Mɛsɛ́dó 7:8 - MAWUXÓWÉMA

⁸ Bɔ Mawu jɛ akɔ xá ɛ, bó sɔ́ adagbigbo dó ɖó akɔjijɛ énɛ́ sín wuntun. Énɛ́ ɔ́ wú wɛ hwenu e Ablaxámu ji Izáki ɔ́, é gbo ada n'i azǎn tɔn tántɔngɔ́ ɔ́ gbe. Ée Izáki lɔmɔ̌ ji Jakɔ́bu ɔ́, é gbo ada n'i, bɔ Jakɔ́bu gbo nú tɔ́gbó mǐtɔn wěwe lɛ́ɛ.

Mɛsɛ́dó 7:8 Iomraidhean Croise

Bǐbɛ́mɛ 29:31

Ée Mawu Mavɔmavɔ mɔ ɖɔ Jakɔ́bu kún yí wǎn nú Lěya ó ɔ́, é ná vǐ i, bɔ é nɔ ji; Hlacɛ́li ka nɔ ji ɖě ǎ.

Bǐbɛ́mɛ 30:5

Bɔ Biluha mɔ xo bó ji vǐ súnnu ɖokpó nú Jakɔ́bu,

Bǐbɛ́mɛ 35:16

Énɛ́ ɔ́ gúdo ɔ́, Jakɔ́bu kpó hɛ̌nnu tɔn kpó gosín Betɛ́li ɖidó. Fí e yě kpo ɖe dó Efláta ɔ́ hwe ǎ, bɔ Hlacɛ́li ji vǐ. Vǐjiji ɔ́ syɛ́n dó e.

Bǐbɛ́mɛ 35:18

Hlacɛ́li ɖo nǎ kú wɛ, bɔ cóbónú gbɔjɛ tɔn ná xwɛ ɔ́, é sun nyǐ vǐ ɔ́ ɖɔ Bɛni-Oníi; Bɛni-Oníi sín tínmɛ wɛ nyí wǔvɛ́sise sín vǐ. Lo ɔ́, vǐ tɔ́ ɔ́ sun nyǐ i ɖɔ Bɛnjamɛ́ɛ. Bɛnjamɛ́ɛ sín tínmɛ wɛ nyí ɖisílɔ ce sín vǐ.

1 Tan 1:34

Ablaxámu ji Izáki; Izáki ví lɛ́ɛ ɖíe: Esawu kpó Izlayɛ́li kpó.

Matíe 1:2

Ablaxámu ji Izáki, Izáki ka ji Jakɔ́bu, bɔ Jakɔ́bu ji Juda kpódó nɔví tɔn lɛ́ɛ kpó.

Jǎan 7:22

Mɔyízi hɛn adagbigbo sɛ́n ɔ́ wá nú mi; (é wɛ ka jɛ sɛ́n énɛ́ nyi jí jɛ nukɔn ǎ, tɔ́gbó mǐtɔn lɛ́ɛ wɛ jɛ jí dó nukɔn), có gbɔjɛzán gbe lɛ́ɛ lɔmɔ̌ ɔ́, mi nɔ gbo ada nú mɛ.

Mɛsɛ́dó 2:29

“Nɔví ce lɛ́ɛ mi, mi gbɔ nú ma ɖɔ xomɛ nú mi: tɔ́gbó mǐtɔn Davídi kú, bɔ è ɖi i, bɔ é kpo ɖo yɔdo tɔn mɛ, ɖo tomɛ fí káká jɛ égbé din.

Hlɔ̌manu 4:10

Nɛ̌ Ablaxámu ka ɖe gbɔn hwenɛ́nu? É kó gbo ada cóbɔ Mawu mɔ ɛ dó mɔ hwɛjijɔnɔ wɛ a, abǐ é kó gbo ada ǎ? Éeǒ! É kó gbo ada cóbɔ Mawu mɔ ɛ dó mɔ hwɛjijɔnɔ ǎ.

Galatinu 3:15

Nɔví lɛ́ɛ mi, un ná sɔ́ nǔ e nɔ jɛ tɛgbɛ ɔ́ ɖokpó dó kplɔ́n nǔ mi ná. Ényí mɛɖé ɖɔ lě e è nǎ zán nǔ tɔn lɛ́ɛ gbɔn ɖo kú tɔn gúdo ɔ́ ganjí ɔ́, mɛɖé sɔ́ sixú gbídí ǎ; mɛɖé ka sixú gɔ́ nǔɖé ná ǎ.

Galatinu 3:17

Nǔ e ɖɔ wɛ un ɖe ɔ́ ɖíe: Mawu ko sɔ́ akɔjijɛwéma ɖé ɖ'ayǐ, bó dó akpá ɖɔ émí ná bló ɖ'é jí. Sɛ́n e wá tɔ́n xwe afɔwe gban (430) gúdo ɔ́, sixú gbídí nǔ e ɖo akɔjijɛwéma énɛ́ mɛ lɛ́ɛ, bɔ akpá e Mawu dó ɔ́ ná nyí nǔ yǎyá ǎ.

Eblée 7:4

Mi kpɔ́n lě e Mɛlukisedɛ́ki ɔ́ nyí nǔɖaxó sɔ é! Tɔ́gbó mǐtɔn Ablaxámu ɖésú ná ɛ mǎɖówǒ nǔ e é hɛn wá sín ahwangbénu ɔ́ tɔn.