Mɛsɛ́dó 7:6 - MAWUXÓWÉMA

⁶ Mawu ka lɛ́ ɖɔ n'i ɖɔ: ‘Vǐvú towe lɛ́ɛ ná yi cí mɛ ɖěvo tomɛ, bɔ è nǎ sɔ́ yě dó ɖó kannumɔ, lobo ná dó ya nú yě xɔ xwe afɔwe (400).

Mɛsɛ́dó 7:6 Iomraidhean Croise

Bǐbɛ́mɛ 15:13

Bɔ Mawu Mavɔmavɔ ɖɔ n'i ɖɔ: “Tunwun ɖɔ vǐ towe lɛ́ɛ ná wá nyí jǒnɔ ɖo mɛ ɖěvo tomɛ. Yě ná nɔ mɛ kannu ɖo fínɛ́ bɔ è nǎ dó tagba nú yě xɔ xwe afɔwe (400).

Bǐbɛ́mɛ 15:16

Vitikli towe lɛ́ɛ ná lɛ́ kɔ wá fí, ɖó Amɔliti lɛ́ɛ kó hu hwɛ sɔ mɔ̌ din bónú má nya yě sín fí ǎ.”

Tíntɔ́n 3:10

Din ɔ́, yi, un sɛ́ we dó axɔ́sú Ejípu tɔn ɔ́ gɔ́n. Đe togun ce Izlayɛ́li tɔ́n sín to tɔn mɛ.”

Galatinu 3:17

Nǔ e ɖɔ wɛ un ɖe ɔ́ ɖíe: Mawu ko sɔ́ akɔjijɛwéma ɖé ɖ'ayǐ, bó dó akpá ɖɔ émí ná bló ɖ'é jí. Sɛ́n e wá tɔ́n xwe afɔwe gban (430) gúdo ɔ́, sixú gbídí nǔ e ɖo akɔjijɛwéma énɛ́ mɛ lɛ́ɛ, bɔ akpá e Mawu dó ɔ́ ná nyí nǔ yǎyá ǎ.