Mɛsɛ́dó 7:5 - MAWUXÓWÉMA

⁵ Mawu ná ayǐkúngban ɖěbǔ Ablaxámu ɖo tomɛ fí ǎ; ayǐkúngban alɔbá ɖokpó vɔ́vɔ́ nyí étɔn ǎ. Lo ɔ́, Mawu dó akpá n'i ɖɔ émí ná ná ɛ to ɔ́, bɔ é ná wá nyí vǐvú tɔn lɛ́ɛ lɔ tɔn, có Ablaxámu ka ko ji vǐ ɖěbǔ hwenɛ́nu ǎ.

Mɛsɛ́dó 7:5 Iomraidhean Croise

Bǐbɛ́mɛ 12:7

Mawu Mavɔmavɔ tɔ́n dó Ablámu jí ɖo fínɛ́, bó ɖɔ n'i ɖɔ: “Un ná ná to élɔ́ kúnkan towe.” Bɔ Ablámu mɛ vɔ̌sákpe ɖokpó nú Mawu Mavɔmavɔ nyi fí e é tɔ́n dó jǐ tɔn ɖe ɔ́.

Bǐbɛ́mɛ 13:15

To e mɔ wɛ a ɖe nɛ́ lɛ́ɛ ɔ́, un ná ná bǐ hwi kpó vǐvú towe lɛ́ɛ kpó káká sɔ́yi.

Bǐbɛ́mɛ 15:18

Gbe énɛ́ ɔ́ gbe ɔ́, Mawu Mavɔmavɔ jɛ akɔ xá Ablámu bó ɖɔ: “Un ná to élɔ́ kúnkan towe, bɛ́ sín tɔsisa Ejípu tɔn ɔ́ kɔn káká yi tɔsisa ɖaxó Efláti ɔ́ kɔn.”

Bǐbɛ́mɛ 16:2

Salayíi ɖɔ nú Ablámu ɖɔ: “Mawu Mavɔmavɔ ba nú má ɖó vǐ ǎ; gbɔ bó ɖó xó xá mɛsɛntɔ́ ce. Afɔ nyɔ́ ɔ́, un sixú ɖó vǐ gbɔn gbla tɔn mɛ .” Ablámu yí gbe nú xó e Salayíi ɖɔ é.

Bǐbɛ́mɛ 17:8

Un ná ná to élɔ́ e mɛ a nyǐ jǒnɔ ɖe din ɔ́ hwi kpódó vǐ towe e ná jɛ do towe mɛ lɛ́ɛ kpó. To ɔ́ wɛ nyí Kanáa; un ná bǐ yě. É ná nyí yětɔn káká sɔ́yi, bɔ un ná nyí Mawu yětɔn.”

Bǐbɛ́mɛ 23:4

É ɖɔ nú yě ɖɔ: “Jǒnɔ wɛ un nyí ɖo tɛ́ntin mitɔn. Mi bo ná mì yɔdo ɖé ɖo mi gɔ́n, bónú má sɔ́ asi ce sín cyɔ yi ɖi d'é mɛ.”

Bǐbɛ́mɛ 26:3

Nɔ to élɔ́ mɛ fí; un ná nɔ kpɔ́ xá we, bó ná xo ɖɛ dó jǐ towe, ɖó hwi kpó kúnkan towe lɛ́ɛ kpó wɛ un ná ayǐkúngban élɔ́ bǐ, bɔ akpá e un dó nú tɔ́ towe Ablaxámu, bó xwlé nyɛ ɖésú d'é jí ɔ́, un ná ɖe.

Nɛɛmíi 9:8

A mɔ lě e é ɖo gbejí nú we gbɔn é. Énɛ́ ɔ́ wútu ɔ́, a jɛ akɔ xá ɛ, bó dó akpá n'i ɖɔ émí ná ná ɛ Kanáanu lɛ́ɛ, Hitíti lɛ́ɛ, Amɔliti lɛ́ɛ, Pɛliziti lɛ́ɛ, Jebuzinu lɛ́ɛ kpó Giigacíti lɛ́ɛ kpó sín to, bónú vǐ tɔn lɛ́ɛ ná nɔ fínɛ́. Akpá e a dǒ ɔ́, a ka ɖe, a nɔ dó akpá bó nɔ gɔn ɖiɖe ǎ.

Ezekiyɛ́li 33:24

“Hwɛ gbɛtɔ́ e, mɛ e kpo ɖo Izlayɛ́li toxo e è gba lɛ́ɛ mɛ lɛ́ɛ ɔ́, xó e yě nɔ́ ɖɔ é ɖíe: ‘Ablaxámu ɔ́, é ɖokpónɔ géé wɛ, bɔ to ɔ́ bǐ ká nyí étɔn; mǐdɛɛ lɛ́ɛ ká sukpɔ́; hǔn, mǐdɛɛ lɛ́ɛ tɔn wɛ to ɔ́ ɖó ná nyí din.’

Sɛ́nflínmɛ 10:11

Mawu Mavɔmavɔ ɖɔ nú mì ɖɔ: ‘Din ɔ́, sɔ́ nǔ, bó nɔ togun ɔ́ nu, bónú mi jɛ ali; yě ní yi byɔ́ to e nyɛ Mawu Mavɔmavɔ zin alɔ dó akɔ́n ɖɔ un ná ná tɔ́gbó yětɔn lɛ́ɛ ɔ́ mɛ, bónú é ná nyí yětɔn.’ ”

Sɛ́nflínmɛ 11:9

bó ná dɔ́ ji ɖo to e Mawu Mavɔmavɔ zin alɔ dó akɔ́n ɖɔ émí ná ná tɔ́gbó mitɔn lɛ́ɛ kpó vǐ mitɔn lɛ́ɛ kpó ɔ́ mɛ. To e mɛ nyibúnɔ́sin kpó wǐin kpó nɔ́ sa ɖe é.”

Sɛ́nflínmɛ 2:5

Mi ma wa nǔ ɖěbǔ nú yě ó, ɖó nyɛ Mawu Mavɔmavɔ, Mawu mitɔn ná ná ayǐkúngban afɔkpákpá ɖokpó mi ɖo to yětɔn mɛ ǎ. Esawu wɛ un ná Seyíi só ɔ́, bɔ é nyí étɔn.

Sɛ́nflínmɛ 34:4

Énɛ́ ɔ́ gúdo ɔ́, Mawu Mavɔmavɔ ɖɔ nú Mɔyízi ɖɔ: “Kpɔ́n to e sín akpá un dó nú Ablaxámu kpó Izáki kpó, kpódó Jakɔ́bu kpó, hwenu e un ɖɔ: ‘Un ná ná to élɔ́ vǐ mitɔn lɛ́ɛ’ é. Un xlɛ́ to ɔ́ we, a ka ɖo nǎ byɔ́ mɛ wɛ ǎ.”

Sɛ́nflínmɛ 9:5

bɔ mi yí to yětɔn. É nyí nǔnyɔ́wa mitɔn ɖé wɛ zɔ́n bɔ nǔ cí mɔ̌ ǎ. Mawu Mavɔmavɔ nya togun énɛ́ lɛ́ɛ ɖó walɔ baɖabaɖa yětɔn wú, bó ná ɖe akpá e é zin alɔ dó akɔ́n bó dó nú tɔ́gbó mitɔn Ablaxámu kpó Izáki kpó Jakɔ́bu kpó é.