Mɛsɛ́dó 7:44 - MAWUXÓWÉMA

⁴⁴ “Hwenu e tɔ́gbó mǐtɔn lɛ́ɛ ɖo yiyi wɛ ɖo gbětótló mɛ ɔ́, yě hɛn goxɔ e ɖe xlɛ́ ɖɔ Mawu ɖo kpɔ́ xá yě ɔ́, bɔ awǐnnya we e jí Mawusɛ́n lɛ́ɛ ɖe ɔ́ ɖ'é mɛ. Mɔyízi bló goxɔ énɛ́, bɔ é sɔgbe xá ée é mɔ é.

Mɛsɛ́dó 7:44 Iomraidhean Croise

Tíntɔ́n 25:40

Mɔyízi, kpɔ́n ganjí bó bló, bónú é sɔgbe xá ée un xlɛ́ we ɖo só jí fí din é.”

Tíntɔ́n 38:21

Gan e è zǎn dó goxɔ e mɛ è ɖǒ ná zé akɔjijɛwéma ɔ́ ɖó ɔ́ lɛ́ɛ ɖíe. Levíi ví lɛ́ɛ wɛ lɛ́n gan lɛ́ɛ lě e Mɔyízi ɖɔ gbɔn é. Itamáa, vɔ̌sánú-xwlémawutɔ́ Aalɔ́ɔn ví ɔ́ wɛ nɔ ɛ nu.

Eblée 8:5

Azɔ̌ e wa wɛ vɔ̌sánú-xwlémawutɔ́ énɛ́ lɛ́ɛ ɖe ɔ́ nyí xlɛ̌, bó nyí yɛ nǔ e ɖo sɛ́xwé ɔ́ tɔn. É sɔgbe xá nǔ e jɔ dó Mɔyízi ji ɔ́. Hwenu e é ɖo goxɔ ɔ́ na gbá wɛ ɔ́, Mawu ɖɔ n'i ɖɔ: “Ayi towe ní nɔ ée un xlɛ́ we ɖo só jí ɔ́ jí, bó bló bǐ nú é sɔgbe xá.”

Eblée 8:2

É ɖo vɔ̌sánú-xwlémawutɔ́ ɖaxó sín azɔ̌ wa wɛ ɖo Tɛn mímɛ́ bǐ ɔ́ mɛ; Tɛn mímɛ́ bǐ e nyí goxɔ titewungbe e gbɛtɔ́ ma gbá ǎ, bɔ Aklúnɔ gbá é.

2 Tan 24:6

Axɔ́sú ɔ́ ylɔ́ Yexoyada vɔ̌sánú-xwlémawutɔ́ ɖaxó ɔ́, bó ɖɔ n'i ɖɔ: “Tokwɛ́ e Mɔyízi mɛsɛntɔ́ Mawu Mavɔmavɔ tɔn ɔ́ ɖɔ è nǎ yǐ ɖo Izlayɛ́linu lɛ́ɛ sí, bó ná dó bló goxɔ e mɛ akɔjijɛgbá ɔ́ ɖe ɔ́ ɖó ná bɔ Izlayɛ́li togun ɔ́ bǐ yí gbe ná ɔ́, étɛ́wú wɛ a ma kpé nukún d'é wú, bónú Levíi ví lɛ́ɛ ní yi yí ɖo Judáanu lɛ́ɛ kpó Jeluzalɛ́munu lɛ́ɛ kpó sí ǎ?

1 Tan 28:19

Davídi ɖɔ: “Nǔ énɛ́ lɛ́ɛ bǐ ɖo wěma e un yí ɖo Mawu Mavɔmavɔ sí ɔ́ mɛ; wěma ɔ́ tín lě e è nǎ wa azɔ̌ lɛ́ɛ gbɔn ɔ́ mɛ ganjí.”

1 Tan 28:11

Davídi zé Mawu Mavɔmavɔ xwé ɔ́ kpó xɔ e ná nɔ mɛ lɛ́ɛ kpó sín ɖiɖe nú Salomɔ́ɔ: dɔkun xɔ lɛ́ɛ, xɔ e ɖo síngbó jí lɛ́ɛ, xɔ e ɖo do lɛ́ɛ, kpódó xɔ e mɛ akɔjijɛgbá Mawu Mavɔmavɔ tɔn ná nɔ ɔ́ kpó.

Jozuwée 18:1

To ɔ́ jɛ Izlayɛ́li ví lɛ́ɛ sín acɛ mɛ, bɔ yě bǐ kplé ɖo Silóo, bó dó goxɔ e mɛ Mawu Mavɔmavɔ ná nɔ́ wá kpé yě ɖe ɔ́ nyi fínɛ́.

Kɛ́nsísɔ́ 18:2

A nǎ ylɔ́ nɔví towe súnnu e ɖo akɔta Levíi tɔn ɔ́ mɛ lɛ́ɛ, bɔ yě ná wá gɔ̌n towe. Hwenu e hwi kpó vǐ towe lɛ́ɛ kpó ná ɖo azɔ̌ wa wɛ ɖo Goxɔ ɔ́ nukɔn ɔ́, yě ná xo kpó ɖó nú mi, bo ná wa azɔ̌ xá mi.

Kɛ́nsísɔ́ 10:11

Izlayɛ́li ví lɛ́ɛ gosín Ejípu ɔ́, é bló xwe we. Sun wegɔ́ ɔ́ e ɖo xwe énɛ́ ɔ́ mɛ ɔ́ sín azǎn kogɔ́ ɔ́ gbe ɔ́, akpɔ́kpɔ́ ɔ́ sí te ɖo Goxɔ ɔ́ jí,

Kɛ́nsísɔ́ 9:15

Gbe e gbe Mɔyízi kɛ́ Goxɔ ɔ́, akpɔ́kpɔ́ cyɔ́n ɛ bǐ. Goxɔ ɔ́ mɛ wɛ akɔjijɛgbá ɔ́ ɖe. Akpɔ́kpɔ́ ɔ́ cí myɔ ɖɔhun ɖo Goxɔ ɔ́ jí sín gbadanu káká bɔ ayǐ hɔ́n.

Tíntɔ́n 26:30

A nǎ bló goxɔ ɔ́, bɔ é ná sɔgbe xá xlɛ̌ e un ná we ɖo só élɔ́ jí fí din é.

Tíntɔ́n 27:8

Xwlɛ ɔ́ wɛ a nǎ zé dó bló vɔ̌sákpe ɔ́ ná, nǔ ɖěbǔ ná ɖo xo tɔn mɛ ǎ, bɔ é ná sɔgbe xá ée un xlɛ́ we ɖo só jí fí din é.

Jozuwée 3:14

Ée togun ɔ́ se mɔ̌ ɔ́, é gosín fí e é ɖe ɔ́, bó ná dó asá Judɛ́ɛn tɔ ɔ́. Vɔ̌sánú-xwlémawutɔ́ e hɛn akɔjijɛgbá Aklúnɔ tɔn lɛ́ɛ jɛ nukɔn nú yě.