Mɛsɛ́dó 9:2 - MAWUXÓWÉMA

² bó ɖɔ ní bló wěma nú émí nú émí ná hɛn yi kplɔ́ngbasá e ɖo Damási lɛ́ɛ, bónú émí mɔ mɛ e byɔ́ sinsɛn yɔ̌yɔ́ ɔ́ mɛ lɛ́ɛ ɖě ɔ́, súnnu abǐ nyɔ̌nu ɔ́, émí ná blá yě, bó kplá yě wá Jeluzalɛ́mu.

Mɛsɛ́dó 9:2 Iomraidhean Croise

Bǐbɛ́mɛ 14:15

Ée yě yi jɛ dɔ̌n ɔ́, Ablámu má ahwangɔnu tɔn, bɔ é kpó mɛsɛntɔ́ lɛ́ɛ kpó ná tɔ́n ahwan axɔ́sú lɛ́ɛ zǎn mɛ. É ɖu ɖo yě jí, bó jɛ gǔdo yětɔn káká yi Hova. Hova ɔ́, toxo ɖé wɛ, bó ɖo totaligbé nú Damási.

Ezayíi 17:1

Xó e Mawu ɖɔ dó Damási jí é ɖíe: Zaanɖé din ɔ́, è sɔ́ ná xa Damási dó toxo lɛ́ɛ mɛ ǎ. É ná húzú awǐnnyaglo kɛ́ɖɛ́.

Jelemíi 49:23

Mawu ɖɔ xó dó Damási wú, é ɖɔ: “Mɛ e ɖo Hamáti toxo ɔ́ mɛ lɛ́ɛ kpó mɛ e ɖo Aapadu toxo ɔ́ mɛ lɛ́ɛ kpó ná se xó baɖabaɖa ɖokpó, bɔ xɛsi ɖaxó ɖé ná jɛ yě jí, bɔ yě ná ɖu hɛ̌n xoxónɔ. Xɛsi ɔ́ ná cí lě e xu nɔ ɖo adǎn jí bó má nɔ hwíhwɛ́ ǎ ɖɔhun.

Matíe 10:17

Mi cɔ́ miɖée dó gbɛtɔ́ lɛ́ɛ wú, ɖó yě ná wá dɔn mi yi hwɛ nukɔn, bo na wá ɖɔ hwɛ xá mi, lobo ná ɖó bǎ nú mi ɖo kplɔ́ngbasá yětɔn lɛ́ɛ.

Jǎan 14:6

Jezu ka yí gbe n'i ɖɔ: “Nyɛ wɛ nyí ali ɔ́, bó nyí nǔgbó ɔ́, bó ka lɛ́ nyí gbɛ ɔ́. Mɛɖěbǔ sixú yi Tɔ́ ɔ́ gɔ́n nyɛ mɛ vo ǎ.

Mɛsɛ́dó 18:25

È kplɔ́n ɛ nǔ e kan Aklúnɔ sín ali ɔ́, bɔ akpakpa tɔn nɔ sɔ́ ɛ, bɔ é nɔ́ ɖo Wɛn Ɖagbe Jezu tɔn ɔ́ jlá wɛ, bó nɔ́ ɖo kplɔ́nkplɔ́n mɛ lɛ́ɛ wɛ, bɔ nǔ e ɖɔ wɛ é ɖe lɛ́ɛ bǐ nɔ́ sɔgbe, có yɛhwesin Jǎan tɔn kɛ́ɖɛ́ wú jɛ́n é mɔ nǔ jɛ.

Mɛsɛ́dó 19:23

Hwenɛ́nu wɛ hunnyahunnya ɖaxó ɖé tíin ɖó Aklúnɔ sín ali ɔ́ wútu.

Mɛsɛ́dó 19:9

Lo ɔ́, mɛɖé lɛ́ɛ ti tamɛ ɖo yě mɛ; yě gbɛ̌, lobo nɔ ɖɔ xó nyanya dó Aklúnɔ sín ali ɔ́ wú, ɖo togun ɔ́ nukɔn; énɛ́ ɔ́ wú ɔ́, Pɔ́lu gosín yě mɛ, bó kplá ahwanvú lɛ́ɛ, bó nɔ́ ɖɔ xó dó xó ɔ́ wú ayǐhɔ́ngbe ayǐhɔ́ngbe ɖo Tilánɔsi sín wěmaxɔmɛ.

Mɛsɛ́dó 24:14

Amɔ̌, un yí gbe nú yě ɖɔ jí Mawu e tɔ́gbó mǐtɔn lɛ́ɛ nɔ sɛn ɔ́ sɛn wɛ un ɖe gbɔn ali yɔ̌yɔ́ e yě ɖɔ é kún sɔgbe ó é jí; lo ɔ́, nǔ e è wlán dó sɛ́nwéma ɔ́ mɛ lɛ́ɛ kpódó nǔ e gbeyíɖɔ Mawu tɔn lɛ́ɛ ɖɔ lɛ́ɛ kpán ɔ́, un ɖi nǔ nú bǐ sésé.

Mɛsɛ́dó 24:22

Felísi ɔ́ ka mɔ nǔ jɛ Aklúnɔ sín ali ɔ́ wú ganjí. É sɛ hwɛɖɔzán ɔ́ dó nukɔn, bó ɖɔ nú yě ɖɔ: “Ényí ahwangán ɖaxó Lisiyási ko wá ɔ́, un ná gbéjé xó mitɔn kpɔ́n.”

Mɛsɛ́dó 26:10

Nǔ e un wa ɖo Jeluzalɛ́mu ɔ́ nɛ́. Un yí acɛ ɖo vɔ̌sánú-xwlémawutɔ́gán lɛ́ɛ sí, bó nɔ wlí mɛ e ɖi nǔ nú Jezu lɛ́ɛ gěgé dó gan, bɔ hwenu e è nɔ ɖo yě hu wɛ ɔ́, un nɔ yí gbe ná.

Mɛsɛ́dó 26:12

“Azɔ̌ énɛ́ wa gbé wɛ un xwe ɖo Damási, bɔ vɔ̌sánú-xwlémawutɔ́gán lɛ́ɛ ná gbe mì, bó ná acɛ mì bɔ un ɖidó.

Mɛsɛ́dó 6:9

Jwifu ɖé lɛ́ɛ ka gosín kplɔ́ngbasá e è nɔ ylɔ́ ɖɔ “Kannumɔ e jɛ yěɖée sí lɛ́ɛ tɔn é” bó wá, bó jɛ nǔ dɔn xá Etyɛ́ni jí; to vovo mɛ wɛ Jwifu énɛ́ lɛ́ɛ gosín; mɛ ɖě gosín Silenɛ́ɛ, Alɛsándli, Silisíi kpódó Azíi yíkúngban jí kpó.

Mɛsɛ́dó 7:19

Axɔ́sú énɛ́ ɔ́ zán ayi dídá dó akɔta mǐtɔn wú, bó dó ya nú tɔ́gbó mǐtɔn lɛ́ɛ káká, lobo zɔ́n ɖɔ yě ní nɔ́ sɔ́ vǐ yětɔn lɛ́ɛ nyi gbě, nú yě ma nɔ gbɛ ó.

Mɛsɛ́dó 9:14

Fí e é ka wá din ɔ́, vɔ̌sánú-xwlémawutɔ́gán lɛ́ɛ wɛ é byɔ́ gbe, bó ná wlí mɛ e nɔ xomlá nyǐkɔ towe lɛ́ɛ bǐ.”

Mɛsɛ́dó 9:21

Nǔ énɛ́ kpácá mɛ e nɔ se xó e ɖɔ wɛ é ɖe lɛ́ɛ bǐ, bɔ yě nɔ́ ɖɔ: “Nya e ɖo mɛ e nɔ xomlá Jezu ɖo Jeluzalɛ́mu lɛ́ɛ sín kún sú dó wɛ ɔ́ nɛ́ ǎ cé? Mɛ e nɔ xomlá Jezu lɛ́ɛ ná wlí yi jó nú vɔ̌sánú-xwlémawutɔ́gán lɛ́ɛ gbé wɛ é tɔ́n bó wá fí ǎ cé?”

2 Kɔlɛ́ntinu 11:32

Hwenu e un ɖo Damási ɔ́, tokpɔngán e ɖo azɔ̌ wa nú axɔ́sú Aletási wɛ ɔ́ fɔ sɔ́ja ɖó to ɔ́ sín hɔn lɛ́ɛ jí, bónú yě ná wlí mì.

Galatinu 1:17

un ka lɛ́ yi mɛ e ko nyí mɛsɛ́dó jɛ nukɔn nú mì lɛ́ɛ gɔ́n ɖo Jeluzalɛ́mu ǎ; lo ɔ́, un dín tlɔlɔ yi Alabíi; énɛ́ ɔ́ gúdo ɔ́, un lɛ́ kɔ wá Damási.