Mɛsɛ́dó 8:7 - MAWUXÓWÉMA

⁷ Yɛ nyanya lɛ́ɛ nɔ gosín azinzɔnnɔ gěgé jí kpó xósúsú ɖaxó kpó; mɔ̌ ɖokpó ɔ́, azɔn gbɔ nú wǔkúnánɔ gěgé, kpódó sékúnɔ gěgé kpán.

Mɛsɛ́dó 8:7 Iomraidhean Croise

Ezayíi 35:6

Sékúnɔ lɛ́ɛ ná lɔ́n yi jǐ tɛ́ ɖɔhun; ɖɛ̌kúnánɔ lɛ́ɛ ná ɖɔ xó dó ɖe awǎjijɛ yětɔn xlɛ́. Sin ná tɔ́n ɖo gbětótló mɛ; tɔ ná sa ɖo ayǐkúngban xúxú jí.

Matíe 10:1

Jezu ylɔ́ ahwanvú tɔn wěwe lɛ́ɛ kplé, bó ná acɛ yě, nú yě ná dó nya yɛ nyanya lɛ́ɛ ná, bó ná nɔ́ gbɔ azɔn lɛ́ɛ bǐ, kpódó wɔ̌nzɔn lɛ́ɛ bǐ kpó.

Matíe 11:5

Nukúntíntɔ́nnɔ lɛ́ɛ ɖo nukúnnú mɔ wɛ; sékúnɔ lɛ́ɛ ɖo zɔnlin ɖi wɛ; gudunɔ lɛ́ɛ sín wǔtu ɖo te jɛ wɛ; tókúnɔ lɛ́ɛ ɖo nǔ se wɛ; è ɖo mɛkúkú lɛ́ɛ fɔ́n wá gbɛ wɛ, bó ɖo Wɛn Ɖagbe ɔ́ jlá wamamɔnɔ lɛ́ɛ wɛ.

Matíe 4:24

Nyǐkɔ tɔn gba kpé Silíito ɔ́ bǐ mɛ, bɔ mɛ lɛ́ɛ nɔ kplá azinzɔnnɔ e ɖo azɔn alɔkpa alɔkpa jɛ wɛ lɛ́ɛ wá n'i; mɛ e jí yɛ nyanya ɖe lɛ́ɛ, adǐngbekútɔ́ lɛ́ɛ, ayǐsónɔ lɛ́ɛ, bɔ é nɔ gbɔ azɔn nú yě.

Maki 9:26

Bɔ yɛ nyanya ɔ́ sú xó, bó húnhún vǐ ɔ́ kpódó zǐngídi kpó, bó gosín jǐ tɔn; bɔ vǐ ɔ́ jɛ ayǐ, bó cí mɛkúkú ɖɔhun, lobɔ mɛ gěgé vɛdó ɖɔ kú wɛ é kú sín.

Luki 10:17

Ahwanvú lɛ́ɛ lɛ́ kɔ wá kpódó xomɛhunhun kpán, bó ɖɔ nú Jezu ɖɔ: “Aklúnɔ, mǐ ylɔ́ nyǐkɔ towe lě ɔ́, yɛ nyanya lɛ́ɛ ɖésú nɔ jó ta nú mǐ.”

Jǎan 14:12

Ma ɖɔ nǔgbó nú mi: mɛ e ɖi nǔ nú mì ɔ́ ná jlɛ́ nǔ e jlɛ́ wɛ un ɖe lɛ́ɛ, bó ná lɛ́ jlɛ́ hú mɔ̌; ɖó un ko xwe Tɔ́ ɔ́ gɔ́n.

Mɛsɛ́dó 5:16

Mɛ gěgé nyi ahwan sín to e yá Jeluzalɛ́mu lɛ́ɛ lɔ mɛ, bó nɔ́ kplá azinzɔnnɔ lɛ́ɛ, kpódó mɛ e yɛ nyanya ɖo tagba dó ná wɛ lɛ́ɛ kpán wá, bɔ azɔn nɔ gbɔ nú yě bǐ.

Mɛsɛ́dó 8:6

Ée togun ɔ́ se xó e ɖɔ wɛ Filípu ɖe lɛ́ɛ, bó ká mɔ nǔ e jlɛ́ wɛ é ɖe lɛ́ɛ ɔ́, yě mɛ bǐ sésé yí nǔkplɔ́nmɛ tɔn se.

Eblée 2:4

Azɔn ɖokpó ɔ́, Mawu ɖe wuntun tɛnmɛ tɛnmɛ lɛ́ɛ xlɛ́, bó jlɛ́ nǔ tɛnmɛ tɛnmɛ kpódó nǔdábaɖa tɛnmɛ tɛnmɛ kpó gbɔn yě jí, bó dó ɖe xlɛ́ ɖɔ émí yí gbe nú kúnnuɖiɖe yětɔn. É lɛ́ má Yɛsinsɛn sín nǔníná lɛ́ɛ lě e é jló e gbɔn é.