Mɛsɛ́dó 9:6 - MAWUXÓWÉMA

⁶ Din ɔ́, sí te, bó byɔ́ toxo ɔ́ mɛ; è nǎ ɖɔ nǔ e a ɖǒ ná wa ɔ́ nú we.”

Mɛsɛ́dó 9:6 Iomraidhean Croise

Ɖɛhan 25:12

Ényí mɛɖé ɖó sísí nú Mawu Mavɔmavɔ ɔ́, Mawu Mavɔmavɔ nɔ xlɛ́ ɛ ali e é ɖó ná sɔ́ é.

Ɖɛhan 94:12

Mawu Mavɔmavɔ, nǔ nyɔ́ nú mɛ e a nɔ dɔn tó ná é, nǔ nyɔ́ nú mɛ a nɔ sɔ́ sɛ́n towe dó kplɔ́n é;

Ezayíi 57:18

Un mɔ nǔ e wa wɛ é ɖe lɛ́ɛ ganjí, amɔ̌, un ná gbɔ azɔn n'i. Un ná ɖe e ɖó ali jí, un ná ná ɛ akɔ́nkpinkpan. Un ná dó gbɔ n'i; bó dó gbɔ nú mɛ e kpó é kpó ɖo aluwɛ mɛ lɛ́ɛ.

Ezayíi 66:2

Nyi wɛ sɔ́ alɔ ce dó bló nǔ énɛ́ lɛ́ɛ bǐ, bɔ nǔ énɛ́ lɛ́ɛ bǐ tíin. Nyɛ ɔ́, mɛ e un nɔ sɔ́ nukún ɖagbe dó kpɔ́n é ɖíe: lelenɔ e awakanmɛ kú é, mɛ e nɔ se xó ce bó nɔ́ ɖó sísí ɖaxó ná é.

Ezekiyɛ́li 2:1

Mɛ e ɖo xó ɖɔ wɛ ɔ́ ɖɔ nú mì ɖɔ: “Hwi gbɛtɔ́ ɔ́ , sí te bó nɔ te, un ɖó xó ɖé bó ná ɖɔ nú we.”

Ezekiyɛ́li 3:22

Hlɔ̌nhlɔ́n Mawu Mavɔmavɔ tɔn lɛ́ wá jǐ ce ɖo fínɛ́. Mawu ɖɔ nú mì ɖɔ: “Sí te bó yi tɔdo ɔ́ mɛ, bónú má ɖɔ xó nú we.”

Xabakúku 3:16

Un se zǐngídi ɔ́, bɔ wǔ kú mì; ée un se zǐngídi énɛ́ ɔ́, nu ce nɔ sísɔ́, kanmɛ ce gbɔ́jɔ́, bɔ afɔ ce lɛ́ɛ xo dɔjɔ. Un nɔ xwíí, bó ɖo nǔwamɛ sín azǎn ɔ́ nɔ te kpɔ́n wɛ, bó ná yi tɔ́n ahwan togun e wá tɔ́n ahwan mǐ é.

Matíe 19:30

Mɛ e ɖo nukɔn din lɛ́ɛ gěgé ná wá jɛ gǔdo, bɔ mɛ e ɖo gǔdo din lɛ́ɛ gěgé ná wá jɛ nukɔn.”

Luki 3:10

Mɛ lɛ́ɛ ka nɔ kanbyɔ́ Jǎan ɖɔ: “Ani wɛ mǐ ká ɖó ná wa?”

Mɛsɛ́dó 10:22

Yě ka yí gbe n'i ɖɔ: “Sɔ́ja kanwekogán Kɔnɛ́yi wɛ sɛ́ mǐ dó; nya énɛ́ ɔ́, gbɛtɔ́ ɖagbe ɖé wɛ; é nɔ́ sí Mawu, bɔ Jwifu lɛ́ɛ bǐ nɔ́ ɖe kúnnu ɖagbe n'i. Wɛnsagun Mawu tɔn ɖé tɔ́n dó jǐ tɔn, bó ɖɔ n'i ɖɔ ní ylɔ́ we wá xwé tɔn gbe, bó ɖótó xó e a nǎ ɖɔ n'i é.”

Mɛsɛ́dó 10:32

Sɛ́ mɛ dó Jopée, nú è yi ylɔ́ Sinmɔ́ɔ e è nɔ lɛ́ ylɔ́ ɖɔ Piyɛ́ɛ é wá. Anyǔzɔ́watɔ́ Sinmɔ́ɔ e xwé tɔn ɖo xutó ɔ́ sín xwé gbe wɛ é jɛ.’

Mɛsɛ́dó 10:6

É ɖo nya anyǔzɔ́watɔ́ ɖé xwé; è nɔ ylɔ́ nya ɔ́ ɖɔ Sinmɔ́ɔ, bɔ xwé tɔn ɖo xutó.”

Mɛsɛ́dó 2:37

Ée yě se xó énɛ́ ɔ́, é hɛn hǔn nú yě ɖésú, bɔ yě kanbyɔ́ Piyɛ́ɛ kpódó mɛsɛ́dó lɛ́ɛ kpán ɖɔ: “Nɔví ce lɛ́ɛ mi! Étɛ́ mǐ ká ɖó ná wa?”

Mɛsɛ́dó 22:10

Un ka lɛ́ kanbyɔ́ mɛ e ɖo xó ɖɔ nú mì wɛ ɔ́ ɖɔ: ‘Ani un ɖó ná wa Aklúnɔ?’ Aklúnɔ ɔ́ ká ɖɔ nú mì ɖɔ: ‘Sí te, yi Damási; a ko yi dɔ̌n ɔ́, è nǎ ɖɔ nǔ e Mawu ɖɔ hwi ná wa ɔ́ bǐ nú we.’

Mɛsɛ́dó 26:16

Lo ɔ́, sí te, bó nɔ te; nǔ e wú un ka tɔ́n dó jǐ towe ɔ́ ɖíe: un ná sɔ́ we dó bló mɛsɛntɔ́ ce ná; a nǎ nyí kúnnuɖetɔ́ ce, bɔ nǔ e a mɔ din lɛ́ɛ kpódó ɖěe un ná lɛ́ wá sɔ́ xlɛ́ we lɛ́ɛ kpán ɔ́, a nǎ ɖɔ nú mɛ ɖě lɛ́ɛ.

Mɛsɛ́dó 9:5

Sólu ka kanbyɔ́ ɛ ɖɔ: “Hwi mɛ̌ ká wɛ Aklúnɔ?” Gbe ɔ́ ká ɖɔ: “Nyɛ Jezu e dó ya ná a ɖe ɔ́ wɛ.

Hlɔ̌manu 10:20

Ée Ezayíi ɖɔ ɔ́ hú mɔ̌; é ɖɔ: “Mɛ e ma ɖo biba mì wɛ ɖ'ayǐ ǎ lɛ́ɛ ɔ́, yě mɔ mì. Un sɔ́ nyɛɖée xlɛ́ mɛ e ma ko nɔ kan mì byɔ́ ɖ'ayǐ ǎ lɛ́ɛ.”

Hlɔ̌manu 10:3

Nǔgbó ɔ́, yě mɔ nukúnnú jɛ lě e Mawu nɔ sɔ́ gbɛtɔ́ dó húzú hwɛjijɔnɔ gbɔn ɔ́ wú ǎ, bó ba ali yě ɖésúnɔ tɔn, bó ná dó húzú hwɛjijɔnɔ ɖo Mawu nukɔn; énɛ́ ɔ́, yě sɔ́ gbɔn ali e Mawu ɖe bɔ gbɛtɔ́ lɛ́ɛ ná gbɔn, bɔ Mawu ná sɔ́ yě dó húzú hwɛjijɔnɔ ná é ǎ.

Hlɔ̌manu 5:20

Sɛ́n ɔ́ wá, bónú hwɛhuhu ná sukpɔ́; fí e hwɛhuhu ka sukpɔ́ ɖe ɔ́, fɛ́nú Mawu tɔn nɔ túnflá ɖo fínɛ́.

Hlɔ̌manu 7:9

Đ'ayǐ ɔ́, hwenu e sɛ́n ɔ́ ma ɖe ǎ ɔ́, un ɖo gbɛ; amɔ̌, ée sɛ́n ɔ́ wá jɛ nǔ e è ma ɖó ná wa ǎ lɛ́ɛ ɖe tɔ́n jí ɔ́, hwɛhuhu ɔ́ bɛ́ azɔ̌wiwa,

Filípunu 2:12

Énɛ́ ɔ́, mɛvívɛ́ná ce lɛ́ɛ mi, hwenu e un ɖo kpɔ́ xá mi ɔ́, mi nɔ se tónú nú mì tɛgbɛ; din e un ma ka sɔ́ ɖo kpɔ́ xá mi ǎ ɔ́, é lɛ́ ɖo tají ɖɔ mi ní lɛ́ se tónú nú mì. Mi wa azɔ̌ kpó xɛsi kpó, kpódó sísɔ́sísɔ́ kpán nú hwlɛngán mitɔn ná nyí hwlɛngán kpíkpé.

Jaki 4:6

É ɖo mɔ̌ có, é nɔ lɛ́ ná fɛ́nú e hú gǎn mɔ̌ ɔ́ mǐ; ɖó Mawuxówéma ɔ́ ɖɔ: “Mawu nɔ gbɛ́ goyítɔ́ lɛ́ɛ sín xó; lo ɔ́, é nɔ ná fɛ́nú mɛ e nɔ sɔ́ yěɖée hwe lɛ́ɛ.”

1 Samuwɛ́li 16:3

Énɛ́ ɔ́, a nǎ ylɔ́ Jɛsée wá vɔ̌sísá ɔ́ do mɛ. Nǔ e a na bló ɔ́, un ná ɖɔ nú we, bɔ a nǎ kɔn ami dó ta nú mɛ e un ná xlɛ́ we ɔ́, bó ná sɔ́ ɛ axɔ́sú bɔ é ná nɔ́ wa azɔ̌ nú mì.”

1 Samuwɛ́li 28:5

Ée Sawúlu mɔ Filisitɛ́ɛn lɛ́ɛ lě ɔ́, xɛsi ɖaxó ɖé jɛ jǐ tɔn, bɔ hǔn tɔn nɔ xo gblo, gblo, gblo.