Mɛsɛ́dó 9:8 - MAWUXÓWÉMA

⁸ Sólu ka wá sí te sín kɔ́ mɛ, bó hun nukún, é ka sɔ́ sixú mɔ nǔ ɖěbǔ ǎ, bɔ yě hɛn alɔ tɔn, bó kplá ɛ byɔ́ Damási.

Mɛsɛ́dó 9:8 Iomraidhean Croise

Bǐbɛ́mɛ 14:15

Ée yě yi jɛ dɔ̌n ɔ́, Ablámu má ahwangɔnu tɔn, bɔ é kpó mɛsɛntɔ́ lɛ́ɛ kpó ná tɔ́n ahwan axɔ́sú lɛ́ɛ zǎn mɛ. É ɖu ɖo yě jí, bó jɛ gǔdo yětɔn káká yi Hova. Hova ɔ́, toxo ɖé wɛ, bó ɖo totaligbé nú Damási.

Bǐbɛ́mɛ 19:11

bó va nukún yě mɛ e ɖo hɔn ɔ́ ta lɛ́ɛ bǐ, bɛ́ sín mɛ e nyí yɔkpɔ́vú bǐ ɔ́ jí káká yi jɛ mɛ e nyí mɛxó bǐ ɔ́ jí, bɔ yě jɛ avi dlá jí, bó sɔ́ sixú mɔ hɔn ɔ́ ǎ.

Tíntɔ́n 4:11

Mawu Mavɔmavɔ ká ɖɔ n'i ɖɔ: “Mɛ̌ wɛ ná nu gbɛtɔ́? Mɛ̌ wɛ nɔ́ zɔ́n bɔ ɖɛ̌ nɔ́ tɛ́? Mɛ̌ wɛ nɔ́ zɔ́n bɔ tó nɔ́ kú? Mɛ̌ wɛ nɔ́ zɔ́n bɔ è nɔ mɔ nukúnnú? Mɛ̌ wɛ nɔ́ zɔ́n bɔ nukún nɔ́ tɔ́n? Nyɛ Mawu Mavɔmavɔ ɔ́ wɛ ǎ cé?

Mɛsɛ́dó 13:11

Din ɔ́, ɖǒtó! Aklúnɔ ná dɔn tó nú we; a nǎ va nukún, bó ná gɔn hwesivɔ́ mɔ káká yi jɛ hwe ɖé nu.” Tlóló tɛn tɔn mɛ ɔ́, Elimasi va nukún, bó jɛ avi dlá jí, lobo ɖo mɛ e ná kplá ɛ ɔ́ ba wɛ.

Mɛsɛ́dó 22:11

Lo ɔ́, wěziza ɔ́ sín hlɔ̌nhlɔ́n zɔ́n, bɔ un sɔ́ nɔ sixú mɔ nukúnnú ǎ, bɔ gbɛ̌ ce e kpódó nyi kpó zɔn lɛ́ɛ wɛ gbɔ bo hɛn alɔ ce káká bo kplá mì yi Damási.

Mɛsɛ́dó 9:18

Azɔn ɖokpó ɔ́, nǔ hwevízá ɖɔhun ɖé lɛ́ɛ jɛ ayǐ sín Sólu nukún jí, bɔ é lɛ́ jɛ nǔ mɔ jí bó sí te, bó lɛ yɛhwesin.

Mɛsɛ́dó 9:9

É nɔ nukúnnú ma mɔ nú azǎn atɔn. É ɖu nǔ ǎ; é nu sin ǎ.

2 Kɔlɛ́ntinu 11:32

Hwenu e un ɖo Damási ɔ́, tokpɔngán e ɖo azɔ̌ wa nú axɔ́sú Aletási wɛ ɔ́ fɔ sɔ́ja ɖó to ɔ́ sín hɔn lɛ́ɛ jí, bónú yě ná wlí mì.

Galatinu 1:17

un ka lɛ́ yi mɛ e ko nyí mɛsɛ́dó jɛ nukɔn nú mì lɛ́ɛ gɔ́n ɖo Jeluzalɛ́mu ǎ; lo ɔ́, un dín tlɔlɔ yi Alabíi; énɛ́ ɔ́ gúdo ɔ́, un lɛ́ kɔ wá Damási.