Micée 1:6 - MAWUXÓWÉMA

⁶ Mawu ɖɔ: “Énɛ́ ɔ́ wú ɔ́, un ná gba Samalíi toxo ɔ́ bǐ hánnyá, bó ná zé dó húzú ayǐkúngban e jí è na nɔ dó vǐwun ɖe é. Un ná zɔ́n bɔ è ná flí awǐnnyaglo tɔn lɛ́ɛ kɔn nyi dodomɛ, bɔ to ɔ́ sín dodó lɛ́ɛ bǐ ná jɛ wěxo.

Micée 1:6 Iomraidhean Croise

2 Samuwɛ́li 17:13

Nú é ka hɔn byɔ́ toxo ɖé mɛ ɔ́, Izlayɛ́li ví lɛ́ɛ bǐ ná dó kan toxo ɔ́ bǐ lɛ́ lɛ̌ dó, bó dɔn bǐ xwíí yi dó tɔsisa e ɖo fínɛ́ é mɛ; mǐ ná jó awǐnnya vɔ́vɔ́ dó nyi to ɔ́ mɛ ǎ.”

2 Axɔ́sú 18:10

Xwe atɔn wɛ é sɔ́ ɖó te bo dó yí toxo ɔ́; hwenɛ́nu ɔ́, Ezekiyási Judáa xɔ́sú ɔ́ ɖo xwe ayizɛ́n bló wɛ ɖo zinkpo jí, bɔ Ozée Izlayɛ́li xɔ́sú ɔ́ ɖo xwe tɛ́nnɛ bló wɛ.

2 Axɔ́sú 18:9

Hwenu e Ezekiyási ɖo xwe ɛnɛ bló wɛ ɖo zinkpo jí ɖo Judáa, bɔ Ozée Ela ví ɔ́ ká ɖo xwe tɛ́nwe bló wɛ ɖo zinkpo jí ɖo Izlayɛ́li ɔ́, Salumanasáa Asilíi xɔ́sú ɔ́ wá tɔ́n ahwan Samalíi toxo ɔ́, bó xá.

2 Axɔ́sú 19:25

A tunwun ɖɔ nyɛ Mawu Mavɔmavɔ ɔ́, nyi wɛ ko to nǔ énɛ́ lɛ́ɛ bǐ ɖ'ayǐ sín do ǎ cé? Un kó tunwun sín do ɖɔ nǔ énɛ́ lɛ́ɛ ná jɛ. Din ɔ́, un jló ɖɔ nǔ énɛ́ lɛ́ɛ ní jɛ, bónú a nǐ gba toxo e è mɛ ahohó lɛ́ lɛ̌ dó lɛ́ɛ hánnyá.

Ezayíi 17:1

Xó e Mawu ɖɔ dó Damási jí é ɖíe: Zaanɖé din ɔ́, è sɔ́ ná xa Damási dó toxo lɛ́ɛ mɛ ǎ. É ná húzú awǐnnyaglo kɛ́ɖɛ́.

Ezayíi 25:12

Mɔwabu e, ahohó towe lɛ́ɛ ɔ́, dǒ e a mɛ lɛ́ lɛ̌ dó toxo towe bɔ kɛntɔ́ má nɔ́ sixú fán ǎ lɛ́ɛ ɔ́, Mawu mu bǐ; é zin bǐ dɛ́, bǐ ɖo kɔ́ mɛ ɖo afúntúntún tɛ́ntin.

Ezayíi 25:2

A zě toxo ɔ́ dó húzú awǐnnyaglo kɛ́ɖɛ́. A gba toxo e è mɛ ahohó lɛ́ lɛ̌ dó ɔ́ hánnyá. Jǒnɔ lɛ́ɛ sín toxo e è mɛ ahohó lɛ́ lɛ̌ dó ɔ́ sɔ́ hwɛ́n toxo ǎ; è sɔ́ sixú vɔ́ gbá gbeɖé ǎ.

Jelemíi 31:5

Izlayɛ́li, a nǎ lɛ́ tun vǐwuntín gbɔn Samalíi só lɛ́ɛ jí, vǐwuntuntɔ́ lɛ́ɛ ná ɖu vǐwun le lo.

Jelemíi 51:25

Babilɔ́nu, din ɔ́, un ná wa nǔ xá we; só nǔhɛngblétɔ́, hwi mɛ e gblé nǔ gbɔn ayǐ élɔ́ bǐ jí é, alɔ ce ná jɛ wǔ we, un ná flí we sín aga; só ɖaxó, a nǎ ji kɔn afín. Xó e nyɛ Mawu Mavɔmavɔ ɖɔ ɔ́ nɛ́.

Jelemíi 51:37

Babilɔ́nu ná húzú dǒglin, é ná húzú xwé nú ayǐsájɛ lɛ́ɛ; é ná jɛ vɔ̌ bɔ mɛ e mɔ lɛ́ɛ ɔ́, avivɔfún ná blá yě; yě ná sá heelú.

Jelemíi 9:11

Gbɛtɔ́ e ɖó nǔnywɛ́ bó mɔ nukúnnú jɛ nǔ énɛ́ lɛ́ɛ mɛ é ɖě ká ɖe a? Ényí Mawu Mavɔmavɔ ɖɔ xó nú mɛ mɔ̌hunkɔtɔn hǔn, é ní bó ɖɔ nǔ e wú to ɔ́ gba ɔ́, nǔ e wú é ji zo bó cí gbětótló e mɛ mɛɖé má nɔ́ gbɔn ǎ é ɖɔhun é.

Gbɛvíhan 4:1

Áo! Siká ɔ́ kú awi! Gan ɖagbe ɖagbe ɔ́ sɔ́ nɔ́ kɔ́n ǎ. Awǐnnya e è fɔ ɖó vo nú Mawu lɛ́ɛ fúnfún gbɔn alitó alitó.

Ezekiyɛ́li 13:14

Un ná mu dǒ e mi tlɛ́ é, un ná mu sín aga káká yi do, bɔ è nǎ mɔ nǔ jɛ dodó ɔ́ wú. É ná mu jɛ mi jí, bó ná vó mi. Énɛ́ ɔ́, mɛ bǐ ná tunwun ɖɔ nyɛ wɛ nyí Mawu Mavɔmavɔ.

Amɔ́si 5:11

“Mi nɔ xo mɛ e ma ɖó gǎn ǎ lɛ́ɛ ɖu, bó nɔ yí nǔjɔ ɖo jinukún yětɔn lɛ́ɛ jí; énɛ́ ɔ́ wútu ɔ́, xɔ ɖagbe ɖagbe e mi gbá lɛ́ɛ ɔ́, mi ná ɖu gbɛ yětɔn ǎ; vǐwuntín ɖagbe ɖagbe e mi tun lɛ́ɛ ɔ́, mi ná dó vɛ̌ɛn yětɔn nu ǎ.

Amɔ́si 6:8

Aklúnɔ Mavɔmavɔ xwlé éɖée. Mawu Mavɔmavɔ, Mawu Nǔbǐwúkpétɔ́ ɔ́ ɖɔ: “Go e yí wɛ Izlayɛ́li sín togun ɔ́ ɖe ɔ́ vɛ́ mɔ nú mi ɖésú. Un gbɛ́ wǎn nú xɔ tɔn ɖagbe ɖagbe lɛ́ɛ. Nǔ e ɖo Samalíi lɛ́ɛ bǐ wɛ un ná jó nú kɛntɔ́ tɔn lɛ́ɛ.”

Micée 3:12

Đó midɛɛ lɛ́ɛ wú ɔ́, Sinyɔ́ɔ ná húzú gle e jí è na nɔ dó nǔ ɖe é, Jeluzalɛ́mu ná húzú zunkɔ́ta; lo ɔ́, fí e Sinsɛnxɔ Mawu tɔn e ɖo só jí ɔ́ ɖe ɔ́ bǐ ná húzú zungbó ɖó mi wú.

Xabakúku 3:13

A nɔ tɔ́n bó nɔ́ hwlɛ́n togun towe gán, togun towe e a sɔ́ ɔ́ gán. A nɔ hu mɛ e kpa acɛ dó mɛ nyanya lɛ́ɛ nu é. A nɔ sú mɛ e nyí étɔn lɛ́ɛ kún dó bǐ gbídígbídí. Agbɔ̌n

Matíe 24:2

Jezu ka ɖɔ nú yě ɖɔ: “Mi ma mɔ nǔ énɛ́ lɛ́ɛ bǐ a? Má ɖɔ nǔgbó nú mi: awǐnnya e è dǒ mɛ yě ná lɛ́ɛ ɔ́, ɖě sɔ́ ná wá nɔ ɖě jí ǎ; bǐ wɛ è nǎ mu.”