Mɛsɛ́dó 8:3 - MAWUXÓWÉMA

³ Sólu ka nɔ́ ɖo gǎn dó wɛ, bó ná vívá agun Jezu tɔn. É nɔ gbɔn xwé gbe xwé gbe, bó nɔ́ wlí súnnu kpódó nyɔ̌nu kpán e ɖi nǔ nú Jezu lɛ́ɛ dó gankpá mɛ.

Mɛsɛ́dó 8:3 Iomraidhean Croise

Mɛsɛ́dó 16:19

Ée nyɔ̌nu ɔ́ sín gǎn lɛ́ɛ mɔ ɖɔ é kún sɔ́ ɖo akwɛ́ ɖé ná dɔn wá nú émí wɛ ó ɔ́, yě wlǐ Pɔ́lu kpódó Silási kpán, bó dɔn yě yi tokplétɛn ɖo gǎn lɛ́ɛ nukɔn;

Mɛsɛ́dó 22:19

Un ka yí gbe ɖɔ jí: ‘Aklúnɔ, yě ka tunwun ganjí ɖ'ayǐ ɖɔ un ko nɔ gbɔn kplɔ́ngbasá lɛ́ɛ, bó nɔ́ zɔ́n bɔ è nɔ wlí mɛ e nɔ ɖi nǔ nú we lɛ́ɛ dó gankpá mɛ, bó nɔ́ xo yě.

Mɛsɛ́dó 7:58

bó dɔn ɛ yi to ɔ́ gúdo, lobo nyi awǐnnyaglo dó hu i. Kúnnuɖetɔ́ lɛ́ɛ zɔ́n awu yětɔn hɛn nyaví dɔ̌nkpɛvú ɖé, bɔ è nɔ ylɔ́ ɛ ɖɔ Sólu.

Mɛsɛ́dó 8:2

Mɛ e nɔ xwedó Mawusɛ́n ɔ́ lɛ́ɛ ɖěe ká sɔ́ Etyɛ́ni sín cyɔ yi ɖi, bó ya avǐ ɖésú.

Mɛsɛ́dó 9:21

Nǔ énɛ́ kpácá mɛ e nɔ se xó e ɖɔ wɛ é ɖe lɛ́ɛ bǐ, bɔ yě nɔ́ ɖɔ: “Nya e ɖo mɛ e nɔ xomlá Jezu ɖo Jeluzalɛ́mu lɛ́ɛ sín kún sú dó wɛ ɔ́ nɛ́ ǎ cé? Mɛ e nɔ xomlá Jezu lɛ́ɛ ná wlí yi jó nú vɔ̌sánú-xwlémawutɔ́gán lɛ́ɛ gbé wɛ é tɔ́n bó wá fí ǎ cé?”

1 Kɔlɛ́ntinu 15:9

Nǔgbó ɔ́, nyɛ wɛ nyí mɛ e gbɔn gǔdo bǐ ɖo mɛsɛ́dó lɛ́ɛ mɛ é. Ényí è nǎ ɖɔ nǔgbó ɔ́, é jɛ xá ɖɔ è nǐ ylɔ́ mì ɖɔ mɛsɛ́dó ǎ, ɖó un dó ya nú agun Mawu tɔn.

Galatinu 1:13

Hwenu e un ɖo Jwifu lɛ́ɛ sín sinsɛn mɛ ɔ́, mi se lě e un zán gbɛ ce gbɔn é; mi tunwun lě e un nɔ dó ya nú agun Mawu tɔn gbɔn é; un nɔ dó ya n'i titewungbe, bó nɔ dó gǎn ná sú kún tɔn dó.

Filípunu 3:6

Un nɔ jɛ hun dó Jwifu lɛ́ɛ sín sɛ́n jí káká, bó nɔ dó ya nú agun e ɖi nǔ nú Jezu lɛ́ɛ. Mɛ ɖé nɔ mɔ nǔjɛdo ɖé ɖo wǔ ce ɖo sɛ́n ɔ́ nyinyi sín ali xo ǎ.

1 Timɔtée 1:13

Có ɖ'ayǐ ɔ́, un ko nylá nu dó wǔtu tɔn, bó kó dó ya n'i, bó ɖɔ alǎnnú n'i kpɔ́n. Lo ɔ́, é kú nǔbláwǔ nú mì, ɖó hwenɛ́nu ɔ́, un ɖi nǔ n'i ǎ, un ka tunwun nǔ e wa wɛ un ɖe ɔ́ ǎ.

Jaki 2:6

Lo ɔ́, midɛɛ lɛ́ɛ ɔ́, mi gbɛ́ wǎn nú wamamɔnɔ! È ma ka nyí dɔkunnɔ lɛ́ɛ wɛ nɔ ɖo mi táfú wɛ, bó nɔ ɖo mi dɔn yi hwɛ nukɔn wɛ ǎ cé?