Micée 1:5 - MAWUXÓWÉMA

⁵ Nǔ énɛ́ lɛ́ɛ bǐ ná jɛ ɖó Izlayɛ́li ví lɛ́ɛ hu hwɛ, bó fɔ́n gǔ dó Mawu jí. Mɛ̌ ká zɔ́n bɔ Izlayɛ́li ví lɛ́ɛ fɔ́n gǔ dó Mawu jí? Samalíinu lɛ́ɛ wɛ. Mɛ̌ ká dɔn Judáanu lɛ́ɛ dó vodúnsinsɛn mɛ? Jeluzalɛ́munu lɛ́ɛ ɖésú wɛ.

Micée 1:5 Iomraidhean Croise

1 Axɔ́sú 11:7

É gbá vodúnxɔ ɖokpó ɖó só e kpan nukɔn Jeluzalɛ́mu ɔ́ jí nú Mɔwabunu lɛ́ɛ sín vodún, nǔvɛ́mɔ Mawu tɔn Kemɔci ɔ́ kpódó Amumɔ́ɔ ví lɛ́ɛ sín vodún Mɔlɛ́ki, nǔvɛ́mɔ Mawu tɔn ɔ́ kpó.

1 Axɔ́sú 13:32

Đó xó e Mawu Mavɔmavɔ ɖɔ n'i bɔ é sú xó bó ɖɔ ɔ́ ɖó ná jɛ; xó e Mawu Mavɔmavɔ ɖɔ n'i dó vɔ̌sákpe e ɖo Betɛ́li ɔ́ kpódó nɔtɛn Mawu tɔn e gbɔn só jí só jí ɖo Samalíi toxo lɛ́ɛ bǐ mɛ lɛ́ɛ kpó ɔ́ ɖó ná jɛ.”

1 Axɔ́sú 16:24

Énɛ́ ɔ́ gúdo ɔ́, é xɔ só Samalíi tɔn ɔ́ ɖo Cɛmɛ́ɛ sí yí gankwɛ́ děgba ɖě afɔwó (6.000). É ɖó toxo ɖokpó ayǐ ɖo só ɔ́ jí, bo sun nyǐ ɖɔ Samalíi. Cɛmɛ́ɛ e nyí só ɔ́ nɔ ɖ'ayǐ ɔ́ sín nyǐkɔ wɛ é ɖó nú só ɔ́.

2 Tan 34:3

Hwenu e Joziyási ɖo xwe tántɔn bló wɛ ɖo zinkpo jí ɔ́, é kpo ɖo vǔ, bó ka jɛ Mawu e tɔ́gbó tɔn Davídi sɛn ɔ́ sín jlǒ ba ná tunwun jí. Énɛ́ ɔ́, hwenu e é wá ɖo xwe wěwe bló wɛ ɖo zinkpo jí ɔ́, é jɛ vodún e ɖo Jeluzalɛ́mu kpó Judáa kpó lɛ́ɛ ɖe síin jí: é gba vodún xwé e ɖo só jí lɛ́ɛ, bó ɖe vodún Acela lɛ́ɛ síin, bó ɖe bǒcyɔ e è sɔ́ gan dó kɔn lɛ́ɛ kpódó ée è kpa lɛ́ɛ kpó síin.

2 Tan 34:4

È mu vɔ̌sákpe Baalu tɔn lɛ́ɛ ɖo nukún tɔn mɛ, bɔ é gba nǔ e mɛ yě nɔ́ dó zǎlínkpɔ́n zo ɖe lɛ́ɛ. É li vodún Acela e yě tun te bó nɔ́ sɛn lɛ́ɛ kpó bǒcyɔ tɛnmɛ tɛnmɛ lɛ́ɛ kpó, bo fúnfún gbɔn mɛ e nɔ sá vɔ̌ nú yě ɖ'ayǐ bó kó kú lɛ́ɛ sín yɔta.

Jelemíi 2:17

Hwɛ Izlayɛ́li, ée nyɛ Mawu Mavɔmavɔ, Mawu towe ɖo ali ɖagbe jí kplá we gbɔn wɛ, bɔ hwɛ ka jó mì dó ɔ́, nǔ mɔ̌hun ná gɔn gbigbo we wɛ a?

Jelemíi 2:19

Nǔ nyanya wiwa towe ná wa nǔ xá we; gbejí ma nɔ towe ná dɔn tó nú we, bɔ a nǎ mɔ ɖɔ nyɛ Mawu Mavɔmavɔ, Mawu towe e a jǒ dó ɔ́, tɛn ce mɛ e a ma tunwun nú mì ǎ ɔ́ ná vlɛ́ nu nú we; é ná nylá nú we ɖésú. Xó e nyɛ Aklúnɔ Mavɔmavɔ Nǔbǐwúkpétɔ́ ɔ́ ɖɔ ɔ́ nɛ́.”

Jelemíi 23:13

Mawu ɖɔ: “Gbeyíɖɔ Samalíi tɔn lɛ́ɛ ɔ́, nǔ wa zɛ jlɛ́ wǔ wɛ un mɔ ɖo yě sí. Vodún Baalu sí wɛ yě nɔ́ yí xó ɖe, bó nɔ́ ɖɔ lobo nɔ́ dɔn togun ce Izlayɛ́li bú ali.

Jelemíi 23:14

Gbeyíɖɔ Jeluzalɛ́mu tɔn lɛ́ɛ ɔ́, nǔ e un ka nɔ mɔ ɖo yě sí ɔ́, nǔ baɖabaɖa wɛ, é vɛ́ jlɛ́. Afɔ wɛ yě nɔ́ dó gbě; yě nɔ́ nɔ adingban gbɛ mɛ. Adǎkaxotɔ́ lɛ́ɛ wɛ yě nɔ́ sɔ́ alɔ ná, bónú yě má jó adǎkaxixo dó ó. Nukún ce mɛ ɔ́, mɛ bǐ wɛ cí Sodɔ́mu nu lɛ́ɛ ɖɔhun; Jeluzalɛ́mu nu lɛ́ɛ lɔ cí Gomɔ́ɔ nu lɛ́ɛ ɖɔhun.

Jelemíi 4:18

Jeluzalɛ́mu, nǔ e a dǒ sin lɛ́ɛ sín le nɛ́! Dǎka e a xo lɛ́ɛ sín le nɛ́! Awě e xo we ɔ́ vɛ́ dín. É hun káká yi ayi towe mɛ.”

Jelemíi 5:25

Nǔ e mi wa nyi do lɛ́ɛ wú wɛ mi ma mɔ nǔ énɛ́ lɛ́ɛ ǎ. Hwɛ e mi hu lɛ́ɛ wɛ sú nǔ énɛ́ lɛ́ɛ sín ali dó mi.

Jelemíi 6:19

Gbɛtɔ́ e gbɔn ayǐkúngban ɔ́ jí lɛ́ɛ bǐ ní ɖótó! Éɖíe, un ná sɛ́ awě dó togun élɔ́, yě ná ɖu linlin nyanya e yě ɖǒ ɔ́ sín le. Đó yě wlí tó xó ce lɛ́ɛ wú ǎ, yě hu tɛ́ nú sɛ́n ce.

Gbɛvíhan 5:16

Wi e ɖo ta mǐtɔn ɔ́ kɔ́n; heelú mǐ, ɖó mǐ hu hwɛ.

Ezekiyɛ́li 16:46

Dadá towe e nɛ́gbé a jɛ ɔ́ wɛ nyí Samalíi kpó vǐ tɔn nyɔ̌nu lɛ́ɛ kpó ɖo totaligbé. Nɔví towe nyɔ̌nu e jɛ nɛ́gbé towe ɔ́ ka nyí Sodɔ́mu kpó vǐ tɔn nyɔ̌nu lɛ́ɛ kpó ɖo tofɔligbé.

Ozée 7:1

Mawu Mavɔmavɔ ɖɔ: “Hwenu e un jló ná gbɔ azɔn nú togun Izlayɛ́li tɔn ɔ́, hwɛ e akɔta Eflayímu tɔn ɔ́ hu lɛ́ɛ kpódó dǎka e Samalíinu lɛ́ɛ xo ɔ́ kpó wɛ un mɔ. Ajotɔ́ lɛ́ɛ byɔ́ xwé lɛ́ɛ gbe, ajotɔ́ axánsúnxó lɛ́ɛ ɖo ajo gbo mɛ wɛ gbɔn alixo alixo.

Amɔ́si 6:1

Mi mɛ e vo fɛɛ ɖo Sinyɔ́ɔ ɖo Samalíi só ta, bó vɛdó ɖɔ nǔɖé kún ná wa émí ó lɛ́ɛ ɔ́, heelú mi. Mi wɛ nyí akɔta e jɛ nukɔn ɖo akɔta ɖě lɛ́ɛ mɛ ɔ́ bɔ è ɖɔ; è ɖɔ mi gɔ́n wɛ Izlayɛ́linu lɛ́ɛ nɔ wá.

Amɔ́si 7:9

Un ná gba Izáki ví lɛ́ɛ sín vodún lɛ́ɛ. Un ná gba tɛn mímɛ́ Izlayɛ́li tɔn lɛ́ɛ hánnyá, bó ná tɔ́n ahwan mɛ e ná wá yí axɔ́sú Jelobowámu sín zinkpo jí lɛ́ɛ bǐ.”

Amɔ́si 8:14

Yě nɔ́ xwlé vodún Samalíinu lɛ́ɛ tɔn lɛ́ɛ; yě nɔ́ xwlé nǔ bó nɔ́ ɖɔ: ‘Susu nú vodún towe Dan’, abǐ ‘Susu nú vodúnnú e è nɔ wa ɖo Bɛ̌-Ceva é.’ Yě mɛ énɛ́ lɛ́ɛ ná jɛ ayǐ, bó sɔ́ ná fɔ́n gbeɖé ǎ.”

Micée 1:13

Mi Lakícinu e mi, mi sin sɔ́ mitɔn lɛ́ɛ dó ahwankɛkɛ́ mitɔn lɛ́ɛ wú . Mi gbɛ́ gbe nú Mawu Izlayɛ́li ví lɛ́ɛ ɖɔhun; mi wútu wɛ yě hu hwɛ.