Mɛsɛ́dó 9:3 - MAWUXÓWÉMA

³ Dɔ̌n ɔ́ yi wɛ é ɖe, bó kó sɛ yá Damási to ɔ́, bɔ tlóló ɔ́, wěziza ɖé gosín jǐxwé wá hɔ́n lɛ́ lɛ̌ dó e,

Mɛsɛ́dó 9:3 Iomraidhean Croise

Ɖɛhan 104:2

A sɔ́ wěziza dó awu ɖaxó ɖé ɖɔhun, a vlɔ̌n jǐxwé avɔgoxɔ ɖɔhun.

Mɛsɛ́dó 22:6

“Ali jí wɛ un ɖe, bó kó sɛkpɔ́ Damási, bɔ gǎn wěwe mɛ mɔ̌ ɔ́, wěziza ɖaxó ɖé gosín jǐxwé bó hɔ́n lɛ́ lɛ̌ dó mì, bɔ un jɛ ayǐ, bó se gbe ɖé, bɔ gbe ɔ́ kanbyɔ́ mì ɖɔ: ‘Sólu! Sólu! Étɛ́wú a ɖo ɖiɖe dó mì wɛ?’

Mɛsɛ́dó 9:17

Ananíyasi ka yi nǔgbó, bó byɔ́ xwé ɔ́ gbe, lobo ɖó alɔ Sólu jí, bó ɖɔ: “Sólu nɔví ce! Aklúnɔ Jezu e tɔ́n dó jǐ towe ɖo ali e a gbɔn bó wá é jí ɔ́ wɛ sɛ́ mì dó, nú a nǎ lɛ́ mɔ nukúnnú, bónú Yɛsinsɛn ní gɔ́ ayi mɛ nú we.”

Mɛsɛ́dó 9:27

Baanabási ka kplá Sólu hɛn yi mɛsɛ́dó lɛ́ɛ gɔ́n, bó wlí lě e é mɔ Aklúnɔ gbɔn ɖo ali jí é, lě e Aklúnɔ ɖɔ xó n'i gbɔn é ɖɔ nú yě; é ɖɔ lě e Sólu ɖésú gbó adɔ bó jlá Mawuxó ɔ́ ɖo Jezu sín nyǐkɔ mɛ gbɔn, ɖo togun mɛ agbawungba ɖo Damási é bǐ nú yě.

1 Kɔlɛ́ntinu 15:8

Ée é sɔ́ éɖée xlɛ́ yě bǐ ɔ́, é wá sɔ́ éɖée xlɛ́ nyɛ lɔmɔ̌ gbɔn gǔdo; có mɛ e azǎn ma sɔgbe bɔ è ji ɖɔhun wɛ un cí.

1 Kɔlɛ́ntinu 9:1

Nyɛ ɖésúnɔ sí wɛ un ɖe ǎ cé? Mɛsɛ́dó wɛ un nyí ǎ cé? Un mɔ Aklúnɔ mǐtɔn Jezu ǎ cé? Azɔ̌ e un wa ɖo bǔ e un ɖe xá Aklúnɔ mɛ ɔ́ sín xlɛ́ wɛ mi nyí ǎ cé?

1 Timɔtée 6:16

É ɖokpónɔ géé wɛ má nɔ kú ǎ, bó ɖo wěziza e mɛɖé ma sixú sɛkpɔ́ ǎ é mɛ; mɛɖé mɔ ɛ kpɔ́n gbeɖé ǎ; mɛɖé ka sixú mɔ ɛ lɔ bo gbɔ ǎ. Susu kpódó hlɔ̌nhlɔ́n mavɔ mavɔ kpó ní nyí étɔn; amǐ!

Nǔɖexlɛ́mɛ 21:23

Toxo ɔ́ byɔ́ ɖɔ hwe ní ná émí wěziza ǎ; é ka byɔ́ ɖɔ sun ní ná émí wěziza ǎ, ɖó susu Mawu tɔn nɔ ná ɛ wěziza, bɔ Lɛ̌ngbɔ́ví ɔ́ nyí zogbɛ́n tɔn.

Nǔɖexlɛ́mɛ 22:5

Zǎn sɔ́ ná nɔ kú ǎ; yě sɔ́ ná ba wěziza zogbɛ́n tɔn ǎ; yě ka sɔ́ ná ba wěziza hwe tɔn ǎ, ɖó Aklúnɔ Mawu ná gba wěziza tɔn kɔn nyi yě jí, bɔ yě ná ɖu axɔ́sú káká sɔ́yi.