Micée 1:1 - MAWUXÓWÉMA

¹ Hwenu e Jotámu kpó Akázi kpó, kpódó Ezekiyási kpó ɖo axɔ́sú ɖu wɛ ɖo Judáa ɖě jɛ ɖě gúdo ɔ́, Mawu Mavɔmavɔ sɔ́ xó élɔ́ dó ayi mɛ nú Micée Mɔlɛcɛ́tinu ɔ́. É ɖe nǔ e ná wá jɛ dó Samalíi toxo ɔ́ kpó Jeluzalɛ́mu toxo ɔ́ kpó jí ɔ́ xlɛ́ ɛ.

Micée 1:1 Iomraidhean Croise

2 Axɔ́sú 15:32

Hwenu e axɔ́sú Izlayɛ́li tɔn Pekáxi, Hlemaliyahu ví ɔ́ ɖo xwe we bló wɛ ɖo zinkpo jí ɔ́, Yotámu, Oziyási ví ɔ́ yi axɔ́súzinkpo Judáa tɔn jí.

2 Axɔ́sú 15:5

Mawu Mavɔmavɔ sɛ́ azɔn baɖabaɖa ɖé dó Oziyási: é bɛ́ gudu bɔ gudu ɔ́ nɔ wǔtu tɔn mɔ̌ káká jɛ gbe e gbe é kú é. Hwenu e é ɖo azɔn ɔ́ jɛ wɛ ɔ́, è sɔ́ ɛ yi ɖó xwé ɖé gbe ɖo zɔ nú mɛ bǐ, bó sɔ́ vǐ tɔn Yotámu e kpa acɛ ɖo hɔnmɛ ɔ́ ɖó axɔ́súɖuto ɔ́ bǐ nu.

2 Axɔ́sú 16:1

Hwenu e Pekáxi Hlemaliyahu ví ɔ́ ɖo xwe afɔtɔn-nukún-we bló wɛ ɖo axɔ́súzinkpo Izlayɛ́li tɔn jí ɔ́, Akázi Yotámu ví ɔ́ yi axɔ́súzinkpo Judáa tɔn jí.

2 Axɔ́sú 18:1

Hwenu e Ozée Ela ví ɔ́ ɖo xwe atɔn bló wɛ ɖo zinkpo jí ɖo Izlayɛ́li ɔ́, Ezekiyási Akázi ví ɔ́ ɖu axɔ́sú ɖo Judáa.

2 Tan 28:1

Xwe ko wɛ Akázi ɖó, bó yi axɔ́súzinkpo jí ɖo Jeluzalɛ́mu, bó ɖu axɔ́sú nú xwe afɔtɔn-nukún-ɖokpó. É ka wa nǔ e má nyɔ́ Mawu Mavɔmavɔ nukún mɛ ǎ é. É bló lě e tɔ́gbó tɔn Davídi bló gbɔn ɖ'ayǐ é ǎ.

2 Tan 29:1

Xwe koatɔ́n (25) wɛ Ezekiyási ɖó bó yi axɔ́súzinkpo jí ɖo Jeluzalɛ́mu, bó ɖu axɔ́sú nú xwe koatɔ́n-nukún-ɛnɛ (29). È nɔ ylɔ́ nɔ tɔn ɖɔ Avíya; Zekaliya ví wɛ.

Ezayíi 1:1

Mawu ɖɔ xó nú Ezayíi Amɔ̌si ví ɔ́ ɖo nǔmimɔ mɛ. É ɖɔ xó n'i dó axɔ́súɖuto Judáa tɔn kpó Jeluzalɛ́mu toxo ɔ́ kpó wú. Axɔ́sú Judáa tɔn Oziyási, Yotámu, Akázi kpó Ezekiyási kpó hwenu wɛ é ɖɔ xó ɔ́. Xó e é ɖɔ n'i ɔ́ ɖíe.

Ezayíi 1:2

Jǐnukúnsin kpó ayǐkúngban kpó, mi ɖótó mì, mi tɛ́ tó. Mawu Mavɔmavɔ wɛ ɖo xó ɖɔ wɛ: “Un hɛn Izlayɛ́li ví lɛ́ɛ káká bɔ yě su; un kplɔ́n yě. Lo ɔ́, yě fɔ́n gǔ dó jǐ ce.

Ezayíi 7:1

Axɔ́sú Judáa tɔn Akázi e nyí Yotámu ví, bó nyí Oziyási vívú ɔ́ sín hwenu wɛ axɔ́sú Silíi tɔn Hlesini kpódó axɔ́sú Izlayɛ́li tɔn Pekáxi Hlemaliyahu ví ɔ́ kpó ɖidó ahwan tɔ́n Jeluzalɛ́mu toxo ɔ́ gbé; lo ɔ́, yě kpé wú bó tɔ́n ahwan ɛ ǎ.

Jelemíi 26:18

“Axɔ́sú Judáa tɔn Ezekiyási hwenu ɖo fí ɔ́, nya gbeyíɖɔ Mawu tɔn ɖé tíin, bɔ è nɔ ylɔ́ ɛ ɖɔ Micée; nya énɛ́ ɔ́ Mɔlɛcɛ́tinu wɛ. É ɖɔ nú Judáa togun ɔ́ bǐ ɖɔ: Mi ɖótó xó e Mawu Mavɔmavɔ Nǔbǐwúkpétɔ́ ɔ́ ɖɔ é, é ɖɔ: ‘Sinyɔ́ɔ ná húzú gle lilɛ, Jeluzalɛ́mu ná húzú dǒglin, bɔ gběhan ná cyɔ́n só é jí Mawu Mavɔmavɔ sín xwé ɔ́ ɖe é.’

Ozée 1:1

Wěma élɔ́ ɔ́, xó e Mawu Mavɔmavɔ ɖɔ nú Ozée Beeli ví ɔ́ lɛ́ɛ wɛ ɖ'é mɛ. Jelobowámu, Yexoázi ví ɔ́ wɛ nyí Izlayɛ́li xɔ́sú hwenɛ́nu. Hwenɛ́nu ɖokpó ɔ́ wɛ Oziyási kpó Yotámu kpó, kpó Akázi kpó, kpódó Ezekiyási kpó ɖu axɔ́sú ɖo Judáa.

Ozée 4:15

Óo! Izlayɛ́linu lɛ́ɛ mi! Mi fɔ́n bó ɖo aga lɛ wɛ. Amɔ̌, Judáanu lɛ́ɛ mi, mi ma hu hwɛ e yě hu ɔ́ ó. Mi ma yi Gilugalu ó, mi ma yi Bɛti-Awɛni ó, mi ma ka xwlé nǔ bó ɖɔ: “Mawu Mavɔmavɔ ɖo gbɛ” ó.

Ozée 8:14

Izlayɛ́linu lɛ́ɛ wɔn nyɛ mɛ e ɖó yě ɔ́, bó gbá xwé nú axɔ́sú yětɔn lɛ́ɛ, bɔ Judáanu lɛ́ɛ ɖó toxo e è mɛ ahohó lɛ́ lɛ̌ dó lɛ́ɛ kɔn nyi kpɔ́; lo ɔ́, un ná dó toxo yětɔn ɖaxó ɖaxó lɛ́ɛ zo, bɔ xwé yětɔn ɖagbe ɖagbe lɛ́ɛ ná ji zo.”

Amɔ́si 1:1

Xó e Amɔ́si ɖɔ lɛ́ɛ wɛ ɖo wěma élɔ́ mɛ; Amɔ́si ɔ́, lɛ̌ngbɔ́nyitɔ́ e ɖo Tekowa toxo ɔ́ mɛ lɛ́ɛ ɖě wɛ. Mawu ɖe nǔ xlɛ́ ɛ dó togun Izlayɛ́li tɔn ɔ́ wú ɖo axɔ́sú Judáa tɔn Oziyási kpó axɔ́sú Izlayɛ́li tɔn Jelobowámu, Yexoázi ví ɔ́ kpó hwenu. Mawu ɖe nǔ énɛ́ ɔ́ xlɛ́ ɛ ɔ́, é bló xwe we cóbɔ ayǐkúngban dán wǔ.

Amɔ́si 6:1

Mi mɛ e vo fɛɛ ɖo Sinyɔ́ɔ ɖo Samalíi só ta, bó vɛdó ɖɔ nǔɖé kún ná wa émí ó lɛ́ɛ ɔ́, heelú mi. Mi wɛ nyí akɔta e jɛ nukɔn ɖo akɔta ɖě lɛ́ɛ mɛ ɔ́ bɔ è ɖɔ; è ɖɔ mi gɔ́n wɛ Izlayɛ́linu lɛ́ɛ nɔ wá.

Micée 1:5

Nǔ énɛ́ lɛ́ɛ bǐ ná jɛ ɖó Izlayɛ́li ví lɛ́ɛ hu hwɛ, bó fɔ́n gǔ dó Mawu jí. Mɛ̌ ká zɔ́n bɔ Izlayɛ́li ví lɛ́ɛ fɔ́n gǔ dó Mawu jí? Samalíinu lɛ́ɛ wɛ. Mɛ̌ ká dɔn Judáanu lɛ́ɛ dó vodúnsinsɛn mɛ? Jeluzalɛ́munu lɛ́ɛ ɖésú wɛ.

Micée 3:9

Izlayɛ́li mɛxó hwɛɖɔtɔ́ lɛ́ɛ e mi, mi ɖɔ xó ná wɛ un ɖe. Mi gbɛ́ wǎn nú nǔ ɖagbe wiwa, bó nɔ gba sɛ́n.

Xabakúku 1:1

Xó e Mawu ɖɔ nú gbeyíɖɔ tɔn Xabakúku bo ɖe xlɛ́ ɛ ɔ́ ɖíe.

2 Piyɛ́ɛ 1:21

Đó mɛ ɖěbǔ nɔ sɔ́ jlǒ é ɖésúnɔ tɔn kpowun dó ɖɔ Mawuxó ɔ́ ná kpɔ́n gbeɖé ǎ; lo ɔ́, Yɛsinsɛn wɛ nɔ sɔ́ dó ayi mɛ nú gbɛtɔ́ lɛ́ɛ, bɔ yě nɔ ɖɔ xó e Mawu ɖɔ yě ní ɖɔ é.