Mɛsɛ́dó 8:4 - MAWUXÓWÉMA

⁴ Yě mɛ e gbadó lɛ́ɛ nɔ́ ɖo Wɛn Ɖagbe ɔ́ jlá wɛ gbɔn fí lɛ́ɛ fí lɛ́ɛ.

Mɛsɛ́dó 8:4 Iomraidhean Croise

Matíe 10:23

Nú è dǒ ya nú mi ɖo toxo ɖé mɛ hǔn, mi hɔn yi toxo ɖěvo mɛ. Má ɖɔ nǔgbó nú mi: mi ná ko gbɔn Izlayɛ́li toxo lɛ́ɛ bǐ mɛ fó, cóbɔ nyɛ Gbɛtɔ́ví ɔ́ ná wá ǎ.

Luki 1:2

Yě ɖɔ nǔ lɛ́ɛ lě e mawuxójlátɔ́ e mɔ nǔ e jɛ lɛ́ɛ sín bǐbɛ́mɛ ɔ́ ɖɔ nú mǐ gbɔn é.

Mɛsɛ́dó 11:19

Yadónúmɛ e tíin hwenu e è hu Etyɛ́ni ɔ́ zɔ́n bɔ mɛ e ɖi nǔ nú Jezu lɛ́ɛ gbadó. Mɛ ɖé lɛ́ɛ ɖo yě mɛ, bó hun káká yi Fenisíi; mɛɖé lɛ́ɛ yi to e ɖo tɔ tɛ́ntin bɔ è nɔ ylɔ́ ɖɔ Cíplu ɔ́ mɛ; mɛ ɖě ka yi to e è nɔ ylɔ́ ɖɔ Antyɔ́ci ɔ́ mɛ; lo ɔ́, Jwifu lɛ́ɛ kɛ́ɖɛ́ wɛ yě nɔ́ jlá Mawuxó ɔ́ ná.

Mɛsɛ́dó 15:35

Pɔ́lu kpódó Baanabási kpó ka cí Antyɔ́ci, bɔ yě kpódó mɛ gěgé ɖěvo lɛ́ɛ kpán nɔ ɖo nǔ kplɔ́n mɛ lɛ́ɛ wɛ, bó nɔ́ ɖo Wɛn Ɖagbe Aklúnɔ tɔn jlá wɛ.

Mɛsɛ́dó 8:1

Etyɛ́ni e è hu ɔ́ nyɔ́ Sólu nukún mɛ. Gbe énɛ́ gbe e è hu Etyɛ́ni ɔ́, mɛ lɛ́ɛ jɛ ya dó nú agun Jezu tɔn e ɖo Jeluzalɛ́mu ɔ́ jí, bɔ yě bǐ gba kpé Judée kpódó Samalíi kpán gbejí. Mɛsɛ́dó lɛ́ɛ kɛ́ɖɛ́ jɛ́n ma hɔn yi ɖě ǎ.

Mɛsɛ́dó 8:12

Lo ɔ́, hwenu e yě yǐ Wɛn Ɖagbe e jlá yě wɛ Filípu ɖe dó axɔ́súɖuɖu Mawu tɔn kpódó nyǐkɔ Jezu Klísu tɔn kpó wú ɔ́ se ɔ́, è lɛ yɛhwesin nú yě, súnnu kpódó nyɔ̌nu kpó.

1 Tɛsalonikinu 2:2

Mi lɛ́ tunwun ɖɔ cóbónú mǐ ná wá mi gɔn ɖo Tɛsaloniki ɔ́, mǐ ji ya; è dǒ winnyá mǐ ɖo Filípu. Yě tɔ́n ahwan mǐ, bɔ é syɛ́n ɖésú, có Mawu ná akɔ́nkpinkpan mǐ, ɖɔ mǐ ní jlá Wɛn Ɖagbe émítɔn ɔ́ mi.