Micée 1:2 - MAWUXÓWÉMA

² Togun lɛ́ɛ bǐ ní ɖótó; gbɛtɔ́ e ɖo ayǐkúngban jí lɛ́ɛ bǐ ní tɛ́ tó bó se. Aklúnɔ Mavɔmavɔ ná gosín tɛn tɔn mímɛ́ ɔ́ mɛ, bó ná wá dó hwɛ mi.

Micée 1:2 Iomraidhean Croise

1 Axɔ́sú 22:28

Micée ka ɖɔ n'i ɖɔ: “Nú a lɛ̌ kɔ wá wǔyɛ́yɛ́ afɔyɛ́yɛ́ hǔn, Mawu Mavɔmavɔ ɖɔ xó gbɔn jǐ ce ǎ.” Ée é ɖɔ mɔ̌ gúdo ɔ́, é ɖɔ: “Togun lɛ́ɛ bǐ ní ɖótó.”

2 Tan 18:27

Bɔ Micée ka ɖɔ n'i ɖɔ: “Nú a lɛ̌ kɔ wá wǔyɛ́yɛ́ afɔyɛ́yɛ́ hǔn, Mawu Mavɔmavɔ ɖɔ xó gbɔn jǐ ce ǎ.” Ée é ɖɔ mɔ̌ gúdo ɔ́, é ɖɔ: “Togun lɛ́ɛ bǐ ní ɖótó!”

Ɖɛhan 11:4

Mawu Mavɔmavɔ ɖo nɔtɛn tɔn mímɛ́ ɔ́, axɔ́súzinkpo tɔn ɖo jǐxwé dɔ̌n. Nukún tɔn ká ɖo gbɛtɔ́ lɛ́ɛ bǐ jí; é mɔ do nú nǔ e wa wɛ yě ɖe lɛ́ɛ bǐ.

Ɖɛhan 24:1

Davídi sín han. Mawu Mavɔmavɔ tɔn wɛ nyí ayǐkúngban ɔ́ kpó ayǐkúngban dɔkun lɛ́ɛ kpó. É tɔn wɛ nyí gbɛ ɔ́ kpó gbɛtɔ́ e ɖo gbɛ ɔ́ mɛ lɛ́ɛ kpó.

Ɖɛhan 28:2

Mawu Mavɔmavɔ, nú un dlɛ́n alɔ sɛ́ dó tɛn mímɛ́ bǐ e mɛ a ɖe ɔ́ hǔn, nú un sú xó ylɔ́ we ɖɔ hwi ní wá dó alɔ mì hǔn, ɖǒtó mì.

Ɖɛhan 50:1

Asáfu sín han. Mawu Mavɔmavɔ, Mawu Nǔbǐwúkpétɔ́ ɔ́ kɛ nu; é ylɔ́ ayǐkúngban ɔ́ bǐ kplé sín zǎnzǎn hwe jí káká yi gbadahwe jí.

Ɖɛhan 50:12

Nú xovɛ́ sin mì ɔ́, é byɔ́ ɖɔ má ɖɔ nú we ǎ, ɖó gbɛ ɔ́ bǐ wɛ nyí ce, bɔ nǔ e ɖo gbɛ ɔ́ mɛ ɔ́ bǐ nyí ce.

Ɖɛhan 50:7

“Togun ce, ɖǒtó mì má ɖɔ xó nú we; Izlayɛ́li, un ná dó hwɛ we, nyi wɛ nyí Mawu, Mawu towe.

Nǔnywɛ́xó 8:4

“Gbɛtɔ́ lɛ́ɛ e mi, mi sú xó ylɔ́ wɛ un ɖe! Xó e ɖɔ wɛ un ɖe ɔ́, mɛ bǐ ɖɔ ná wɛ un ɖe.

Ezayíi 1:2

Jǐnukúnsin kpó ayǐkúngban kpó, mi ɖótó mì, mi tɛ́ tó. Mawu Mavɔmavɔ wɛ ɖo xó ɖɔ wɛ: “Un hɛn Izlayɛ́li ví lɛ́ɛ káká bɔ yě su; un kplɔ́n yě. Lo ɔ́, yě fɔ́n gǔ dó jǐ ce.

Ezayíi 18:3

Midɛɛ lɛ́ɛ ɔ́, mi mɛ e ɖo gbɛ ɔ́ mɛ lɛ́ɛ ɔ́, mi mɛ e ɖo ayǐkúngban ɔ́ jí lɛ́ɛ ɔ́, mi kpɔ́n asyá e è nǎ zé tun te ɖó só lɛ́ɛ ta é, lobo ɖo tó ɖó hwenu e lanzo ɔ́ ná ɖɔ nǔ dó é wɛ.

Ezayíi 50:7

Aklúnɔ Mavɔmavɔ nɔ wá gɔ́ alɔ nú mì; énɛ́ wú wɛ un ma nɔ mɔ ɖɔ è kó ɖu ɖo jǐ ce ǎ. Un bló nyiɖée ɖó bó syɛ́n awǐnnya ɖɔhun; un tunwun ɖɔ un kún ná ɖu winnyá gbeɖé ó.

Jelemíi 22:29

Áo to ce! To ce! Đǒtó Mawu Mavɔmavɔ!

Jelemíi 29:23

Nǔ nǎ cí mɔ̌ nú yě, ɖó yě wa hɛ̌nnú ɖo Izlayɛ́li: yě ba nɔzo yětɔn sín asi, nǔ e un ma sɛ́ yě dó ɖɔ yě ní yi ɖɔ ǎ ɔ́, yě nɔ́ yi ɖɔ; adingban ka wɛ. Un mɔ do nú nǔ énɛ́ lɛ́ɛ bǐ, ɖě nyí gúdo ce nú ǎ.’ ” Mawu Mavɔmavɔ wɛ ɖɔ mɔ̌.

Jelemíi 42:5

Énɛ́ ɔ́, yě ɖɔ nú Jelemíi ɖɔ: “Mǐ yí gbe, mǐ nǎ bló nǔ e Mawu Mavɔmavɔ, Mawu towe ná ɖɔ nú we ɔ́ bǐ ɖ'é jí pɛ́pɛ́pɛ́. Mawu Mavɔmavɔ, Mawu towe ɔ́, éyɛ́ mɛ e nyí nǔgbóɖɔtɔ́, bó nyí gbejínɔtɔ́ ɔ́ ní se akpá e dó nú we wɛ mǐ ɖe é.

Jelemíi 6:19

Gbɛtɔ́ e gbɔn ayǐkúngban ɔ́ jí lɛ́ɛ bǐ ní ɖótó! Éɖíe, un ná sɛ́ awě dó togun élɔ́, yě ná ɖu linlin nyanya e yě ɖǒ ɔ́ sín le. Đó yě wlí tó xó ce lɛ́ɛ wú ǎ, yě hu tɛ́ nú sɛ́n ce.

Jonási 2:7

Só lɛ́ɛ sín dodónu wɛ un ko yi, bɔ kú sín hɔntogbó lɛ́ɛ ko sú dó mì bó ná nɔ mɔ̌ káká sɔ́yi. Lo ɔ́, hwɛ Mawu Mavɔmavɔ, Mawu ce ɔ́, a ɖe mì tɔ́n gbɛɖe sín do gɔngɔn énɛ́ ɔ́ mɛ.

Jonási 2:8

Hwenu e kan mɛ gbɔ́jɔ́ mì bɔ agbɔ̌n kpé mì bǐ ɔ́, un wá flín we, bó xo ɖɛ sɛ́ dó we Mawu Mavɔmavɔ, bɔ ɖɛ ce wá gɔ̌n towe, ɖo sinsɛnxɔ mímɛ́ towe mɛ.

Xabakúku 2:20

Lo ɔ́, Mawu Mavɔmavɔ ɔ́, éyɛ́ ɖo sinsɛnxɔ tɔn mímɛ́ ɔ́ mɛ, nǔ e ɖo ayǐkúngban jí lɛ́ɛ bǐ ní nɔ abwɛ̌ ɖo nukɔn tɔn.”

Malacíi 2:14

Énɛ́ ɔ́, mi nɔ kanbyɔ́ ɖɔ étɛ́wú ká wɛ? Nǔ e wú wɛ ɔ́ ɖíe: mi dó akpá ɖo Mawu Mavɔmavɔ nukɔn ɖɔ émí ná nɔ gbejí nú asi e mi da ɖo wǐnnyáwínnyá mɛ é. Asi mitɔn wɛ é nyí, mi wɛ da cóbó ka lɛ́ jó e dó.

Malacíi 3:5

Mawu Mavɔmavɔ Nǔbǐwúkpétɔ́ ɔ́ ɖɔ: ‘Un ná wá tɛ́ntin mitɔn, bó ná ɖɔ hwɛ xá mi. Un ná hwlɛndó, bó ná dó hwɛ mɛ e nɔ wa bǒ lɛ́ɛ, mɛ e nɔ lɛ aga lɛ́ɛ, mɛ e nɔ dó akpá bó má nɔ́ ɖe ǎ lɛ́ɛ, mɛ e ma nɔ sú axɔ́ azɔ̌watɔ́ ǎ lɛ́ɛ, mɛ e nɔ táfú asúkúsi kpó tɔ́cyɔvǐ kpó, abǐ mɛ e nɔ́ jɛ agɔ dó jǒnɔ lɛ́ɛ, kpódó mɛ e ma nɔ ké ya ɖěbǔ nú mì ǎ lɛ́ɛ bǐ kpó.’ ”

Sɛ́nflínmɛ 32:1

“Jǐxwé! Đǒtó mì! Un ɖo xó ná ɖɔ wɛ. Ayǐkúngban! Đǒtó xó e ɖo nu ce mɛ ná tɔ́n sín wɛ lɛ́ɛ.

Nǔɖexlɛ́mɛ 2:11

“Mɛ e ɖó tó bó ná dó se nǔ ɔ́ ní se nǔ e ɖɔ nú agun lɛ́ɛ wɛ Yɛsinsɛn ɖe ɔ́ ganjí! “Mɛ e ná ɖu ɖ'é jí ɔ́ ná kú kú wegɔ́ ɔ́ ǎ.”

Nǔɖexlɛ́mɛ 2:17

“Mɛ e ɖó tó bó ná dó se nǔ ɔ́ ní se nǔ e ɖɔ nú agun lɛ́ɛ wɛ Yɛsinsɛn ɖe ɔ́ ganjí! “Mɛ e ná ɖu ɖ'é jí ɔ́, un ná ná ɛ nǔɖuɖu e è nɔ ylɔ́ ɖɔ mǎna bɔ é ɖo hwlǎhwlá ɔ́. Un ná lɛ́ ná ɛ awǐnnya wěwé e jí è wlǎn nyǐkɔ yɔ̌yɔ́ ɖé dó ɔ́; mɛ ɖěbǔ tunwun nyǐkɔ énɛ́ zɛ mɛ e yí awǐnnya énɛ́ é wú ǎ.”

Nǔɖexlɛ́mɛ 2:29

“Mɛ e ɖó tó, bó ná dó se nǔ ɔ́ ní se nǔ jɛ nǔ e ɖɔ nú agun lɛ́ɛ wɛ Yɛsinsɛn ɖe ɔ́ mɛ ganjí!”

Nǔɖexlɛ́mɛ 2:7

“Mɛ e ɖó tó bó ná dó se nǔ ɔ́ ní se nǔ e ɖɔ nú agun lɛ́ɛ wɛ Yɛsinsɛn ɖe ɔ́ ganjí! “Mɛ e ná ɖu ɖ'é jí ɔ́, un ná ná ɛ gbe, bɔ é ná ɖu atín e nɔ ná gbɛ jɔ gbɛ mɛ, bó ɖo Mawu sín jikpá mɛ ɔ́ sín sínsɛ́n.”

Nǔɖexlɛ́mɛ 3:13

“Mɛ e ɖó tó bó ná dó se nǔ ɔ́ ní mɔ nǔ jɛ nǔ e ɖɔ nú agun Klísu tɔn lɛ́ɛ wɛ Yɛsinsɛn ɖe ɔ́ mɛ ganjí.”

Nǔɖexlɛ́mɛ 3:22

“Mɛ e ɖó tó bó ná dó se nǔ ɔ́ ní se nǔ e ɖɔ nú agun Klísu tɔn lɛ́ɛ wɛ Yɛsinsɛn ɖe ɔ́ ganjí.”

Nǔɖexlɛ́mɛ 3:6

“Mɛ e ɖó tó bó ná dó se nǔ ɔ́, ní se nǔ jɛ nǔ e ɖɔ nú agun Klísu tɔn lɛ́ɛ wɛ Yɛsinsɛn ɖe ɔ́ mɛ ganjí!”

Hwɛɖɔtɔ́ 11:10

Ée é ɖɔ mɔ̌ ɔ́, tomɛxó Galadi tɔn lɛ́ɛ ɖɔ n'i ɖɔ: “Mǐ dó akpá ɖɔ mǐ ná blǒ nǔ e a ɖɔ ɔ́; Mawu Mavɔmavɔ nyí kúnnuɖetɔ́ mǐtɔn.”