Mɛsɛ́dó 7:51 - MAWUXÓWÉMA

⁵¹ “Mi tamɛtitɔ́, tótlítɔ́, ayisyɛ́nsyɛ́nnɔ lɛ́ɛ mi; gǔ jɛ́n mi nɔ fɔ́n dó Yɛsinsɛn jí; nǔ e tɔ́gbó mitɔn lɛ́ɛ wa ɔ́, é wa wɛ jɛ́n mi lɔmɔ̌ ɖe.

Mɛsɛ́dó 7:51 Iomraidhean Croise

2 Axɔ́sú 17:14

Lo ɔ́, yě wlí tó nǔ e ɖɔ nú yě wɛ gbeyíɖɔ lɛ́ɛ ɖe ɔ́ wú ǎ. Yě tlí tó tɔ́gbó yětɔn lɛ́ɛ ɖɔhun. Tɔ́gbó yětɔn lɛ́ɛ ɖi nǔ nú Mawu Mavɔmavɔ, Mawu yětɔn ǎ.

2 Tan 30:8

Hǔn mi bo ma tlí tó tɔ́ mitɔn lɛ́ɛ ɖɔhun ó. Mi zin alɔ dó akɔ́n ɖɔ émí ná se tónú nú Mawu Mavɔmavɔ. Mi lɛ́ kɔ wá xwé tɔn e é sɔ́ ɖó vo bɔ è nǎ nɔ́ sɛn ɛ ɖ'é gbe káká sɔ́yi ɔ́ gbe, bó sɛn Mawu Mavɔmavɔ, Mawu mitɔn ɔ́, bónú xomɛ ɖaxó e é sin dó mi ɔ́ ná fá.

Nɛɛmíi 9:16

Lo ɔ́, tɔ́gbó mǐtɔn lɛ́ɛ kpó goyíyí yětɔn kpó ɔ́, yě fɔ́n gǔ. Yě ɖótó nǔ e a zɔ̌n yě lɛ́ɛ ǎ.

Nɛɛmíi 9:30

A dɛ bo hɛn yě káká nú xwe mɔ̌kpán. Gbeyíɖɔ towe lɛ́ɛ ɔ́, Yɛ towe ɖo yě jí, bó nɔ ɖɔ xó towe lɛ́ɛ nú yě; lo ɔ́, yě ɖótó yě ǎ. Énɛ́ wu ɔ́, a jǒ yě nú togun ɖěvo lɛ́ɛ.

Ɖɛhan 75:5

“Un nɔ ɖɔ nú mɛ e nɔ ɖo yěɖée sɔ́ su wɛ lɛ́ɛ ɖɔ: Mi ma nɔ sɔ́ miɖée su ó.” Bó nɔ́ ɖɔ nú mɛdídá lɛ́ɛ ɖɔ: “Mi ma nɔ zé miɖée d'aga ó.

Ɖɛhan 78:8

bó má wá cí tɔ́gbó yětɔn lɛ́ɛ ɖɔhun ó, bó má nyí gbɛtɔ́ tótlítɔ́, gǔfɔ́ntɔ́ ó, gbɛtɔ́ e ayi tɔn ma nɔ́ nɔ fí ɖokpó ǎ é, gbɛtɔ́ e má ɖo gbejí nú Mawu ǎ é ó.

Tíntɔ́n 32:9

Un mɔ nǔ e wa nú togun ɔ́ nyí ɔ́; yě bǐ wɛ tlí tó.

Tíntɔ́n 33:3

Mi ɖidó to énɛ́ ɔ́ mɛ; nyibúnɔ́sin kpódó wǐin kpó nɔ́ sa tɔ ɖ'é mɛ. Lo ɔ́, un sɔ́ ná nɔ tɛ́ntin mitɔn ǎ, un táá hu mi ɖo alixo, ɖó mi tlí tó dín.”

Tíntɔ́n 33:5

Nǔgbó ɔ́, Mawu Mavɔmavɔ kó ɖɔ nú Mɔyízi ɖɔ ní ɖɔ nú Izlayɛ́li ví lɛ́ɛ ɖɔ: “Mi tlí tó, nú un nɔ tɛ́ntin mitɔn kpɛví ɖé ɔ́, un ná ɖibla hu mi. Hǔn, mi bo ɖe nǔ e mi dó ba acɔ́ ná lɛ́ɛ bǐ nyi ayǐ. Énɛ́ ɔ́ gúdo ɔ́, un ná tunwun lě e nǎ wa nǔ mitɔn gbɔn é.”

Tíntɔ́n 34:9

bó ɖɔ: “Aklúnɔ, nú a nǎ fɛ́nú towe mì nǔgbó hǔn, kɛnklɛ́n bó wá nɔ tɛ́ntin mǐtɔn; togun élɔ́ ɔ́, tótlítɔ́ wɛ é nyí. Lo ɔ́, sɔ́ hwɛ e mǐ hu lɛ́ɛ kpódó nǔ e mǐ wa nyi do lɛ́ɛ kpó kɛ mǐ, bó yí mǐ dó yí togun towe.”

Ezayíi 48:4

Un ka tunwun mi: ta wɛ mi nɔ syɛ́n, nǔ wɛ mi nɔ xwe, tó wɛ mi nɔ tlí.

Ezayíi 63:10

Lo ɔ́, yě fɔ́n gǔ dó jǐ tɔn, yě dó awakanmɛ kú nú yɛmímɛ́ tɔn. Bɛ́ sín hwenɛ́nu ɔ́, é húzú kɛntɔ́ yětɔn, bó fun ahwan xá yě.

Jelemíi 17:23

Un ɖɔ mɔ̌ nú yě, yě ká ɖótó mì ǎ, yě dǒ tókúse mɛ; yě ci tamɛ, ɖó yě jló ná se ǎ, yě jló ná yí kplɔ́n ǎ.’

Jelemíi 4:4

Judáanu e mi! Jeluzalɛ́munu e mi! Mi ko gbo ada, amɔ̌, ada e mi gbo ɔ́ ní wa azɔ̌ ɖo ayi mitɔn lɔ wú, bónú mi jó gbɛ mitɔn bǐ dó nú mì. É má nyi mɔ̌ ǎ ɔ́, xomɛsin ce táá wá xɔ myɔ ɖɔhun. É ná xɔ myɔ ɖɔhun bɔ cící ná gló, ɖó lě e dǎka e mi xo lɛ́ɛ syɛ́n sɔ é wú.”

Jelemíi 6:10

Jelemíi ɖɔ: “Mɛ̌ un ka ná ɖó xó élɔ́ te ná? Mɛ̌ un ka na ɖɔ ná, bɔ é ná sé xá mì? Tó yětɔn ɖíe sú gbɔn, bɔ yě ma nɔ sixú se nǔ ǎ e. Mawu Mavɔmavɔ, xó towe ɔ́, ɖɔɖɔ wɛ yě nɔ́ ɖɔ d'é wú. Xó towe nɔ́ nyí nǔɖé nú yě ǎ.

Ezekiyɛ́li 2:4

Vǐ ɖé wɛ yě nyí, bó nɔ́ se tónú ǎ; yě gbɛ́ hɛn. Un sɛ́ we dó yě gɔ́n, bɔ a ja xó ɖɔ nú yě gbé ɔ́, a nǎ nɔ́ ɖɔ nú yě ɖɔ: ‘Xó e Aklúnɔ Mavɔmavɔ ɖɔ é ɖíe.’

Ezekiyɛ́li 44:7

Hwenu e mi ɖo nǔ e nyí ce ɖo vɔ̌ e mi sá é mɛ lɛ́ɛ xwlé mì wɛ ɔ́, hwenu e mi ɖo kanlin e mi dó sá vɔ̌ ɔ́ é sín jǒ kpó kanjɔ tɔn kpó xwlé mì wɛ ɔ́, hwe ɖokpó énɛ́ ɔ́ nu ɔ́, mi nɔ kplá akɔta ɖěvo lɛ́ɛ, mɛ énɛ́ lɛ́ɛ e ma gbo ada ǎ, bó má ká nɔ nyi sɛ́n ce ǎ lɛ́ɛ byɔ́ xwé ce gbe. Mi ɖu su nú xwé ce. Nǔ baɖabaɖa e dó sin wɛ mi ɖe lɛ́ɛ zɔ́n, bɔ akɔ e nyi kpó mi kpó jɛ ɔ́, mi hɛn gblé.

Ezekiyɛ́li 44:9

Nyɛ Aklúnɔ Mavɔmavɔ ɖɔ: mɛ e nyí akɔta ɖěvo, bó má gbo ada ǎ, bó má nɔ́ nyi sɛ́n ce lɛ́ɛ ǎ é ɖě ná wá xwé ce gbe gbeɖé ǎ; mɛ énɛ́ ɔ́ ná bo ɖo mi Izlayɛ́li ví lɛ́ɛ tɛ́ntin ɔ́, é ná byɔ́ xwé ce gbe gbeɖé ǎ.”

Levíi ví 26:41

Yě ná mɔ ɖɔ hwɛ énɛ́ lɛ́ɛ e émí hu lɛ́ɛ wɛ zɔ́n bɔ nyɛ lɔmɔ̌ fɔ́n gǔ dó émí jí, bó kplá émí yi kɛntɔ́ émítɔn lɛ́ɛ sín tomɛ. Énɛ́ ɔ́, yě mɛ tótlítɔ́ énɛ́ lɛ́ɛ ná hwíhwɛ́ yěɖée, bó ná yí gbe nú tó e ná dɔn nú yě wɛ è ɖe ɖó hwɛ e yě hu ɔ́ wú é.

Kɛ́nsísɔ́ 27:14

Đó hwenu e togun Izlayɛ́li tɔn ɔ́ ɖo xó ba mì wɛ ɖo gbětótló Síni tɔn mɛ ɔ́, mi gbɛ́ nǔ e un ɖɔ mi ní wa ɔ́ bló. Hwenu e yě ɖo sin byɔ́ wɛ ɔ́, mi ɖe mǐmɛ́ e un nyí ɔ́ xlɛ́ ɖo nukún yětɔn mɛ ǎ.” Mɛliba sín sin e ɖo Kadɛ́ci, ɖo gbětótló Síni tɔn mɛ ɔ́ sín xó ɖɔ wɛ é ɖe.

Mɛsɛ́dó 6:10

Lo ɔ́, yě nɔ́ sixú nɔ te Etyɛ́ni nukɔn ǎ, ɖó é nɔ́ ɖo xó ɖɔ wɛ kpódó nǔnywɛ́ e Yɛsinsɛn ná ɛ ɔ́ kpó.

Mɛsɛ́dó 7:27

Mɛ e ɖo mɛ tɔn wegɔ́ ɔ́ dó ya ná wɛ ɔ́ ká sísɛ́ Mɔyízi bó ɖɔ jí: ‘Mɛ̌ ká sɔ́ we gǎn, abǐ hwɛɖɔtɔ́ ɖo mǐ nu?

Mɛsɛ́dó 7:35

“Mɔyízi énɛ́ e yě kó gbɛ́, bó kanbyɔ́ ɛ ɖɔ: ‘Mɛ̌ ká sɔ́ we gǎn, abǐ hwɛɖɔtɔ́’ a jí é wɛ Mawu wá sɛ́ dó yě, lobo ná ɛ hlɔ̌nhlɔ́n gbɔn wɛnsagun e tɔ́n dó jǐ tɔn ɖo zungodwe mɛ ɔ́ jí, nú é ná ɖu gǎn ɖo yě nu, lobo hwlɛ́n yě gán.

Mɛsɛ́dó 7:39

“Lo ɔ́, tɔ́gbó mǐtɔn lɛ́ɛ jló ná se tónú n'i ǎ, lobo gbɛ́ xó tɔn, bó jló ná lɛ́ kɔ yi Ejípu,

Mɛsɛ́dó 7:9

“Tɔ́gbó mǐtɔn énɛ́ lɛ́ɛ hwan wǔ dó nɔví yětɔn Jozɛ́fu, lobo sɔ́ ɛ yi sa, bɔ è kplá ɛ yi Ejípu; lo ɔ́, Mawu nɔ gǔdo tɔn,

Hlɔ̌manu 2:25

Ényí a nɔ nyi sɛ́n ɔ́, ada e a gbo ɔ́ ɖó le nú we. Amɔ̌, ényí a ma ka nɔ nyi sɛ́n ɔ́ ǎ ɔ́, é cí a ma gbo ada ɖɔhun.

Efɛ́zinu 4:30

Mi ma wa nǔ bónú wǔ kú Yɛsinsɛn Mawu tɔn ó; Yɛsinsɛn énɛ́ wɛ nyí wuntun Mawu tɔn e ɖo mi wú é. É wɛ nyí gǎnjɛwú mǐtɔn ɖɔ ayǐ ɖé ná wá hɔ́n, bɔ Mawu ná ɖe mǐ sín nǔ nyanya mɛ bǐ sésé.

Sɛ́nflínmɛ 10:16

Mi bo jó miɖée dó bǐ nú Mawu Mavɔmavɔ, Mawu mitɔn, bó má sɔ́ tlí tó ɖě ó.

Sɛ́nflínmɛ 30:6

Mawu Mavɔmavɔ, Mawu mitɔn ná bló bɔ mi ná jó miɖée bǐ n'i; é ná bló bɔ vǐ mitɔn lɛ́ɛ ná jó yěɖée bǐ n'i, bónú mi ná yí wǎn nú Mawu kpódó ayi mitɔn bǐ kpó, kpódó lǐndɔ̌n mitɔn bǐ kpó, bó ná sixú nɔ gbɛ.

Sɛ́nflínmɛ 31:27

Đó un tunwun ɖɔ gǔ wɛ mi nɔ fɔ́n bó nɔ́ ci tamɛ. Ée un ka ɖo gbɛ ɖo mi tɛ́ntin din, bɔ mi ɖo gǔ fɔ́n dó Mawu Mavɔmavɔ jí wɛ mɔ̌ ɔ́, un ka wá kú ɔ́, nɛ̌ mi ná wa nǔ gbɔn lo?

Sɛ́nflínmɛ 9:13

Bɔ Mawu Mavɔmavɔ lɛ́ ɖɔ: ‘Din ɔ́, un mɔ ɖɔ togun élɔ́ ɔ́, togun tótlítɔ́ wɛ.

Sɛ́nflínmɛ 9:6

Hǔn mi bo tunwun ɖɔ Mawu Mavɔmavɔ, Mawu mitɔn ná jó to ɖagbe énɛ́ nú mi, bɔ mi ná yí; é ká nyí nǔnyɔ́wa mitɔn wú wɛ ǎ, ɖó togun ɖé wɛ mi nyí, bó tlí tó.”

Filípunu 3:3

Mǐ mɛ e nɔ sɛn Mawu ɖo Yɛ Mawu tɔn mɛ lɛ́ɛ ɔ́, mǐ wɛ gbo ada titewungbe ɔ́; mǐ wɛ nɔ xɔ susu ɖo Klísu Jezu mɛ; mǐ wɛ ma nɔ gán jɛ walɔ gbɛtɔ́ tɔn lɛ́ɛ wú ǎ.

Kolósinu 2:11

È ko gbo ada nú mi ɖo bǔ e mi ɖe xá Klísu é mɛ; é ka nyí ada e gbɛtɔ́ lɛ́ɛ nɔ gbo nú mɛ ɔ́ wɛ ǎ; lo ɔ́, ada e Klísu nɔ gbo nú mɛ ɔ́ wɛ, bɔ é ɖe mi sín agbaza mitɔn hwɛhutɔ́ ɔ́ sín acɛ mɛ.