Micée 1:12 - MAWUXÓWÉMA

¹² Mawu Mavɔmavɔ sɛ́ awě dó, bɔ é xo Jeluzalɛ́mu toxo ɔ́, bɔ Malɔ́tinu lɛ́ɛ ɖo sísɔ́sísɔ́ wɛ, ɖó ayi yětɔn sɔ́ jɛ ayǐ ǎ.

Micée 1:12 Iomraidhean Croise

Jɔ̌bu 30:26

Nyɔ̌ná ɖó nukún wɛ un ɖe, nyladó ká wá; wěziza ɖó nukún wɛ un ɖe, zǐnflú ká wá cyɔ́n mì.

Ezayíi 45:7

Un nɔ bló wěziza, bó nɔ́ bló ablu, nyi wɛ nɔ ná nyɔ̌ná mɛ; nyi wɛ nɔ dɔn tagba wá. Nǔgbó wɛ, nyɛ Mawu Mavɔmavɔ wɛ nɔ bló nǔ énɛ́ lɛ́ɛ bǐ.

Jelemíi 14:19

Judáa togun ɔ́ ɖɔ: “Mawu, a jǒ mǐ dó bǐ wɛ a? Wǎn wɛ a gbɛ́ nú Sinyɔ́ɔ ɔ́ din a? Étɛ́wú a ka gblé wǔ mǐ, bɔ akpa jɔmakú jɛ mǐ wǔ lě? Ayi j'ayǐ ɖó nukún wɛ mǐ ɖe, nǔ ɖagbe ɖě ká ɖo wǐwá wɛ ǎ. Azɔn mǐtɔn ní gbɔ ɖó nukún wɛ mǐ ɖe, awě kɛ́ɖɛ́ wɛ ká ɖo mǐ xo wɛ.

Jelemíi 8:15

Fífá wɛ mǐ ɖo te kpɔ́n, nǔ ɖagbe ɖě ká wá ǎ. Mǐ ɖo nukún ɖó wɛ ɖɔ azɔn mǐtɔn ná gbɔ, awě wɛ ká wá xo mǐ.

Amɔ́si 3:6

Ahwankpɛn nɔ jɛ gbe ɖo toxo ɖé mɛ, bɔ ado nɔ gɔn mɛ e ɖo toxo ɔ́ mɛ lɛ́ɛ hu a? Awě nɔ́ xo toxo ɖé Mawu Mavɔmavɔ mɛ vo a?

Micée 1:9

Samalíi toxo ɔ́ ná gán ɖo awě e ná xo e ɔ́ mɛ ǎ. Adǎn ɖokpó ɔ́ wɛ ka ɖo te kpɔ́n Judáa. Tódɔnnúmɛ ɔ́ kó ɖo Jeluzalɛ́mu fí e togun ce nɔ kplé ɖe, ɖo toxo ɔ́ sín hɔntogbó lɛ́ɛ nukɔn é.

Hwliti 1:20

Nɔemíi ka yí gbe nú yě ɖɔ: “Mi ma sɔ́ ylɔ́ mì ɖɔ Nɔemíi ɖě ó, mi ylɔ́ mì ɖɔ Mala, ɖó Nǔbǐwúkpétɔ́ ɔ́ sɔ́ mì dó aluwɛ ɖaxó ɖé mɛ.

1 Samuwɛ́li 4:13

Eli ɖo ayǐjínjɔ́n ɖo zinkpo tɔn jí ɖo ali kpá, bó ɖo te kpɔ́n wɛn e ná gosín ahwangbé ɔ́ nu é, ɖó ado ɖo huhu i wɛ, ɖó akɔjijɛgbá Mawu tɔn e ɖo dɔ̌n é wú. Nya e gosín ahwangbé ɔ́ nu ɔ́ byɔ́ to ɔ́ mɛ, bó ɖɔ nǔ e jɛ lɛ́ɛ, bɔ to ɔ́ bǐ bɛ́ xósúsú.