lobo ná mɔ akwɛ́.

Ezayíi 27:9

Énɛ́ ɔ́, Mawu ná súnsún hwɛ e togun Jakɔ́bu tɔn hu é; nǔ e ká ná jɛ ɖ'é mɛ é ɖíe: togun ɔ́ ná gba awǐnnya e è dǒ mɛ vɔ̌sákpe ɔ́ é, hwě ɖɔhun; è sɔ́ ná mɔ vodún Acela abǐ zǎlínkpɔ́nfyɔ́nú ɖě ɖo te ǎ.

Ezekiyɛ́li 6:6

Mi ɖo fí ɖěbǔ ɖo to ɔ́ mɛ ɔ́, toxo lɛ́ɛ bǐ ná gba, mɛ ɖěbǔ sɔ́ ná nɔ́ kplé ɖo vodún xwé mitɔn e gbɔn só jí só jí lɛ́ɛ ǎ. Vɔ̌sákpe mitɔn lɛ́ɛ ná gba hánnyá, bɔ nǔɖé sɔ́ ná ɖo nǔɖé hwínnu ǎ; è nǎ gba vodún mitɔn lɛ́ɛ, bó ná sú kún yětɔn dó; è nǎ gba zǎlínkpɔ́nfyɔ́nú mitɔn lɛ́ɛ; è nǎ hɛn nǔ e mi bló lɛ́ɛ bǐ gblé.

Ozée 2:12

Din ɔ́, un ná ɖe nǔ e hwlá wɛ é ɖe ɔ́ xlɛ́ to, ɖo xɔnnɔ tɔn lɛ́ɛ nukún mɛ, bɔ mɛ ɖěbǔ ná yí i sín alɔ ce mɛ ǎ.

Ozée 2:14

Un ná sú vǐwungbo tɔn lɛ́ɛ kpó fígitín tɔn lɛ́ɛ kpó kún dó; énɛ́ lɛ́ɛ wɛ nyí nǔ e xɔnnɔ tɔn lɛ́ɛ ná ɛ é, bɔ é nɔ́ ɖɔ: “Nǔ e xɔnnɔ ce lɛ́ɛ ná mì lɛ́ɛ nɛ́. Un ná sɔ́ nǔ énɛ́ lɛ́ɛ dó húzú zunkan, bɔ gběkanlin lɛ́ɛ ná nɔ́ wá ɖu nǔ ɖo fínɛ́.

Ozée 2:5

É má nyí mɔ̌ ǎ ɔ́, un ná ɖe e nyi mɛ̌, un ná ɖe e nyi mɛ̌ jɔgbe. Un ná sɔ́ ɛ dó húzú gbětótló, un ná sɔ́ ɛ dó húzú axéko, un ná ɖó sinnugblá n'i káká, bɔ é ná wɛ́n vɛ̌.

Ozée 8:5

Nyɛ Mawu Mavɔmavɔ gbɛ́ nyibúví Samalíinu lɛ́ɛ tɔn. Un sin xomɛ dó yě ɖésú. Ayǐ ɖé ká ná hɔ́n, bɔ yě ná gɔn hwɛ hu cé?

Ozée 8:6

Izlayɛ́li wɛ nyibúví ɔ́ ká gosín hǔn, alɔnuzɔ́watɔ́ ɖé wɛ tun. Nyibúví ɔ́ nyí Mawu ǎ. Nǔ énɛ́ ɔ́ wú wɛ è nǎ gba nyibúví ɔ́ hánnyá.

Jowɛ́li 3:3

Un ná ɖe nǔdábaɖa xlɛ́ ɖo jǐnukúnsin kpó ayǐkúngban kpó jí; hun kpó zo kpó ná tɔ́n, azizɔ ná ɖo mlímlí wɛ.

Levíi ví 26:30

Un ná gbɛ́ wǎn nú mi. Un ná gba vodún xwé mitɔn e ɖo só jí lɛ́ɛ; un ná mu vɔ̌sákpe e jí mi nɔ dó zǎlínkpɔ́n zo ɖe lɛ́ɛ. Un ná bɛ́ cyɔ mitɔn lɛ́ɛ kplé ɖó vodún mitɔn e è gba hánnyá lɛ́ɛ jí.

Sɛ́nflínmɛ 23:18

Izlayɛ́li ví súnnu abǐ nyɔ̌nu ɖěbǔ ɖó ná nɔ lɛ aga dó sɛn hun ǎ.

Sɛ́nflínmɛ 9:21

lobo zé nyibúví sín bǒcyɔ e mi bló bó hu hwɛ dó Mawu Mavɔmavɔ ɔ́ dó myɔ mɛ. Énɛ́ ɔ́ gúdo ɔ́, un gba nǔ e kpo lɛ́ɛ, bó li bǐ, bɔ é húzú linfín, bɔ un bɛ́ kɔn nyi tɔ e nɔ sa sín só ɔ́ jí é mɛ.

Nǔɖexlɛ́mɛ 18:3

Đó é ná aga e é lɛ ɔ́ sín vɛ̌ɛn baɖabaɖa ɔ́ to lɛ́ɛ bǐ, bɔ yě nu. Axɔ́sú ayǐkúngban jí tɔn lɛ́ɛ lɛ aga xá ɛ, bɔ ajɔ̌tɔ́ ayǐkúngban jí tɔn lɛ́ɛ jɛ dɔkun gbɔn gbɛɖunú e é ɖó zɛ jlɛ̌ wú lɛ́ɛ gbla mɛ.”

Nǔɖexlɛ́mɛ 18:9

Hwenu e axɔ́sú ayǐkúngban jí tɔn e lɛ aga xá ɛ, bó ɖu gbɛ xá ɛ lɛ́ɛ ná mɔ myɔ e ɖo fyɔ́fyɔ́ ɛ wɛ ɔ́ sín azizɔ ɔ́, yě ná ya avǐ, bó ná ná alě ɖó toxo ɖaxó ɔ́ wú.

1 Samuwɛ́li 5:4

Ée ayǐ lɛ́ hɔ́n ɔ́, yě lɛ́ fɔ́n zǎn, bó lɛ́ mɔ Dagɔ́ni ɖo agbɔ̌nnusúxwedo ɖo akɔjijɛgbá Mawu Mavɔmavɔ tɔn sá mɛ, bɔ ta tɔn kpó alɔ tɔn we lɛ́ɛ kpó ɖo kpekán ɔ́ ta, bó ɖo jǐ lɔ́n yi wɛ, bɔ golyo ɔ́ ɖo vo.