Micée 1:11 - MAWUXÓWÉMA

¹¹ Cafíinu lɛ́ɛ e mi, kɛntɔ́ mitɔn lɛ́ɛ ná kplá mi yi kannumɔgbénu mɛ̌ jɔgbe, bɔ winnyá ná hu mi. Đó adǎn e gbo Bɛti-Esɛ́linu lɛ́ɛ, bɔ yě ɖo alě ná wɛ ɔ́ wútu wɛ, Saanáni lɛ́ɛ sɔ́ glá tɔ́n sín toxo yětɔn mɛ ǎ, ɖó yě mɔ ɖɔ Bɛti-Esɛ́li toxo ɔ́ kún sɔ́ nyí bibɛtɛn ɖé ó.

Micée 1:11 Iomraidhean Croise

Ezayíi 16:2

Mɔwabu nyɔ̌nu lɛ́ɛ ɖo flúflú wɛ xɛ e è nya sín adɔ̌ mɛ é ɖɔhun; yě ɖo flúflú wɛ ɖo fí e è nɔ zɔn afɔ gbɔn Aanɔ́ni tɔ ɔ́ mɛ ɖe é.

Ezayíi 20:4

Axɔ́sú Asilíi tɔn ná wlí Ejípunu lɛ́ɛ kpó Etiopíinu lɛ́ɛ kpó. É ná wlí yɔkpɔ́vú kpó mɛxó kpó hɛn yi, bɔ yě ná húzú gantɔ́ tɔn. Yě ná nɔ mɛ̌, bó nɔ afɔvɔ́ Ezayíi ɖɔhun bɔ é ná kplá yě yi. Yonu yětɔn ná nɔ wěxo. Winnyánú tɛ́ ɖíe ká ɖo Ejípunu lɛ́ɛ ná gbo wɛ e!

Jelemíi 13:22

A nǎ wá kanbyɔ́ hwiɖée ɖɔ: ‘Aniwú nǔ mɔ̌hun ká ɖo gbigbo mì wɛ?’ Tunwun ɖɔ hwɛ tobutóbú e a nɔ hu lɛ́ɛ wú wɛ. Hwɛ towe lɛ́ɛ wú wɛ è tún avɔ sín alin nú we ɖo togun mɛ. Hwɛ towe lɛ́ɛ wú wɛ è hwlɛ́n kan xá we.

Jelemíi 48:6

‘Mi hɔn sín fí! Mɛ ɖokpó ɖokpó ní hwlɛ́n ta tɔn! Mi yi ba tɛn ɖo gbětótló mɛ.’

Jelemíi 48:9

Mi ba awa nú Mɔwabu nú é zɔn, bó yi cí jɔmɛ. Toxo tɔn lɛ́ɛ bǐ ná jɛ vɔ̌, è sɔ́ ná mɔ mɛ ɖěbǔ ɖo toxo lɛ́ɛ mɛ ǎ.

Ezekiyɛ́li 16:37

Énɛ́ ɔ́ wútu ɔ́, un ná kplé xɔnnɔ towe e a jǒ hwiɖée ná lɛ́ɛ bǐ dó wǔ we, un ná kplé yě mɛ e a yí wǎn ná lɛ́ɛ kpódó mɛ e a gbɛ́ wǎn ná lɛ́ɛ kpó dó wǔ we, bɔ a nǎ ɖo tɛ́ntin yětɔn, bɔ un ná ɖe avɔ sín wǔ we ɖo yě bǐ nukún mɛ, bɔ yě ná mɔ we ɖo mɛ̌ jɔgbe.

Ezekiyɛ́li 23:29

Mɛnúvɛ́mɛwú sín nǔ wɛ yě ná wa xá we. Yě ná bɛ́ nǔ e a jɛ dɛ̌n bó wá lɛ́ɛ bǐ, bó ná jó we dó nyi mɛ̌ jɔgbe, bó ná dó winnyá we ɖo togun mɛ agbawungba; nǔ blíblí e a wa lɛ́ɛ, aga e a hun ɔ́ kpó hɛ̌nnú e a wa lɛ́ɛ kpó

Micée 1:8

Micée ɖɔ: “Un ná ya gbɛvíhan, bó ná ná alě; un ná nɔ mɛ̌, bó ná zɔn afɔvɔ́. Un ná hó avǔn gbě tɔn ɖɔhun, bó ná ɖo alě ná wɛ gowungo ɖɔhun.

Naxúmu 3:5

Mawu Mavɔmavɔ Nǔbǐwúkpétɔ́ ɔ́ ɖɔ: “Éɖíe, un ɖo biba we wɛ. Un ná kplɔ́ awu gaga e a dǒ é sín do káká yi nukún mɛ. Un ná xlɛ́ mɛ̌ towe akɔta ɖě lɛ́ɛ, bó ná zé winnyá e a ɖu ɔ́ xlɛ́ axɔ́súɖuto lɛ́ɛ.

Zakalíi 14:5

Énɛ́ ɔ́, mi ná hɔn yi tɔdo e ɖo só ce lɛ́ɛ tɛ́ntin é mɛ, ɖó tɔdo ɔ́ ná gbló ada káká yi Asálu. Mi ná hɔn lě e tɔ́gbó mitɔn lɛ́ɛ hɔn gbɔn hwenu e ayǐkúngban dán wǔ axɔ́sú Judáa tɔn Oziyási hwenu é. Mawu Mavɔmavɔ, Mawu ce ná wá, é kpódó wɛnsagun tɔn lɛ́ɛ bǐ kpó.

Jozuwée 15:37

Toxo élɔ́ lɛ́ɛ lɔ ɖ'é mɛ: Senáni, Hadaca, Migidalu-Gadi,