Mɛsɛ́dó 8:12 - MAWUXÓWÉMA

¹² Lo ɔ́, hwenu e yě yǐ Wɛn Ɖagbe e jlá yě wɛ Filípu ɖe dó axɔ́súɖuɖu Mawu tɔn kpódó nyǐkɔ Jezu Klísu tɔn kpó wú ɔ́ se ɔ́, è lɛ yɛhwesin nú yě, súnnu kpódó nyɔ̌nu kpó.

Mɛsɛ́dó 8:12 Iomraidhean Croise

Matíe 28:19

Hǔn, mi yi bó kplɔ́n nǔ akɔta lɛ́ɛ bǐ, bónú yě ní húzú ahwanvú ce. Mi ylɔ́ Tɔ́ ɔ́, Vǐ ɔ́, kpódó Yɛsinsɛn ɔ́ kpó sín nyǐkɔ dó lɛ yɛhwesin nú yě.

Luki 9:2

É sɛ́ yě dó, nú yě ná yi jlá axɔ́súɖuɖu Mawu tɔn sín xó, bó gbɔ azɔn nú azinzɔnnɔ lɛ́ɛ.

Luki 9:60

Jezu ka yí gbe n'i ɖɔ: “Jǒ mɛkúkú lɛ́ɛ dó nú yě ní ɖi cyɔ yětɔn lɛ́ɛ. Amɔ̌, hwɛ yi jlá Wɛn Ɖagbe e ɖɔ xó dó axɔ́súɖuɖu Mawu tɔn wú é.”

Mɛsɛ́dó 1:3

Mɛsɛ́dó énɛ́ lɛ́ɛ wɛ Jezu sɔ́ éɖée xlɛ́ ɖo kú tɔn gúdo, bó ɖe xlɛ́ yě gbɔn ali gěgé nu, ɖɔ émí ɖo gbɛ. Azǎn kanɖé (40) wɛ é tɔ́n dó yě jí xɔ, bó nɔ́ ɖo xó ɖɔ nú yě wɛ dó axɔ́súɖuɖu Mawu tɔn wú.

Mɛsɛ́dó 11:20

Amɔ̌, Cíplunu kpódó Silenɛ́ɛnu ɖé lɛ́ɛ kpán ka ɖo yě mɛ, bɔ hwenu e yě yi Antyɔ́ci ɔ́, yě jɛ Wɛn Ɖagbe Aklúnɔ Jezu tɔn sín xó jlá Glɛ̌sinu lɛ́ɛ lɔmɔ̌ jí.

Mɛsɛ́dó 18:8

Klisipúsi e nyí kplɔ́ngbasá Jwifu lɛ́ɛ tɔn sín gǎn ɔ́ kpódó xwédo tɔn bǐ kpán ɖi nǔ nú Aklúnɔ. Kɔlɛ́ntinu e ɖótó Pɔ́lu lɛ́ɛ gěgé ɖi nǔ nú Jezu, bó lɛ yɛhwesin.

Mɛsɛ́dó 19:5

Ée yě se mɔ̌ ɔ́, yě lɛ yɛhwesin ɖo Aklúnɔ Jezu nyǐkɔ mɛ.

Mɛsɛ́dó 2:38

Piyɛ́ɛ ka yí gbe nú yě ɖɔ: “Mi lɛ́ kɔ sín hwɛ mitɔn lɛ́ɛ gúdo; ɖokpó ɖokpó mitɔn ní lɛ yɛhwesin ɖo Jezu Klísu nyǐkɔ mɛ, bónú Mawu ná sɔ́ hwɛ mitɔn lɛ́ɛ kɛ mi, bɔ mi ná mɔ Yɛsinsɛn e nyí nǔníná Mawu tɔn ɔ́ yí.

Mɛsɛ́dó 2:41

Mɛ e yí Piyɛ́ɛ xó se lɛ́ɛ ka lɛ yɛhwesin. Yě bǐ kplékplé yi afɔwó afatɔ́n (3.000) mɔ̌, bó jɛ yě jí gbe énɛ́ gbe.

Mɛsɛ́dó 20:21

Un ɖɔ nú Jwifu lɛ́ɛ, bó ɖɔ nú mɛ e ma nyí Jwifu ǎ lɛ́ɛ ɖɔ yě ɖó ná lɛ́ kɔ sín hwɛ yětɔn lɛ́ɛ gúdo, bó húzú jɛ Mawu li jí, bó ɖi nǔ nú Aklúnɔ mǐtɔn Jezu.

Mɛsɛ́dó 20:25

“Un gbɔn mi bǐ tɛ́ntin, bó ɖɔ axɔ́súɖuɖu Mawu tɔn sín xó nú mi; amɔ̌ din ɔ́, mi ɖě sɔ́ ná mɔ mì ǎ.

Mɛsɛ́dó 28:31

É nɔ ɖɔ axɔ́súɖuɖu Mawu tɔn sín xó, bó nɔ́ kplɔ́n nǔ mɛ dó Aklúnɔ Jezu Klísu wú, kpódó jiɖiɖe kpán, bɔ mɛ ɖěbǔ sɔ́ nɔ́ dó tagba n'i ǎ.

Mɛsɛ́dó 5:14

Mɛ e ɖo nǔ ɖi nú Aklúnɔ wɛ lɛ́ɛ ɖo kpɔ́ su d'é jí wɛ, ɖo súnnu mɛ, ɖo nyɔ̌nu mɛ.

Mɛsɛ́dó 8:4

Yě mɛ e gbadó lɛ́ɛ nɔ́ ɖo Wɛn Ɖagbe ɔ́ jlá wɛ gbɔn fí lɛ́ɛ fí lɛ́ɛ.

Hlɔ̌manu 10:10

Đó, nú mɛɖé ɖi nǔ ɖo ayi tɔn mɛ ɔ́, é nɔ sín énɛ́ wú bɔ mɛ énɛ́ nɔ húzú hwɛjijɔnɔ ɖo Mawu nukɔn. Nú mɛɖé ɖɔ kpó nu tɔn kpó ɖo mɛ bǐ nukɔn ɖɔ Jezu wɛ nyí Aklúnɔ ɔ́, é ná sín énɛ́ wú bɔ Mawu ná hwlɛ́n mɛ énɛ́ gán.

1 Kɔlɛ́ntinu 11:11

É ka ɖo mɔ̌ có, ɖo bǔ e mǐ ɖe xá Aklúnɔ ɔ́ mɛ ɔ́, nyɔ̌nu sixú tíin súnnu mɛ vo ǎ; súnnu ka sixú tíin nyɔ̌nu mɛ vo ǎ.

Galatinu 3:28

Hǔn din ɔ́, Jwifu sɔ́ ɖo vo nú mɛ e ma nyí Jwifu ǎ é ǎ; kannumɔ sɔ́ ɖo vo nú mɛ e ma nyí kannumɔ ǎ é ǎ; súnnu sɔ́ ɖo vo nú nyɔ̌nu ǎ; ɖó mi mɛ bǐ wɛ nyí ɖokpó ɔ́ ɖo Klísu Jezu mɛ.

1 Piyɛ́ɛ 3:21

Nǔ e sín akpajlɛ́ nyí wɛ sin ɔ́ ɖe ɔ́ wɛ nyí yɛhwesin e ɖo mi lɔ hwlɛngán wɛ din e. Yɛhwesin ɔ́, ɖixó agbaza tɔn lɛ́ɛ wɛ é nɔ ɖe síin ǎ, lo ɔ́ vo sa nú Mawu wɛ é ɖe ɖɔ é ní ná ayixa mímɛ́ mi. Fɔ́n e Jezu Klísu fɔ́n sín kú ɔ́ zɔ́n bɔ yɛhwesin hwlɛ́n mi gán.