16 Judáanu e mi, mi sun ɖa mitɔn lɛ́ɛ; mi xwlɛ́ ta mitɔn, ta mitɔn ní cí mlɛ́mlɛ́ aklasúta ɖɔhun; mi ya avǐ dó vǐ mitɔn vívɛ́ná lɛ́ɛ tamɛ, ɖó è na kplá yě yi kannumɔgbénu, bɔ yě ná lín dó mi.”
È nɔ yi vodún mɛtɔn xwé, è nɔ yi Divɔ́ni; è nɔ yi vodún xwé e gbɔn só jí só jí lɛ́ɛ, bó nɔ́ yi ya avǐ gbɔn fí énɛ́ lɛ́ɛ; Mɔwabunu lɛ́ɛ ji nǔwamɛhan ɖo Nɛbo kpó Madaba kpó. Mɛ bǐ xwlɛ́ ta bó kpa atán.
Mɛ kpaa lɛ́ɛ kpó gbɛtɔ́ nukúnɖéjí lɛ́ɛ kpó bǐ ná kú ɖo to ɔ́ mɛ. Mɛ ɖé ná ɖe bó ná zé yě dó do ǎ. Mɛ ɖé ka ná ví yě ǎ. Mɛ ɖé ná já wǔtu dó yě ta mɛ ǎ. Mɛ ɖé ka ná xwlɛ́ ta ɖó yě wú ǎ.
Gaza to ɔ́ bǐ nǎ xwlɛ́ ta, aluwɛ mɛ wɛ yě ɖe. Acikelɔ́ni toxo ɔ́ bǐ nǎ cí tóó, mi gbɛtɔ́ sakasaka ví e kpo ɖo gbɛ lɛ́ɛ, káká jɛ hwetɛ́nu wɛ mi ka ná já wǔtu mitɔn yi ɖó?
Mawu Mavɔmavɔ ɖɔ: “Judáa togun e mi, mi jó ɖa dó nyi ta dó ɖe xlɛ́ ɖɔ è sɔ́ mi ɖo vo nú mì, mi kpa bǐ, bó bɛ́ kɔ́n nyi gbě. Mi nɔ só tá bó dó gbɛvíhan. Đó mi dó xomɛsin nú mì, un sɔ́ ba mi ǎ, un ɖe alɔ sín kan mitɔn mɛ.
Sí te, sú xó ylɔ́ Aklúnɔ, sú xó ylɔ́ Aklúnɔ gan bǐ mɛ, ɖɔ nǔ e ɖo xo towe mɛ lɛ́ɛ bǐ n'i; dlɛ̌n alɔ towe lɛ́ɛ bó sa vo sɛ́ dó Aklúnɔ; sa vo sɛ́ dó Aklúnɔ dó hwlɛ́n vǐ towe lɛ́ɛ gán, vǐ towe e ɖo adɔ kú wɛ gbɔn alixo alixo lɛ́ɛ gán.
É ɖɔ: ‘Asi towe ná kpo nú agalilɛ, ɖo toxo ɖaxó ɔ́ mɛ. È nǎ zé hwǐ dó hu vǐ towe súnnu kpó nyɔ̌nu kpó. È nǎ má ayǐkúngban towe nú mɛ ɖěvo lɛ́ɛ. Hwɛ ɔ́, a nǎ yi kú jɛ mɛ e má nyí akɔta towe ǎ lɛ́ɛ sín to mɛ. È nǎ bɛ́ Izlayɛ́li ví lɛ́ɛ yi kannumɔgbénu, bɔ yě ná lín dó toxo yětɔn.’ ”
Un ná zé awǎ e jɛ wɛ mi ɖe ɔ́ dó húzú aluwɛ ná, bɔ han e ji wɛ mi ɖe lɛ́ɛ bǐ ná húzú gbɛvíhan. Mɛ bǐ ná sin nǔwamɛvɔ dó alin. È nǎ xwlɛ́ ta nú mɛ bǐ, lě e vǐ ɖokpónɔ kú nú mɛ ɔ́, è nɔ bló gbɔn é. Bɔ nǔ énɛ́ lɛ́ɛ bǐ ná fó wǔvɛ́mimɔ sín azǎn ɖé ɖɔhun.